yeee refa alohan'ny hiditra de misy maka ratsan-kazo ihany koa dia maka le rano iny de manao signe croix, de inona le dikan'iny?
Ny rano afafy amin'ny olona dia rano voahasina. Tso-drano no atao amin'ny famafazana rano. Raha andron'ny Paka no anaovana azy dia fanavaozana ny Batemy noraisin'ny tsirairay io.
Rehefa mahazo ny tso-drano ny olona dia misaotsa ny Ray sy Zanaka ary ny Fanahy Masina, izay no antony hanaovany famataran'ny hazofijaliana.
Fony mbola kely zaho de nandalo tany @ fiangonana katolika de zokinay mihinana kominio , de miteny le pretra de mamaly razoky.
Hatr@izao za mbola tsy nanontany olona hoe: inona ilay teny tenenin'i pretra alohan'ny hanome mofo dia inona ilay teny havalin'ilay hihinana mofo
Ny teny lazain'ny Pretra eo am-panomezana ny kominio dia hoe: vatan'i Kristy. Ny avaly azy, raha mino tokoa ianao: Amen.
Misy olona tonga dia atao any am-bavany ilay mofo dia misy omena @ tanana vao haniny
Mba omeo fanazavana an'ireo raha azo atao.
Ny fomba fandraisana ny kominio indray dia misy isan-karazany, arakaraka izay mahazatra ny tsirairay. Ny zava-dehibe dia ny finoana sy ny fanajana azy.
De hono ho' aho : olona firy taona kay no mahazo mihinana iny mofo iny? De ahoana ny condition raha misy conditions
Tsy tena misy taona voafaritra loatra aloha e. Ny hany fepetra dia ny hoe: Efa mahalala tsara ilay raisiny ao aminy ilay olona. Izany hoe mino sy tia an'i Kristy, ilay Eokaristia raisiny.
Ny fepetra mialohan'io koa dia tsy maintsy efa nandray ny sakramentan'ny Batemy vao mahazo miroso amin'io sakramenta manaraka io (ny eokaristia).
De maninona koa kay le mampaneno lakolosy kely iny , mandehandeha ao @ fiangonana le olona sady misy manaraka.
Tsy tena azoko ilay zavatra lazainao. Miezaka ihany aho maka sary an-tsaina hoe: fotoana inona no nandehananao tany amin'ny fiangonana katolika? Fa raha mikasika ny lakolosy kely aloha dia izao ny tantarany e: Taloha ny Pretra dia tsy mitodika any amin'ny olona toy ny amin'izao fotoana izao. Nampiasaina ny lakolosy kely tamin'izany mba ilazana amin'ny olona ny fanombohana sy ny famaranana ny fankamasinana.
Amin'izao dia mbola ampiasaina izy: voalohany iantsona ny olona hidera sy hitsaoka an'Andriamanitra (mialohan'ny fankamasinana), ary ampiasaina ihany koa hiderana an'i Kristy nandresy ny fahafatesana, tafatsangan-ko velona, ary mbola ho avy, izay ao amin'ny Eokaristia(aorinan'ny fankamasinana).
Miala tsiny fa tena be question an!
Tsy misy tsiny fa aleo manontany toy izay miteniteny foana.
Ho amintsika hatrany anie ny Fahasoavan'Andriamanitra
