ikaretsaka:

izay nge letsy no tsy hitsimponako e.. satria avy eo samy "manadihady sy mi interpret an"iny araka izay hrevesany azy

==> Tsy ilay mamaky ny Soratra sy mandray no ratsy raha ny teninao. Ny manadihady sy mi interprète nefa tsy namaky akory azo atao koa, ary io koa ary toa be mpanao.

soanja:

Hoy i Jesoa izay raha tsy diso aho hoe: " Izay nataonareo tamin'ireny madinika ireny dia nataonareo tamiko..."

==> Hoy Jesoa, "Izay nataonareo tamin'ireto rahalahiko madinika indrindra ireto dia nataonareo tamiko". Iza no rahalahiNy ?
"Ireto no rahalahiko sy anabaviko ary reniko : izay mandre ny teniko ka mino izay naniraka ahy"

simplex:

amiko manokana,
Genese = angano
:)

==> Tadidiko fa isaka ny niady hevitra t@ mpino kristiana mafàna fo ireny aho (zah t@io mba isany ihany), dia izao ilay fiteniko hoe "izaho ts nahita ny colonisation, ka amiko dia azoko ekena fa tsy nisy izany fa tantara noforonina".
Izaho koa tsy niaina t@ andro nambaran'ny Genesisy, ary tsy mbola teraka ka afaka nahita izay fivoarana volazan'ny mpandinika. I Jesoa Kristy (izay voasoratra ao amin'ny Testamenta Vaovao) dia manambara fa marina ny Genesisy, ary izaho manambara fa velona Jesosy ary miteny hatramin'izao, ka izay mitady ny fahamarinana dia afaka handre Azy.

rakapy:

Amiko indray dia ny testameta taloha dia angano sy morale avokoa ny ankamarohany.
Ny testameta vaovao dia ekeko fa nisy fahamarinana ihany ny voasoratra ao nefa dia nafangaro moral sy angano ihany koa.

==> Raha moraly fotsiny ny Baiboly dia tsy misy tombony akory ny hamakiana azy, voa mafy indrindra izay mamaky ny Baiboly mba hangalana moraly (fitsipi-piainana) fotsiny. Na ny finoana nentin-drazana Malagasy aza mba manana moraly tsara mitovy amin'ny Baiboly. Izay mitady ny fahamarinana raha mamaky ny Baiboly dia hahita an'i Jesoa Kristy, izay tenin' Andriamanitra Velona.

rakapy:

Ka ilay teny hoe tahaka ny tarehintsika "ressemblence" izay mihintsy no tsy mety misy mahavaly ny tena dikany mazava.

==> Ianao sy ny sarinao no fanoharana noraisiko tetsy aloha, raha azo lazaina fa mitovy endrika aminao ny sarinao, dia tsy misy mahadiso mihitsy ny itenenana fa ny olombelona dia noforonin' Andriamanitra ho tahaka ny endriNy.
Raha tsy nisy nahafa-po anao ny olona dia Andriamanitra mihitsy anontaniana, ary henoy Izy fa miteny. Izaho koa taloha tsy afa-po tamin'ny valim-panontaniana toy izany, fa rehefa nandre an'i Jesosy aho dia afa-po isaka ny nangetaheta fahamarinana.

rakapy:

Raha izay no hitanao ho dikany mety dia tsara izany fa amiko kosa dia hitako sy tsapako fa maro ny zavatra noforonina toa angano ao anatin'io boky io.

==> Mety misy tokoa angamba ny angano ao anatin'io Baiboly io. Fa izay ambaran'ny Baiboly momba an'i Jesosy dia azoko antoka fa tsy angano fa tena marina, satria Izy no reko namaly ahy.

ravonjison:

Sarotra dia sarotra ny mandinika sy mamakafaka ny " Teo Izay Iray ( Trinité ) "

==> Sarotra lavitra kosa, ho an'ny mpamakafaka ny mino Azy, fa mora ho an'ny zaza madinika sy ny tsy manam-pahalalana ny mino. Izay mino sy hatao batisa no hovonjena.

rakapy:

Ilay A/tra tsy ankasitrahanao no mba tiako atao A/tro. :wink:

==> Izaho indray tsy manamboatra na menendry izay ho Andriamanitro, fa efa Izy no Andriamanitra kana hankasitraka aho na tsia dia izay no marina. Izy indray no nifidy ahy ary nanendry ahy mba ...

rakapy:

Angamba tsy misy interet ho anao ny hilazako azy ...

==> Marina ny anao. Izaho kosa raha milaza an'i Jesoa aminao dia tena misy intérét ho anao mihitsy.

[quote=rakapy
Fa ity no mba tiako lazaina aminao: Tena mahatsiaro faly sy sambatra aho miaraka amin'ilay A/tra tsy ankasitrahanareo.
[/quote]
==> Tena tsy mitovy tokoa izany ilay Andriamanitra inoantsika. Ilay Andriamanitra inoako nilaza ny fahasambarana sy fifaliana mifanohitra amin'ilay anao [Matio 5]. Ny fiainana eto ihany dia ahafantarana fa izay zavatra azo haingana sy eo no ho eo dia vetivety dia potika sy manjavona. Izaho miaraka amin'ilay Andriamanitra inoako, ny fifaliako sy fahasambarako dia tsy mbola feno sy tanteraka, saingy manana antoka kosa aho fa ho tonga lafatra izany ao an-danitra ao. Ianao efa mahatsapa sahady fa faly sy sambatra (?), saingy toa tsy manana antoka akory ny tohiny avy eo. Raha diso aho dia hazavao ihany.

Ratoa:

Aoka aho hiomehy :lol: :lol: :lol: :lol:
Tena tsy sahinao lazaina ilay izy. Agamba tsy manana akory ianao :lol: :lol: :lol: :lol: :lol: :lol: :lol: :lol: :lol: :lol:

==> Hoy koa Kristy hoe "satria ianao tsy mafana sady ts mangatsiaka, ka halohan'ny vavako"

rakapy:

Ohatra ny mitanisa tsianjery be no fahitako an'i Fidinirina satria dia tsy hitako nisongadina akory ilay valin'ilay loha-hevitra.

==> Manahirana tokoa ho an'ny tena misaina sy mandinika aloha ny mandray zavatra tsianjery be e. Tadidiko fa ireny table de multiplication ireny natao tsianjery b fa tsisy azo akory. Nefa voa mafy ihany taty aoriana raha tsy nahay an'ilay izy.

ari.malala:

fidinirina, k raha Atra sy Jesoa irery no niresaka d ataonao aiza ny Fanahy Masina? izay anie no maha trinite ny trinité e! aza adinoina!

==> Fa angaha ilay izy ry ari.malala tsy hoe telo izay iray ? Izany hoe vao miteny ny anakiray fotsiny aza enao defa tonga d eo foana le anakiroa hafa. Raha telo misaraka izy (fa tsy iray) dia hitako hoe voatery hiaraka tenenina fa raha vao tsy tenenina ny iray dia tezitra.

rakapy:

Misy ny teny mahalaza tsara an'io hevitra io dia ny hoe: TOETRA fa tsy ENDRIKA velively? ary ireo teny roa ireo dia samihafa ny dikany.

==> Hoy ilay fiteny izay hoe "Ny tarehy ratsy tsy azo ovàna fa ny toetra ratsy tsy azo ialàna". Samy hafa tokoa ny toetra sy ny endrika noho izao antony izao : ny endrika dia entina milaza fahatsarana (na faharatsian'ny) nofo (materialy), fa ny toetra kosa dia entina milaza ny fahatsarana (na faharatsian'ny) fanahy (spirituel).
Andriamanitra dia fanahy, ka inoana fa endriky ny fanahy (izany hoe toetra) no lazainy.

rakapy:

Raha mitovy aminy isika ,nahoana no tsy hitantsika izy?

==> Efa nazavaina teo aloha ny endrika sy toetra. Voasoratra hoe "namorona ny olona hitovy endrika aminy", fa voasoratra koa hoe simba ny endrik' Andriamanitra namoronana ny olona, ary mila averina amin'izany, itenenan'i Jesosy hoe "omeo an' Andriamanitra izay an' Andriamanitra".

rakapy:

Tena miova be izany ilay fandikana ilay tantara nomena antsika Gasy raha tena dinihina.

==>
Hoy ilay tovolahy tanora tamin'ilay dadabe "aza kendainao ny zaza rabaina ah!". Tsy azon'ingahibe ny resaka satria tsy nisy zaza nokendainy izany teo, fa raha nadika t@ fiteny ahazoan'ilay dadabe azy dia izao no tian'ilay tanora hambara "aza tazoninao ilay ariary folo ry dadabe ah".

Raha dikan-teny no jerena dia hoe niova tokoa, fa izaho mino fa Andriamanitra mahay miteny malagasy, ary mahay manambara ny heviNy @ teny malagasy araka izay hahafahan'ny Malagasy mahazo azy, ka na dia samihafa aza ny dikan-teny, ny hafatra sy fampianaran' Andriamanitra tsy miova.

rakapy:

Ireto misy teny izay nosoratanao ka mba ilako fanazavana raha tsy maha diso.
1- Mpahary, namorona izao rehetra izao

Midika ve izany fa izy no nahary ny RATSY koa? Ilay DEVOLY lazainareo?
==> Andriamanitra tsy namorona afa-tsy zavatra tsara, voasoratra ao ami'nny Genesisy izany. Ny ratsy kosa dia tsi-fisian'ny tsara na fanoherana ny tsara.
Andriamanitra no namorona izao rehetra izao, fa raha lasa devoly ny anjely sasany noforoniny, dia satria niala taminy.
Mety hanontany ianao hoe nahoana no nanohitra izy ireo ? Hoy ny tenin'i Paoly hoe "fandrao hirehareha izy ka ho tratran'ny fandriky ny devoly".
Noforonin' Andriamanitra ho tsara izy, saingy nirehareha sy niavonavona noho ny fahatsarany sy ny fahamboniana nomen' Andriamanitra azy, dia niala tamin' Andriamanitra. Dia fantatrao tsara hoe manao ahoana no iafaran'ny olona rehefa miavonavona sy mirehareha izy.

rakapy:

25- Mpamindra fo
26- Mpamela heloka
27- Mpanafaka
28- Mpamonjy ny olona rehetra
Raha mpamindra fo ,mpamela heloka, mpamonjy ny olona rehetra izany izy. Dia nahoana no lazaina fa ny olona rehetra dia meloka sy misy fahotana avokoa raha vao teraka?

==> Tsy hitanao voavaly ao ihany ve ilay fanontanianao ? Ny olona rehetra dia meloka, ary Izy no Mpamindra fo ka mamonjy ny olona rehetra. Izay tsy meloka tsy mila famonjena sy famindram-po.

rakapy:

Tsy tokony efa ho afaka ve izany ny helotsika?
satria raha voalaza fa i Adama sy Eva no nanota dia isika rehetra hatramin'izao dia mbola lazaina fa voaheloka sy mpanota avokoa?

==> Tokony, raha toa i Adama sy Eva tsy nisitrika tao @ maizina sy nanilika ny fahotana tany @ hafa, dia tamin' Andriamanitra ihany.
Mandraka ankehitriny ny olombelona manota, mpanota, dia mbola mandositra ny tavan' Andriamanitra ihany, ary rehefa manomboka manadina azy Andriamanitra (@ alalan'i Jesoa Kristy), dia mbola manilika ny fahadisoana amin'ny hafa ihany. Fa ho antsika koa, "raha miaiky ny fahotantsika isika dia mahatoky sy marina Izy ka manadio antsika ho afaka amin'ny tsi-fahamarinana rehetra".

hoy iFidinirina

Hamafisiko indray fa tsy avy amin’Andriamanitra velively ny ratsy, tsia.

hoy iRzakarivola

Andriamanitra tsy namorona afa-tsy zavatra tsara, voasoratra ao ami'nny Genesisy izany.

Ohatra tsotra no entiko hamaliana ny voalazanareo.
Raha nanao sakafo ho an'ny zanakao mbola kely ianao. Ianao ihany no niantsena no sady nikarara ny sakafon'izy ireo. Ianao no maso-mandidy ao @ lakozianao sy ny sakafo ketrehinao.
Tonga ny fotoana fisakafoanana, diso be sira na manta mohoka ny vary.
-Iza no naha be sira sy nahanahamanta mohoka ny vary izay natokonao? ny zanakao ve sa ny mpifanila-bodirindrina aminao sa...?

Dia mitovy @ izay ilay A/tra lazainareo fa tsy namorona ny ratsy. Raha izy no voalaza fa namorona ny zavatra rehetra dia izy ihany koa izany no namorona izay heverintsika olombelona fa RATSY.

rakapy:

Fa iza izany no namorona ny ratsy nefa voalaza fa izy no nahary ny zavatra rehetra na ny hita na tsy hita maso? misy A/tra hafa ve izany namorona ny ratsy ?

==> Ny tsara no noforonina. Ny ratsy dia ny tsi-fisiana na fanoherana ny tsara.
Ny mazava no noforonina, fa ny maizina dia tsi-fisian\'ny mazava.
Ny marina no misy, fa ny lainga (na fitaka) dia fialana amin\'ny marina.
\"Ny devoly dia mpandainga sady rain\'ny lainga, izy dia mpamono olona hatramin\'ny voalohany\"

rakapy:

Raha tsara avoko ny toetra noforoniny, nahoana no misy mivadika sy nanohitra azy?

==> Ilay [Isaia 14:12-15] nolazain\'i fidinirina tetsy ambony milaza mazava ny antony. Ny fanoharana entiko fotsiny dia izao : rehefa mihevitra ny olona fa izy no ambony indrindra eo @ toerana iray, dia afaka manao izay tiany atao izy.

rakapy:

Ary nahoana no nazera ...

==> Rehefa tonga i Jesoa (izay ambony noho izy rehetra), dia afaka nahita an\' Andriamanitra amin\'izay ny rehetra, ary teo vao tena menatra mafy izay nanao ny sitrapony (fa tsy ny sitrapon\' Andriamanitra). Ny fahazavan\'i Kristy no tsy zakany ka nampianjera azy tety an-tany.
Izao indray no fanoharana entiko amin\'izay. Ndeha atao hoe mitondra bisikileta na moto ianao @ andro efa maizina, mifanena amina camion be izay mitaratra jiro be mahajambena ny masonao (tsy misy fiarovana), inona no zava-mitranga?

rakapy:

... tety an-tany fa tsy tany @ toerana tsy misy olombelona na toerana hafa? Fitiavana ve izany raha ny heritreritrao?

==> Hoy ny voasoratra \"raha mihinana izany ianao dia ho faty ... nihinana izy ireo ... Noroahin\' Andriamanitra niala tao Edena ny olona rehefa tafasaraka taminy, ary nampitafiany hodi-biby. Dia indro isika mitafy nofo toy ny biby, ary tsy any an-danitra fa eto an-tany.
Te hanontany anao aho, aiza no toerana misy olombelona ? Aiza no toerana tsy misy olombelona ?

NB: Hoy ilay Apostoly Malagasy Daniel Rakotozandriny hoe \"Ianareo no havako itomaniako. Ny olona tafasaraka amin\' Andriamanitra dia maty\". Ary izany koa no ambaran\'ny Baiboly ny amin\'ny fahafatesana.

hoy rzkarivola

Hoy ny voasoratra "raha mihinana izany ianao dia ho faty

Raha tinao ve ny zanakao izy tsy mahalala n'inona n'inona dia hametraka sakafo maro eo ambony latabatra ianao ka ny iray @ ireo sakafo ireo dia POIZINA mahafaty? na dia nilaza aza ianao fa tsy azo ho hanina io fa maha faty dia mety misy ny ho solafaka ka hihinana.
Nahoana raha toa ka ny sakafo tsy mahafaty avokoa no napetraka eo ambony latabatra? Tsy fandrika ve izany raha ny fiheveranao @ maha olombelona anao?

> Ny tsara no noforonina. Ny ratsy dia ny tsi-fisiana na fanoherana ny tsara.
Ny mazava no noforonina, fa ny maizina dia tsi-fisian'ny mazava.
Ny marina no misy, fa ny lainga (na fitaka) dia fialana amin'ny marina.
"Ny devoly dia mpandainga sady rain'ny lainga, izy dia mpamono olona hatramin'ny voalohany

Dia mbola mitovy @ voalaza tetsy ambony ihany koa ity.
Tsara ve izany ilay voankazo noforona. Ary raha ratsy dia iza no namorona azy?

Rzkzrivola> Tokony ho fantratrao fa izao dia tsy mino fa tenin'A/tra ny baiboly. Olombelona no nanoratra an'io boky io ary hevitr'olombelona no nampidirina sy nosoratana tao. Tsy midika anefa izany fa ratsy ny baiboly, fa misy ny tsara azo raisina ary misy koa ny ratsy.