Misaotra an'i Hery amin'ny valinteny.
hery:
Tsy dia tena mari-pankasitrahana loatra ilay izy. Ny mety hoe mahatonga azy miendrika mari-pakasitrahana dia satria tsy maintsy misy mangataka (volontE populaire) ilay fananganana ho olontsambatra. Ny olona, na ny vahoaka mangataka izany, no mila ilay famantarana fa tsy ilay olontsambatra na olomasina velively.
Azoko tsara fa tsy ilay "olontsambatra" na "olomasina" velively akory no mangataka na manangana ny tenany ka (izany hono ry andrywui a : tsy ianao akory no tokony angataka fa ny olona nahalala ny fiainanao ! :-) ).
Mety ny teny "mari-pankasitrahana" nampiasaiko angamba no tsy ao fa "reconnaissance" no tiako lazaina teo !
hery:
Dia io ihany koa novalin'ny fanontaniana faharoa. Na tsy atsangana ho olon-tsambatra aza ny olona izay hita fa nanana fiainana mifanaraka amin'ny sitrapon'Atra dia efa betsaka ny mino fa anilan'Andriamanitra. Ny fiangonana kosa, manangana azy mba haha ofisialy io finoana io. Hanehoana ho an'ny rehetra fa azo raisina ho modely tokoa izy rehefa nodinihana ny fiainany. Ary afaka manampy antsika amin'ny vavaka ihany koa.
Ity fehezan-teny farany ity no manitikitika ka miteraka ireto fanontaniana manaraka ireto indray raha tsy mahadiso :
1. Io "fananganana ho olontsambatra" io izany ve no isan'ny fanehoan'ny Fiangonana Katolika Romana ilay finoana mikasika ny "fiombonan'ny olona masina" (ao amin'ny fanekem-pinoana apostolika) ?
2. Ny anarana tononin'ny Katolika Romana rehefa mivavaka ireny ve izany dia anaran'ireo izay efa natsangan'ny Fiangonana ho olontsambatra na olomasina ?
3. Farany, misy ifandraisany amin'ilay isa "malaza" voateny tato ho ato teto amin'ity sehatra ity (144 000 moa izy teo) ve ny isan'ireo olontsambatra na olomasina ireo ?
Dia mbola misaotra mialoha amin'ny valinteny !
