[quote=RBNIR]
Efa nanome porofo Andriamanitra fa hainy ny manova ny rano ho rà.....« Ary hoy Jehovah tamin'i Mosesy: Lazao amin'i Arona hoe: Raiso ny tehinao, ka ahinjiro ambonin'ny ranon'i Egypta ny tananao, dia ambonin'ny sampan-dranony sy ambonin'ny lahin-dranony, sy ambonin'ny heniheniny, ary ambonin'ny kamoriny rehetra, mba ho tonga rà ireny; ary hisy rà eran'ny tany Egypta rehetra, na amin'ny fitoeran-drano hazo na amin'ny fitoeran-drano vato. » (Eksodosy 7:19)
asa aloha hoe ry RBNIR , inona no ataonao hoe porofo ; ny azoko lazaina dia mety ho "porofo" tokoa izany ho an'ireo olona mino fa tena marina sy nisy tokoa izay voalaza ao anaty ny baiboly , izany hoe ireo izay mifototra amin'ny baiboly ny finoany !(jiosy , kristiana , silamo )
ho an'ny hafa kosa dia :
-boki-pinoana nosoratan'olombelona io (tahakan'ny boki-pinoana rehetra misy eto an-tany)
misy am-pahany ara-tantara ao anatin'izy ireny , izay tena nitranga tokoa ; amin'ny alalan'ny fampitahana ny voalaza ao amin'ireo tolotra hafa :"annales assyriennes, egyptiennes , babyloniennes..." , hitan'ireo mpanao fikarohana ( soratra hita eo amin'ny vohon'ny taotavy tanimanga aman'etsiny mbola voatahiry hatramin'izao -Musée du Louvres , British Museum ,na koa any amin'ireo musée maro any USA -PHILADELPHIE, HARVARD ...ary efa fantatra ny taona nanoratana azy amin'izao fotoana izao )
ny fahalalana aterak'ireny fikarohana ireny dia fahalalana azon'ny tsirairay (=ireo manam-pahaizana afaka mamaky ny teny samihafa nananoratana azy ireny , manana ny fitaovana ahafantarana ny daty nanoratana ) azy hamarinina na inona na inona finoany eny na tsy mpino aza ilay olona ( fahalalana izay mitovy saranga epistemolojika amin'ny fahalalana siantifika hafa rehetra !)
ny karazana porofo hafa koa azo ekena ka manamafy fa tena nisy tokoa ilay tranga dia ny ...fanaovana fanandramana mivantana , arahin'ny toera-pikarohana rehetra eto an-tany : ahinjitra ny tanan'izay olona fa heverinareo fa tena irakin'ny Andriamnitra inoanareo (Heriniaina ohatra na koa ry Fabiola -izay milaza koa fa sady nahita maso an'iYeshua no nirahiny aty Madagasikara hanao "mission" ) dia ho hita eo raha hisy ho lasa rà tokoa na tsia
Ny fahalalan'olombelona dia voafetra amin'ny hitany sy tsapany ankehitriny.....
Voafetran'ny fampiasana ny retsipamantarana (hita, tsapa , ...)tokoa ve ny fahalalan-draolombelona ?
Sao dia ireo nanoratra ny baiboly kosa aza no voafetran'izany ny fahalalany ?
ohatra tsotra :
toa tsy fantany fa ny tany no mihodina manodidina ny masoandro ;aman'arivo taona taty aoriana izany vao fantatry ny fahalalan-dRaolombelona ary nohenjehin'ny kristiana tahakanareo , ireo izay sahy nilaza an'izany satria ny "masoandro no nibaikon'i Josoa iantona eny an-danitra" (Copernic , Galilée )
afatsy ireo zava-manan'aina izay tsy voaresaka tamin'ny andron'i Noa sy ny sambony (izay mbola kopi-kolé nalaiana tamin'ny sivilizasiona mesopotamiana)
tsy niresaka momban'ny bactérie , na ny virus ry zareo na koa ny dinosaures sy ireo biby goavana rehetra nisy tany aloha tany (izay nisy efa hatram'ny 200 000 000 taona lasa izay -ny "fahalalana" -izay tsy misy fetra tokoa ny fahajambany sy ny fahavendranany -atolotry ny kristiana iringiriny dia vao 6 000 taona izay ny tany sy ny olombelona no nisy ! koa tsy mahagaga raha tsy nahafantatar ireo voalazako ireo ny mpanoratra ny baiboly satria izay ...HITANY SY TSAPANY ihany no noresahiny
eny voafetra angamba ny fahalalan'olombeloana ankehitriny ry RBNIR fa saingy io fahalalana voafetra io no afahanao manoratra eto na koa iantsoanao ny olona akaiky anao na aiz na aiza no misy anao fa ilay fahalalana "tsy misy kilema" kosa dia hatramin'izao aloha dia AOTRA ilay fahamarinan'ny hoe tena nisy tokoa ny "rà nameno ny farihy , na ny ranomasina na koa ny masoandro nihantona eny an-danitra ..."
Ary ny Baiboly no manamarina ny fisian'Atra. Ary ny Baiboly no manamarina ny Baiboly.