ratsirano>jajajaly> Salama daholo
Hoy ianareo, Andriamanitra no nanamboatra ny anjely, Andriamanitra anefa tonga lafatra.
Noho izany ny Anjely namboarin'Andriamanitra tokony tonga lafatra ohatra azy ihany koa
Tsy tokony hisy bug mihintsy hoe afaka manota.

Sa efa nisy bug tao anatin'Andriamanitra dien'ny voalohany?

Rehefa jerena tsara dia tsy mandaitra amin'i Voromailala mihitsy ny hevitra aroson'ny mpamaly azy

Nehemiah> Tsy hoe tsy mandaitra fa tsy mahafapo, na izaho azany hatramin'izao koa tia mbola mametraka fanontaniana foana.

Hoe te hanao andrana fotsiny ve Andriamanitra ny antony nanamboarany antsika eto antany?

Fa maninona tsy tonga dia nataony any am paradisa daholo isika rehetra satria izy fitiavana?

Tsy hoe tsy mahafa-po fa tsy ekenao

Zavamisy no tokony jerena namana Voromailala, dia avy amin'izay zava-misy izay no maka tsoa-kevitra fa tsy avy hatrany dia milaza hoe maharesy na tsy maharesy lahatra ny fisian'ny faharatsiana eto ambonin'ny tany, sy eny amin'ny toeran-kafa ankoatry ny tany.

Ny zavatra azo lazaina fotsiny dia izay namorona ny fifaninanana no nahatonga ny tsy firindràna eo amin'ny zavamananaina isan-tokony.

Ny an'ny olombleona moa dia ny fitiavan-tena sy fitiavan-kanangona no tsy nahazarizary ny fiarahamoniny hatramin'izao. Sanatria ny an'ny biby indray no mirindra kokoa. Raha tsy manana tetika mazava ny olombelona dia anisan'ny mihinan-tena ihany ary mety no isan'ny en voie de disparition aza raha tsy manana fahendrena.

Ny fototry ny ratsy rehetra dia ny fitiavantena ka isisihan'izay matahotra ny ho lany vatsy. Izany hoe ny valera mihitsy no mibirioka ka very ny lanjan'ny olombelona sy ny hasiny.

Fa eo ihany isika, raha tsy mahafa-po tokoa ilay valintny rehetra dia azonao vakiana indray aloha ny Testamenta Fahatelo hanazava bebe kokoa ny anton'ny ahalavoana e!

Ka ny biby anie tsy mahalala an'izany tsara sy ratsy izany e. Tsy mampaninona ny lycaon na ny requin ny mihinana ny rembiny mbola velona, fa isika olombelona kosa dia mahafantatra an'izay, na dia mety mamono ny feon'ny eritreriny aza ny sasany. Ka taiza no nitsimoka ny ratsy raha ny fandalàn'i Miharena ny tapitrisa taona no arahina ?

Tsy dia hoe any amin'ny tapitrisa taona angamba no iantefan'ny fanontaniana fa hoe misy zavatra tsy mbola voafolaka ny fampiasana azy dia ny fomba fieritreretana na fanatanterahana zavatra iray eo amin'ny olombelona manana safidy. Ny fantatra fotsiny dia hoe samy manana ny otri-pahatanterahana avy ny tsirairay noforonin'Andriamanitra fa ny fampiasana azy no samy manana ny fotoanany ny tsirairay. Ny zaza tsy hitovy amin'ny olon-dehibe ary ny mpandala ny fiheverana mba harafitra ho finoana tsy hitovy amin'ny mpandala ny fiovana sy fihavaozana anaty miankina amin'ny fahatsapana.

Ka ny ratsy amin'ireo izany no jerena hoe iza ? Satria raha izaho no mijery dia ilay mpandala fiheverana mba iankinana dia mbola tsy zarizary raha tsy tonga amin'ny fahatsapana anaty. Dia io ilay fivoarana ho an'ny fanahy tsirairay.

Fehiny, tsy misy ratsy na tsara fa mitozo any amin'ny fahatsaràna avokoa ny fanahy rehetra.

Raha tapitrisa taona izao tontolo izao dia midika fa ampahan'ny tontolo "tsara indrindra" noforonin'Andriamanitra ny aretina, ny fandatsahan-dra, ny fijaliana ary ny fahafatesana izay niseho mandritry ny tapitrisa taona tsy tambo isaina :



Ka araky ny lazainao, raha tsy marina ny Genesisy, tsy misy ratsy na tsara (kanefa fantatsika fa misy avokoa ny tsara sy ny ratsy fa raha tsy izay dia tsy nanana voambolana ilazàna ny tsara sy ny ratsy ny firenena rehetra eran'izao tontolo izao), fa raha marina kosa ny Genesisy dia miavaka tsara ny tsara sy ny ratsy (miala tsiny ho an'ny kilalaon-teny :-) )

Miharena> Raha ny fiainana amin'izao fotoana no jerena dia ny sain'ny olona amiko no mahatonga azy manao ny tsara sy ny ratsy (araka ny lalan'ny firenena iray, na fivavahana iray). Ny eto antany zany iny efa mazava fa hoe tamin'ireo Anjely lasa ratsy no nipetraka ny fanontaniana satria raha azoko tsara tsy misy saina izy ireo fa fanahy fotsiny?


Nehemiah>Azoko ekena amin'ny saina anie e, fa ny ao anatiko lalina ao tsy afapo. izay angambany nahatonga le fitenenana hoe tsy afapo , hoe tsy afaka ao anaty ny fo ilay fanontaniana :-)

Tsy ny saina indray amiko no mahatonga ny fanaovana ratsy na tsara fa noho ny trangam-piainana misy ny tsirairay. Matetika dia ny tontolo no manefy ny olona tsirairay avy. Dia mila jerena ao amin'ilay tontolo ny fototry ny ratsy.

Raha tena zohina dia miteraka toetra ny famolavolana ny saina sy ny fanahy ho an'ny olona tsirairay avy nefa arakaraka ny tonotlo manodidina no ahafahany mamoitra ilay toetra na hirona amin'ny tsara na hirona amin'ny ratsy, na voatery koa izy hanao ny ratsy.

Ny tena azo antoka dia misy otri-pahatsaràna sy faharatsiana avy ny tsirairay ary tsy miseho ireny raha tsy misy tranga izay tsy maintsy ampiasàna azy avy.

Matetika dia kilasiana ao amin'ny ratsy ny fitiavantena miteraka fambotriana ny hafa, ao koa ny toetra tsy tonga lafatra. Saingy izany dia mazava fa tsy miseho raha tsy tonga ny sehatra izay tsy maintsy hipongarany.

Raha tena mahazo izay fiheverana izay ny olona ka mahatsiaro tena tsara fa ao anatiny ihany no misy otri-pharatsiana dia tokony ho afaka soa aman-tsara amin'izany izy. Io no atao hoe fibebahana, izay manala hatramin'ny fakany ilay otri-paharatsiana.

Voromailala > Hoy ianareo, Andriamanitra no nanamboatra ny anjely, Andriamanitra anefa tonga lafatra.
Noho izany ny Anjely namboarin'Andriamanitra tokony tonga lafatra ohatra azy ihany koa
Tsy tokony hisy bug mihintsy hoe afaka manota.

Sa efa nisy bug tao anatin'Andriamanitra dien'ny voalohany?


Valiny :

Voamariko fa alohan’ny hamaliana ahy ianao dia manao foana hoe « hoy ianao ». Tiako ho marihana anefa fa rehefa mamaly anao aho dia ny andinin-teny ao amin’ny Baiboly foana no entiko hamaliana anao fa ny manoro ny antoko sy andininy fotsiny no ataoko, dia ny manome ohatra mba ahazaonao azy tsara. Ka asa ianao raha mba namaky ireo andinin-teny nomeko ireo sahala ny ao amin’ny Deotoronomia 32:4 izay milaza hoe “tsy misy ratsy” ao amin’Andriamanitra. Tsy izaho no miteny izany fa ny Tenin’Andriamanitra. Ka raha ho lavinao ilay Teny dia zonao tanteraka izany.

Toa milaza koa anefa ianao hoe tsy mahafa-po anao ilay valinteny avy ao amin’ny Tenin’Andriamanitra, izany hoe tsy mandresy lahatra anao izany. Ny Tenin’Andriamanitra anefa dia milaza azy hoe natao ho “fandresen-dahatra” raha ny ao amin’ny Timoty faharoa 3:16 no jerena.
Ka raha tsy resy lahatra ianao rehefa avy namaky ireo andinin-teny ao amin’ny Baiboly ireo, dia tsy mety aminao mihitsy izany ny Tenin’Andriamanitra.

Fa ny zavatra tiako ampitandremana anao fotsiny, ary am-pitiavana no itenenako izany, dia ity teninao ity :

“Sa efa nisy bug tao anatin'Andriamanitra dien'ny voalohany? »

Aza manimbazimba an’Andriamanitra fa tsy hahasoa anao izany.

Mirary soa hatrany.

ratsirano:
Tiako ho marihana anefa fa rehefa mamaly anao aho dia ny andinin-teny ao amin’ny Baiboly foana no entiko hamaliana anao fa ny manoro ny antoko sy andininy fotsiny no ataoko, dia ny manome ohatra mba ahazaonao azy tsara. Ka asa ianao raha mba namaky ireo andinin-teny nomeko ireo sahala ny ao amin’ny Deotoronomia 32:4 izay milaza hoe “tsy misy ratsy” ao amin’Andriamanitra. Tsy izaho no miteny izany fa ny Tenin’Andriamanitra. Ka raha ho lavinao ilay Teny dia zonao tanteraka izany.

Toa milaza koa anefa ianao hoe tsy mahafa-po anao ilay valinteny avy ao amin’ny Tenin’Andriamanitra, izany hoe tsy mandresy lahatra anao izany. Ny Tenin’Andriamanitra anefa dia milaza azy hoe natao ho “fandresen-dahatra” raha ny ao amin’ny Timoty faharoa 3:16 no jerena.
Ka raha tsy resy lahatra ianao rehefa avy namaky ireo andinin-teny ao amin’ny Baiboly ireo, dia tsy mety aminao mihitsy izany ny Tenin’Andriamanitra.

Azonao amin'izay ny fomba fiadian-kevitr'i Voromailala, ry Ratsirano ;).

ratsirano> Misaotra anao namaly.
Hazavaiko kely anao angambany ny momba ahy mba ahafahantsika miresaka tsara.

Amiko ny Baiboly dia tsy tenin'Andriamanitra avokoa satria tamin'ny konsily nikiea dia nisy nanasorana sy novaina. Amin'ny izao fotoana zany ny any Madagasikara dia mbola manova ny ao anaty baiboly.

Io ilay lazaiko hoe "Formatage".
NoFormaten'ny kalolika romanina ny kristianina hanaraka ny fijeriny momba ny fivavahana.
Nanandrana niala ihany anefa ny Protestanta fa mbola tavela ao anatiny satria ny fototra mihintsy no efa voaova.

Izay mahatonga ahy mangataka hatrany hoe aleoko ianao (ilay fanahy) no mamaly fa tsy ianao (ilay saina) izay efa "Formater amin'ny baiboly" ka ny Baiboly no mamaly.

Ohatra miresaka amin'ny laminasa baiboly anie za, mametraka lohahevitra dia mivoaka ho azy ny andiny rehetra ao amin'ny baiboly mifanarana amin izany.

i namana Nehemiah efa mahazo io zavatra lazaiko io raha tsy diso aho.

Ianareo roa zao dia hitako misy hitovizany, satria mihevitra ianareo fa manaiky daholo ny olona fa marina daholo ny anaty baiboly, noho izany rehefa mamaly olona avy amin'ny andiny anaty baiboly dia tokony horesy lahatra ny olona. Izaho anefa tsy ohatra an'izany :-)

Raha tena dinihina tokoa namana Voromailala dia ilay formatage no ratsy e! ka izay nilofo ni-formater ny olona izany no fototry ny ratsy???

Miharena>Azo lazaina an'izany ilay izy, kanefany nilain'ny "société" ilay fivavahana na dia efa niova azany, mba ahafanan'ny olona tsy manaonao foana.

Izay mihintsy moa no tanjona nanaovan'i Constantin azy, mba ahafahana mifehy ilay ampira romanina tamin'izany . karazana "Tampon" zany ilay izy.

Io ilay lazaina hoe Influence B. Aleo io no arahan'ny olona toa izay ilay influence A.
Fa ny tsara indrindra dia ny Influence C, izay mbola vitsy ny olona manaraka an'izany.

eto ny rohy hoan'izany te andalina izany resaka Influence izany. Izaho nampiasa chrome translator.

Nehemiah > Azonao amin'izay ny fomba fiadian-kevitr'i Voromailala, ry Ratsirano

Valiny :

Manomboka azoko amin'izay ary ho valiako izy izao.

Voromailala > 1)Amiko ny Baiboly dia tsy tenin'Andriamanitra avokoa

Valiny :
Tsy hanonona andinin-teny ao amin’ny Baiboly aho satria tsy mety aminao izany. Nefa kosa, tsy ho azonao lavina ireto zava-misy ireto : ny Baiboly dia efa voatonta amin’ny fiteny maro samihafa mi-isa 2300, izany hoe 90 % ny mponina eto an-tany no afaka mamaky azy. Baiboly 60 tapitrisa eo hoe eo no voazara isan-taona. Tsy voasakan’ny sisin-tany (frontières), na olana ara-pirazanana sy ara-poko, ny fielezan’io boky io. Misy boky hafa ve, na iray aza, manana izany “record” izany ?

Nandritra ny 1600 taona mahery no nanoratana ny Baiboly (nanomboka tamin’ny 1513 avant notre ère ka hatramin’ny 98 de notre ère). Olona 40 mahery samihafa no nanoratra azy ary niaina tamin’ny fotoan’andro (na siècles) samihafa izy ireo sady samihafa ny fari-piainany : nisy mpanjono, mpiandry ondry, mpanjaka ary dokotera (sahala amin’i Lioka). Dia izao hitantsika voalaza etsy ambony izao no vokany : voarakitra ho boky iray sady lasa “accessible” ho an’ny ankamaroan’ny olona eran-tany.

Nanomboka nosoratana efa 3000 taona lasa ny Baiboly. Nisy boky hafa nosoratana tamin’izany fotoana izany. Ireto no sasantsasany : la légende mésopotamienne de Gilgamesh (amin’ny fiteny akkadien), Les Lamentations d’Ipou-our sy La prophétie de Neferty (amin’ny fiteny egyptien). Efa hadino ireo boky ireo fa ny Baibly dia mbola eo ihany sady efa voadika amin’ny fiteny marobe.

Tsy midika ve izany fa avy amin’Andriamanitra io boky io satria Izy dia Andriamanitry ny firazanana sy ny foko rehetra fa tsy ho an’ny firenena iray manokana ihany (ohatra hoe ny malagasy fotsiny). ?

Voromailala > 2)satria tamin'ny konsily nikiea dia nisy nanasorana sy novaina:

Valiny :
Nandritran’io Concile de Nicée io dia nisy théories vaovao navoitra satria tsy nifanaraka ireo mpikambana ara-pivavahana tao. Anisan’izany ny momban’ny trinité ohatra. Satria raha misara-bazana ireo mpitondra fivavahana ireo dia ho voazarazara ny empire-n’i Constantin ka mba hisian’ny maromarotra iraisana (terrain d’entente) dia novaina ny fotom-pinoana sasany ary mety nisy boky hafa natonta momba izany fa tsy ny Baiboly no novaina.


Voromailala > 3)Io ilay lazaiko hoe "Formatage".NoFormaten'ny kalolika romanina ny kristianina hanaraka ny fijeriny momba ny fivavahana:

Valiny :
Marina fa noteren’ny katolika romana ny olona lazaina hoe kristiana hanaraka ny fomba fijeriny ny fivavahana. Noho izany dia ny fomba fijerin’ny olona ny fivavahana no nisy fivoaharana sady niova, fa ny Baiboly dia tsy niova mihitsy na ny teny ao anatiny aza.


Voromailala > 4)Izay mahatonga ahy mangataka hatrany hoe aleoko ianao (ilay fanahy) no mamaly fa tsy ianao (ilay saina) izay efa "Formater amin'ny baiboly" ka ny Baiboly no mamaly


Valiny :
Teto amin’ity serasera ity dia nisy boky sasantsasany navoitranao satria ohatran’ny mety amin’ny fisainanao ny zavatra lazain’ireo mpanoratra an’ireo. Midika ve izany fa ni-formater-n’ireo boky ireo ny sainao ? Satria hita mazava fa hekenao ny fomba fijerin’ireo mpanoratra ireo fa manontany ny hevitry ny namana fotsiny ianao.



Voromailala > 5) Ohatra miresaka amin'ny laminasa baiboly anie za, mametraka lohahevitra dia mivoaka ho azy ny andiny rehetra ao amin'ny baiboly mifanarana amin izany.


Valiny :
Raha ohatra kosa ve lohahevitra na olona sahala amin’ny Adama sy Eva, na Jesosy ohatra no avoitranao, nefa ireo dia ny Baiboly no niresaka momba azy voalohany indrindra alohan’ny boky hafa rehetra, dia tsy ho ao anatin’ny Baiboly ve no ahitana ny valiny tena marina ?


Voromailala > 6)satria mihevitra ianareo fa manaiky daholo ny olona fa marina daholo ny anaty baiboly, noho izany rehefa mamaly olona avy amin'ny andiny anaty baiboly dia tokony horesy lahatra ny olona. Izaho anefa tsy ohatra an'izany :

Valiny :
Raha olona manaiky fa boky avy amin’Andriamanitra ny Baiboly dia tonga dia resy lahatra rehefa mamaky andinin-teny avy ao. Na resy lahatra aza anefa izy dia mety tsy te-hampihatra izay voalaza ao.
Raha olona tsy manaiky ny Baiboly ho Tenin’Andriamanitra, dia mazava ho azy fa tsy ho resy lahatra mihitsy ary mety tsy hampihatra izay voalaza ao koa.

Izay ihany indray ilay hoe “safidy malalaka” na “libre arbitre” !

Mirary soa.

ratsirano:
Voromailala > 4)Izay mahatonga ahy mangataka hatrany hoe aleoko ianao (ilay fanahy) no mamaly fa tsy ianao (ilay saina) izay efa "Formater amin'ny baiboly" ka ny Baiboly no mamaly


Valiny :
Teto amin’ity serasera ity dia nisy boky sasantsasany navoitranao satria ohatran’ny mety amin’ny fisainanao ny zavatra lazain’ireo mpanoratra an’ireo. Midika ve izany fa ni-formater-n’ireo boky ireo ny sainao ? Satria hita mazava fa hekenao ny fomba fijerin’ireo mpanoratra ireo fa manontany ny hevitry ny namana fotsiny ianao.

;)

Izay foana no noteneniko azy hatrany. Tsy misy an'izany olona tsy manana axiome iaingàna izany. Ny antsika ny Baiboly (na dia tsy mitovy aza ny famoahan-kevintsika @ lafiny sasany) fa ny azy dia ireny maîtres spirituels gnôstika ireny.

Fa izany hoe tsy mety ekeny izay.

Nehemiah>ratsirano>

Teto amin’ity serasera ity dia nisy boky sasantsasany navoitranao satria ohatran’ny mety amin’ny fisainanao ny zavatra lazain’ireo mpanoratra an’ireo. Midika ve izany fa ni-formater-n’ireo boky ireo ny sainao ? Satria hita mazava fa hekenao ny fomba fijerin’ireo mpanoratra ireo fa manontany ny hevitry ny namana fotsiny ianao.

Miaraka valiako ianareo. Misaotra aloha amin'ny valiteny rehetra.
Tsy nazava tsara angambany ny tiako lazaina amin'ilay hoe "Conditionnement" sy "Formatage".

Inty misy lahatsoratra kely nosoratn'i Bhhagwan mety ahazahoanareo ny tiako lazaina y:

TANT QUE VOUS NE RENONCEZ PAS à votre personnalité, à votre "moi", vous ne trouverez pas votre vraie individualité.
Cette dernière est l'essence de votre existence.
La personnalité est imposée par la societé qui elle, refuse l'individu car il ne suit pas le troupeau des moutons.
L'individu se comporte comme un lion: il avance seul.
Les moutons quand a eux reste dans leur troupeau puisque cela est plus confortable et que c une place sûre.
De plus, si un enemi apparaissait, le mouton a de grandes chances de rester inapercu dans son troupeau.
Mais un lion, lui, prend le risque de s'exposer seul.
Vous étés tous né lion. Cependant, la société vous conditionne et programme votre mental à se comporter comme un mouton.
On vous inculque une personnalité qui est conforme, polie, manipulable, influençable.
La société recherche des esclaves, elle ne s’intéresse pas à des êtres épris de liberté.
Elle souhaite des moutons car seule l’obéissance de ces derniers lui permet de grands intérêts.