bor2lais:
Fanamafisana ny voalazan'ny namana Strong3 :
Mat_11_28:
Mankanesa aty Amiko, hianareo rehetra izay miasa fatratra sy mavesatra entana, fa Izaho no hanome anareo fitsaharana.
Mat_12_8:
Fa Tompon'ny Sabata ny Zanak'olona
Gal_2_21:
Tsy mahafoana ny fahasoavan'Andriamanitra aho; fa raha avy amin'ny lalàna ny fahamarinana dia maty foana Kristy.
Gal_3_3:
Adala toy izany va hianareo? Rehefa nanomboka tamin'ny Fanahy hianareo, dia hahatanteraka amin'ny nofo va ankehitriny?
Gal_5_1:
Ho amin'ny fahafahana no nanafahan'i Kristy antsika; ka tomoera tsara, fa aza mety hohazonin'ny zioga fanandevozana intsony.
Gal_5_4:
Dia tafasaraka amin'i Kristy hianareo na iza na iza izay mitady hohamarinina amin'ny lalàna; efa lavo niala tamin'ny fahasoavana hianareo
Ny tiana ahatongavana : endrika "marche-arrière" (efa tao amin'ny Fanahy no lasa niverina ao amin'ny nofo indray) ny fiverenana na ny fampifangaroana ny lalàna sy ny fahasoavana !
:-)
Faly misera namana,
Ny fanovana nisy teo amn'ny fanekena taloha sy ny fanekena vaovao dia izao :
ilay soratanana ivelany teo aloha Kol.2:14 nosoloina ho soratra anatiny Heb.8:10, Ilay lalàna teo aloha iny ihany saingy tsy atao ivelan'ny olona intsony fa soratana ho ao anatiny.....
Taloha dia noho ilay lalàna ivelany no nitandremana ny didy, saingy amin'ny fanekena vaovao kosa dia noho ilay lalàna efa voasoratra ao anaty (io ilay Kristy velona ao anaty)....Izay nataon'io Kristy io fahavelony no hitarihany ilay "olona vaovao"...Ka raha nitandrina Sabata i Kristy sy ny mpianany dia hitandrina Sabata ihany koa izay olona tarihin'IO FANAHY VELONA ao anatiny io.....
Ekena fa misy ny diso fandray ka hoy indrindra i paoly apostoly....
« Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany! » (Rom.6:15)
Sanatria izany hoy paoly....Ny dikan'ny hoe manota dia mandika ny lalàn'Andriamanitra « Izay rehetra manota no mandika ny lalàna; fa ny ota no fandikana ny lalàna. » (1 Jao.3:4)
Tsy marche arrière velively fa fandrosoana....
Ilay lalàna tsy nety tanteraka teo aloha lasa tanteraka....« Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka. » (Mat. 5:17)
Fanadiovana hatrany anatiny no nataon'i Jesosy fa tsy fanadiovana ivelany fotsiny tahaka ny nataon'ireo fariseo sy mpanora-dalàna.....« Lozanareo, mpanora-dalàna sy Fariseo, mpihatsaravelatsihy! fa diovinareo ny vohon'ny kapoaka sy ny lovia, nefa ny ao anatiny dia feno rombaka sy tsi-fahononana. » (Mat.23:25)
Rehefa ny ao anatiny no madio dia hita taratra ho azy avy ety ivelany ny fahadiovan'izany ao anatiny izany.....« Ny olona tsara fanahy dia mamoaka ny tsara avy amin'ny rakitra tsaran'ny fony; ary ny ratsy fanahy kosa dia mamoaka ny ratsy; fa amin'ny haben'ny ao am-pony no itenenan'ny vavany. » (Lio.6:45)
Io ny secret an'ny fiainana mandrak'izay "fadiovam-po" « Sambatra ny madio am-po; fa izy no hahita an'Andriamanitra, » (Mat.5:8)
(ilay lalàn'Andriamanitra tsy ivelany intsony fa lasa "fiainana vaovao ao anaty"« Voahombo miaraka amin'i Kristy amin'ny hazo fijaliana aho, ary tsy izaho intsony no velona, fa Kristy no velona ato anatiko; fa izay ivelomako ankehitriny eo amin'ny nofo dia ivelomako amin'ny finoana ny Zanak'Andriamanitra, Izay efa tia ahy ka nanolotra ny tenany hamonjy ahy. » (Gal.2:20)
......
Izay rehetra tonga amin'izany toerana izany no manana ny "fanjakan'Andriamanitra" ary nahavita ny hazakazaka izay nampanaovina azy.....« Ary ny olona tsy hanao hoe: Indro, ety! na ery ! fa, indro, ny fanjakan'Andriamanitra dia ao anatinareo*.[*Na: efa eo aminareo] » (Lioka 17:21)
IZAY MANANA MASO AOKA HAHITA!!!! IZAY MANANA SAINA AOKA HISAINA!!!!
