RBNIR:
dia ampiko hoe mbola mitovy amin'ireo teny ireo ihany koa no nataon'i petera tao amin'ny Asa 8
sy ny nataon'i paoly tao amin'ny Asa 19
Mat.3:11
11. Izaho dia manao batisa anareo amin'ny rano ho amin'ny fibebahana; fa Ilay avy ao aoriako no mahery noho izaho, ka tsy miendrika hitondra ny kapany aza aho;
Izy no hanao batisa anareo amin'ny Fanahy Masina sy ny afo;
Asa.1:5
5. fa Jaona nanao batisa tamin'ny rano; fa ianareo kosa hatao batisa amin'ny Fanahy Masina, rehefa afaka andro vitsivitsy.
Mitovy amin'ireo ihany no nitranga tato....
Asa8:12;15-17
12Ary rehefa nino an'i Filipo nitory ny teny soa mahafaly ny amin'ny fanjakan'Andriamanitra sy ny anaran'i Jesosy Kristy ireo, dia natao batisa avokoa na lahy na vavy........
15Nony tafidina tany izy roa lahy, dia nivavaka ho an'ny olona mba handraisany ny Fanahy Masina. 16Fa tsy mbola nisy nilatsahany izy na dia iray akory aza; fa natao batisa tamin'ny anaran'i Jesosy Tompo ihany izy. 17Ary izy roa lahy nametra-tanana taminy, ka dia nandray ny Fanahy Masina ireo.
Natao batisa aloha dia hitan'ny apostoly fa tsy mbola nandray ny Fanahy Masina dia natao batisa tamin'ny anaran'i JEsosy Tompo (tsy hoe natao batisan'ny rano fanindroany) fa io ilay batisan'ny Fanahy Masina (notsindrina tsara hoe amin'ny anaran'i JEsosy Tompo satria i Jesosy Tompo no manao batisa fa tsy ny apostoly).
(batisan'i JAona = Jaona no manao ilay batisa
Batisan'i Jesosy Tompo = Jesosy Tompo no manao batisa izay no fanazavana. ary rehefa i Jesosy Tompo no manao batisa dia batisan'ny Fanahy Masina izay no ataony.
Dia mbola mitovy amin'izay tsy misy valaka mihitsy no nitraga tato amin'ny Asa 19
3Ary hoy Paoly: Ho amin'inona ary no nanaovana batisa anareo? Dia hoy ireo: Ho amin'ny batisan'i Jaona. 4Fa hoy Paoly: Jaona nanao ny batisan'ny fibebahana ka nilaza tamin'ny olona hino Izay ho avy manaraka azy, dia Jesosy. 5Ary raha nahare izany izy, dia natao batisa ho amin'ny anaran'i Jesosy Tompo. 6Ary rehefa nametrahan'i Paoly tanana izy, dia nilatsaka taminy ny Fanahy Masina; ary niteny tamin'ny teny tsy fantatra izy sady naminany.
Mitovy daholo ihany ireo teny ireo atao batisa amin'ny anaran'i JEsosy Tompo = ataon'i JEsosy Tompo batisa = Batisan'ny Fanahy Masina....
Indray mandeha ihany no azo atao batisan'ny rano ny olona....(na batisan'i JAona na batisa ataon'ny apostoly....
Dia ny tena marina ny olona rehefa tsy nahazo iraka mivantana avy any an-danitra (avy amin'ny Ray (tahaka an i Jaona) na avy amin'ny Zanaka (tahaka ny apostoly) na avy amin'ny Fanahy Masina (tahaka an'i filipo) dia tsy tokony hanao batisa satria batisa avy any an-danitra no tena takin'*Andriamanitra....
Ka manamarina ny ambarako amin'ilay lohahevitra anie ireo RBNIR e!
Ny nambarako taminao hatramin'ny voalohany dia hoe ny batisan'i Jaona tsy mitovy ny batisa kristiana fa ny batisa kristiana tsy nisy raha tsy nitsangana tamin'ny maty i Jesoa
araka ny nanirahiny ny mpianany teto :
Matio 28:19 (MBP)
koa mandehana hianareo, dia ataovy mpianatra ny firenena rehetra, manao batisa azy ho amin’ny anaran’ny Ray sy ny Zanaka ary ny Fanahy Masina
dia izao RBNIR, raha tsy mbola nisy ny batisa kristiana talohan'i Jesoa niteny io dia mazava hoazy fa inona no ohatra noraisin'i Jesoa? ny batisa fantatry ny mpianatra dia ny batisa nataon'i Jaona.
tadidio fa ny dikan'ny batisa arabakiteny dia hoe nalentika na narendrika na naroboka, ny an'i Jaona tao anaty rano mba ho mariky ny fibebahana,
Asan’ny Apostoly 13:24 (MBP)
rehefa notorin’i Jaona tamin’ny olona Isiraely rehetra aloha ny
batisan’ny fibebahana,
fony tsy mbola tonga Izy.
jereo tsara fa misy soratra eo hoe fony tsy mbola tonga izy rehefa tonga Jesoa
ny batisa kristiana na amin'ny anaran'i Jesoa dia batisa amin'ny fahafatesan'i Jesoa teo amin'ny hazo fijaliana
Romana 6:3 (MBP)
Tsy fantatrareo va fa na iza na iza isika no efa natao batisa ho amin’i Kristy Jesosy dia natao
batisa ho amin’ny fahafatesany?
ka jereo tsara RBNIR fa ny efesiana hoy aho efa nataon'i Jaona batisa dia avy eo natao batisa amin'ny anaran'i Jesoa Kristy izay midika hoe batisa ho amin'ny fahafatesany araka ny voalaza eo amin'ny Romana 6:3 io
vakio tsara anie :
Ary hoy Paoly: Ho amin’inona ary no nanaovana batisa anareo? Dia hoy ireo:
Ho amin’ny batisan’i Jaona. Fa hoy Paoly: Jaona nanao ny batisan’ny fibebahana ka nilaza tamin’ny olona hino Izay ho avy manaraka azy, dia Jesosy. 5Ary raha nahare izany izy,
dia natao batisa ho amin’ny anaran’i Jesosy Tompo.
mivavaka ho anao RBNIR mba hisokatra ny masom-panahinao fa raha manao étude de texte tsotra ianao dia mahita mazava be hoe misy batisa 2 samy hafa voalaza eo
1) batisan'i Jaona
2) batisa ho amin'ny anaran'i jesoa
dia efa noresahintsika tao aloha tao koa fa ny batisa ho amin'ny anaran'i Jesoa dia tsy batisan'ny Fanahy Masina satria nisy ireo samaritana natao batisa ho amin'ny anaran'i Jesoa no tsy nandray ny Fanahy Masina raha tsy nametrahin'i Petera tanana
16Fa tsy mbola nisy nilatsahany izy na dia iray akory aza; fa natao batisa tamin’ny anaran’i Jesosy Tompo ihany izy.
ary ohatra lehibe farany hilazako aminao fa tsy mitovy ny batisa amin'ny anaran'i Jesoa sy ny batisan'ny Fanahy Masina dia ry Kornelio mianakavy :
Asan'ny apostoly 10 :
44Raha mbola nilaza izany teny izany Petera, dia
nilatsaka tamin’izay rehetra nandre ny teny ny Fanahy Masina. 45Ary talanjona ny mino isan’ny voafora izay niaraka tamin’i Petera, satria nilatsaka tamin’ny jentilisa koa ny fanomezana, dia ny Fanahy Masina. 46Fa nandre azy niteny tamin’ny fiteny tsy fantatra sy nankalaza an’Andriamanitra izy.
Dia namaly Petera ka nanao hoe: 47Moa misy olona mahazo mandrara ny rano tsy hanaovana batisa ireo, izay efa nandray ny Fanahy Masina tahaka antsika koa?
48Dia nasainy natao batisa amin’ny anaran’i Jesosy Kristy izy. Ary nangatahin’ireo mba hitoetra ao aminy andro vitsivitsy izy.
1) batisan'ny Fanahy Masina :
nilatsaka tamin’izay rehetra nandre ny teny ny Fanahy Masina
2) batisa kristiana :
48Dia nasainy natao batisa amin’ny anaran’i Jesosy Kristy izy
