Miarahaba antsika rehetra.
Ampahalalana ny be sy ny maro fa efa mijoro ara- dalana ny fikambanan’ny gasy eto Libanona , “Communautés des Ressortissants Malgaches au Liban” ary tohanan’ny mpiharo ny zo maha-olombelona eto an-toerana ary efa eny am-pelatanan’ny “ministère des affaires étrangères” sy ny manam-pahefana ny mombamomban’ ny mpikambana sy ny taratasy rehetra .
Ny mpikambana dia miaro ny tombontsoan’ny terantany Malagasy miasa eto libanona sy manohitra ny fanandevozana moderna sy ny fandefasana ankizy mba hatao fitadiavambola fotsiny amin’ny tsy aradrariny , ny fikambanana dia efa manana ny lalàna mifehy azy ary manana ihany koa “statut de travail” ara-drariny mifehy ny gasy manontolo .
Nantsangana ny fikambanana satria be ny gasy nitaraina sy nitomany ary nidodododo nila famonjena , ( isaorana manonkana eto ireo mpitondra mahafatra-po niasa sy nampody ireo gasy tamin’ireny ady ireny na dia teo ary ny asa aman- draharaha dia nahafohy fotoana nivezivezena tetsy sy teroa ary indrindra sahy nandom-baravarana ny mpampiasa libanais mihitsy na dia nahitana fandrahonana ary izany .Izy ity dia tsy vitan’ny hoe nisy ny niantso ny fodiana ka tonga dia mirodorodo ny olona , toa izao fiantsoan’asa an-gazety malaza @izao fotoana izao, tonga diso hevitra izay nihevitra izay satria ny fiainanay mpiasa eto libanona dia sarotra sy mampalahelo ka tsy malalaka ny hisafidy izay tianay izahay , ka tsy maintsy nisy ny mpikarakara ary anisan’izany ireo nanangana ity fikambanana ity fa ny Libanais dia tsy hamoaka anao amin’izao fotsiny satria lany vola be naloha tany @ birao sy ireo mpandefa ankizy izy ka tsy hiala maina aminao ka aza taitra ianareo raha 21 olona fotsiny no voasoratra anarana sy tafody tamin’ireny ) .
Efa nampanontanian’ireo olom - panjakana eto atoerana sy any antanindrazana izahay ny momba an’ireo olona mpandefa ankizy aty Libanona ireo amin’izao fotoana izao nefa mbola tsy nanana ny havaly izahay satria mbola tsy nanana porofo ka dia misaotra anareo be dia be ry Akamatiana sy ry Yonik ( Ramambahasina Haingo Heritiana sy Ramambahasina Tiana Santaniaina ) nitolotena ary misaotra anao koa ry Kolikoly nilaza ny anarana . Ny fikambanana dia tsy miditra @ "vie privée" an’ ireo mpandefa ankizy aty libanona na mialona ny vola miditra any ampaosiny sanatria ( indro kely ny mahagaga anay dia izao , henonareo fa mijoro ny fikambanana dia nody ianareo indrindra fa ianao ry Yonik ary tena sahy nandefa filazana an-gazety mihintsy aza, heverinareo ve fa fifaninanana ity fandefasana ankizy ity ? , sa re! fifanandrifin-javatra fotsiny ihany tsetratsetra tsy aritra ihany izay ka dia hialana tsiny raha diso hevitra izahay ) fa kosa miaro ny tombotsoany Malagasy rehetra eto Libanona na ho an’ireo izay mbola ho avy @ alalan’ ny fikambanana , ary efa misy tokoa ireo ankizy ho tonga , avy @ fikambanana nanaja ny lalana mifehy sy ny statut de travail vaovao @ izao fotoana izao. Ny fikambanana dia tsy maka vola na ariary aza @ mpiasa na aty Madagasikara na aty Libanona fa mandray karama ara –dalana izy ny 3 volana voalohany sy mandrampahavitany ny fe – potoana hijanonany eto an-toerana , ny vola lany rehetra dia anjaran’ ny mpampiasa daholo , ny rehetra hoy izahay , ary marihina fa tsy olo-kolompoana no handefasana ny ankizy fa tena mirotsaka antsehatra sy manadihady hoe manana moyen ve ilay olona hametrahana ankizy sa te haka be fahatany sy hanandevo olona fotsiny , ary ireo ankizy dia fantatra ny momba azy fa tsy notambatambazana tetsy sy teroa ary manana fahaizana miteny vahiny mba tsy ho voafitaky ny mpampiasa azy, ary koa mba ahafahany miaro tena, atao ahoana moa no miaro ny tena raha tsy mahay miresaka @ mpampiasa azy izy ireo?
Raha tena tia tanindrazana tokoa ianareo ry Akamatiana sy ry Yonik dia manasa anareo ny fikambanana hiara hiasa antsitra-po fa izany no FITIAVANA LEHIBE INDRINDRA ho an’ny mpiray tanindrazana, raha mitady vola ianareo dia miasà toa anay manaova mpiasa an-trano ara-dalàna sa tsy vitanareo intsony izany fa mafy loatra ? tsy misy mpanenjika ary manana saina milamina , tsy ananan’olona alahelo no tsy mihinana ny hatsembohin’ny ankizy fa miasa @ fo madio, ny vola ve no manosika an- tsika hivarotr’olona @ fotoana voafetra ( 3 taona ) ?.
Izahay koa dia tsy manakana ireo birao maka ankizy raha toa ka manaja ny lalàna mifehy ny gasy izy ireo ary manaraka ny statut de travail vaovao dia aoka kosa tsy haka an-kitsirano ny karaman’ny mpisa 3 volana ary vonona hanadihady ny mpitady mpiasa , raha tena manana fahefana sy hanaja ny statut aran-tsoratra sy ara – dalana .
Ambava homana ary am - po mieritreritra , hafa mihitsy ny hoe: FIHAVANANA @ MAHA-MALAGASY
N.B IZAHAY MPIKAMBANA DIA MIARA MIASA SY MIARA MITAIZA ARAM-PANAHY SATRIA IZA MOA NO HAVANA ATY TANY LAVITRA ATY RAHA TSY NY MPIRAY TANINDRAZANA IHANY , MPIANADAHY SY MPIRAHAVAVY EO @ TOMPO SY NY MAHA MALAGASY IZAHAY NO ATY , ARY MIARA ORY @ IZAY ORY MIARA MIFALY @IZAY FALY. EKENA FA BE NY MPIFANKAHALA , MPIFANENJIKA NY MIADY AMINTSIKA MALAGASY INDRINDRA AO @ MPIKAMBANA KA IZANY INDRINDRA NO HISIAN’NY FIKAMBANANA MBA HIFAMPITAIZA SY HANJAKA’NY FIFANDEFERANA .
