Matetika dia tsy azon’ny olona sasany loatra ilay hoe “Arahaba ry Maria” fanaon’ny kristianina katolika , mety misy mihitsy aza no mihevitra fa tsy manana fototra ara-baiboly izy io, azo lazaina anefa fo toa diso hevitra ihany izy ireo. Toy izao ilay Fiarahabana an’i Masina Maria arahin’ny Fangatahana Vavaka aminy
Arahaba ry Maria, feno hasoavana.
Ny Tompo ao aminao.
Nosoavina noho ny vehivavy rehetra ianao,
ary nosoavina i Jesoa hateraky ny kibonao.
Masina Maria, Renin'Andriamanitra,
Mivavaha ho anay mpanota.
Ankehitriny ary amin'ny andro hahafatesanay
Ireo teny Voalohany dia Avy amin’ilay Fiarahaban’ny Anjely Gabriely
"Nirahin'Andriamanitra ny Anjely Gabriely ho any amin'ny tanàna anankiray any Galilea atao hoe Nazareta, ho any amin'ny Virjiny anankiray fofom-badin'ilay lehilahy atao hoe Josefa, taranak'i Davida, ary ny anaran'ilay Virjiny dia Maria. ry nony niditra tao aminy ilay anjely dia nanao hoe:
Arahaba, ry ilay feno hasoavana, ny Tompo ao aminao; nosoavina noho ny vehivavy hianao." (Lioka 1, 26-28)
Ireo Teny sasany indray dia avy amin’ny tenin’i Mb Elizabeta rehefa Feno Ny Fanahy masina izy
“Nony vao ren'i Elizabeta ny fiarahaban'i Maria azy, dia nientana ny zaza tao an-kibony, ary
feno ny Fanahy Masina Elizabeta, ka nanandra-peo niantso mafy hoe: Nosoavina noho ny vehivavy rehetra hianao, ary nosoavina ny hateraky ny kibonao. avy aiza amiko izao no mba vangian'ny renin'ny Tompoko aho? Fa indro raha vao ren'ny sofiko ny feonao niarahaba ahy, dia nientan-kafaliana ny zaza tao an-kiboko. Ary sambatra ilay nino fa ho tanteraka izay nampilazain'ny Tompo taminy! (Lioka 1, 41-45)
Ary hoy koa i Maria
“Mankalaza ny Tompo ny fanahiko, ary faly sy ravo amin'Andriamanitra Mpamonjy ahy ny foko, 48fa notsinjoviny ny fiambanian'ny ankizivaviny.
Fa indro, hatramin'izao, dia hataon'ny taranaka rehetra hoe, sambatra aho, satria efa nanao zavatra lehibe tamiko ilay Mahefa. Ary masina ny anarany, 50sady amin'izay matahotra azy hatramin'ny taranaka fara mandimby ny famindram-pony.” (Lioka 1, 46-49)
Ny Asan"i Maria ao amin’ny Fiangonana dia efa Voavinany hatrany amin'ny Testamenta Taloha : Izy no voatokana ho renin'i Kristy lohan'ny Fiangonana sy ho Renin'ny Fiangonana Vatan'i Kristy . Izy ilay endrika halain'Israely Tahaka ho Renin'ny Zanak'Andriamanitra rehetra
"Ary hianao, ry Betleema Efrata, kely tsy tokony ho isan'ireo arivon'i Jodà akory,
avy aminao no hivoaka ho ahy ilay tsy maintsy ho Mpanapaka amin'Israely,
ary ny niandohany dia efa hatramin'ny andro fahagola, hatramin'ny andro mandrakizay.
Koa noho izany, dia hanolotra an'ireny izy
mandra-pihavin'ny fotoana hiterahan'ilay tsy maintsy miteraka; ary ny sisa amin'ireo rahalahiny dia hiverina amin'ny zanak'Israely.
(Mikea 5, 1-2)
Izy koa ilay endriky ny Fiaran’ny Fanekena Vavao izay endrika Halain'ny Fiangoanana Tahaka ho Renin'ny Zanak'Andriamanitra rehetra araka voalazan’ny Bokin’ny Fanabarana
" Dia novohana ny tempolin'Andriamanitra any an-danitra,
ka niseho teo anatin'ny tempoliny ny fiaran'ny fanekena; ary nisy tselatra sy tabataba ary kotro-baratra sy horohoron-tany mbamin'ny havandra vaventy
Nisy famantarana lehibe niseho teny an-danitra,
dia Vehivavy anankiray nitafy masoandro, ny volana no teo an-tongony, kintana roa ambin'ny folo no satro-boninahitra teny an-dohany. Bevohoka izy, sady nihetsi-jaza, ka nitaraina noho ny fanaintainam-piterahana.Ary nisy famantarana hafa koa niseho teny an-danitra, dia Dragona mena lehibe anankiray nitranga tampoka, fito ny lohany, folo ny tandrony, ary satro-boninahitra fito no teny an-dohany. Nofinaokany tamin'ny rambony ny ampahatelon'ny kitan'ny lanitra ka nazerany tamin'ny tany. Dia nijoro teo anoloan-dRavehivavy hiteraka izy mba handrapaka ny Zanany, raha vao teraka.
Tera-dahy Ravehivavy, ary io Zanany io no hifehy ny firenena rehetra amin'ny tsora-by, ka nakarina ho any amin'Andriamanitra eo anilan'ny seza fiandrianany. Fa Ravehivavy kosa nandositra nankany an'efitra, fa any no nanamboaran'Andriamanitra toerana ho azy, mba hamelomana azy mandritra ny enim-polo amby roan-jato sy arivo andro.
Ary nisy ady tany an-danitra: Misely sy ny anjeliny moa niady tamin'ny Dragona; ny Dragona sy ny anjeliny koa namely, 8fa tsy nahomby, sady tsy nahazo nitoetra tany an-danitra intsony; 9ka nazera ity Dragona lehibe, dia ilay menarana antitra atao hoe demony sy Satana, izay mamitaka izao tontolo izao; ny tenany moa nazera tamin'ny tany, ny anjeliny koa nazera niaraka aminy...." (Apokalipsa na Fanambarana 11,19 sy 12)
I Jesoa mihitsy moa no nanamafy tokoa ny Asan’I Maria ao amin’ny Fiombonan’ny Olomasina raha nanome azy ho Renin’ny Mpianatra Malalany
“Nony hitan'i Jesoa ny reniny sy ilay mpianany malalany nitsangana teo akaikiny, dia hoy izy tamin-dreniny:
Ravehivavy, indro ny zanakao. Ary hoy koa izy tamin'ilay mpianatra: Indro ny reninao. Ka hatramin'izay dia noraisin'ilay mpianatra ho any aminy izy.” (Joany 19, 26-27)
Ireo Olomasina Malaza sy Lehibe Hatrany amin'ny Fiandohan'ny Fiangonana dia nanana Fanajana Manokana an'i Masina Maria sy Tena zanany nanarakaraka an'i Jesoa Tokoa ary nisy mihitsy aza moa ireo nisehoany nivantana.
