Dia (tsy) miala tsiny fa dia mampome (ahy) ilay izy... Dia I Gasy1zay izany mitady hanafintohina ireo madinika (ao @ sekta) izay "mino" Azy koa an... Ka dia inty ho'a ny an'i Tony dia lasa i Tony :-)

Marka 9:42 Ary na iza na iza no mahatafintohina na iray aza amin’ ireo madinika mino Ahy ireo, dia tsara ho azy, raha anantonana vato lehibe fikosoham-bary ny vozony, ka hatsipy ao anaty ranomasina izy. 43 Ary raha ny tananao no manafintohina anao, tapaho izy;

hery:

Mahafoy dia mahazo

Tsy tokony miara-mahafoy sy miara-mahazo ve? Na farahafaratsiny mba tsy samihafa be ny fahazoana?

Tena tsy tantiko ny mahita pasitera na mompera manana fiara lafo vidy be (Hummer, 4x4, sns) kanefa ny olona mandeha tsy mikapa mamonjy fiangonana ary asaina mandoa ny ampahafolon-karena.

Dia miverina ilay resaka asa fiantrana nolazaiko.

Tsy voatery asehoseho ilay asa fiantrana fa hita ho azy raha misy e. Raha manomboka milamina ara-toekarena ny mpivavaka ao aminao (izay hita maso amin'ny fampianaran-janaka, amin'ny fivelaran'ny maha olona sns), dia hitan'ny olona ihany. Fa raha miha bokan'ny ampahafolon-karena (harena izay efa zara raha misy) dia hafahafa ihany.

Raha variana mijery ireny "fananan"ny levita" ireny hoy aho isika dia hitsiry ao amin-tsika ny hevitra ratsy rehetra izay hisakana an-tsika tsy hitandrina ny didin'Andriamanitra (manjary isika indray no tsy mahatanteraka ny sitrapon'Andriamanitra takiany ao amin'ny Mat.7:21).
Bokan'ny ampahafolon-karena. Diso ange izany e :
« Entonareo ny fahafolon-karena rehetra ho ao amin'ny trano firaketako, mba hasian-kanina ao an-tranoko, ary izahao toetra amin'izany Aho, hoy Jehovah, Tompon'ny maro, raha tsy hovohako ny varavaran'ny lanitra ho anareo ka hampidinako fitahiana manana amby ampy ho anareo. » (Mal.3:10)

gasy1zay:

Dia averiko farany raha ny baiboly no jerena dia : TSY FEPETRA AHAZOANA FAMONJENA NY FAHAFOLON-KARENA

Efa nohamafisiko teo ambony (nefa mahatsara moa ny teny miverimberina) fa amin'izao fanekena vaovao izao dia tena mbola takian'Andriamanitra ny fitandremana ireo "lalàna momba ny tsy fahatokiana ara-tsaina (anisany ny fahafolon-karena).
Porofo : maty ireo "mpino" izay tsy nanaja io sokajin-dalana io (Ananiasy sy Safira).
Raha tsy fepetra hahazoana famonjena izany inona no tokony hamonoan'Andriamanitra azireo????? Betsaka ny nanota tamin'Andriamanitra ireo mpino taloha (i petera ohatra) fa diniho fa ny azy roa ireo dia hoe "tsy ny olona no nandaingany fa ny Fanahin'Andriamanitra".
Izay saina "mandainga amin'ny Fanahin'Andriamanitra" izay ilay mahavery any amn'ny Afobe ry namana.
Ary matoa napetraka ny fahafolon-karena dia ny mba hianaran'ny olona "hatahotra an'Andriamanitra ka hialan'ny olona amin'izay "saina mahavery" izay.
« dia aoka ho eo anatrehan'i Jehovah Andriamanitrao eo amin'ny tany izany hofidiny hampitoerany ny anarany no hihinananao ny ampahafolon'ny varinao sy ny ranom-boalobokao sy ny diloilonao ary ny voalohan-teraky ny ombinao sy ny ondry aman'osinao, mba hianaranao hatahotra an'i Jehovah Andriamanitrao mandrakariva. » (Deot. 14:23)

Hamafisiko izay no antony mahavery ny olona tsy mitandrina ny fahafolon-karena satria raha tsy manao izay ilay olona dia mandainga amin'Andriamanitra fa tsy amin'ny olona.

Ary hitako fa diso fandray koa ianao amin'ilay fanoharana ao amin'ny lio.18:9-14 satria tsy ny hanambarana amin'ny olona fa tsy fepetra hidirana ny fanjakan'ny lanitra ny fahafolon-karena no tena nanomezana an'io fanoharana io fa ny mba hampianarana ny olona hahay hanetrena tena manoloana an'Andriamanitra.
Vakio tsara fa izao ny conclusion'i JEsosy eo amin'ny lio.18:14 « Lazaiko aminareo: Izany lehilahy izany nidina tany an-tranony efa nohamarinina noho ny anankiray; fa izay rehetra manandra-tena no haetry, ary izay rehetra manetry tena no hasandratra. » (Lio.18:14)

Nihevitra ilay fariseo fa satria "nahavita" izy dia izy no ambony eo anatrehan'Andriamanitra mihoatra "ireo noheveriny ho tsy mahavita".

Izay saina izay no nahitsin'i Jesosy namana.

Mitovy amin'ity ihany ny tanjon'io fanoharana io: « Dia tahaka izany koa ianareo, rehefa vitanareo izay rehetra nandidiana anareo, dia ataovy hoe: Mpanompo ny mahasoa izahay; ny tokony ho nataonay ihany no efa nataonay. » (Lio.17:10)

Mila mianatra isika hoy aho tadidio fa ny fahafolon-karena tena sitrapon'Andriamanitra ka isika tsy mahazo mitaona olona tsy hanao ny sitrapon'Andriamanitra satria mahavery ny olona any amin'ny Afobe izany.
« Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra. » (Mat.7:21)

Araho ary henoy tsara ilay fandaharana Vitao ny Asan'ny fahamarinana isa-maraina ao amin'ny kolo TV fa izay ange no anton'io fandaharana io e!

Nampianatra indray Jesosy mba ho fantatry ny olona ny tena marina rehetra nampianariny 2000 taona lasa izay dia mba tsy ho diso hevitra intsony ny olona rehetra fa afaka hanatena sy hiandrandra marina ilay fiainana mandrak'izay

Samia ho tahin'ny Tompo namana

RBNIR:

Mitovy amin'ity ihany ny tanjon'io fanoharana io: « Dia tahaka izany koa ianareo, rehefa vitanareo izay rehetra nandidiana anareo, dia ataovy hoe: Mpanompo ny mahasoa izahay; ny tokony ho nataonay ihany no efa nataonay. » (Lio.17:10)

Entre parenthèse kely ity,
Be dia be no tsy mahazaka raha vao maheno hoe didina isika.....Satria heveriny ho didim-piangonana ilay izy nefa dinio tsara io Lio.17:10 io : TENA NISY ZAVATRA NANDIDIAN'I JESOSY ny olona (izany hoe tsy maintsy tanterahana satria Didy.

Tsy didim-piangonana fa didy avy amin'i JEsosy (ILAY TOMPON-TSIKA IZAY TOMPOIN-TSIKA ARY TANTERAHINTSIKA NY SITRAPONY REHETRA)

hery:

Rehefa tapi-dalan-kaleha tsy manana fanetren-tena hiverina dia roa ny safidy. Na manakipy maso dia manao tahaka ny fanatika, na mifindra sekta vaovao dia toa izany hatrany, mandra-paha tapa-kevitra hoe aleo manakipy maso dia manao tahaka ny fanatika.

Rehefa tapa-kevitra ny ho fanatika dia miezaka tsy mijery ilay "tsy mamely" fa atao "mamely" daholo izay hita.

+1
:-)

bor2lais:

Rehefa tapa-kevitra ny ho fanatika dia miezaka tsy mijery ilay "tsy mamely" fa atao "mamely" daholo izay hita.

Faly misera hatrany ry namana,

Ilay hoe fanatika no itako indro kely : raha mino ianao fa izay no marina inona no tsy hijoroanao amin'izany?

Resaka fanatisme v izany e?

Samia ho tahin'ny Tompo namana

RBNIR:

Ilay hoe fanatika no itako indro kely : raha mino ianao fa izay no marina inona no tsy hijoroanao amin'izany?

Resaka fanatisme v izany e?

Mangidihidy sofina angaha RBNIR ?
:-)

bor2lais:

RBNIR:

Ilay hoe fanatika no itako indro kely : raha mino ianao fa izay no marina inona no tsy hijoroanao amin'izany?

Resaka fanatisme v izany e?

Mangidihidy sofina angaha RBNIR ?
:-)

Milaza ny marina fotsiny aho ka, tsy voatery ho fanatisme fa fijoroana amin'ny izay marina fantatre e!

Nampiditra ny resaka Ananiasy sy Safira i RBNR dia araraotiko fa tsy resaka ampahafolon-karena ilay izy.

Ny an'ny Apostoly sy ny kristianina voalohany dia nitambarana tanteraka ny fananana. Raha mahazo vokatra ianao dia omena 100% ny ankohonana (na ny fiangonana) dia ao indray no maka izay ilaina. Mbola miaina izany ny ankohonana (communautés sy congrégations religieuses) katolika amin'izao fotoana izao.

Tsy mitovy amin'ny fahafolon-karena io satria ny tsirairay dia manome izay ananany (na kely na betsaka) ary afaka maka malalaka tsara afaka maka izay ilainy (na kely na betska) tsy miankina amin'ny filaharany sns. Tsy misy hoe ny "levita" ihany no misonanika.

Ny tsy fisian'ny rariny (justice) eo amin'ilay resaka fahafolon-karena ihany no olana. Satria takiana isanjato mitovy (10%) avokoa hatramin'ny efa mahantra. Nefa tsy mahazo ampahany akory avy eo.

RBNIR:


Ary matoa napetraka ny fahafolon-karena dia ny mba hianaran'ny olona "hatahotra an'Andriamanitra ka hialan'ny olona amin'izay "saina mahavery" izay.
« dia aoka ho eo anatrehan'i Jehovah Andriamanitrao eo amin'ny tany izany hofidiny hampitoerany ny anarany no hihinananao ny ampahafolon'ny varinao sy ny ranom-boalobokao sy ny diloilonao ary ny voalohan-teraky ny ombinao sy ny ondry aman'osinao, mba hianaranao hatahotra an'i Jehovah Andriamanitrao mandrakariva. » (Deot. 14:23)

Hamafisiko izay no antony mahavery ny olona tsy mitandrina ny fahafolon-karena satria raha tsy manao izay ilay olona dia mandainga amin'Andriamanitra fa tsy amin'ny olona.

1- izaho manokana aloha dia tsy tia mivoy ilay resaka "tahotra an'Andriamanitra" @ resaka finoana fa ilay "Fitiavan'Andriamanitra" no tiako kokoa. Tsy mampitahotra anie lery e :-P

2- noho izany dia manome am-pitiavana ihany koa aho fa tsy noho ny amin'ny tahotra sy ny lalàna. Mety ho am-pahafolony na tsia , mety ho am-paha roapolony , atsasany na izy rehetra.

3- dans la pratique, mahita akaiky ny fandehan'ny fiangonana aho (comité financière) dia mahita mangarahara ny fandehan'ny vola ao am-piangonana dia arak'izay koa no hanomezako. Mandà aho raha toa ka hividianana 4x4 ho an'ny levita ny budget kanefa izy fantatra fa afaka mandeha @ izay misy eo

Ilay "levita" mihitsy ny an'ny sasany no efa hitam-poko hitam-pirenena fa levita sandoka nefa dia iaretana "trèfle" eo ihany (hoy ny fitenenana) ka omena fahafolonkarena ! :-)

Izay ilay fanatisma ry RBNIR a : lasa culte de personnalité na koa hoe gourou ! :-)

hery:

Nampiditra ny resaka Ananiasy sy Safira i RBNR dia araraotiko fa tsy resaka ampahafolon-karena ilay izy.

Faly misera hatrany namana,

Tsy azonao ilay izy raha izany, izao tsy niteny hoe resaka ampahafolon-karena iny fa ny nolazaiko dia hoe nandika ny atao hoe "loi pour l'infidélité morale" izireo (lalàna momba ny tsy fahatokiana ara-tsaina).

Ny fahafolokarena dia an'isan'ny tafiditra ao amin'io karazana lalàna io. (lalàna izay napetrak'Andriamanitra hizahana toetra ny olona raha mahatoky any amin'ny takona ilay olona na tsia (ianao sy Izy irery no mifankahita ao)

Iny tantara iny no porofo fa tena takin'Andriamanitra amin'izao fotoana izao ny fahatokiana any amin'ny takona (anisany hoy aho ny fahafolokarena)

Izay ilay izy namana

Samia ho tahin'ny Tompo

vahiny2004:

1- izaho manokana aloha dia tsy tia mivoy ilay resaka "tahotra an'Andriamanitra" @ resaka finoana fa ilay "Fitiavan'Andriamanitra" no tiako kokoa. Tsy mampitahotra anie lery e :-P

Ka izay mihitsy ange ilay izy namana e, rehefa tsy hatahorana IZY dia ny hafarany vitan-tsika ny milaza Azy hoe "lery"?? nefa dia IZY ilay nahary izao tontolo izao ny anjely any amin'ny apokalipsy anefa dia milaza amin'ny feo mahery manao hoe :« nanao tamin'ny feo mahery hoe: Matahora an'Andriamanitra, ka omeo voninahitra Izy; fa tonga ny andro* fitsarany; ary miankohofa eo anoloan'izay nanao ny lanitra sy ny tany sy ny ranomasina ary ny loharano. [* Gr. ora] » (Apok.14:7)

IZAY MANANA MASO AOKA HAHITA! IZAY MANANA SAINA AOKA HISAINA!

bor2lais:

Ilay "levita" mihitsy ny an'ny sasany no efa hitam-poko hitam-pirenena fa levita sandoka nefa dia iaretana "trèfle" eo ihany (hoy ny fitenenana) ka omena fahafolonkarena ! :-)
Izay ilay fanatisma ry RBNIR a : lasa culte de personnalité na koa hoe gourou ! :-)

Averiko hatrany tsy anjaran'ny olona no mitsara izay mpanompony fa manana ny mpampiasa azy izy hanitsy azy....« Iza moa ianao izay mitsara ny mpanompon'ny hafa? Amin'ny tompony ihany no ijoroany na ahalavoany. Nefa hampitoerina ihany izy; fa mahay mampitoetra azy ny Tompo. » (Rom.14:4)

Azireo sy ny Tompony izany tsy misy tokony hidirana velively satria Izy no manankarama azireo : raha tsy afapo Izy afaka tsy mandoa ny karamany (Inona moa no hahasakana Azy tsy hanao izany????)

RBNIR> Fa toa tsy nanao ny fahafolon-karena intsony tokoa raha izany ny kristianina voalohany e?

Nahaliana ahy ilay Rom 14, 4 nolazainao. Tokony haverimberina ho an'ireo mpanenjika ny Papa io :-p

Raha ny fahazoako azy, dia nandrindra ny fiaraha-moniny t@ izany fotoan'androny izany ireo olombe (nanoratra ny Baiboly), ary dia ny taxes ilaina ampandehanana ny fiaraha-monina dia ny 10% du revenu.

@ izao fotoana izao, efa tsy ireo olombe-mpinoana na koa ny Fiangonana intsony no mandrindra ny fiaraha-monina, fa efa misy ny fanjakana (maka efa ho 30% du revenu), ary izay no hanaovana lalana sns io...

Fa ny sasany moa tena mbola te-hahazo vola-na taxes, dia mody hoe ... hozy ny Baiboly.

Dia avy eo iny volan'olona iny no hikarakarany ... tena.

hery:

RBNIR> Fa toa tsy nanao ny fahafolon-karena intsony tokoa raha izany ny kristianina voalohany e?

Fahafolon-karena = anisan'ireo lalàna momba tsy fahatokiana ara-tsaina izay noporofoin'Andriamanitra fa tsy maintsy tandremana tamin'ny tantaran'i Ananiasy sy Safira noho izany mbola notandremana namana....

Izany hoe nomena manontolo ny ankohonana ny hareny rehetra... dia avy eo nomena koa ny fahafolon-karena? :-)

Ao amin'ny Asa 4, 32 etc mantsy misy tahaka izao:

"Ary niray fo sy fanahy avokoa ny mpino rehetra; tsy nisy nilaza ny fananany hoe azy, fa niombonany daholo ny zavatra rehetra. Tamin-kery lehibe no nanamarinan'ny Apostoly ny nitsanganan'i Jesoa Tompo tamin'ny maty, ary fahasoavana be no teo amin'izy rehetra. Tsy nisy mahantra teo amin'izy ireo, satria izay rehetra nanan-tany na trano, dia nivarotra azy sy nitondra ny vidin'izay lafo, ary nametraka azy teo an-tongotry ny Apostoly, ka nozarazaraina tamin'izy rehetra araka izay nilainy avy. Nisy levita anankiray atao hoe Josefa izay nomen'ny Apostoly anarana hoe Barnabe (izany hoe zanaky ny fanalana alahelo), teraka tany Sipra: nanan-tany izy, ka namidiny, dia nentiny ny vidiny sy napetrany teo an-tongotry ny Apostoly."

Izany hoe hatramin'ny Levita dia nanome manontolo ny fananany (fa tsy 10% intsony)

Aiza indray no mbola hakàna 10% raha efa nomena iombonana daholo?

rhaj0:

Dia avy eo iny volan'olona iny no hikarakarany ... tena.

Apetraho amin'ny toerany fotsiny ny tenan-tsika e, misy asa fitoriana tsy maintsy atao, misy fampahafantarana amin'ny alalan'ny aino amanjery sns....Sonorisation, déplacement ect....
Mandeha amin'ny rano v ny fitoriana namana? Jesosy aza nanao kitapom-bola nefa Izy no tompon'ny fahagagana?????

Izaho ao anatin'ny fitantanana ara-bolan'ny fiangonana namana, mahita tsara ny fidirany sy fivohahany, tsy adala akory aho fa tena mila vola ny fitoriana ny asan'Andriamanitra namana...

Ary izaho dia tena mampahery izay madio fo rehetra hanohana hatrany ny asan'Andriamanitra.

Izay manao izany no tena tia namana! Mahafohy ho famonjena ny hafa....