Ra-Ouioui,
marina ireo fanamarihanao raha toa ka mametraka referansa amin'ny hoe misy zavatra raràna sy tsy fanao eto ambany masoandro, izay ataoko fa ny rafi-pivavahana misy ankehitriny no niteraka izany rehetra izany. Arakaraka ny fivoarana no niterahan'ny fombafomba isan-karazany na koa aza ny fitazonana izay noheverina fa fahamarinana voalohany. Toy ny hoe: manan-kasina ny vato iray satria nisy fahatsiarovana fahasoavana natsangana teo, dia nosora-menaka izany vato izany. Toy izany ny ataon'ny olona amin'ny fahatsiarovana ny olona izay nanao soa. Tsy dia manana fitsaràna ho amin'izany fomba izany loatra aho satria misy ihany ny firaiketam-po tamin'izay olona nanao soa ny tena rehefa mandao izy. Ilay fomba miankohoka araka ny filazanao azy dia endrim-pankasitrahana na fisaorana izay nanao ilay soa. Koa satria moa isika olombbelona matetika tia mampasa maso, dia izay sisa (vatana mangatsiaka na sary) no entina mahatsiaro.
Eo amin'ilay hoe familiana araka ny maha-diavolana ny tena ny atao hoe ady masina indray aloha dia ny fiangonana rehetra dia tafiditra amn'izany daholo. Tsy misy an-kanavaka ireo satria na dia tsy mamono olona aza izy dia mandratra fon'olona maro ihany koa, indrindra rehefa mampiteronterona ny fitenenana hoe : raha tsy ao aminay ianareo dia maty any satria noho izatsy sy izaroa.
Ilay fitoriana fahafatesana mihitsy no hitako mampaharary ny olona. Rehefa nolazaina fa maty dia natao hoe ratsy izay. Io fahafatesana io anefa dia voaporofo fa tsy misy. Raha tsy izany Jesosy tsy nanao démonstration nifantsika teo ambony hazo fijaliana teo.
Misy fitohizan'aina hatrany izay tiaNY ambara ary fiainana mandrakizay no voiziny.
Dia ireo olona manao fahatsiarovana dia tokony hahalala hatrany fa velona ilay anaovana fahatsiarovana.
Izay no maha-sarotiny ny mpitandrina rehefa manao faire-part, dia ny hilazana etsy ambany hoe ny nofony dia entina ao an'anona hankalazana an'Andriamanitra fa tsy hoe "dia hatao veloma farany". Ilay fisaorana an'Andriamanitra ihany no antony nanaovana ireny rehetra ireny satria nampisy io olona nodimandry io Izy Mpamorona handalo eto ambany masoandro ary mody Aminy. Fisaorana daholo izany rehetra izany ka raha raisina ho ratsy dia manjary tsy dia manaja loatra sady tsy mapionona ny olona izay nilaozana.
Rehefa mahalala ny tsirairay fa rehefa mandao ny nofony dia hody amin-dRay na Loharano nipoirana dia tsy tokony hisy mihitsy ny fitsarana izay endrika rehetra hahatsiarovana na isaorana noho ny nanomezana olona iray teto ambonin'ny tany.
Ny amin'ny hoe ray masina iantsoana ny olona indray dia toy ny ray amandreny rehetra ihany io amiko. Titre omena izany, toy ny hoe Pasitera koa. Na koa hoe Dokotera sy ny sisa ary ny fiarahamonina no manaiky ilay izy ka asa hoe inona no mahatonga ny hafa hanana fomba fijery mangarika ny fiarahamonina manao izany.
Mapahatsiahy ny tantaran'i Kaina sy Abela ilay izy eto amin'ity farany ity, ka hoe nankasitrahana dia nanjary niteraka fialonana.
Io no tokony hesorina voalohany raha toa ka tiana hanana fiadanana anaty ny olona ka hifandray amin'ny olon-drehetra na inona na inona firafitry ny fomba fisainany sy ny fomba hinoany.
Rehefa samy mihazakazaka ao anaty couloir samy misy azy avy ny fiangonana rehetra dia tokony ho tonga eny amin'ny tanjona fa ny mapisavoritaka ankehitriny anie ra-Ouioui ka lasa ilaozan'ny sasany mijery ny couloir-ny sasany dia taraiky e! Io ilay olona roa nivavaka natao ohatra: ny iray ratsy tonga dia niaky fa meloka, ny iray nanao hoe misaotra fa tsy nataonao toy ilehio aho, izany hoe tsy izy no nampidiriny tany an-danitra fa lasa nanao referansa no nataony dia very ihany izy.
Izay no tsy dia hitsaratsarana loatra izay ataon'ny fiangonana tsirairay fa efa misavoritaka be ihany aza ny zava-misy ankehitriny indrindra fa ho an'ny marivo salosana izay tsy mahalala izay bi sy ba amin'ny resaka hifamalian'ny isan'antokony avy.
