:-) (Alefako koa ny ahy)
Asa raha fantatrareo ry namana isany (io ilay fampandriana adrisa :-) ) fa misy namana eto amin'ny serasera rehefa teneninareo hoe tena namana dia manaiky. Dia rehefa kotikotinareo izy dia manaiky. Anaovana sentiment kely dia roboka tokoa. Rehefa tonga tokoa anefa ny vie reelle dia iny izy no tonga saina dia lazainy fa ianareo no mandainga... dia anaovany resabe eto amin'ny forum. Nitady sary izy tsinona dia nomenareo ny sarinareo tamin'ny mbola manja. Dia lazainy fa ianareo no mamitaka.
Misy koa ny namana izay tena noraisinareo ho namanareo. Nampianareo amin'ny sarotra sy tamin'ny mafy indrindra. Nony nilamindamina anefa izy dia angamba heveriny hoe hampiely ny fijaliany taloha ianareo dia iny fa ny azy no ataony tonga aloha eto amin'ny forum.
Misy koa ny namana izay mihevitra anareo fotsiny tsotra izao hoe mangalatra ny vadiny... Izany angamba no lazain'ny vadiny any. Izy sy ny vadiny no tokony hifandinika.
Misy koa ny namana izay izay mangataka zavatra aminareo dia omenareo... kay any ambadika izy vavabe no ataony. Lazainy fa ianareo indray no miseho milay.
Ary misy ireo namana izay tena noheverinareo ho namana, rehefa mba lavo sy nanao ny tsy nety ianareo, dia izy indray no tena hanindrahindra ny faharesenareo. Na dia efa mifona aminy sy mitalaho aza ianareo hoe aza atao resa-be... dia mbola vao mainka indray hanokafany dinika maromaro ho hitam-bahoaka.
Izay tsy nanota taminareo no aoka hitora-bato.
(oups... lasa marina zany santimaka zany :-) )
Fehiny:
Izay tsy tian'ny olona atao amin'ny tenanao dia aza atao amin'olona (hoy ny baiboly)... na ny marimarina kokoa, alohan'ny hanaovanao zavatra iray dia eritrereto hoe ary raha izaho no atao an'izao, zakako ve? Samy mba manana ny fahalemeny daholo mantsy e.
Raha toa moa ka ilay sarinareo mba metimety iny no nasehonareo azy dia lazainy fa mandainga hono ianareo fa tsy manja akory :-)
