jajajaly:

Tsy hitan'ny masonao angaha hoe "farihy mirehitra afo sy solifara" = "fahafatesana faharoa"
Inona ny fahafatesana faharoa?

Fahafatesana voalohany = ara-nofo
Fahafatesana faharoa = ara-panahy

Miarana:

jajajaly:

Tsy hitan'ny masonao angaha hoe "farihy mirehitra afo sy solifara" = "fahafatesana faharoa"
Inona ny fahafatesana faharoa?

Fahafatesana voalohany = ara-nofo
Fahafatesana faharoa = ara-panahy

Velona Jesosy!

Misaotra namana Miarana, fa efa hitanao avokoa izay tokony nambara.
Matokia fa tsy miady irery ianao akory.

Aza gaga ianao namana Miharana, fa tsy fantatry ny Témoins, ary tsy hainy ny manavaka ny fahafatesana voalohany (ara-nofo) sy ny faharoa (ara-panahy). Satria tsy hainy ny atao hoe fahaterahana voalohany (ara-nofo) sy ny fahaterahana indray (faharoa) (ara-panahy).

Eto mantsy izao, ny filazana hoe "fahafatesana no tambin'ny ota" dia fahafatesana faharoa no marimarina kokoa, dia araka izay voalaza ao amin'ny Apo 21/08 etsy ambony, izany hoe ny helo, na ny afobe, na izay tian'i jajajaly hilazana azy.

Fanamarihana kely koa : Raha ohatra amin'ny hamaizan'Andriamanitra ny devoly sy ny forongony no tadiavinao, vakio ity nanambaran'i Petera azy ity : "Dieu a aussi condamné les villes de Sodome et de Gomorrhe en les détruisant par le feu. Cela devait servir d’exemple aux gens mauvais, pour leur montrer ce qui allait leur arriver". II Pet 2/06. Dia arakao tsara ny tantaran'i sodoma sy gomoro hoe inona no zava-niseho.
"

jajajaly:

Hery
- Manaiky an'i Kristy ho Andriamanitra ve izy?
-Manaiky an'i Jesoa Kristy ho zanak'Andriamanitra ...

Tsy hitanareo hoe mifanohitra ve ireo tenin'ny hery ireo? Iza no tena marina!
Aza matahotra fa valiana ihany.

Hery
- Fa angaha Kristianina ny Temoins de Jehovah?

Eny. Kristianina izahay noho ireto antony ireto:

- Miezaka manaraka akaiky ny fampianaran’i Jesosy Kristy sy manahaka azy izahay.—1 Petera 2:21.
- Mino izahay fa i Jesosy no hahazoana famonjena satria «"tsy misy anarana hafa ambanin’ny lanitra nomena ny olona hahazoantsika famonjena."»â€”Asan’ny Apostoly 4:12.
- Atao batisa amin’ny anaran’i Jesosy ny olona lasa Vavolombelon’i Jehovah.—Matio 28:18, 19.
- Ataonay amin’ny anaran’i Jesosy ny vavakay.—Jaona 15:16.
- Mino izahay fa i Jesosy no Loha, na nomena fahefana, eo amin’ny lehilahy rehetra.—1 Korintianina 11:3.

Betsaka anefa ny tsy itovizanay amin’ny fivavahana hafa antsoina hoe Kristianina. Mino, ohatra, izahay fa mampianatra ny Baiboly hoe Zanak’Andriamanitra i Jesosy fa tsy anisan’ny Andriamanitra telo izay iray. (Marka 12:29) Tsy mino izahay hoe tsy mety maty ny fanahy. Tsy mino izahay hoe mampijaly olona any amin’ny afobe mandrakizay Andriamanitra satria tsy milaza an’izany ny Baiboly. Tsy mino koa izahay hoe tokony homena anaram-boninahitra ny mpitondra fivavahana mba hanavahana azy amin’ny olon-kafa.—Mpitoriteny 9:5; Ezekiela 18:4; Matio 23:8-10.
Fanazavana misimisy sy fanontaniana fapetrakin'ny olona momba anay toy ny hoe :
Misy Mpitondra Fivavahana Karamaina ve ao Aminareo?
Nahoana Ianareo no Mitsidika ny Olona Efa Manana ny Fivavahany?
Manaja ny Fivavahana Hafa ve Ianareo?
Avy Aiza ny Vola Ampiasainareo?
Mino ve Ianareo fa ny Fivavahanareo Ihany no Marina?
Mino ve Ianareo fa Ianareo Ihany no ho Voavonjy?
Mino An’i Jesosy ve Ianareo?
Nahoana Ianareo no Mitety Trano?
Nahoana Ianareo no Mitsidika ny Olona Efa Manana ny Fivavahany?
Mitory Isan-trano ve ny Vavolombelon’i Jehovah mba ho Voavonjy?

sy ny maro hafa dia hita amin'ity rohy ity, maninona raha manandrana mijery kely ao fa ho afa-po ianao: http://www.jw.org/mg/vavolombelon-i-jehovah/fanontanian-ny-olona/

Aza maika ianao namana jajajaly fa ho avy eo indrindra isika izao, fa io ilay noteneniko teny amboalohany hoe : samy manana izay hamaritany ny atao hoe "kristiana". Hojerentsika fa tsy ampy zavatra be dia be ireo resahinao ireo.

Velona Jesosy!

Fampahatsiahivana ny amin'ny Ray - Zanaka - Fanahy Masina.
Ny Témoins de Jéhovah dia tsy mahatakatra ny halalin'ny tenin'i Jesosy hoe "Izaho sy ny Ray dia iray ihany" Jao 10/30. Heveriny fa toy ny maha-iray an'i Jesosy sy ny mpianany no maha-iray Azy sy ny Ray koa : Diso tanteraka. Ny olana mantsy dia faritan'izy ireo amin'ny lojikan'olombelona ny momba an'Andriamanitra, toy ny hoe i Lita sy ny dadan'i Lita ve dia olona iray? na dia iray rà aza.
Ireto misy porofo vitsivitsy :
1- Jao 17/21 : "mba ho iray ihany izy rehetra, tahaka Anao Ray ato amiko". ity endrika firaisana eto ity namana dia ny firaisana ao amin'ny Fanahy Masina, mifanaraka amin'ny I Kor12/13 :"Fa Fanahy iray ihany no nanaovam-batisa antsika rehetra ho tena iray", sy ny hoe "mazoto mitana ny firaisana avy amin’ny Fanahy amin’ny fehim-pihavanana. Iray ny tena, ary iray ny Fanahy". Efe 4/3-4.
2- Momba ny Seza fiandrianany : ao anaty baiboly, fa indrindra ao amin'ny bokin'ny Apokalipsy dia tsy mahita mihitsy ianao hoe misy seza karazany roa ao ny an'ny Zanak'ondry sy Andriamanitra Tsitoha. Raiso anie ny baiboly teny frantsay , fa ny teny gasy moa tsy ahafahana manavaka ny pluriel sy singulier, dia ho hitanao :
Ap 22:1 Et il me montra un fleuve d’eau de la vie, limpide comme du cristal, qui sortait du trône de Dieu et de l’agneau.
Ap 22:3 Il n’y aura plus d’anathème. Le trône de Dieu et de l’agneau sera dans la ville; ses serviteurs le serviront.
Ny fanontaniako dia hoe : olona roa samy hafa ve dia afaka hipetraka eo amin'ny seza fiandrianana iray? ny valiny dia: TSIA. Fa misy olona maro koa eo akaikin'Andriamanitra fa jereo ity :
Apo 4/4 Ary manodidina ilay seza fiandrianana iray dia nisy seza fiandrianana efatra amby roa-polo; ary teo ambonin’ireo seza fiandrianana ireo dia nisy loholona efatra amby roa-polo nipetraka, nitafy fitafiana fotsy sady nisatroka satroboninahitra volamena.

3- Iza no ilay "Alpha sy Omega, Fiandohana sy Fiafarana"? Jereo ireto andinin-teny ireto ary angatahiko mihitsy mba hamarininao ao amin'ny baibolinao :
- Ilazana an'Andriamanitra Ray io famaritana io :
Isa 44/06 IZAO no lazain’i Jehovah, Mpanjakan’ny Isiraely, Dia Jehovah, Tompon’ny maro, Mpanavotra azy: Izaho no voalohany, ary Izaho no farany: Ka tsy misy Andriamanitra afa-tsy Izaho.
Apo 01/08 Izaho no Alfa sy Omega, hoy ny Tompo Andriamanitra, Ilay ankehitriny sy taloha ary ho avy, dia ny Tsitoha..
- Ho gaga ve ianao raha ilazako hoe Jesosy Kristy koa miteny an'io :
Apo 01/17-18 Ary raha nahita Azy aho, dia lavo niankohoka tahaka ny maty teo anoloan’ny tongony. Fa Izy nanendry ahy tamin’ny tànany ankavanana ka nanao hoe: Aza matahotra; Izaho no Voalohany sy Farany, dia Ilay velona; efa maty Aho, nefa, indro, velona mandrakizay mandrakizay sady manana ny fanalahidin’ny fahafatesana sy ny fiainan-tsi-hita.
Apo 22/12-13 Indro, avy faingana Aho; ary eto amiko ny famaliako, mba hamaliako ny olona rehetra araka ny asany. Izaho no Alfa sy Omega, ny Voalohany sy ny Farany, ny fiandohana sy ny fiafarana Eto dia tsara raha vakiana mihitsy ny contexte iray manontolo manomboka amin'ny Apo 22/06-16 fa miresaka ny fiavian'i Kristy indray izy io.

Dia haka tsoa-kevitra isika amin'ny fanontaniana hoe : Ny mpianatry ny Tompo ve afaka hiteny hoe "Izaho no alfa sy omega, fiandohana sy fiafarana" satria iray ihany ao amin'ny Tompo izy ireo? TSIA namako, ary sady tsy deraina no tsy ankalazaina, tsy iankohofana sady tsy ivavahana ny mpianatry ny Tompo.

Momba ny Fanahy Masina :
- Sady ambara ao amin'ny baiboly ny hoe "Fanahin'i Jehovah" : "Ny Fanahin’Andriamanitra no efa nanao ahy, Ary ny fofonain’ny Tsitoha no mamelona ahy" Joba 33/04, "Ary izahay dia vavolombelon’izany zavatra izany, ary ny Fanahy Masina koa, Izay efa nomen’Andriamanitra ny manaiky Azy" Asa 05/32.
- No sady voateny matetika koa ny hoe "Fanahin'i Kristy" : "Ary satria zanaka hianareo, dia nirahin’Andriamanitra ho ato am-pontsika ny Fanahin’ny Zanany, miantso hoe: Aba, Ray ô" Gal 04/06. Sy ny hoe :" Fa hianareo tsy ao amin’ny nofo, fa ao amin’ny Fanahy, raha ny Fanahin’Andriamanitra no mitoetra ao anatinareo. Fa raha misy kosa tsy manana ny Fanahin’i Kristy dia tsy Azy izy" Rom 08/09.
- Voalaza mazava nefa fa iray ihany ny Fanahy anaovana batisa, ary amin'ny alalan'izany Fanahy Masina izany ho hiasany sy hitoerany ary hanjakany ao anatin'ny olony :" mazoto mitana ny firaisana avy amin’ny Fanahy amin’ny fehim-pihavanana. Iray ny tena, ary iray ny Fanahy, dia toy ny niantsoana anareo ho amin’ny fanantenana iray momba ny fiantsoana anareo" Efe04/04.
Raha atao ny tsoak'hevitra izany dia Fanahin'i Jehovah na Fanahin'i Kristy dia iray ihany, porofoin'ny hoe :"Andriamanitra dia Fanahy" Jao 04/24.

Somary lavalava sy lalina, saingy mino aho fa nilaintsika ny nahalalana aloha ireo endrika firaisan'ny Ray - Zanaka ary Fanahy Masina ireo. Dia araka ny tenin'ny Tompo hoe : "C’est à vous qu’a été donné le mystère du royaume de Dieu; mais pour ceux qui sont dehors tout se passe en paraboles" Mar 04/11

jajajaly:

Betsaka anefa ny tsy itovizanay amin’ny fivavahana hafa antsoina hoe Kristianina. Mino, ohatra, izahay fa mampianatra ny Baiboly hoe Zanak’Andriamanitra i Jesosy fa tsy anisan’ny Andriamanitra telo izay iray. (Marka 12:29) Tsy mino izahay hoe tsy mety maty ny fanahy. Tsy mino izahay hoe mampijaly olona any amin’ny afobe mandrakizay Andriamanitra satria tsy milaza an’izany ny Baiboly. Tsy mino koa izahay hoe tokony homena anaram-boninahitra ny mpitondra fivavahana mba hanavahana azy amin’ny olon-kafa.—Mpitoriteny 9:5; Ezekiela 18:4; Matio 23:8-10.

Misy azo fihana ihany kosa ilay TdJ k'ity.

Leva2:

Dia haka tsoa-kevitra isika amin'ny fanontaniana hoe : Ny mpianatry ny Tompo ve afaka hiteny hoe "Izaho no alfa sy omega, fiandohana sy fiafarana" satria iray ihany ao amin'ny Tompo izy ireo? TSIA namako, ary sady tsy deraina no tsy ankalazaina, tsy iankohofana sady tsy ivavahana ny mpianatry ny Tompo.

Ny hevitra rehetra natosaky ny namana Leva2 dia marina avokoa fa ity section ity ihany no asiana teny kely.

Isika ve raha ampahafantarina fa sombin"Andriamanitra Fanahy dia mety handà ny fanekena fa Alpha sy Omega ?

Ny mpianatry ny Tompo dia tsy mirehareha raha mahazo izany fahamarinana izany satria ny Tompo no arahiny. Ny Tompo dia nanafoana ny Tenany, dia toy izany koa isika, manafoana ny tenantsika mba hisehoan'ny voninahitr'Andriamanitra manjaka ao anatintsika sy ao ami'ny voary rehetra izay TENANY ihany.

Ilay atao hoe IRAY no mila mazava sy tsy asiana pitsopitsony dia mazava ny zava-drehetra.
Ny pitopitsony dia vokatry ny fandalinana ara-tsaina. Nefa fantatsika mazava tsara fa ny saina dia mandalo fa ny fanahy no mitoetra mandrakizay.

Tsy misy koa ny fampanantenana fiainana mandrakizay raha tsy manaiky isika fa TENA IRAY tokoa. Ka raha ny marina dia afaka hilaza isika ho an'ny olon-drehetra fa manam-panahy izy ary sombin'Andriamanitra. Io no ananany fiainana ary ananany be dia be. Tsy saro-takarina fa ny fanana fo toy ny zaza dia efa ahafahana mandray tsara io fahamarinana io.

Io matetika dia mahagaga fa lavin'ny olona foana. Asa hoe noho ny kolon-tsaina ve no mampandà sa inona marina? Ny Tenin'Andriamanitra anefa dia mazava be momba io IRAY io.

hery:

Amin'izao akatoky ny krismasy na noely izao dia mafana fo be ny Temoins de Jehovah ary tonga saina kely aho nahita ilay hoe "ny tena kristianina tsy mankalaza noely"...

- Fa angaha Kristianina ny Temoins de Jehovah?
- Manaiky an'i Kristy ho Andriamanitra ve izy?
- Manaiky an'i Jesoa Kristy ho Olona iray ao amin'ilay Andriamanitra tokana olona telo na Trinité ve izy?
- Manaiky an'i Jesoa Kristy ho zanak'Andriamanitra tonga nofo, notorotoronina tao ankibon'i Maria virjiny ve izy?

Tsara namana le fanontaniana ka de hovaliana enao na dia efa nolazaina teto ary ny momba io, manampy ny olona ahafantatra ny témoins io fanontanianao io :

Ilay fanontanianao faha-2 sy faha-4 aloa dia efa somary maha-tsikaiky, Andimanitra sa zanak'Adriamanitra, tsy mitovy velively mantsy ireo, fa ireo tiako hatao lohahevitra mitokana, toy izany koa ny momba ny fahafatesana faha-2 izay hitako ao ambony ao.

Kristiana ve ny témoins de Jéhovah? Eny ny valiny :

Ny tantaran'ny témoins alou fintiniko kely fotsiny, tsy nipoitra avy amin'ny fiangonana hafa izy ireo, fa olona vitsy nandalina ny baiboly no niezaka nanaraka ny fanaon'ireo kristiana voalohany ka niezaka nahatakatra sy nampihatra ny voalazan'ny baiboly, anisan'izany i Russel, tamin'ny voalohany dia toy ny hoe i Russel no mpitarika azy ireo, niova nefa zany taty aoriana, tsy misy mpitarika intsony eo amin'izy ireo fa manaraka ilay lazain'ny baiboly hoe i Kristy no lohan'ny fiangonana fa tsy olona, ary zavatra maro no niova, anisan'izany koa ny tsy nankalazana ny fety tsy fanaon'ny kristiana toy ny noely ohatra, na ahoana na ahoana dia tsy fety kristiana ny noely, niova zany satria rehefa zavatra tsy tokony hatao na dia fanaon'ny be sy ny maro aza dia tsy maintsy arahina. Raha te ahafantatra ny témoins enao zany dia tsy ny taloha no jerenao fa ny ankehitriny satria efa niova ny zavatra sasany ka mety tsy ho fantatrao.

Nandray ny anarana hoe vavolombelon'i Jehovah izy ireo tamin'ny 1931 izay nalaina tao amin'ny Isaia 43 : 10,11 : "Ianareo no vavolombeloko, tsisy Andrimanitra talohako sy taoriako hoy Jehovah".

Mino izy ireo fa i Jehovah no Andriamanitra Isaia 44 : 6,7,8.

Jaona 17 : 3 : mila mianatra an'Andrimanitra sy i Jesosy ny olona iray raha te ahazo ny fiainana mandrakizay : mariho tsara io tenin'i Jesosy fa personne roa samihafa mihitsy no ilazany an'Andriamanitra sy ny tenany ao.

Noho izany dia tsy maintsy mianatra alou ny olona iray vao hatao batisa an-tsitrapo rehefa avy nandray ny fahalalana tao amin'ny baiboly ka vonona hanao ny sitrapon'Andriamanitra.

Avy amin'ny fiangonana samihafa ny olona nianatra baiboly ao amin'ny témoins ka nahita sy nanapa-kevitra fa tsy mifanaraka amin'ny baiboly ny zavatra nianarany taloha.

Mino an'i Jesosy ny témoins amin'ny maha-mpamonjy sy zanak'Andriamanitra azy saingy kosa tsy mivavaka mivantana fa mamarana ny vavaka amin'ny anarany amin'ny maha-panelanelana azy, manaraka ity vavaka modely nomen'i Jesosy iti izy ireo : Lioka 11 : 1-4.

Tsy manao zavatra amin'ny heviny manokana izy ireo, fa ny zava-drehetra ianarany na hataony dia tsy maintsy avy ao amin'ny baiboly ihany.

Miezaka mampihatra ny voalaza koa izy ireo, ka miezaka ny hadio fiton-dratena, tsy manao politika, tsy manavakavaka, tsy mangalatra, tsy mandainga, tsy mijangajanga sns...Lioka 6 : 44, 45 : ny voa izay avokany no hamantarana ny tena kristiana. Tsy manao fombafomba koa izy ireo ary tsy mampiasa sary na zavatra rehefa mivavaka.

Fa ny lehibe indrindra dia inty, ary izy ity no marika lehibe indrindra amin'ny fanaovana ny sitrapon'Andriamanitra sy amantarana ny kristiana : Ny fitoriana ny vaovao tsaran'ilay fanjakan'Andriamanitra :

Maneran-tany dia ny fitoriana ny tenin'Andriamanitra no ahafantaran'ny olona ny témoins.

Eto amin'zay ary, ny hatao hoe kristiana dia avy amin'ny kristy ka manao izay andidiany : inona no loha-laharana tamin'i Jesosy tety an-tany : ny fitoriana ny vaovao tsara, nahoana izy no nanao izany, satria izany no sitrapon'Andriamanitra Jaona 8 : 28, 29.

An'iza ny fampianarana nomeny, an'ilay Rainy Jaona 7 : 16 : tsy ahy ny fampianarako hoy izy fa ...

Na taiza na taiza nisy olona dia teny Jesosy no nitory Marka 6 : 56, Lioka 19 : 5,6.

Nandidy ny mpianany sy ny mpanaradia azy amin'zay ary izy mba hanao toy izany koa Matio 28 : 19,20.

Izany no hataon'ny témoins maneran-tany, ary mano izany ho loha-laharana, na aiza na aiza misy olona, ary na misy fanoherana sy fanenjehana aza dia miaritra an'izany izy ireo satria efa fantany fa tsy maintsy hitranga izany.

Mety ho gaga nareo, fa ny temoins koa no mampianatra momba an'i Jesosy be indrindra sy tsipiriany indrindra sy namoaka boky momba azy be indrindra maneran-tany, afaka manaporofo ny tsirairay.

Manao ny asany maim-maimpoana koa izy ireo : antapitrisany maro isam-bolana no lany hamoahana boky sy gazety isam-bolana, anisan'izany ny mifohaza izay anisan'ny gazety be mpamaky indrindra koa eran-tany, avy amin'ny alalan'ny fanomezana an-tsitrapo omeny olona no hanaovana azy ireny tsy tapaka.

Lava loatra fa zay raha fintinina, fa eto dia hametraka fanontaniana amin'ny namana hery ny tenako satria vovaly angamba ny fanontanianao :

Ono oà namana Hery :

Ny olona mivavaka ao aminareo ve manao ireo voalaza etsy ambony ireo :

Tena mianatra ny baiboly ve izy ireo ?
Tena mendrika ve ny fitondra-tenan'izy ireo ?
Tsy mijangajanga (tafiditra amin'io ny tokantrano maso sy ny firaisana alohan'ny fanambadiana) na mangalatra na mandainga ve izy ireo ?
Tsy manao politika ve izy ireo ?
Tsy mandoto tena amin'ny sigara sy paraky ve izy ireo, ary tsy manao mamo rehefa misotro?
Mivavaka tsy tapaka ve izy ireo?
Ny lehibe indrindra dia mitory ary mapianatra araka ny nandidian'ny kristy ve izy ireo?

Enao koa tafiditra ao amin'io fanontaniana io, ny olona tsirairay ao aminareo io fa tsy i pasitera akory na i mopera, raha ENY avokoa ny valin'ireo ary voaporofonao dia ao aminareo ny tena kristiana.

Tandremo fa hoy i Jesosy ao amin'ny Lioka 6 : 46 : nahoana ianareo no miantso ahy hoe, tompo ô, tompo ô nefa tsy manao izay lazaiko dia hainao ny tohiny.

Raha miasa enao ka tsy manao izay lazain'ny mpampiasa dia ahoana ny tohiny...

Mazava tsara angamba ny tiako holazaina fa torohevitra kely fotsiny, rehefa mametraka fanontaniana amin'ny manaraka dia halalino alou le izy, dia jerevo koa ny tenanao sy ny mpivavaka ao aminao hoe tena izy marina ve mba tsy hitsaran'ny olona anao. Saintsaino ny voalaza ery ambony sy ireo fanontaniana ireo de mba valio raha mety. Efa fantatro ny fiangonana misy an'i Hery, tsy zava-dehibe nefa ny hanononana azy eto fa dinika fotsiny ihany ny eto. Misaotra namana.


Manao marina sy tsy manavakavaka ve izy ireo

Leva
Fanamarihana kely koa : Raha ohatra amin'ny hamaizan'Andriamanitra ny devoly sy ny forongony no tadiavinao, vakio ity nanambaran'i Petera azy ity : "Dieu a aussi condamné les villes de Sodome et de Gomorrhe en les détruisant par le feu. Cela devait servir d’exemple aux gens mauvais, pour leur montrer ce qui allait leur arriver". II Pet 2/06. Dia arakao tsara ny tantaran'i sodoma sy gomoro hoe inona no zava-niseho.

Misaotra amin'ny fanamarihanao fa ampio fandinihana kely fotsiny! Ho ara-bakiteny tokoa ve ny farihy afo sy solifara! Ny firesahana momba an’ireo hoi ianao dia mampahatsiahy ny niafaran’i Sodoma sy Gomora, izay naringana satria nanao ratsy be dia be. Tamin’izay dia nisy «solifara sy afo, avy tamin’i Jehovah tany an-danitra» nilatsaka «tamin’i Sodoma sy Gomora.» (Genesisy 19:24) Voalaza hoe «notsaraina ka nosazina tamin’ny afo maharitra mandrakizay» ireo tanàna roa ireo. (Joda 7)Valio azafady : Nijalijaly mandrakizay ve anefa izy ireo( ireo tanana 2 ireo), sa nofoanana tanteraka niaraka tamin’ireo mponiny ratsy fitondran-tena? Raha ny fantatra dia tsy misy intsony ireo tanàna ireo izao, ary tsy misy mahafantatra ny tena toerana nisy azy. Miombina hevitra amiko ve ianareo?

Leva
tsy fantatry ny Témoins, ary tsy hainy ny manavaka ny fahafatesana voalohany (ara-nofo) sy ny faharoa (ara-panahy). Satria tsy hainy ny atao hoe fahaterahana voalohany (ara-nofo) sy ny fahaterahana indray (faharoa) (ara-panahy).

Matoky tena ve ianao amin'ny fehezanteninao, zaho aloha tsy mahay baiboly fa mba mizara fa valio aloha io fanontaniana eo ambony io sy ny maro hafa napetrako tamin'ny Miarana !!!

jajajaly:

Tamin’izay dia nisy «solifara sy afo, avy tamin’i Jehovah tany an-danitra» nilatsaka «tamin’i Sodoma sy Gomora.» (Genesisy 19:24) Voalaza hoe «notsaraina ka nosazina tamin’ny afo maharitra mandrakizay» ireo tanàna roa ireo. (Joda 7)Valio azafady : Nijalijaly mandrakizay ve anefa izy ireo( ireo tanana 2 ireo), sa nofoanana tanteraka niaraka tamin’ireo mponiny ratsy fitondran-tena? Raha ny fantatra dia tsy misy intsony ireo tanàna ireo izao, ary tsy misy mahafantatra ny tena toerana nisy azy. Miombina hevitra amiko ve ianareo?

Ny tsy fantatrao dia rehefa miresaka MANDRAKIZAY dia resaka ara-panahy izany : Ny Sodoma sy Gomora ara-nofo no potika sy levon'ny afo tamin'ny andron'i Lota, fa ny Fanahin'ireo olona taao kosa no sazina t@ afo maharitra mandrakizay

jojo3t:


Kristiana ve ny témoins de Jéhovah? Eny ny valiny :

Tena mianatra ny baiboly ve izy ireo ?
Tena mendrika ve ny fitondra-tenan'izy ireo ?
Tsy mijangajanga (tafiditra amin'io ny tokantrano maso sy ny firaisana alohan'ny fanambadiana) na mangalatra na mandainga ve izy ireo ?
Tsy manao politika ve izy ireo ?
Tsy mandoto tena amin'ny sigara sy paraky ve izy ireo, ary tsy manao mamo rehefa misotro?
Mivavaka tsy tapaka ve izy ireo?
Ny lehibe indrindra dia mitory ary mapianatra araka ny nandidian'ny kristy ve izy ireo?

Raha ENY avokoa ny valin'ireo ary voaporofonao dia ao aminareo ny tena kristiana.

Ny Témoins de Jehovah ve no tena masina indrindra e ?

jojo3t:


Fa ny lehibe indrindra dia inty, ary izy ity no marika lehibe indrindra amin'ny fanaovana ny sitrapon'Andriamanitra sy amantarana ny kristiana : Ny fitoriana ny vaovao tsaran'ilay fanjakan'Andriamanitra :

Maneran-tany dia ny fitoriana ny tenin'Andriamanitra no ahafantaran'ny olona ny témoins.

Izany no hataon'ny témoins maneran-tany, ary mano izany ho loha-laharana, na aiza na aiza misy olona, ary na misy fanoherana sy fanenjehana aza dia miaritra an'izany izy ireo satria efa fantany fa tsy maintsy hitranga izany.

Mety ho gaga nareo, fa ny temoins koa no mampianatra momba an'i Jesosy be indrindra sy tsipiriany indrindra sy namoaka boky momba azy be indrindra maneran-tany, afaka manaporofo ny tsirairay.

Manao ny asany maim-maimpoana koa izy ireo : antapitrisany maro isam-bolana no lany hamoahana boky sy gazety isam-bolana, anisan'izany ny mifohaza izay anisan'ny gazety be mpamaky indrindra koa eran-tany, avy amin'ny alalan'ny fanomezana an-tsitrapo omeny olona no hanaovana azy ireny tsy tapaka.

Lazao koa fa ny kristiana Témoins no betsaka indrindra maneran-tany !

jojo3t:

Nandray ny anarana hoe vavolombelon'i Jehovah izy ireo tamin'ny 1931 izay nalaina tao amin'ny Isaia 43 : 10,11 : "Ianareo no vavolombeloko, tsisy Andrimanitra talohako sy taoriako hoy Jehovah".

Fanamarihana kely namana jojo3t :
Jesosy koa niteny hoe : "Ary ho vavolombeloko hianareo" Asa 01/08. Tsy niteny mihitsy Jesosy hoe "ary ho vavolombelon'ny Raiko hianareo". Ka iza ary izany no harahina? Jehovah sa Jesosy?
Dia mbola voaporofo ihany koa eto ny endrika maha-iray ny Ray sy ny Zanaka, fa ianareo izay tsy mety handray na hanakatra izany firaisan'ny Ray sy ny Zanaka izany no misalasala amin'io.

Manaiky anao aho namana Hery fa resy any amin'ny Krismasy indray ianao dia mody mampiady angely aty amin'ny resaka Temoin de Jehovah an!

miarana:


Lazao koa fa ny kristiana Témoins no betsaka indrindra maneran-tany !

Moramora aloh ianao ra-miarana, mbola eo am-pamahavahana mitsy isika izao raha kristiana marina ireto na tsia.

sitlo:

jajajaly:

Betsaka anefa ny tsy itovizanay amin’ny fivavahana hafa antsoina hoe Kristianina. Mino, ohatra, izahay fa mampianatra ny Baiboly hoe Zanak’Andriamanitra i Jesosy fa tsy anisan’ny Andriamanitra telo izay iray. (Marka 12:29) Tsy mino izahay hoe tsy mety maty ny fanahy. Tsy mino izahay hoe mampijaly olona any amin’ny afobe mandrakizay Andriamanitra satria tsy milaza an’izany ny Baiboly. Tsy mino koa izahay hoe tokony homena anaram-boninahitra ny mpitondra fivavahana mba hanavahana azy amin’ny olon-kafa.—Mpitoriteny 9:5; Ezekiela 18:4; Matio 23:8-10.

Misy azo fihana ihany kosa ilay TdJ k'ity.

Aza mbola malaky misioka aloha ianao namana sitlo fa mbol mitohy anie ny resaka e.

Velona Jesosy!

Hamaly ny fanontanianao aho namana jajajaly. Saingy mialoha izany, tsara apetraka aloha fa ity resaka FANAHY METY MATY ity dia anisan'ny FAMPIANARAN-DISO ao aminareo.

TSY MATY NY FANAHY fa MODY ANY AMIN'ANDRIAMANITRA :
Ecclésiaste 01/08 : avant que la poussière retourne à la terre, comme elle y était, et que l'esprit retourne à Dieu qui l'a donné.
Acte 07/59 : "Jésus, reçois mon esprit" teny nataon'i Etienne io rehefa notorahim-bato izy ka ho faty.

Araka ny baiboly, FANTARO fa misy ny atao hoe MATY FANAHY, izay tsy iza fa ireo MPANOTA mbola tsy nibebaka ka mitoetra ao amin'ny fahotana.
Anisan'izany ity ampiasainareo TdJ ity, hilazanareo fa mety maty ny fanahy ity:
Eze 18/04 : ahy ny fanahy rehetra ... fa ny fanahy izay manota no ho faty".
Ireto no mifandray amin'io :
I Tes 05/17-19 : "mivavaha ka aza mitsahatra ... aza mamono ny fanahy". Vakio ny contexte fa mitovy hevitra amin'ny hoe : aza manota.
Ity no tena mamaritra azy : "Autrefois, vous étiez spirituellement morts à cause de vos péchés". Col 02/13.
Tsy dia gaga aho satria misafotofoto aminareo ny resaka maty "ara-nofo", sy "maty ara-panahy", teraka ara-nofo sy teraka ara-panahy.

Jereo ity : Mat 10/28 : "ary aza matahotra izay mahay mamono ny tena, fa tsy mahay mamono ny fanahy (ny devoly no resahina eto); fa aleo matahotra izay mahay mahavery ny fanahy any amin'ny helo (Andriamanitra no tokony hatahorana)".
Mariho tsara fa tsy misy resaka mihitsy eto hoe hovonoina ny fanahy, fa hariana any amin'ny helo.
Mat 18/08-09 : "... ; fa tsara ho anao ny hiditra kilemaina na mandringa any amin’ny fiainana noho ny manana tànana roa sy tongotra roa, nefa hariana any amin’ny afo maharitra mandrakizay. ... ; fa tsara ho anao ny hiditra toka-maso amin’ny fiainana noho ny manana maso roa, nefa hariana any amin’ny helo mirehitra afo.

Apo 20/10 : "Ary ny devoly izay namitaka azy dia natsipy tany amin’ny farihy afo sy solifara, izay misy ilay bibi-dia sy ilay mpaminany sandoka koa, ary hampijalina andro amin-alina mandrakizay mandrakizay ireo".
Tsy haiko aloha izay voasoratra ao anaty baibolinao namana jajajaly (satria hafa ny anareo) fa mazava be io voasoratra io, ary ny maha-samihafa ity eto ity amin'ny nahazo an'i sodoma sy gomoro fotsiny dia satria famaizana ara-nofo iny, fa eto dia NY FANAHY izay TSY METY MATY NO HOFAIZINA ary FARIHY AFO sy SOLIFARA MAHARITRA MANDRAKIZAY no mifanaraka aminy.

Velona Jesosy!

Mitohy ny resaka, ka asehoko aloha ny zava-misy, dia avy eo ny fanamarihana isan-karazany.
Iriko indrindra raha ahafahan'ny namana jojo3t sy jajajaly mandini-tena ireto tanisaiko manaraka ireto.
Anisan'ny lavaka be eo amin'ny foto-pampianarana TdJ ka iangonan'ny fotaka rehetra ireto zavatra ambarako manaraka ireto :

MISY KARAZANY ROA NY MPINO AO AMIN'NY TdJ : Ireo antsoiny hoe Zanak'Andriamanitra, sy ireo atao hoe Sakaizan'i Jehovah.

1- Ireo ZANAK'ANDRIAMANITRA :
- Antsoiny koa hoe ondry vitsy. Anisan'ireny ny mpianatry ny Tompo tamin'izany, miampy ireo olom-boafidy manokana sy nisehoan'ny voninahitr'Andriamanitra manokana ao amin'ny baiboly ary miampy ireo lohandohan'ny mpisorona vitsivitsy ao amin'ity antokom-pinoana TdJ ity.
- 144.000 no isany, ary ireo ihany no mankany an-danitra ary mandray anjara amin'ny "fitsanganana voalohany". Ireto no "ateraka indray". Ireo ihany no "itoeran'ny Fanahy Masina".
- Ireo ihany koa no manan-jo hisotro sy hihinana amin'ny fanasan'ny Tompo izay ankalazainy in-1 isan-taona amin'ny andro paska (jereny araka ny calendrier jiosy).

2- Ireo SAKAIZAN'i JEHOVAH :
- Ireto kosa dia ireo mpino tsotra ampianarina sy ampanekena fa tokony ho "sakaiza" fotsiny ihany. Nalainy tamin'i Abrahama izay nantsoina manokana hoe Sakaizan'i Jehovah.
- Ireto indray dia tsy mankany an-danitra fa handova ny paradisa an-tany hono izany. Tsy isan'ireo hitsangana voalohany ireto fa miandry ny fitsanganana ho amin'ny fitsarana miaraka amin'ny mpanota, ary amin'izay vao havahana. Tsy mila ateraka ireto fa miezaka ny ho sakaiza amin'ny fifaneraserana amin'i Jehovah (vavaka, toriteny, asa fitoriana, sns ) Ireto dia tsy itoeran'ny Fanahy Masina fa atao hoe ampiasain'ny Fanahy Masina fotsiny ihany.
- Ireto dia mpanotrona fotsiny ihany amin'ny Fanasan'ny Tompo fa tsy mahazo mihinana (mihinana sy misotro fanamelohana hoy izy ireo izay raha vao mihinana).

Ireto asesiko ireto kosa ny porofo sy ny Soratra Masina, mampiseho ny maha-diso ity fampianarana ity, mampiharihary ny maha-lainga sy fitaka be vava ary famahanan-dalitra ny mpino, ny maha-fomba mamoehitra ny fombam-pivavahan'izy ireo :

1- Rom 08/15-17 :"Fa tsy nandray ny fanahim-pahandevozana ho amin’ny tahotra indray hianareo, fa nandray ny fanahin’ny zanaka natsangana, izay iantsoantsika hoe: Aba, Ray ô. Ny Fanahy dia miara-milaza amin’ny fanahintsika fa zanak’Andriamanitra isika. Ary raha zanaka, dia mpandova; eny, sady mpandova an’Andriamanitra no mpiray lova amin’i Kristy koa, raha miara-miaritra aminy isika mba hiara-manam-boninahitra aminy koa".
- Gal 03/26-27 :" Fa hianareo rehetra dia zanak’Andriamanitra amin’ny finoana an’i Kristy Jesosy. Fa na iza na iza hianareo no natao batisa ho an’i Kristy dia nitafy an’i Kristy".
- Gal 04/06-07 :"Ary satria zanaka hianareo, dia nirahin’Andriamanitra ho ato am-pontsika ny Fanahin’ny Zanany, miantso hoe: Aba, Ray ô. Ka dia tsy mpanompo intsony hianao, fa zanaka: ary raha zanaka, dia mpandova koa noho ny ataon’Andriamanitra".
=> Ny zanaka no mandova ny fiainana mandrakizay, sy manana anjara ao amin'ny fanjakany.
2- Ny hoe "Sakaizan'i Jehovah" kosa dia : Tsy misy afa-tsy i Abrahama no nantsoina hoe "sakaizan'i Jehovah" ao anaty baiboly, ary miverina in-3 izany (Jak 2/23 - Isa 41/08 - 2Chro 20/07). Fantatsika tsara fa tsy misy tapaka sy namana mandova izany, eny fa na dia akaiky toy ny inona aza. Jesosy raha nampianatra ny vahoaka hivavaka, tsy nanao hoe : "Sakaizanay ô" fa "Rainay ô". Tsy ny fifaneraserana amin'Andriamanitra akory no ratsy, ka ho tonga tena akaiky Azy, fa ho tonga zananY indrindra indrindra. Tahaka an'i Jesosy niantso ny mpianany hoe :"Ianareo no sakaizako" fa indrindra indrindra "rahalahy" ihany koa, ary tadidio ity teniny ity :" Fa na iza na iza no hanao ny sitrapon’ny Raiko Izay any an-danitra, dia izy no rahalahiko sy anabaviko ary reniko". Mat 12/50.
3- Jao 10/30 : "Manana ondry hafa izay tsy amin’ity vala ity Aho; ary ireny koa dia tsy maintsy ho entiko ka hihaino ny feoko; ary ho tonga andiany iray izy, sady iray ihany ny Mpiandry".
Ilay hoe andiany iray ve midika hoe ny sasany ety an-tany, ny sasany any an-danitra? Marina tokoa fa vitsy ireo mpianatry ny Tompo tany am-boalohany, saingy hatramin'izay dia efa nihitatra tany amin'ny jentilisa ny fanarahana ny Tompo ka mandraka ankehitriny sy manerana an'izao tontolo izao.
4- Ireo 144.000 hiakatra any an-danitra : Apo 07, fa raha tohizana ny famakiana eo amin'ny Apo 07/09 dia hahita isika fa tsy ireo ihany no ho any an-danitra : "Rehefa afaka izany, dia hitako fa, indreo, nisy olona betsaka tsy tambo isaina avy tamin’ny firenena rehetra sy ny fokom-pirenena sy ny olona ary ny samy hafa fiteny nitsangana teo anoloan’ny seza fiandrianana sy teo anatrehan’ny Zanak’ondry, niakanjo akanjo fotsy lava sady nitana sampan-drofia teny an-tànany".
=> olona marobe, tsy tambo isaina, aiza? eo anoloan'ny seza fiandriananY.
Dia ahoana izany ilay hoe :"ny marina handova ny tany", dia efa nambarako teto ity fa aorian'ny tany vaovao sy lanitra vaovao dia ny tabernakelin'Andriamanitra aza hidina ety ary hiara-mitoetra amin'ny olony.
5- Jao 03/03 "Lazaiko marina dia marina tokoa : raha tsy ateraka indray ny olona dia tsy mahazo mahita ny fanjakan'Andriamanitra". Tsy "obligatoire" io hoy ny TdJ, ampiany fanamaivanana toy izao : "tsy hita afa-tsy ao amin'ny Jaona 03 io fanambarana io" (source site Temoins), amin'izy ireo mantsy raha tsy ahitana maromaro ao anaty baiboly ilay hevitra dia tsy azo itokisana, na mampisalasala. Angamba tsikaritrareo namana ihany koa io amin'ny fomba firesak'i jojo3t sy jajajaly.
6- Jao 06/53-56 : "Fa hoy Jesosy taminy: Lazaiko aminareo marina dia marina tokoa: Raha tsy mihinana ny nofon’ny Zanak’olona sy misotro ny rany hianareo, dia tsy manana fiainana ao aminareo. Izay mihinana ny nofoko sy misotro ny rako no manana fiainana mandrakizay; ary Izaho hanangana azy amin’ny andro farany. Fa ny nofoko no tena fihinana, ary ny rako no tena fisotro. Izay mihinana ny nofoko sy misotro ny rako no mitoetra ao amiko, ary Izaho kosa ao aminy".
Asa raha efa nanatrika ny fomba fandraisan'izy ireo ny fanasan'ny Tompo ianao namana, fa izao no zava-misy : atao amin'ny plateau ny mofo sy ny divay, rehefa vita izay fombafomba eo, dia asesy ampandalovina eo ambany mason'ny mpanatrika. Sady tsy azo hohanina no tsy azo kitihina, fa atao passe-passe. (tahaka ny hoe ampilendalendaina, saingy raràna tsy hihinana). Rehefa vita izany, ny mpitarika kosa (ilay mihevi-tena ho zanaka izany io) dia mihinana sy misotro amin'ilay plateau nampandehandehanina.
7- Amin'izy ireo dia misy fanantenana anankiroa : fanantenana ny ho any an-danitra, fanantenana ny handova ny tany ho paradisa. Jereo ity : "Iray ny tena, ary iray ny Fanahy, dia toy ny niantsoana anareo ho amin’ny fanantenana iray momba ny fiantsoana anareo";
Efe 04/04

FANTARO KOA FA :
- Tsy midera sy mankalaza ary miankohoka amin'i Jesosy ireo, tahaka izay hita eto :"Ary nahita aho sady nandre feon’anjely maro manodidina ny seza fiandrianana sy ny zava-manan-aina ary ny loholona, ary ny isany dia alinalina sy arivoarivo, nanao tamin’ny feo mahery hoe: Ny Zanak’ondry, Izay novonoina, Dia mendrika handray hery sy harena sy fahendrena Sy faherezana sy haja sy voninahitra ary saotra.
Ary izao zavatra ary rehetra izao, na izay any an-danitra, na izay etỳ ambonin’ny tany sy any ambanin’ny tany, na izay any an-dranomasina mbamin’izay rehetra ao anatiny, dia reko samy nanao hoe: Ho an’Ilay mipetraka eo ambonin’ny seza fiandrianana Sy ho an’ny Zanak’ondry anie Ny saotra sy ny haja sy ny voninahitra ary ny fanjakana Mandrakizay mandrakizay.
- Tsy mandray ny baiboly feno ho tenin'Andriamanitra ny TdJ, fa misy tsy isalasalany. Tahaka izay hita ao amin'ny Marka 16/09-19. Raha mahatsikaritra isika dia anaty accolade ireo. Ny dikan'izany dia hoe tsy hita any amin'ny version hafa. Ity teny ity no misongadina ao, izay lavin'ny TdJ : "Ary izao famantarana izao no hanaraka izay mino: hamoaka demonia amin’ny anarako izy; hiteny amin’ny fiteny izay tsy mbola hainy izy; handray menarana izy; ary na dia misotro zava-mahafaty aza izy, dia tsy hampaninona azy izany; hametra-tànana amin’ny marary izy, dia ho sitrana ireny" Mar 16/17-18.
Voaporofo anefa ireo famantarana ireo tamin'ny mpianatry ny Tompo fahiny, ary mandraka ankehitriny. Saingy tsy hahita témoins hamoaka demonia izany ianao, na hametra-tanana amin'ny marary.
Pire, henjehiny sady lazainy fa tsy mba an'i Kristy izay manao ireny asa ireny. Tamin'izany andro izany ihany hono no nisy an'izany fa tsy izao intsony, matoa ny Tompo nanao an'ireny dia izao sy izao no antony, sns ... Tahaka ny miteny hoe aza avoaka ny devoly, ary aza sitranina ny marary. Matoa nefa ny Tompo nampanao izany, ankoatra ny asa fitoriana, dia tokony hatao izany.
- Mino ny TdJ fa Jesosy no mpamonjy, saingy fantany ve izany hoe mandray an'i Jesosy ho Tompo sy Mpamonjy izany?

Mbola misy ny tokony ho resahina saingy lasa lava loatra fa dia manaraka indray.

Jesosy Kristy Tompo anie hanokatra ny masom-panahintsika ka handray ny Teniny.

Fintininiko eto ny zavatra rehetra, voalohany alou namana leva dia hita mihitsy hoe jamba sy mahantra loatra enao raha ny andinin-teny miresaka ny paradisa an-tany an-jatony ao amin'ny baiboly, tsy de hotanisaiko eto reo fa lava loatra fa hijery ny afobe sy fahafatesana faha-2 ary ondry vitsy isika.

Milaza ny akamaroan'ny olona fa fonenan'ny demonia sady fanasaziana ny ratsy fanahy izy io.

Hita ao amin'ny baiboly sasany ny teny hoe afobe na helo, ny sasany mampiasa hoe fasana na fiainan-tsi-hita na toeran'ny maty, ny sasany mampiasa ny teny hebreo sy grika tany amboloany dia ny sheol sy haides izay manondro ny fasana misy ny maty rehetra, eo koa ny teny grika hoe geenna, ilazana ny fandringanana mandrakizay.

Ny tsy fantatsika dia tsy afobe ara-bakiteny no resahin'ny baiboly, fa ara-panoharana ilazana fasana na fiainan-tsi-hita izay hadika mazava hoe "toeran'ny maty", izay rehetra maty na tsara fanahy na ratsy fanahy dia lazain'ny baiboly hoe makany, anisan'izany i Joba, mazava hoazy ary fa tsy toerana fampijaliana akory izy io.

Milaza ve ny baiboly fa mahatsiaro fanaintainana ny maty ? Vakio Mpitor. 9 : 5,10.

Milaza ve ny Baiboly fa misy zavatra misaraka amin'ny vatana ka mbola velona, aorian'ny fahafatesana : halalino ny hatao hoe nefesh sy psykè ary roah ary vakio ny Mpitor. 3 : 19, 20 izay mampitovy ny olona sy ny biby rehefa maty.

Ho an'ny olona rehetra : mampijaly mandrakizay ao amin'ny afo tokoa ve Andriamanitra ? TSIA :

2 Tes 1 : 9 : "Hiharan'ny sazy vokatry ny didim-pitsarana ireo, dia fandringanana mandrakizay, dikan-teny katolika manao hoe : fahaverezana mandrakizay. Tsy misy mandrakizay fotsiny ireo maty voaringana fa tsy milaza mihitsy ny baiboly hoe hijalijaly mandrakizay.

Gehena : tsy niresaka fampijaliana anaty afo mihitsy i Jesosy rehefa niresaka momba an'io Matio 10 : 28, tokony ho fantatsika alou ny tantaran'ny Gehena tao ivelan'i Jerosalema, fanariana fako sy fatin'olona mpanao heloka bevava tsy mendrika halevina izy io fa tsy fampijaliana akory, inona no dikan'izany ?

Midika izany fa azon'Andriamanitra hatao ny mandringana tanteraka ny olona, ka tsy afaka manantena ny hitsangana intsony. Mitovy ihany ilay "Gehena mirehitra" sy ilay "farihy mirehitra afo" resahin'ny Apokalypsy 21 : 8, mariho tsara fa tsy miresaka fahafatesan'ny fanahy mihitsy ny baiboly hoe io no fahafatesana faharoa, Samy manondro ny fandringanana izy ireo, dia ny fahafatesana faharoa, izay midika mazava tsara fa tsy mitsangana intsony izay iharan'ireo fa ringana mandrakizay na tsy misy mandrakizay.

Mifanaraka amin'ny toetran'Andriamanitra fitiavana ve ny fampijaliana mandrakizay an'ireo ratsy fanahy?

Vakio Jer. 7 : 31 : tantaran'ny Jodiana.
Fanoharana : ahoana no fiheveranao ny ray na reny iray mandoro ny tanan-janany amin'ny afo, mba hanasaziana azy noho ny ditrany ? Ny ray aman-dreny misaina aza tsy hanao izany, koa mainka fa ilay Andriamanitra fitiavana 1 Jaona 4 : 8.

Tsy nampianatra velively ny hampijaliana ny ratsy fanahy aorian'ny fahafatesany koa i Jesosy, rehefa niresaka momba ilay mpanankarena sy Lazarosy.

Avy aiza no niandohan'ilay fampianarana momba ny afobe ?

Karohy ireto : Ny fivavahan'ny babylonia sy asyria, anglisy, Boston, 1898, Morris Jastrow, p. 581.
Boky ho an'ny maty, anglisy, New Hyde Park, N.Y., 1960, sy ny sasin-teny nataon'i Wallis Budge, p. 144, 149, 151, 153, 161.
Ny raki-pahalalana amerikanina, 1977, boky faha-14, p. 68.
La civiltà etrusca (Milan 1979, Werner Keller, p. 389).

Tsy avy amin'reo fotsiny anefa no niandohan'io fampianarana manala baraka an'Andriamanitra io. Manendrikendrika an'Andriamanitra ny milaza fa mampijalijaly ny olona ao amin'ny afobe izy, lazain'i Jesosy ao amin'ny Jaona 8 : 44 hoe iza no loharanon'izany fanendrikendrehana izany.

Iza no ateraka indray :
Lioka 12 : 32 : "Aza matahotra ry ondry vitsy, fa sitraky ny rainareo ny hanome anareo ny fanjakana. Apok 14 : 1-3 : momba ireo 144000.

Tsy afaka miakatra any an-danitra ny nofo aman-dra : io no afangaron'ny olona hoe makany daholo ny olona rehetra rehefa maty 1 kor 15 : 50 sy ny Jaona 3 : 6 : tsia, ireo 144000 novidina teto an-tany ihany no voakasik'io ary ireo no mitsangana voalohany, izay no mahatonga azy ireo hoe tsy maintsy atera indray.

Hanao inona any izy ireo, nampanantena ny olona rehetra ho any ve Andriamanitra ary hoe any no fonenan'izy ireo, tsia, misy asa hapanaoviana ireo ondry vitsy ireo any, vakio ny Apok. 20 : 6 sy ny 1 Kor. 6 : 2. Ireo no olo-masina hitsara an'izao tontolo izao. Ary ireo ihany no mihinana sy misotro mivantana ny fanasan'ny tompo fa tsy ny olona rehetra.

Ho voavonjy koa ve ny olona tsy nateraka indray?

Apok. 7 : 9, 10, 17, taorian'ny nandrenesan'ny Jaona ny isan'ireo ondry vitsy dia nilaza io andininy io indray izy, tsy milaza Jaona hoe hiaina any an-danitra ireo na iaraka amin'ireo 144000 na midika fa hiaina any izy ireo raha nijoro teo anoloan'ny seza fiandrianan'ny zanak'ondry, ireo nijoro teo anoloan'ny seza fiandrianana ireo ilay vahoaka be tsy tambo isaina hiaina mandrakizay sy handova ny tany resahin'ny Sal. 37 : 29. Apok. 21 : 3, 4.

Mariho tsara fa ny 144000 dia ho mpanjaka iaraka amin'ny Kristy Apok. 20 : 6 sy 5 : 9,10, izay nantsoiny koa hoe ondry vitsy Lioka 12 : 32 fa ny vahoaka be no hanjakan'izy ireo na hoe hoentin'izy ireo izay eto an-tany : Sal. 37 : 11, 29, Ohab. 2 : 21, 22).

Mahazo ny fanahy masina ve ny tsy nateraka indray ? Eny.

Ohatra iray ihany no omeko dia i Davida : "Niasa tamin'i Davida ny fanahin'i Jehovah ary "niteny tamin'ny alalany izy" 1 Sam. 16 : 13 sy ny 2 Sam. 23 : 2) Tsy milaza mihitsy ny baiboly hoe "nateraka indray" izy. Nahoana? Satria "tsy niakatra tany an-danitra i Davida", hoy ny Asan'ny Apostoly 2 : 34.

Lava loatra tsy ho voatanisa eto ny resaka.

Namana leva, tsy maninona mihitsy ny hoe vavolombelon'i Kristy, fa i Kristy anefa nanao ny sitrapon'ny Rainy foana, ary izy no modely harahinay ka manosika hanay hidera sy hanambara ny anaran'ilay Avo indrindra tokana sady marina ambonin'ny tany rehetra, na i Jesosy nanambara momba azy foana tety an-tany fa tsy ny tenany, ka tsy ny olona indray no andeha handingana ilay Rainy izay nampahafantariny ny olona sy nolazainy fa lehibe noho izy.

Namana Miarana, misotra amin'le fanontaniana, tsy betsaka ny témoins na dia maneran-tany aza no misy azy ireo, miely hatraiza hatraiza kosa anefa ny vaovao tsara torin'izy ireo satria mafana fo araka ny voalazan'ny namana Hery izy ireo manao izany asa, saingy zao namana, ny isan'ny olona mivavaka aminao ve no zava-dehibe aminao ka hanarahanao ny fampianarana ao sa izay tena voalazan'ny baiboly : vakio ity andininy ity dia ho fantatrao mazava hoe maro be ve no tena manao ny sitrapon'Andriamanitra dia diniho amin'ny vo vokariny amin'zay ny tsirairay ao : Matio 7 : 13, 14. Mahavaly ny fanontanianao tsara io.

Misaotra namana isany.

Mety efa voavaly angamba ny fanontanian'i hery fa anokafantsika lohahevitra izay hevitra mifandray amin'izy io

Raha ilazana indray isika hoe tsy misy jiosy sy témoin sy kristianina sy silamo sns... fa iray ihany ao ami'n'ny Ray, mitombina ve ilay fanontanian'i Hery?