Velona Jesosy!

"Ary ny anankiray tamin’ireo olon-dratsy nahantona teo ireo dia niteny ratsy Azy ka nanao hoe: Tsy Hianao va no Kristy? vonjeo ny tenanao sy izahay.
Fa namaly kosa ilay anankiray, sady nananatra ny namany ka nanao hoe: Moa hianao koa tsy mba matahotra an’Andriamanitra na dia izao samy voaheloka izao aza?
Ary marina ny anamelohany antsika, satria mandray ny valin’ny nataontsika isika; fa ity Lehilahy ity kosa tsy mbola nanao zavatra tsy mety na dia kely akory aza.
Ary hoy izy: Jesosy ô, tsarovy aho, rehefa avy amin’ny fanjakanao Hianao
Dia hoy Jesosy taminy: Lazaiko aminao marina tokoa: Anio no hihaonanao amiko any Paradisa.
". Lio 23/39-43

Ity "passage" ity dia samy ahitana azy avokoa ao amin'ny filazantsaran'i Matio, Marka, Jaona, fa saingy ato amin'ny Lioka ihany no ahitana ity antsipiriany milaza ny momba ilay jiolahy faharoa ity.
Io antsipiriany kely io nefa dia azo anatsoahana zavatra vitsivitsy goavana be, ary manozongozona fomba fijery teolojika maro satria tsy mifanaraka amin'izay heverin'izy ireo ho marina momba ny lalam-pamonjena, ny zava-miseho aorian'ny fahafatesana, ny paradisa, sns.
Tsy misy na iray aza fiangonana sahy nisalasala ny amin'ny fahamarinan'ireo andininy ireo. Jesosy rahateo manamafy :"lazaiko aminao MARINA TOKOA", saingy samy manana izay fahazoany azy ireo karazam-piangonana maro milaza azy ho kristiana maneran-tany.

Mariho ary fa :
1- Tsy natao batisa, tsy mpiray latabatra tamin'ny Tompo (mpandray), tsy nianatra Soratra Masina, tsy nanam-potoana nanompoana ny Tompo akory fa nandany ny androny tamin'ny asan-jiolahy ity jiolahy faharoa ity saingy VOAVONJY (paradisa).
2- "Anio" hoy Jesosy, izany hoe ny andron'iny ihany. Ny andron'iny ihany no ho faty izy ireo ary "hihaona any am-paradisa". Na inona na inona aloha lazain'ny baiboly, ny fara-andro ho ahy sy ho anao dia ny fahataperan'ny aina satria mikatona eo ny varavaram-pamonjena fa na isika tafiditra tao anatiny, na taraiky teny ivelany.
3- Ilay atao hoe "paradisa" ve izany efa nisy hatrizay ary izay maty tonga dia mankany raha voavonjy? Tontolo hafa tsy misy ifandraisany amin'ny eto an-tany izany ilay "paradisa".

Inona koa no azo anampiana izay voalaza, na fanamarihana azo atao?
Ahoana ny hevitrao namana?
Ento ary ny hevitrao e!

Amiko aloha ity jiolahy ity dia nanaiky ny sitrapon'Andriamanitra amim-pandeferana izy satria nanaiky ny valin'asany, tsy nimenomenona. Araka ny loha-hevitra iray hoe ny fijaliana ve sazy sa koa fahasoavana? Andriamanitra dia mahalala izay fomba hamonjena ny tsirairay raha toa ka mahay mandray izany.Tsy vita batemy izy fa ohatra ny batemy ho azy ny fijaliana niaretany an-tsitrapo. Tahaka ireo martiry koa izay nalatsa-drà noho ny finoany.Fa ity kosa dia nanaiky ny hiaritra ny mangirifiry tamim-pandeferana sy tamim-pitiavana an'Andriamanitra izy . Ary nino an'i Jesoa kristy fa mpamonjy sy manome fiainana vaovao.
Izay finoana nananany izay sy noho izy maritirim-pitiavana satria tsy nanohitra ny sitrapon'Andriamanitra dia voavonjy izy.
Aza mihevitra anefa ianareo fa tsy ilaina ny fanaovana batemy na ny fandraisana ny komonio, na ny fandraisana ny sakramentan'ny fampihavanana, na fandraisana ny sakramenta isan-karazany,na ny fanaovana ny sitrapon'Andriamanitra (fanaovana ny soa,fivalozana ny fahotana,sns...);izay vokatry ny finoana ireo rehetra ireo. Nampahalalain'ny Tompo antsika ny lalana ahazahoana ny fiainana ka hisy ny hiampanga antsika amin'izany raha hanoloana ny fitsarana isika.
Momba ny farandro dia ho hitantsika eny amin'ny rahona tokoa ny Tompo amin'ny fiverenany hitsara ny velona sy ny maty.Araka ny tenin'ireo anjely tamin'ny apostoly: iny Jesoa nalaina taminareo iny dia mbola ho avy indray tahaka ny nahitanareo azy niakatra.

leva2:

Mariho ary fa :
1- Tsy natao batisa, tsy mpiray latabatra tamin'ny Tompo (mpandray), tsy nianatra Soratra Masina, tsy nanam-potoana nanompoana ny Tompo akory fa nandany ny androny tamin'ny asan-jiolahy ity jiolahy faharoa ity saingy VOAVONJY (paradisa).
2- "Anio" hoy Jesosy, izany hoe ny andron'iny ihany. Ny andron'iny ihany no ho faty izy ireo ary "hihaona any am-paradisa". Na inona na inona aloha lazain'ny baiboly, ny fara-andro ho ahy sy ho anao dia ny fahataperan'ny aina satria mikatona eo ny varavaram-pamonjena fa na isika tafiditra tao anatiny, na taraiky teny ivelany.
3- Ilay atao hoe "paradisa" ve izany efa nisy hatrizay ary izay maty tonga dia mankany raha voavonjy? Tontolo hafa tsy misy ifandraisany amin'ny eto an-tany izany ilay "paradisa".

Faly miarahaba namana,
1- Tsy tokony hiady fitia @ ilay jiolahy faharoa ny olona rehetra.
Io sisa no làlana tokana nahafahan'Andriamanitra namonjy azy,
Tsy mahafoana velively ny tsy maintsy anaovana Batisa, ny fianarana, ny fibebahana sns... io cas exceptionnel io. Fahadisoankevitra ny miady fitia @ ilay jiolahy faharoa.

2- Fara-andro ety an-tany angamba no tianao holazaina (fa tsy ilay fara-andron'izao tontolo izao). Ny zava-marina koa araka ny lioka 16 rehefa maty isika dia lalana 2 ihany : na ho any paradisa na ho any amin'ny helo fa tsy misy lalàna hafa.
3- Ny paradisa tokoa dia efa nisy ela. Raha faritana ny paradisa dia toeram-pitsaharan'ny fanahin'ny olona ho voavonjy rehetra mandrampitsanganan'izireo indray ka handraisany ilay tena vaovao nampanantenaina
Araka ny lioka 16 Abrahama sy Lazarosy mahantra dia isan'ny mitsahatra any @ paradisa @ izao fotoana izao miandry ny fananganana azireo mba hanomezana azireo ny tena vaovao entiny any amin'ilay tany vaovao sy lanitra vaovao hihainana ilay fiainana mandrak'izay.
Tsy mitovy araka izany ny paradisa sy ilay tany vaovao sy lanitra vaovao nampanantenaina.

Raha araka ny lioka 16 dia mifankahita ankehitriny ny fanahin'ny olona ao amin'ny paradisa sy ny fanahin'ireo olona mijaly ao amin'ny helo saingy tsy afaka mifanantona.

Rahoviana no hiala tanteraka ao amin'ny paradisa ny fanahin'ireo olona hovonjena ireo?
« fa vetivety, toy ny indray mipi-maso, rehefa maneno ny trompetra farany, dia hovana isika rehetra; fa hotsofina ny trompetra, ary ny maty hatsangana tsy ho lò intsony, ary isika hovana. » (1 Kor.15:52)
« Fa izao no lazainay aminareo amin'ny tenin'ny Tompo: isika, izay velona ka mbola mitoetra mandra-pihavin'ny Tompo, dia tsy mba hialoha izay efa nodi-mandry tsy akory. » (1 Tes.4:15)
« Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; » (1 Tes.4:16)
« Fa ny sisa amin'ny maty dia tsy mbola velona mandra-pahatapitry ny arivo taona. Izany no fitsanganana voalohany. » (Apok.20:5)
« Sambatra sy masina izay manana anjara amin'ny fitsanganana voalohany; ireo tsy mba ananan'ny fahafatesana faharoa fahefana, fa ho mpisoron'Andriamanitra sy Kristy ireo ka hiara-manjaka aminy arivo taona. » (Apok.20:6)
Valiny : @ FITSANGANANA VOALOHANY.

Rehefa miala ao ny fanahin'ireo olona ireo dia mandray tena vaovao arak'ireo teny eo aloha ireo. Ny destination finale kosa avy eo dia Apok.21:« [Ny amin'i Jerosalema vaovao] Ary nahita lanitra vaovao sy tany vaovao aho; fa efa lasa ny lanitra voalohany sy ny tany voalohany, ary ny ranomasina dia tsy misy intsony. » (Apok.21:1)
« Ary nahita aho fa, indro, ny tanàna masina, dia Jerosalema vaovao, nidina avy any an-danitra tamin'Andriamanitra, voaomana tahaka ny ampakarina efa mihaingo hihaona amin'ny vadiny. » (Apok.21:2)

Samia ho tahin'ny Tompo daholo

Izaia 55:8

smileyah:

Aza mihevitra anefa ianareo fa tsy ilaina ny fanaovana batemy na ny fandraisana ny komonio, na ny fandraisana ny sakramentan'ny fampihavanana, na fandraisana ny sakramenta isan-karazany,na ny fanaovana ny sitrapon'Andriamanitra (fanaovana ny soa,fivalozana ny fahotana,sns...)

Velona Jesosy!
Misaotra amin'ny hevitrao namana smileyah.

Ny zavatra tiako marihina dia izao : Ny sakramenta, na batisa, na fandraisana, na hafa dia tsy fombafomba atao mitondra famonjena velively akory, fa endrika ivelany ihany ireny hanehoana amin'ny fomba hita maso ny finoana sy ny firaisana amin'ny Tompo. Ilay finoana sy ilay firaisana amin'ny Tompo izany no zava-dehibe fa tsy ilay fombafomba, ary zava-poana sy fandanian'andro fotsiny na atao batisa im-polo aza ianao nefa tsy mino. Zary misotro sy mihinana fanamelohana ho an'ny tena fotsiny raha tsy manana firaisana amin'ny Tompo akory nefa miray latabatra aminy (I Kor 11).
Manaraka izany, mila fantarina koa hoe inona no hevitry batisa :
"Tsy fantatrareo va fa na iza na iza isika no efa natao batisa ho amin’i Kristy Jesosy dia natao batisa ho amin’ny fahafatesany? Koa niara-nalevina taminy tamin’ny batisa ho amin’ny fahafatesana isika, mba ho tahaka ny nananganana an’i Kristy tamin’ny maty tamin’ny voninahitry ny Ray no handehanantsika kosa amin’ny fiainam-baovao. Fa raha nampiraisina taminy tamin’ny endriky ny fahafatesany isika, dia ho tahaka izany koa amin’ny fitsanganany; ... Ary raha niara-maty tamin’i Kristy isika, dia mino fa hiara-belona aminy koa isika" Rom 06/03-08

RBNIR:

Faly miarahaba namana,
1- Tsy tokony hiady fitia @ ilay jiolahy faharoa ny olona rehetra.
Io sisa no làlana tokana nahafahan'Andriamanitra namonjy azy,
Tsy mahafoana velively ny tsy maintsy anaovana Batisa, ny fianarana, ny fibebahana sns... io cas exceptionnel io. Fahadisoankevitra ny miady fitia @ ilay jiolahy faharoa.

2- Fara-andro ety an-tany angamba no tianao holazaina (fa tsy ilay fara-andron'izao tontolo izao). Ny zava-marina koa araka ny lioka 16 rehefa maty isika dia lalana 2 ihany : na ho any paradisa na ho any amin'ny helo fa tsy misy lalàna hafa.
3- Ny paradisa tokoa dia efa nisy ela. Raha faritana ny paradisa dia toeram-pitsaharan'ny fanahin'ny olona ho voavonjy rehetra mandrampitsanganan'izireo indray ka handraisany ilay tena vaovao nampanantenaina

Velona Jesosy!

Misaotra anao namana RBNIR tamin'ny fanehoan-kevitra.
Valin-teny voalohany : Dia aleo hazava aloha fa tsy cas exeptionnel velively ity eto ity namana fa tena tanterak'ity jiolahy faharoa ity daholo izay rehetra takian'Andriamanitra hahazoana famonjena :
- Fiaiken-keloka sy fibebahana.
- Finoana an'Andriamanitra sy fanekena fa Jesosy Kristy no Mpamonjy.
- Fiandrandrana ny fiainana mandrakizay sy Fanoloran-tena ho amin'ny famonjena.
Dia mba jereo anie ny famaritana ny atao hoe "batisa" etsy ambony : Rom 06/03-08 :
- Izay mino sy atao batisa no hovonjena (nino izy, ary hiara-maty amin'ny Tompo izy eto)
- Izay maharitra hatramin'ny farany no hovonjena (mazava ho azy fa farany ny azy eto).
Tsara marihina ihany koa fa ireo jiolahy roa niara-nifantsika tamin'ny Tompo ireo no endrik'isika olombelona rehetra. Samy mpanota avokoa, ary mendrika ny ho faty noho izany. Saingy misy ireo sokajiny miavonavon-kevitra, zary maneso sy manenjika izay mino sy mivavaka. Fa misy kosa ireo mino an'Andriamanitra, mibebaka ary mandray ny famonjena.

Valin-teny faharoa : marina ny voalazanao fa mandray roa tokoa ny hevitry ny hoe fara-andro.

Valin-teny fahatelo : Tena azonao antoka ve fa tsy "Paradisa = lanitra" araka ny Soratra Masina? Mba azonao hazavaina misimisy kokoa ve fa hevitra vaovao izao ity aposakao eto ity. Marina aloha fa raha ny baiboly teny frantsay izao no jerena dia "cieux" no fahita matetika, izany hoe mety hilazana lanitra karazany maro ve izany?

Ankoatra izay, tsy misy hiadian-kevitra izay narosonao momba ny FITSANGANANA VOALOHANY sns fa satria MARINA ny tenin'Andriamanitra.

leva2:

Mariho ary fa :
1- Tsy natao batisa, tsy mpiray latabatra tamin'ny Tompo (mpandray), tsy nianatra Soratra Masina, tsy nanam-potoana nanompoana ny Tompo akory fa nandany ny androny tamin'ny asan-jiolahy ity jiolahy faharoa ity saingy VOAVONJY (paradisa).

Fotoanan'ilay évènement angamba ny valiny
-Inona ny hevitry ny batisa? Tsy ny famonjena vitan'i Jesosy Kristy tamin'Izy nofantsihina (maty) teo amin'ny hazofijaliana? Amin'ny fomba ahoana moa no hanaovana batisa an'io jiolahy io koa Jesosy ary mbola tsy maty tamin'io fotoana io?
-Toraka izany ihany koa ny miray latabatra amin'ny Tompo. Tadidio fa ny alakamisy avant an'ny nahafatesany Izy no niray latabatra tamin'ny mpianany, ary mbola mpianany 12 lahy ihany fa tsy ny mino rehetra. Satria rehefa nitsangana Izy ao amin'ny MAt28:19 vao lasa mpianany ny firenena rehetra ary tany koa vao nasainy nanao batisa ny mpianany MAt28:19:"koa mandehana ianareo , dia ataovy mpianatra ny firenena rehetra , manao batisa azy ho amin'ny anaran'ny Ray sy ny Zanaka ary ny Fanahy Masina"
-Inona moa no tokony nianaran'ilay jiolahy Soratra Masina? Isiaka amin'izao anie tsy niara niaina TAminy dia tsy maintsy mamaky ny baiboly mba ahafahantsika mandray ny famonjena aloha, dia mitombo amin'ny fanatanterahana ny sitrapon'Andriamanitra avy eo é! Fa ilay jiolahy ilay Soratra Masina mihitsy no efa namela ny helony sy namonjy azy ary tsy nomena fotoana izy nanaovana ny sitrapon'Andriamanitra satria tamin'iny andro iny ihany dia efa maty.

Lesona lehibe ho antsika mihitsy io passage misy ilay jiolahy io satria mampianatra antsika fa ny finoana an'i Jesosy Kristy irery ihany no mahavonjy sy hananana fiainana mandrakizay fa tsy ny batisa no mahavonjy, tsy ny fianaranao na ny fahaizanao tsianjery Soratra Masina no mahavonjy, tsy ny maha mpandray anao na ny fahavitanao ny sakramenta 7 no mahavonjy(ho an'ny mpino katolika) fa Jesosy Kristy irery ihany. Izy irery ihany no clé ny famonjena sy ny fiainana mandrakizay

Ka raha tsy vita an'ireo aza ianao nefa manana Azy dia voavonjy ianao (Raha tsy nomena fotoana hanaovana an'ireo) FA fahotana koa ny hoe mino Azy ianao, nomena fotoana hanaovana an'ireo, nefa minia tsy natao batisa sy tsy niray latabatra Taminy.
Ary rAha vita an'ireo aza ianao nefa tsy manana Azy dia tsy voavonjy ianao

Ary betsaka ao anaty baiboly ny olona nino dia navelany heloka na dia tsy mbola maty sy nitsangana, nahavita ny asam-pamonjena aza Izy satria Izy no famonjena

Somary lavalava ihany fa aleo indray valiako refa avy eo ilay resaka paradisa

Velona Jesosy!

Tsara ny fanamarihanao namana Toriteny na dia somary lava aza.
Tiako ho tsindrina ireto :
- Maro mantsy no mihevitra fa ny vita batisa, ny maha-mpandray sns... no antoka amin'ny famonjena. Kanefa dia amafisiko fa fomba fotsiny ihany ireny hanehoana amin'ny endrika hita maso ny finoana sy fanekena an'i Jesosy, ary ny firaisana aminy.
- Ny batisa dia efa nisy tamin'ny andron'i Jaona mpanao batisa ny amin'ny fibebahana, ka eto koa izao dia tsy ilay batisa akory no inona, fa ilay fibebahana "marina" no tena takiana.

Hotahian'ny Tompo daholo.

Toriteny>> Mihevitra ve ianareo fa izay tena vontompinoana toa anareo ihany no hovonjena?
Moa ve tsy mahafantatra antsika tsirairay avy Andriamanitra ka manana ny fomba hitantanany sy hamonjeny antsika izy? Manamarina izany ity jiolahy ity.
Ary ho an'izay te ho mpampianatra mihitsy no hisy hiampanga rehefa tonga ny fitsarana satria maro ireo te hamily lalana ny ondriny any @ tsy izy. Kanefa mazava be ny fampianarany:
-Izay mino ka hatao batemy dia ho voavonjy. (ho an'ireo nampalalaina nefa minia mikimpy ...°
-Izay mihinana ny nofoko sy misotro ny ràko no hanana ny fiainana mandrakizay.( sa haingon'ny Baiboly fotsiny io?)
Ao koa ireo didin'Andriamanitra izay tsy maintsy tandremana.
Ireo izay tsy mahalala anefa dia araka izay tsy fahalalany izay koa no hitsarana azy.
Noho ny fahalementsika olombelona anefa ary Andriamanitra dia mahalala izany dia nomeny ny fiangonana, ny sakramenta, ny fahasoavana maro isan-karazany mba hanampy antsika hahatratra ny tanjona.Ka na dia solafaka matetika aza isika dia eo foana izy vonona ny hamela antsika raha miverina aminy @ fo tanteraka isika.Ary izay no nanomezany ny sakramentan'ny fampihavanana mba hanehoany amintsika fa lehibe tsy takatry ny saintsika ny famindrampony sy ny fitiavany.
Ny olona mazoto manara-dia azy amin-kitsim-po dia hovonjeny tokoa.
Ireo zay manetry tena ka mahatsiaro mandrakariva ny fahalemeny sy ny maha mpanota azy ary mangataka mandrakariva ny famindram-pony @ alalan'io sakramentan'ny fampihavanana io dia hamindrany fo tsy misy fetra. Ary hankahereziny mba haharitra @ finoana sy hanao ny sitrapony mandrakariva.

leva2:

Valin-teny fahatelo : Tena azonao antoka ve fa tsy "Paradisa = lanitra" araka ny Soratra Masina? Mba azonao hazavaina misimisy kokoa ve fa hevitra vaovao izao ity aposakao eto ity. Marina aloha fa raha ny baiboly teny frantsay izao no jerena dia "cieux" no fahita matetika, izany hoe mety hilazana lanitra karazany maro ve izany?

Faly miarahaba namana,
Ny toerana misy ny paradisa dia efa voalazan'ny Baiboly:
« Mahalala olona anankiray ao amin'i Kristy aho, tokony ho efatra ambin'ny folo taona lasa izay - na tao amin'ny tena, na tsy tao amin'ny tena, tsy fantatro, Andriamanitra no mahalala - ilay anankiray dia nakarina ho any amin'ny lanitra fahatelo. » (2 Kor.12:2)
« Ary mahalala ilay olona anankiray aho - na tao amin'ny tena, na tsy tao amin'ny tena, tsy fantatro, Andriamanitra no mahalala - » (2 Kor.12:3)
« fa nakarina ho any Paradisa izy ka nandre teny tsy azo tenenina sady tsy tokony holazain'olona. » (2 Kor.12:4)
Araka io teny eo ambony io ny toerana misy ny paradisa dia any amin'izany lanitra fahatelo izany.
P.S: voalaza eo ambony ny hoe "nadre teny tsy azo tenenina sady tsy tokony holazain'olona".....Nefa mahagaga fa toa maro ireo sahy mitantara???
Samia mandinika tsara....

Samia ho tahin'ny Tompo namana

Miala tsiny be dia be amin'i leva2 aloha aho fa hivilana kely ny fanehoan-kevitro eto (tsy manaraka ny lohahevitra narosonao). Hitodika manoka amin'i smileyah aho

smileyah:

Toriteny>> Mihevitra ve ianareo fa izay tena vontompinoana toa anareo ihany no hovonjena?

Jao 3 : 18 "Izay mino Azy dia tsy helohina ; [Gr . tsaraina] fa izay tsy mino kosa dia efa voaheloka [Gr . voatsara] rahateo"
Jao 3 : 36 "Izay mino ny Zanaka manana fiainana mandrakizay ; fa izay tsy mino ny Zanaka dia tsy hahita fiainana , fa ny fahatezeran'Andriamanitra no mitoetra eo aminy ."
Mar 16 : 16 b "fa izay tsy mety mino no hohelohina "
==> Tsisy fika hivelan'ny finoana smileyah a! Tokana ihany ny vavahady hahafahanao mandray an'i Jesoa, mihazona ny famonjena : "FINOANA"

smileyah:

Moa ve tsy mahafantatra antsika tsirairay avy Andriamanitra ka manana ny fomba hitantanany sy hamonjeny antsika izy? Manamarina izany ity jiolahy ity.

smileyah a: tsy misy hamataran'Andriamanitra anao ankoatry ny finoana r'ise a , vakio indray anie ito e :
Mat 7 : 22 Maro no hanao amiko amin'izany andro izany hoe : Tompoko , Tompoko , tsy efa naminany tamin'ny anaranao va izahay? ary tsy efa namoaka demonia tamin'ny anaranao va izahay? ary tsy efa nanao asa lehibe maro tamin'ny anaranao va izahay?

smileyah:

Ary ho an'izay te ho mpampianatra mihitsy no hisy hiampanga rehefa tonga ny fitsarana satria maro ireo te hamily lalana ny ondriny any @ tsy izy. Kanefa mazava be ny fampianarany:
-Izay mino ka hatao batemy dia ho voavonjy. (ho an'ireo nampalalaina nefa minia mikimpy ...°
-Izay mihinana ny nofoko sy misotro ny ràko no hanana ny fiainana mandrakizay.( sa haingon'ny Baiboly fotsiny io?)

Tapahinao ny tenin'Andriamanitra dia lasa mivilana ilay izy, andeha anie hotohizana hatramin'ny farany io ambaranao io e :
Mark.16:16 "Izay mino sy atao batisa no hovonjena ; fa izay tsy mety mino no hohelohina" . Jereo fa nisy olona lehibe, vory saina tsara natao batisa (endrika ivelany) voalaza ao amin'ny baiboly ao fa mbola very, tsy tafiditra akory amin'ilay fanjakan'Andriamanitra a!
Fa inona ihany koa moa ny atao hoe misotro, na ihany koa hoe mihinana ? Ny misotro na ny mihinana dia ny mampiditra ao anaty. Ka ny misotro sy mihinana an'i Jesoa izany dia ny fampidirana ao anaty an'i Jeso Kristy eo amin'ny fiainanao manontolo. Io ilay hoe fandraisana an'i Jeso ho Tompo sy Mpamonjy fa tsy ny endrika ivelany amin'ny fisotroana divay sy mofo akory.
Dia mba mampitandrina a'ise koa aho ny amin'izay mbola mety hamafin'ny fon'ise, hanehoan'ise hevitra eto fa efa hain'ise izany io fa ho mafimafy kokoa ny hanadinana an'ise !

smileyah:

Ao koa ireo didin'Andriamanitra izay tsy maintsy tandremana.

Mila averina amin'ise foana ve fa tsy vokatry ny fihezahan'ise no hamonjena an'ise fa noho ny fahasoavana ? Efe 2 : 8 "Fa fahasoavana no namonjena anareo amin'ny finoana ; ary tsy avy aminareo izany , fa fanomezana avy amin'Andriamanitra ; "

smileyah:

Ireo izay tsy mahalala anefa dia araka izay tsy fahalalany izay koa no hitsarana azy.
Noho ny fahalementsika olombelona anefa ary Andriamanitra dia mahalala izany dia nomeny ny fiangonana, ny sakramenta, ny fahasoavana maro isan-karazany mba hanampy antsika hahatratra ny tanjona.Ka na dia solafaka matetika aza isika dia eo foana izy vonona ny hamela antsika raha miverina aminy @ fo tanteraka isika.Ary izay no nanomezany ny sakramentan'ny fampihavanana mba hanehoany amintsika fa lehibe tsy takatry ny saintsika ny famindrampony sy ny fitiavany.
Ny olona mazoto manara-dia azy amin-kitsim-po dia hovonjeny tokoa.

Hain'ise ve ny atao hoe MIBEBAKA? Midika inona amin'ise izany fibebahana izany ?
Mat 7 : 23 Ary dia hambarako aminy marimarina hoe : Tsy mba fantatro akory ianareo hatr'izay hatr'izay ; mialà amiko , ianareo mpanao meloka

Tefygasy>> Tsy fantatrao ny halehiben'ny famindram-pon'Andriamanitra.Moa tsy efa niteny aza ny Tompo hoe: mamelà ny namanareo na dia diso taminareo im-pitopolo fito aza. Koa Izy mpampianatra ve no tsy hanao toa izany koa?
Moa efa mba nodinihinao lalina ny zavatra lazaiko?
Mivaona @ finoana ve? Moa tsy noho ny finoana no anekena anaovana batemy? Moa tsy nohon'ny finoana ve no handraisana ny sakramenta? Moa tsy noho ny finoana ve no hitandremana ny didy?
Sa tianareo mihitsy ny hamily lalana ny ondry?
Ary ny nofo sy rà izay raisina dia tena ny tenan'Izy Tompo mihitsy izay ankalazaina isaky ny sorona masina.

smileyah:

Tefygasy>> Tsy fantatrao ny halehiben'ny famindram-pon'Andriamanitra.Moa tsy efa niteny aza ny Tompo hoe: mamelà ny namanareo na dia diso taminareo im-pitopolo fito aza. Koa Izy mpampianatra ve no tsy hanao toa izany koa?

Eo mihitsy ilay fitaky ny devoly smileyah a! Tadidio fa raha nalain'ny devoly fanahy i Jesoa dia tena nampiasa ny tenin'Andriamanitra izy mba netiny namitaka ihany koa. Maro ny devoly no miteny ankehitriny fa izany Andriamanitra fitiavana izany, izany Andriamanitra be famindra-po izany tsy mba hanary olona any amin'ny helo mihitsy . Dia tena marina anie fa Fitiavana Andriamanitra e, tena marina fa mpamindra fo Andriamanitra, ary noho izany indrindra no nahatonga an'i Jeso teto an-tany, mba hamonjy ny olona.
SAINGY: tsy afaka ny hanery anao Izy mba hovoavonjy ianao, tsy afaka ny hanery anao mba handray Azy ho Tomponao sy Mpamonjinao Izy. Manaja ny safidinao hatrany Izy . Ary izay fanajany anao izay no maha-Fitiavana Azy.
Fa mba tiako ho valianao ihany ireo fanontaniana napetrako teo aloha raha mba afaka valianao e: Inona moa no atao hoe MIBEBAKA ? Ary midika inona ny FIBEBAHANA ?
Ary tsarovy fa tenin'Andriamanitra hatrany no namaliako anao teo ambony fa tsy teniko akory. Averiko kely eto ambany ilay izy a :
Mat 7 : 23 Ary dia hambarako aminy marimarina hoe : Tsy mba fantatro akory ianareo hatr'izay hatr'izay ; mialà amiko , ianareo mpanao meloka
Efe 2 : 8 "Fa fahasoavana no namonjena anareo amin'ny finoana ; ary tsy avy aminareo izany , fa fanomezana avy amin'Andriamanitra ; "
Mar 16 : 16 b "fa izay tsy mety mino no hohelohina "

smileyah:

Moa efa mba nodinihinao lalina ny zavatra lazaiko?
Mivaona @ finoana ve? Moa tsy noho ny finoana no anekena anaovana batemy? Moa tsy nohon'ny finoana ve no handraisana ny sakramenta? Moa tsy noho ny finoana ve no hitandremana ny didy?
Sa tianareo mihitsy ny hamily lalana ny ondry?
Ary ny nofo sy rà izay raisina dia tena ny tenan'Izy Tompo mihitsy izay ankalazaina isaky ny sorona masina.

smileyah a: ise no nilaza ity teny ity tamin'i toriteny hoe : "Mihevitra ve ianareo fa izay tena vontompinoana toa anareo ihany no hovonjena? "
Manaiky ihany anefa ise eto fa tsy misy fika ankoatry ny FINOANA koa inona indray aza. Ny finoana daholo no base mitondra ny zavatra rehetra. Tapina ny daomy anie izany e! Tsy misy fika ankoatry ny FINOANA , ary ise ary izany manaiky fa izay voto-pinoana ihany no hovonjena ka inona indray aza !
sa ve ise te hifamaly amin'i toriteny fotsiny teny ambony ?
Fa tsarovy ihany hoy aho ny tantaran'i simona pilalao ody izay niova fo, nanolo-tena hatao batisa, vita batisa, nefa tsy nahita akory ny fanjakan'Andriamanitra fa ny ozona indray aza no azony a! Enga anie mba tsy ho i simona mpilalao ody izay rehetra efa vita batisa !

Tsy hoe te hifamaly @ toriteny sanatria. Fa misy fanizingizinana nataony : tsy ny batemy, tsy ny fanaovana ny sitrapon'Andriamanitra hoy izy no mahavonjy fa ny finoana ihany.
Valiny: ny batemy, ny fanaovana ny sitrapon'Andriamanitra no mampiseho ny finoana. Noho izany tsy afa-misaraka. Araka ny teninao momba an'i Simona mpilalao ody. Satria tsy nanao ny sitrapon'Andriamanitra izy. Tadidio fa sitrapon'Andriamanitra ny hiverenantsika aminy amin'ny fo feno fanetrentena tanteraka sy fanenenana tsy hanao intsony.
Izany koa no ilazako hoe tsy ny votom-pinoana be ihany no hovonjena (fiainana feno fahamasinana hatramin'ny nanaovana batemy),Ao ireo kristianina marisarisa nohon'ny fahalemen'ny nofo fa nomen'Andriamanitra ny sakramentan'ny fibebahana hanamparany ny famindrampony. Tadidio fa raha mbola misy aina ny olona ka mahatsiaro miverina @ Andriamanitra dia mbola mahazo manantena famonjena mandrakariva.
Fa ny fanakiviana ny olona hanantona izany famindram-pon'Andriamanitra izany no fandrika ampiasain'ny demony hampanalavirana ny olona amin'Andriamanitra.
Moa ve ny kristianina vita batemy rehetra ao aminareo dia tsy manota intsony, tsy latsaka @ fakam-panahy? Inona ny ataony izany raha sendra izany?

smileyah:

Tsy hoe te hifamaly @ toriteny sanatria. Fa misy fanizingizinana nataony : tsy ny batemy, tsy ny fanaovana ny sitrapon'Andriamanitra hoy izy no mahavonjy fa ny finoana ihany.

Inona moa no mahadiso azy amin'izany, Ianao ary vao teo no nanamafy fa avy amin'ny finoana daholo no tokony hanaovana ireny rehetra reny fa raha tsy amin'ny finoana dia tsy misy dikany ireny rehetra ireny koa ! Ary milaza izany indrindra ny baiboly araka ny efa naverimberiko teto fa Mark.16:16b "izay tsy mino no helohina" . ka iza ary no mamilana ny fampianarana eto: ianao sa ny baiboly ?

smileyah:

Valiny: ny batemy, ny fanaovana ny sitrapon'Andriamanitra no mampiseho ny finoana. Noho izany tsy afa-misaraka.

Fa tsy midika akory izany fa ny batemy no tsy hanary anao any amin'ny helo. Ny finoana no mitondra famonjena ho anao , fa ny batemy izay adika ho sakramenta (sakramenta = famantarana hita maso ny fahasoavan'Andriamanitra tsy hita maso) dia endrika fotsiny ihany. Azonao ve? na misy automobilina aza (mitondra anao mandendeha) eo nefa tsy misy carburant ao amin'ny reservoir, ho afaka ho aiza moa ianao ?

smileyah:

Araka ny teninao momba an'i Simona mpilalao ody. Satria tsy nanao ny sitrapon'Andriamanitra izy.

Tsy misy miteny kosa aloha ao amin'ny baiboly hoe tsy nanao ny sitrapon'Andriamanitra i Simona mpilalao ody taorian'ny nanaovana batemy azy e. Mba omeo hoe ny toko sy ny andininy amin'izany ? Ny antony nanaovany batisa dia ny mba hahavita fahagagana maro, hahazoany vola aman-karena fa tsy ny fanjakan'Andriamanitra ka izany no nahavoazona azy fa tsy zavatra hafa izay neritreretinao akory a!

smileyah:

Izany koa no ilazako hoe tsy ny votom-pinoana be ihany no hovonjena (fiainana feno fahamasinana hatramin'ny nanaovana batemy),Ao ireo kristianina marisarisa nohon'ny fahalemen'ny nofo fa nomen'Andriamanitra ny sakramentan'ny fibebahana hanamparany ny famindrampony. Tadidio fa raha mbola misy aina ny olona ka mahatsiaro miverina @ Andriamanitra dia mbola mahazo manantena famonjena mandrakariva.

Mba omeo verset biblique mikasika izany fampianarana izany aho r'ise raha mba mety fa ny ahy ny hitako ao amin'ny baiboliko dia :
Mat 7 : 23 Ary dia hambarako aminy marimarina hoe : Tsy mba fantatro akory ianareo hatr'izay hatr'izay ; mialà amiko , ianareo mpanao meloka
Tim2 1 : 7 Fa tsy nomen'Andriamanitra fanahy osa isika , fa fanahy mahery sy fitiavana ary fahononan-tena.

smileyah:

Fa ny fanakiviana ny olona hanantona izany famindram-pon'Andriamanitra izany no fandrika ampiasain'ny demony hampanalavirana ny olona amin'Andriamanitra.

Sao dia ny fanindraindrana io famindra-po teneninao io kosa no tetiky ny devoly hilazany amin'ny olona hoe manota foana fa mamela heloka Andriamanitra ?

smileyah:

Moa ve ny kristianina vita batemy rehetra ao aminareo dia tsy manota intsony, tsy latsaka @ fakam-panahy? Inona ny ataony izany raha sendra izany?

Ny famaritanao ny atao hoe MIBEBAKA mihitsy no mba nanontaniako anao teo aloha, ny fandraisanao izany hoe VOAVELA HELOKA, FIBEBAHANA mba entiko hamaliana io fanontaniana hapetrakao io nefa moa tsy haiko na ilay mibebaka mihitsy no tsy hainao na tsy te hanome ahy ny valiny fotsiny ianao. Tena tsara anefa raha mba faritanao kely aloha ny atao hoe Mibebaka alohan'ny hanomezako anao ny hevitr'Andriamanitra mikasika io fanontaniana farany apetrakao io !

Ny zavatra tsy azonareo dia ity: nametraka valiny aho tany aloha ary nokianinareo nefa lazainao fa mitovy ihany ny hevitra ambarantsika momba ny famonjena.
Izany hoe ny finoana tsy arahan'asa dia maty. Na koa raha tsy mbola mazava ihany dia ny manaiky am-bava fa mino dia tsy izy fa mila aseho @ asa.
Na vita batemy aza rehefa tsy manao ny sitrapon'Andriamanitra dia tsy mahavonjy akory izany.
Momba an'i simona mpilalao ody: lazainao fa ny mba hahazo hanao fahagagana ny antony nanaovany batemy. Ka io dia mifanohitra @ sitrapon'Andriamanitra. Sa inona no dikany hoe manao ny sitrapon'Andriamanitra no kianinao ny valiny lazaiko?
Raha ny mibebaka dia ianao mihitsy no tsy mamaky tsara ny zavatra soratako : manenina @ ratsy natao ary mikasa ny tsy hamerina intsony.
Nefa @ maha olombelona malemy sy osa antsika dia maro ny fakam-panahy mahazo fa tsy tokana akory ka mety ho solafaka ihany indraindray ny ankamaroan'ny olona. Izany anefa tsy manakana antsika tsy hanantona sy hangataka ny famindram-pon'Andriamanitra isak'izay mahatsiaro tena ho diso isika. Ary izany indrindra no nanomezan'i Jesoa Kristy ohatra ho antsika raha nentina ho vonoina izy dia lavo in-telo nefa tsy kivy fa niarina mandrakariva: ho fampianarana ho antsika izany fa na lavo @ fahotana matetika aza isika dia tokony hiarina, hitraka ary hanantona mandrakariva an'Andriamanitra hangataka ny famelany amin'ny sakramentan'ny fampihavanana.
Ny demony dia tsy kely lalana ary ny ankamaroan'ny olombelona dia manota avokoa na @ hevitra, na @ teny, na @ atao, na @ adidy tsy vita sns...Ary izany no ilazako hoe aza kivy @ hamaroan'ny heloka vita fa manatona an' Andriamanitra mandrakariva mangataka ny famindram-pony raha mbola omeny fotoana koa.

smileyah:

Ny zavatra tsy azonareo dia ity: nametraka valiny aho tany aloha ary nokianinareo nefa lazainao fa mitovy ihany ny hevitra ambarantsika momba ny famonjena.

????????? Tena tsy azo ny tian'ny mpanoratra lazaina. Tsy mahazo reseau ilay wifi-ako! hihihihi !

smileyah:

Izany hoe ny finoana tsy arahan'asa dia maty. Na koa raha tsy mbola mazava ihany dia ny manaiky am-bava fa mino dia tsy izy fa mila aseho @ asa.
Na vita batemy aza rehefa tsy manao ny sitrapon'Andriamanitra dia tsy mahavonjy akory izany.

Izay vao tena azoko ny olana. Ary aleo averina any amin'ny lohahevitr'i leva2 amin'izay ny resaka. Dia ahoana izany izao ity jiolahy ity r'ise. Ise ve mitsara fa tsy voavonjy izy izany satria tsy nisy asa nataony na dia kely aza teo ambony hazofijaliana ?
Tsy ny asa anie r'ise no mitondra famonjena e : vokatry ny famonjena ny asa, vokatry ny finoana ny asa, ny finoana tsy ampiasaina no maty fa tsy ny asa akory no mitondra famonjena.
Averitsika ao anaty baiboly foana ny fanehoan-kevitra: raha mahita ise ao amin'ny baiboly, indrindra aty amin'ny fanekena vaovao: olona novonjena vokatry ny asa nataony dia ambarao eto fa tena taraiky be aho, tsy nahita an'izay mihitsy aho. Fa ity ny fahamarinana hitako ao anaty baiboly ao :
Efe 2 : 8 "Fa fahasoavana no namonjena anareo amin'ny finoana ; ary tsy avy aminareo izany , fa fanomezana avy amin'Andriamanitra ; "
==> Dia aiza ho aiza amin'io r'ise ny asa eo anatrehan'ny famonjena ? Dia ho sanatria ve ho diso ny baiboly nampiasaiko e !

smileyah:

Momba an'i simona mpilalao ody: lazainao fa ny mba hahazo hanao fahagagana ny antony nanaovany batemy. Ka io dia mifanohitra @ sitrapon'Andriamanitra. Sa inona no dikany hoe manao ny sitrapon'Andriamanitra no kianinao ny valiny lazaiko?

smileyah ô, samy hafa kosa ny teny hoe "tsy manao ny sitrapon'Andriamanitra" sy ny hoe "mifanohitra amin'ny sitrapon'Andriamanitra" e! Ny fifampiresahantsika tany aloha dia hoe "tsy manao ny sitrapon'Andriamanitra", izany hoe tsy nanao asa, tsy nampiasa ilay finoana. Azo heverina izany fa mety ho nipetrapetraka fotsiny izy fa tsy voatery hoe nanohitra ny sitra-pon'Andriamanitra, nanota na niverin-dalana. Jereo fa J+1 taorian'ny nanaovana batemy azy anie no nahazahoany ozona fa tsy fotoana elabe taty aoriana e ! Ny mpianatry ny Tompo,talohany niakaran'ny Tompo tany an-danitra dia tsy navelany hihetsika tao Jerosalema (tsy nanao asa) raha tsy afaka andro vitsivitsy taty aoriana. Ka raha miteny ianao eto hoe fahotana izany dia vaovao amiko indray izay aloha a!

smileyah:

Raha ny mibebaka dia ianao mihitsy no tsy mamaky tsara ny zavatra soratako : manenina @ ratsy natao ary mikasa ny tsy hamerina intsony.

Hifonako kosa aloha zany teto fa tsy hitako ity valinteny ity tany aloha. Mamela ahy ianao mba hanitsy kely an'ilay famaritana efa nolazainao io ary : foanako ilay hoe "mikasa". Tsy fibebahana izany hoe mikasa ny tsy hamerina intsony, fa ny fibebahana dia ny fanapahan-kevitra ny "TSY hamerina intsony".
Inona moa no zavatra takiana alohan'ny handraisana ny famonjena ? ==> Ny Fibebahana : fanekena ny ratsy vita, fialana amin'ny fiainana teo aloha, famatsiana ny fahotana rehetra natao teo aloha teo amin'ny hazofijalian'i Jesoa, miara-maty amin'ny Tompo ary miafara amin'ny fitsanganana ho amin'ny fiainam-baovao. Izay ilay mibebaka. Raha mbola tsy tonga hatrany amin'ilay fiainam-baovao ny fiainan'ny olona iray dia mbola tsy fibebahana izany. Ary ny olona miaina izany fiainam-baovao izany dia olona vaovao mihitsy. Hoy i Paoly hoe : Kor2 5 : 17 Koa raha misy olona ao amin'i Kristy, dia olom-baovao izy ; efa lasa ny zavatra taloha, indreo , efa tonga vaovao ireo." . Teneniko amin'ise fa io olom-baovao io dia tsy misy hifandraisany amin'ilay olona teo aloha intsony. Fijoroana vavolom-belona iray no efa napetrak'i leva2 teto taloha: olona mpisotro toaka, mamolava, rehefa nibebaka dia lasa olona mpitory filazantsara nikoizana ary tsy tafaverina intsony amin'izany fandraisana toaka izany intsony taty aoriana. Izay ilay atao hoe Mibebaka.
Izay ihany koa no hamaliako ny fanontanianao teo ambony.

smileyah:

Nefa @ maha olombelona malemy sy osa antsika dia maro ny fakam-panahy mahazo fa tsy tokana akory ka mety ho solafaka ihany indraindray ny ankamaroan'ny olona.

Dia ny conclusion raisiko dia hoe : mbola tsy nandray ilay Fanahy Mahery ianao, mbola tsy miaina ilay fiainam-baovao, mbola tsy nahatsapa hoe "jamba aho teo aloha, mahiratra aho izao" (Jao.9:25) raha toa izao no mbola ao an-tsainao ao. Raha mba tsapanao izany lanjan'ny ran'i Jesoa netiny teo ambony hazofijaliana hamonjena anao izany mantsy, dia tsy ho lanilaninao fahatany izany ra latsaka izany, tsy ho tsiratsirainao amin'ny fahotana izany ra latsaka izany ! Sao heverinao ary fa tsy mbola nanolotra ny Fanahy mahery ho an'ny olom-baovao ny Tompo e : Tim2 1 : 7 " Fa tsy nomen'Andriamanitra fanahy osa isika , fa fanahy mahery sy fitiavana ary fahononan-tena."
Soa ihany marina fa mbola mamindra fo Izy ! Tsarovy anefa fa tsy fantatrao ny fotoana !

Ny mahavoa antsika dia tia mitsara haingana fa tsy dia alalinina loatra ny zavatra lazain'ny sasany. Hitako hoe ny tanjonareo dia ny handresy lahatra ny olona tsy ho resy lahatra mandrakizay. Satria efa miorim-paka lalina ao @ i Jesoa Kristy. Ary efa mahita ny vokany eo @ fiainana ka mba te hizara izany @ izay te handray azy.
Raha tsy azonareo izay lazaiko dia aleo ho an'izay notsilovin'ny Fanahy Masina afaka handray azy. Moa ny Farisianina tsy nahay antsipiriany ny soratra? Nefa jamba ihany .
Satria hoy ny Tompo: misaotra anao aho Raiko fa nafeninao ireo be saina izany fa nambaranao ny madinika kosa.

smileyah:

Toriteny>> Mihevitra ve ianareo fa izay tena vontompinoana toa anareo ihany no hovonjena?

Voalazanao. Tsy ilay hoe za be finoana no voalazanao an :) fa tena ny finoana mihitsy no hamonjena. KA aza mangataka andro intsony Smileyah a fa finoana an'i Jesosy Kristy ihany no amoahana ny vavahadin'ny lanitra aminao

Mikasika batemy sy firaisana latabatra amin'ny Tompo
Diniho tsara ireto tenin'i Jesosy mikasika ny mofo sy ny divay.
MArka sy MAt26:28 "fa ity no rako , dia ny amin'ny fanekena"

Efa misy base fanekena (Efa mino=efa voavonjy=efa nandray ny Tompo teo amin'ny fiainany ilay olona) ALOHA vao mihinana sy misotro ny mofo sy ny divay. Izany hoe efa mino ilay olona, efa misokatra ho azy ny lanitra vao mandray fa tsy hoe ny fandraisana mofo sy divay no hamonjena. Azonao ny mahasamihafa azy?Ny eritreretinao hoe moyen hamonjena fa ny tena izy porofo hanehoanao fa efa voavonjy ianao ka efa miray latabatra sahady amin'ny Tompo, efa migoka sahady ny fiainana mandrakizay

Ny an'i Lio22:19 izy mazava be :"Ity no tenako izay omena ho anareo ; izao no ataovinareo ho fahatsiarovana Ahy" Mijanona ho fahatsiarovana ny firaisana latabatra amin'ny Tompo fa tsy fitadiavam-pamonjena

Torak'izany ihany koa ny batisa, marika famantarana eo amin'izao tontolo izao ny batisa fa an'A/tra ianao fa tsy ny batisa akory no mahavonjy.

Tsy haiko ianao raha manambady fa important be ilay voady atao eo anatrehan'A/tra eo amin'ny alitara iny ary ho marika fa efa nahavita voady tamin'ny vadinao teo anatrehan' A/tra ianao dia manao peratra. Symbole (marika hita maso ety ivelany) fotsiny iny peratra iny fa ilay voady efa vitanao no important.

Fa na tsy manao peratra aza ianao, fantar'A/tra foana hoe nahavita voady ianao. SAingy ny olona tsy mahalala no antony hanaovanao peratra. Dia contraire n'izay raha manao peratra 22 carat aza ianao nefa tsy nanao voady akory fa fisehoana ivelany fotsiny dia naman'ny tsy manambady ihany ianao.

Dia tsy misy mahasamihafa an'izay ny batisa sy ny firaisana latabatra amin'ny Tompo ary ny famonjena.
MArika ahafantaran'izao tontolo izao (SAtana indrindra indrindra)fa efa voavonjy ianao, efa nandray ny Tompo ianao ny batemy. Fa ny famonjena tokana sy ny important tsy ilay batemy fa ilay hevitra fonosin'ny batemy dia ny nividianan'i Jesosy anao teo amin'ny hazo fijaliana.
Raha vita batemy ianao (peratra) nefa tsy nandray ny Tompo(voady)=0
Raha tsy vita batemy ianao(peratra)nefa nandray ny Tompo(voady)=Voavonjy
Fa ny tsara izany dia sady vita batemy no mandray ny Tompo

smileyah:

Ny mahavoa antsika dia tia mitsara haingana

TSy mitsara fa te mettre devant l'évidence hoe tsy voavonjy ianao raha tsy manana an'i Jesosy Kristy.
Aza manamafy fo smileyah marina é!! Mbola fotoanany izao dia miovà