Tsy haiko na izaho no tsy mieritreritra tsara na ilay tantara mihitsy no noforonina tsotra izao. Raha lazaina fa zava-nisy ny tantaran’ilay ramatoa dia tsy maninona fa tena mampieritreritra ny fijoroana vavolombelona nataony. Fa ny zavatra voasoratra hitako manaraka eto dia efa aty @ famoron-dahatsoratry ny mpanoratra vao miteny izy fa Andriamanitra no nandefa izay lazaina ho anjely hanavotra an’ilay ramatoa : hita be izao hoe noforonina.
Tsy hisy mandrakizay mihitsy izany Andriamanitra handefa anjely jiolahim-boto sy antihrist izany [rakapy] a! Aza manaiky fitahin’ny mpanoratra mpandainga.
rakapy:
Tsy misy afaka ny hitsara n'iza n'iza eto ambonin'ny tany fa ny mpimamo lava sy ny mpifoka rongony na ny antichrist dia tsy ankasitrahan'A/tra. Izy A/tra irery no mahalala ny ataony.
Eto kosa angamba efa hevitrao amin’izay. Mahalala ny ataony tokoa Andriamanitra fa tsy izay te-hanoratra dia milaza fa izao na izao no teneniny. Ny ahy ho’aho jereko foana aloha ny baiboly : inona no tenin’Andriamanitra marina fa tsy izay teny foronina rehetra izao dia ekeko avokoa. Izao no voasoratra :
I Jaona 2.18 Rankizy, izao no ora farany, ary tahaka ny efa renareo fa ho avy ny antikristy, sady maro no antikristy efa tonga sahady; koa izany no ahafantarantsika fa izao no ora farany.
2.19 Avy tamintsika ihany no niala ireo, nefa tsy mba namantsika izy; fa raha tàhiny namantsika izy, dia ho nitoetra tamintsika ihany; fa efa niala izy, mba haseho fa tsy isantsika izy rehetra.
2.20 Fa hianareo kosa manana hosotra avy amin'Ilay Masina ka mahalala ny zavatra rehetra.
2.21 Tsy noho ny tsy ahafantaranareo ny marina no nanoratako taminareo, fa noho ny ahafantaranareo izany sy noho ny tsi-fisiana lainga avy amin'ny marina.
2.22
Iza no mpandainga, afa-tsy ilay mandà an'i Jesosy tsy ho Kristy? Izy no antikristy, dia izay mandà ny Ray sy ny Zanaka.
2.23 Izay rehetra mandà ny Zanaka no tsy manana ny Ray koa; izay manaiky ny Zanaka no manana ny Ray koa.
2.24 Ary ny aminareo, dia izay efa renareo hatramin'ny voalohany no aoka hitoetra ao anatinareo. Raha mitoetra ao anatinareo izay efa renareo hatramin'ny voalohany, dia hitoetra ao amin'ny Zanaka sy ny Ray kosa hianareo.
2.25 Ary izao no teny fikasana izay nataony tamintsika, dia ny fiainana mandrakizay.
2.26 Izany zavatra izany no voasoratro taminareo ny amin'ny mamitaka anareo.
I Jaona 4.3 ary ny fanahy rehetra izay tsy manaiky an'i Jesosy dia tsy mba avy amin'Andriamanitra; ary izany no fanahin'ny antikristy, izay efa renareo fa ho avy, sady efa eo amin'izao tontolo izao sahady izy.
4.4
Anaka, hianareo dia avy amin'Andriamanitra ary efa naharesy ireny, satria lehibe Izay ao aminareo noho izay ao amin'izao tontolo izao.
Efa naharesy ilay Ramatoa ary tena diso tena diso tanteraka ny filazana fa lasa any @ helo izy. Izaho koa aloha tsy hanaiky velively izay tenin’i antichrist izany! Aeloko maty manaraka an’Andriamanitra toy izay velona hiara-miaina @ fahavalon’Andriamanitra. Aleoko halan’olona sy enjehin’olona @ finoako (toy ny an’ilay ramatoa) toy izay halan’Andriamanitra.
Ndeha ho raisiko ohatra eto ianao io [rakapy] : raha ianao izao «ohatra» no antikristy mba vonona ve ianao hanavotra anay ary mba omeo teny fampanantenana tsara ao @ baiboly hoe izahay raha manaiky ianao ho fitaovan’Andriamanitra hampita izany.
