Iza aloha ilay "ianao" anontanian'i Fiffi eh ? Izaho manko dia anisan'ny mpanontany koa amin'ity loha hevitra ity.
Fa ity misy tantara velona iray, handinihina : Nisy vehivavy renim-pianakaviana iray narary, notsaboina hatraiza hatraiza fa ehe.. Izay may moa adala ka dia nanatona mpiandry Ramatoa, satria henony fa manasitrana ireny. Dia niresaka teo, ka hoy ilay mpiandry : Hotsaboiko ianao, nefa alohan'ny hitsaboako anao dia tsy maintsy manome toky sy mianiana ianao fa ho MPIANDRY rehefa sitrana. Sadaikatra Ramatoa narary, ka nilaza fa aleo aloha handinika. Nanatona ahy izy avy eo nila torohevitra. Dia nolazaiko azy fa araka ny safidiny ihany io fa tsy misy manery akory. Niverina tany amin'ilay mpiandry izy, ary nilaza fa tsy hanao mpiandry satria tsy ho sahy hamadika ny finoany. Dia tsy nositranin'ilay mpiandry. Avy eo noraisiko ny andraikitra ka nentiko tany amin'ny dokotera fantatro izy, afaka roa volana, sitrana Ramatoa... Iza no nanasitrana azy ?

izay afaka mamaly ahy aloha momba ny "mpiandry" dia isaorako an!
ary ny olana kely amiko raha namaky ity tantara nolazainao ity aho ry marozevo. Hatramin'ny voalohany aloha amiko ilay "mpiandry" dia mpitsabo , ary ny mpitsabo koa amiko dia ny dokotera , nefa raha tonga @ faran'ny tantara aho dia "mpiandry" tsy ny dokotera arakin'ny niheritreretiko indray ialy izy.
Amiko aloha zany dia ny nanasitra azy dia NY FINOANY fa tsy ny mpiandry

Niverina tany amin'ilay mpiandry izy, ary nilaza fa tsy hanao mpiandry satria tsy ho sahy hamadika ny finoany.

raha io zany no jerena dia ny finoany an'ny Tompo no tsy tiany kasihana ary io finoany io no nahasitra azy.

Dia niresaka teo, ka hoy ilay mpiandry : Hotsaboiko ianao, nefa alohan'ny hitsaboako anao dia tsy maintsy manome toky sy mianiana ianao fa ho MPIANDRY rehefa sitrana.

io ary ny olana amiko ka hametrahako fanontaniana: inona marina ny "mpiandry" eto ? ary ho lasa mpiandry ilay Ramatoa refefa sitrana . Fa mpiandry inona ?

Io koa no tena interet amin'ity ady hevitra ity.
Izao aloha no navaliko ilay ramatoa narary : "Raha azonao tsara, hoy aho, ny dikan'ny mpiandry, dia olona irahin'i Jesoa Kristy hikarakara ny vahoakany... izay no tokony ho dikany, raha raisina ilay teny hoe MPIANDRY = pasteurs. Ka ianao, dia afaka manatanteraka izany amin'izay sehatra misy anao, fa tsy voatery hiaraka amin'ireo manao akanjo fotsy lava eny amron-dalana sy tsy mety mandeha afa-tsy dia an-tongotra sy ny sisa.
Fa na inona na inona fanazavana nentiko, dia mazava ny zava-nisy, sy mbola misy, ary mety mbola hisy : Ny atao hoe MPIANDRY , hoy ny MPIANDRY, dia "izahay" ihany. Ho azy ireo manko dia lazainy fa "mpangalatra sy jiolahy avokoa izay tonga talohany". Mpangalatra sy Jiolahy izany, araka ny lazain'ny MPIANDRY, ry Maopera, ry Pasitera, ry Presbytera, ry Monsenera, sy izay misy ....ERA ERA rehetra. Ny papa tsy misy ERA amin'ny teny Malagasy fa amin'ny teny Frantsay dia Très Saint pèRE koa... Mpangalatra sy Jiolahy.

Za dia efa nahita MPIANDRY niteny toy izany fa tsy mamorona akory aho sanatria.

aza manahy fa tsy tezitra aho raha elaela vao namaly ary tsy mihevitra ho mahay noho ianareo fa ny kely mba haiko no zaraiko; ny tena hitako fa manahirana anareo dia ianareo nahita olona nanao ankanjo fotsy, nitono-tena ho mpiandry; nilaza fa mahay manasitrana ary manilika ny hafa sady manery ny marary hirotsaka ho mpiandry avy: "IRENY VE IZANY ATAO HOE: MPIANDRY IZANY"?
raha miala amin'ny tenin'Andriamanitra isika mamaly izany dia tsy maintsy mivaona ny valin-teny ary izany no nilazako teo aloha ny definition- ny mpiandry ary nanaovako vazivazin-dresaka aza hoe :mpiandry vorona sa mpiandry olona no resahina eto?
tsy misy afa-tsy i Jesosy no Mpiandry tsara ; Izy no miantso ny olony hiasa ho Azy, ary mpanompo daholo izay antsoiny ; tsy misy manana pouvoir manasitrana fa ny pouvoir-n'i Jesosy no tanteraka amin'ny marary rehefa asain'Izy Tompo miasa ireny olona ireny.
noho izany, tsy manana zo ireny hanery ny hafa ho tsy maintsy ho mpiandry avy eo; faharoa tsy manana zo koa izy ireny hidedaka fa mahay manasitrana satria tsy azy ny fahefana hanasitranany fa an'i Jesoa.
ka isika raha mijery olona dia very satria olona ihany ireny mpiandry ireny fa tsy lasa anjely akory ka tsy mety ho diso; ny halehiben'ny finoany an'i Jesosy sy ny fanolorany tena tanteraka hanompo an'i Kristy no mahasamihafa antsika amin'izy ireny ; ka tsy tokony ho gaga isika raha mahita mpiandry toa hafahafa fiaina satria OLONA ireny mbola mety holavon'ny fakam-panahy.
misy koa anie ny pastera na mompera ary kristiana tsotra lavon'ny fakam-panahy; izany tsy midika velively fa ratsy ny Andriamanitra hivavahany fa izy olombelona no ratsy satria miaina arakin'ny NOfo fa tsy arakin'ny fanahy.
ka aza maika mitsara fa diniho tsara ny zava-misy ary hoy ny Tompo hoe: "fantaro ny zavatra rehetra; raiso ny tsara ary andosiro ny devoly"

resaka mpiandry,
somary varina kou za @ io resaka mpiandry io!!!miala tsiny ra misy tafintohina fa ny hitako de matetika ry zareo somary mifandiso, tsy de miezaka firy manadihady hoe inona marina no mety mahazo le olona?tsy tokony hitsara mba tsy ho tsarana, tsapako hoe diso aho @zay tenoko izay satria hotrany mitsara. kanefa tokony tsy hadinontsika fa betsaka ny olana ateraky ny saina, ra toa ka tonga de miteny sika hoe demony na devoly de diso hoe handao alana de tsapako hoe diso. efa nahita fanalan'ny mpiandry demony za fa izaho indray no terakovitra tanteraka...
ka ny hitako tokony hatan-dry zareo de manadihady hoe inona tokoa ilay aretina fa tsy tonga de manala demony havy hatrany...manaiky za fa misy ny olona hidiran'ny devoly fa saingy ra olona tsy misy devoly no halaina devoly , tsy de hampieritreritra kosa ve hoe soa vao maika hamparary ilay olona...
ny finoan'ilay olona an'andriamanitra no tena manasitrana ny tenany ary andriamanitra irery ihany no mahita ny ao am-pon'ny olona na marary azy izy na lasa adala aza izy, ary izy manasitrana an'ireo mitady ny fanasitranana, ka dia fankaherezana sy fivavahana no tokony hatolotra ireo olona marary, fa ra tambatamba be toy ny ataon'ny mpiandry no mahazo sendra olona tsy voan'ny demony , mampieritreritra ahy hoe lasa hino tokoa ty olona misy devoly nefa tsy misy ka vao maika hampihitatra ny aretiny.....

mandalo > Marina anie ny lazainao, ary samy miaky an'izany eh. Iza any Madagasikara no tsy mahalala fa misy ny atao hoe "mpiandry". Mandainga izay olona mba mpandini-javatra ka tsy hahalala ny atao hoe mpiandry. Saingy izao : Iza no milaza fa mpiandry izy ireo ? Izy ireo ihany angamba.
Amiko dia tsy misy dikany izay ataon'izy ireo. Tsy mitsara akory aho amin'izany, ary na inona na inona nitranga sy nataony, dia mbola tsy nanaratsy azy ireo aho. Ny hoe tsy misy dikany amiko izay ataony dia toy ny hoe miteny ny Papa ohatra, dia tsy misy iraharahian'izay tsy katolika an'izay lazainy. Tsy mitsara velively izany.
Fa na inona koa na inona tsy firaharahiako, na tsy firaharahiantsika azy ireo dia samy mahita isika fa phenomène iray lehibe any Madagasikara ny momba ny "mpiandry", ka mila fifanakalozan-kevitra, mba tsy hisy ny hanaonao foana, satria ny hevitra tsy azo tsy amin'olombelona ary ny hevitry ny maro mahatakatra ny lavitra.

mbola mitady sy mandalindalina ny momba ireo mpiandry aloha fa somary very kely hiany.

tsy manome tsiny na iza na iza aho fa izany indrindra ny ilaina ny sehatra toy izao hifampilazana ny zvatra mba hay ary koa hanontaniana ny zavtra mampihazohazo;mila mitandrina satria raha tsy azo tsara ny zavatra ambara nefa tenenina amim-paharesen-dahatra dia mety hanimba ny fijerin\'ny hafa ka mety hiteraka fanafitohina amin\'ny hafa dia lasa ota izy amin\'izay.
fantatro à travers ny resaka ifanaovanareo fa katolika ianreo ary tsy mahita mpiandry ao ampiangonana fa amin\'ny protestant izy dia fiainana ao anaty fiangonana.
Arakarakin\'ny haavon\'ny faharesedahatra sy ny finoana an\'Andriamanitra no hahafahana manaiky fa zavatra roa ihany no misy: \"mazava\" sy ny \"maizina\"; \"tsara\" sy ny \"ratsy\"; \"Andriamanitra\" sy ny \"devoly\";
Tsy voatery tonga dia hino anio isika na dia mazava ao anaty baiboly aza izany fa hotsapantsika miandalana rehefa miezaka miaina ny tenin\'Andriamanitra isika.
ny mpiandry (tena izy fa tsy ilay misora-tena) dia tena resy lahatra tanteraka ny famonjen\'i kristy azy ary tsy manana afa-tsy Jesosy Izy harahiny eto an-tany, izany no antony ilazany fa rehefa tsy ao amin\'i kristy (mazava) dia miaraka amin\'ilay ratsy (maizina); mety ho sarotra amintsika ny hanaiky izany fa mila mianatra ny zava-rehetra isika mba tsy hovoafitakin\'ny ratsy .
Io devoly io mantsy dia fetsy ary tsy manan-tsaina afa-tsy ny hitarika ny olona tsy handray ny fahsoavan\'i kristy, ny famonjena efa vitany teo amin\'ny hazo fijaliana; ary tadidio fa mahay izy ary \"izy no mpanjakan\'izao tontolo izao \" (tamin\'izy naka fanahy an\'i Jesosy vakio luc 4)
tsy hoe diso izy ireny na adala raha milaza fa misy devoly ny olona iray satria tokana ihany no afaka honina ao ampon\'ny olona na jesosy na ny devoly fa tsy misy ny izy roa indray miaraka. ary raha mandondona aty ivelany i Jesosy , ny dikan\'izany tsy ao anatiny Izy. Iza izany no ao?
Jesosy anefa vonona ny hiditra rehefa hampandrosointsika, ary rehefa tafiditra Izy dia mipetraka irery ao fa tsy mety miaraka amin\'ny devoly; ka izy no miaraka mihinana amintsika ny sakafo (= fiainana eto an-tany);
mety hiala tao Izy rehefa tsy manaraka ny fombany isika na manao izay mampalahelo Azy ;ary dia madio tsara ny trano hialany. Amin\'izay ora izay ny devoly dia miditra tsy mandondodona fa manao an-keriny fotsiny izao (vakio tsara ny Matio 12:43-45.
Ny endrika isehoan\'ny fisian\'ny devoly ao amin\'ny olombelona dia amin\'ny endrika maro isankarzany; tsy hoe rehefa mandrngatra na toy ny mihetsika tromba ihany vao lazaina fa misy devoly fa fahavalo fetsy anie izy ka tsy hohitanao amin\'ny masonao fotsiny. izany no ilaina ny fanahy masina hanome antsika ilay esprit de discernement;Ireny mpiandry ireny dia mangataka ny fanahy masina rehefa hiasa, ary ny Tompo no mahalala ny devoly fa tsy izy ireny fa fitaovana ampiasain\'Andriamanitra fotsiny izy rehetra ireny;
Ka diso tanteraka ny fitenenena hoe: mpiandry tsy mety manasitrana (miasa) fa raha manao izany izy dia izy ilay nolaizaiko tambonin\'andro hoe: Mpiandry vorona fa tsy mpiandry mpnara-dia an\'i Jesosy.
ka avaho tsara ny mpanompon\'Andriamanitra sy ny mpanara-dian\'ny devoly izay afaka misora-tena ho mpiandry koa.
Ary farany, ny sain\'olombelona dia nomen\'Andriamanitra ; ary raha manao ny fikarhana sy fandalinana ny olombelona dia faly Andriamanitra fa manao ny asa nanirahany tany amboalohany, saingy ny tokony tsy hiala ao an-tsaintsika dia noforon\'Andriamanitra isika sy ny ati-dohantsika;
dia sahy hiteny ve isika fa mahay mihoatra Azy amin\'ny technologie? sa milaza ve isika fa ity aretina iray ity dia tsy sitran\'Andriamanitra fa tsya maintsy tsaboin\'ny dokotera?
Ny tsy finoantsika ilay herin\'ilay Andriamanitra anie no namindrany fo amin\'ny olombelona ka namelany ireny manam-pahaizana ireny hahita ny fanafodin\'ny aretina iray ka mba tsy ho faty ireo izy tsy mino nefa mandray ireny fanafody ireny.
mety mbola ho sarotra hinoana izany fijery izany fa halalino tsara ny tenin\'Andriamanitra ary mangataha lalandava ny fanahy masina mba hanazava izany dia hitombo miandalana ny fahzoantsika izany fitiavan\'Andriamanitra antsika izay mbola tsy mitsahatra mandrak\'androany.
izany no tsy hitsikerana be fahatany ireny mpanompon\'Andriamanitra ireny fa fantarina tsara ny zva-misy mba hahazoana ny antony iry na izatsy.
Ny Tompo anefa mamindra fo lalandava ary manome antsika hatrany ny teniny ho fanilon\'ny tongotsika ary fahazavana ny lalantsika.
hoy ny Tompo hoe: \"izay mitoky amin\'ny olona dia voahozona\"; ka raha mpiandry no itokisana fa manasitrana dia voahozona ianao fa Jesosy ihany no manasitrana fa fitaovana fotsiny ny mpiandry toy ny pasteur,mompera,ny kristiana tsotra satria zarazaraina ny fanomezam-pahasoavana, voazara arak\'izany koa ny fanompoana .
ny saina anie dia hain\'ny devoly no mahatonga azy hipetraka amin\'ny toerana ambony ka hanambany ny fijery rehetra mifanohitra amin\'ny fijeriny; izany no tsy iankinana afa-tsy amin\'i Jesosy arfy ny anarany no nampindraminy ahy sy ianao androahana ny devoly fa tsy ny fahaizantsika. mitabataba ny mpiandry rehfa mandroaka devoly toa antsika rehefa miady amin\'ny fahavalontsika; tsy misy miteny amin\'ny fahavalo avy hamono ny tena moramora na hanambitamby izany fa vao mainka izy mi-geste.
sarotra ny hanaiky izany raha tsy ny Tompo no mampanaiky antsika toa an\'i Petera namaly an\'i jesosy voalohany hoe: \"ianao ilay zanak\'Andriamanitra velona\" (Ny fanay masina no nampiteny azy). Io Petera io ihany no nataon\'Andriamanitra hoe :\" ao ivohoko ianao ry satana\" afaka fotoana vitsy raha niteny i Petera hoe: \"tsy ho faty ianao jesosy rahambola eto aho\"; tsy hoe lasa adala akory i Petera na nandrongatra fa niresaka tsara izy ary nihevitra fa tena mpianatra mahhiratra sy vonona tokoa ka vonona ny hiaro an\'i jesosy tsy hofaty; ny devoly no niditra tao aminy ka nampiteny azy.(vakio Mat 16:13-28).
tsarovy ary fa sarotra ny mitsikera mpanompon\'Andriamanitra na iza izy na iza satria raha ny fanay masina no naniraka azy hanao izany dia mitsikera ny asan\'ny fanhy masina isika ary mazava ny tenin\'i jesosy amin\'izay fa tsy afa-bela ny manohitra ny fanahy maisna ka tandremo ihany izay lazaina fa sao sahirana eo imason\'Andriamanitra

lava dia lava tokoa ka mila vakiana miadana.

Mifona amin'i mandalo aho fa tsy voavakiko an-tsipirihiny io voalazanao io. Lava ilay tsinona. Mbola hiverenako vakiana rehefa any an-trano aho, fa efa no-enregistreko. Fa hamaly kely avy hatrany aho aloha :
1 - Ny mpiandry any am-piangonana dia fantatray tsara na Katolika aza izahay, satria efa mba niatrika fivavahana iraisam-pinoana na namonjy fanasana hafa. Tsy misy olana ny amin'iny fa mazava, ary araka ny fahazoako azy dia asan'io Fiangonana misy azy io no tanterahiny. Izany hoe io Fiangonana misy azy io no maniraka azy.
Fa misy "mpiandry" hafa mihitsy anie eh.. Izaho efa nahita, ary efa somary nifanasa vangy kely taminy. Ny tsy zakako fotsiny dia ny filazany fa "Jiolahy sy mpangalatra avokoa izay tonga talohaNY".
2 - Amiko kosa raha mpanompon'Andriamanitra tsy manaiky hotsikeraina dia tsy izy izany eh... Saingy omena dikany mazava ilay tsikera : Tsikera manorina fa tsy mandrava. Tsikeran'ny tsy tia hanan-dratsy. Tsikeran'izay tsy te hijery arina an-tava. Raha tsy manaiky ho tsikeraina ny mpanompon'Andriamanitra, dia hanjary hanao tenin-ko fe lehibe, na tsy hahay mihaino ny hafa. Io fahaiza-mihaino io anefa dia toetra tena takiana amin'ny mpanompon'Andriamanitra mihitsy, na iza izy na iza, na Katolika na Protestant, na sekta koa aza.

Lavabe tokoa ity resaka mpiandry ity ka mba hiezaka handray anjara kely aho. Efa betsaka ireo fanazavan-kevitra nolazain\'i mandalo teo. Ny tiako hanampiana kely angamba dia izao :
1- hoy ny sasany mila mianatra, manan bacc ireo mpiandry. Raha Jesosy no Mpiandry tsara, mba inona re no diplaoma nananany ??? Tsy resaka ara-nofo anie izy ity e fa ara-panahy.
2- Eto matetika no mahatezitra ny olona sasany @ fitsikerana. Tsy ny mpiandry rehetra anie no manao ireo zavatra lazainareo ireo e! mety misy izany satria OLOMBELONA mitovy aminao sy amiko ireo ary manana ny kilemany ary na ny Papa sy Ny pasitera aza dia mbola manota satria olombelona. Tsy misy izay tsy manota eto @ ity tany ity. Ka raha izay no tsy itiavanao sy tsy inoanao ny maha-mpiandry azy dia anao izay.
3- Fanasitranana : Andriamanitra tsy nandefa aretina ho an\'ny olona fa asan\'ny devoly hampahoriana ny olona io. Ny devoly no mitondra ireo aretina ireo. Ny aretina rehetra anefa dia sutran\'i Jesosy avokoa eny fa hatr@ maty aza mitsangana. Iza no dokotera mahavita izany ?? Jesosy no dokotera ambony indrindra. Ny mpiandry dia manatanteraka ny iraka ampanaovin\'i Jesosy. Ka raha MINO dia sitrana avokoa ny aretina na tsy mandalo dokotera aza, na tsy manampahaizana aza. Hain\'ny MINO atao ny zavatra rehetra.
Izay aloha fa lava loatra ka tsy ho voavaky indray.

tsy mety reraka ao ny mamerina hoe: "Aza mijery olona fa Jesosy arahina"; mpanota avokoa ny olona rehetra raha mbola eto ambany masoandro ary tsy izay milaza azy ho mpivavaka na mpiandry na kristiana no atao hoe mpanompon'Andriamanitra fa IZAY MANARA-DIA AN'I KRISTY IHANY, ka diniho tsara izay miteny dia fantaro tsara ny momba azy vao manakilasy azy ireny ; aza adino fa tsy ny finoanao ireny olona ireny na ny fitokianao azy no hampandroso ny finoanao fa ny fahatokianao ilay mpamonjy anao.
fitaovana ampiasain'Andriamanitra ireny fa tsy maha-avotra anao akory ka avelao izy hanao izay mahafaly fony na hanaratsy olona na hanompa aza tsy maninona; fa mbola hotsaraina izy any amparany.
Aza mora tezitra fa ny devoly no faly voalohany ary izay no tadiaviny sy katsahiny

Iza kosa izao no tezitra eo ?

Ka izao aloha eh... I mandalo ve manaiky fa misy ireo milaza ho mpiandry avy amin'ny anaran'ny tenany fotsiny fa tsy avy amin'ny Fiangonana naniraka azy?
Mba valio amin'ny fomba tsotra io raha sitrakao.

Ny momba ny aretina dia ekena fa hain'Andriamanitra sitranina avokoa ny aretina rehetra, saingy naniraka ny dokotera izy hanohy ny asany, ary misy aretina tsy ho sitrana mihitsy raha tsy ny dokotera no mitsabo azy. Ny Dokotera tena mahay sy manaja ny feon'ny fieritreretany, dia miaky ary miteny toy izao "Ny Dokotera dia mitsabo, fa Andriamanitra irery no manasitrana".

sitrako tokoa ny hamaly anao amin'ny fomba tsotra: "Tsy mpiandry ny ondrin'Andriamanitra fa mpiandry vorona izay milaza fa ny tenany no mpanasitrana; ny tenany no miasa fa tsy i Jesosy.
tsy haiko raha mazava aminao ny atao hoe mpiandry fa tsy mbola misy tsy nitohy na mivilana ny fanambarako aza hatrizay;
Tsy miteny koa hoe: tsy mahay na ino na ny dokotera fa nianatra ireny ary ny hainy dia iizay takatrin'ny fahaizany ary ianao ihany no nanoratra hoe: "ny dokotera mitsabo, fa Andriamanitra no manasitrana".
Izany dia manamafy fa LIMITE ny fahalalany ; tsy midika koa izany fa LIMITE koa ny fahalala'Andriamanitra.
Izy no namorona; noho izany hainy koa ny manamboatra ny simba;
FA izany rehtra izany miankinaamin'ny hahalehiben'ny fitokianao sy ny finoanao an'Andriamanitra.
tsy maiteny aho hoe: aza mankany amin'ny dokotera; ianao no mahalala ny tenanao sy ny finoanao dia ataovy arak'izay maharesy lahatra anao fa mbola famindrapon'Andriamanitra daholo ny fisian'ny dokotera.
ny zava-dehibe takian'i Tompo amintsika dia isika mahatoky Azy; Izy no miasa ao anatintsika rehefa apetrantsika aminy ny momba antsika rehetra.
Minoa azy dia hovonjena ianao sy ny ankohonanao.
Mahereza arye!

ny hany zavatra teneniko angamba dia hoe tsara dinihina kely aloha hoe sao dia resaka scientifique no mampaharary ny olona iray na mampivika azy. misy manko olona sasany misy zavatra tsy ampy ao aminy ohatra (carence)(vitamine na glucide ... na calcium ... na tsy haiko ...) dia par rapport an'io zavatra tsy ampy aminy io dia misy effet amin'ny tenany sy ny comportement ka lasa nerveux be na sempotra na manao crise ilay olona, tsy hoe lasa adala fa ny "effet secondaire" n'ilay zavatra tsy ampy na carence ao amin'ny tenany no mahatonga an'izany fihetsika tsy ara-dalana izany (marina io) dia tonga dia lazaina fa hoe ny devoly e, misy devoly e sns dia anantsoana mpiandry. ekeko fa ilaina ny mpiandry, tena ekeko tanteraka mihitsy fa alohan'ny hanaovana diagnostika hoe tonga dia devoly dia tsara angamba manantona dokotera aloha .... mijery akaiky hoe inona no anton'izao

io ohatran'ny olona noana tsy ampy sakafo ihany, raha misy olona iray izao noana be tsy nisakafo nandritra ny 3 andro ohatra ka lasa nerveux be sy mitabataba be tsy ohatran'ny isan'andro malefaka kely dia tonga ve dia lazaina fa hoe misy devoly ilay olona fa niova be tampoka ny comportement-ny ? dia androahana devoly ? hahavoky ny hanohanany ve izany ? kanefa ilay sakafo tsy ampy ao aminy sy ilay olona tena noana be no mahatonga ilay fihetsiny tsy toy ny isan'andro ?
na koa hoe marary andoha be ilay olona iray satria tsy ampy rano tsy ampy sakafo (zavatra matetika mitranga) dia avy hatrany ve dia tonga dia hiasana hoe androahana devoly hiala ny aretina ? kanefa resaka science izay azon'ny olombelona hisorohana tsara mihitsy ? dia manome sakafo, mitsabo ....

:-w
:-*

tsy te-hamaly anao aho na hanampy fanazavana hafa fa arakarakin'ny degré-mpinoana no mahasamihafa réaction-ny tsirairay.
saingy mamela ahy hanoratra ireto teny kely ireto: "tsy ny mofo ihany no iveloman'ny olona..." sy ny hoe: "Hoy Jesosy tamin'ilay samaritana: "raha fantatrao fa aty amiko misy rano mahavelona tsy mety ritra dia nangataka tamiko ianao...".
anao ny mandalina dia mangataha amin'ny fanahy masina mba hohazavainy ny fahalalanao.

" Ny finoana no mahavonjy anao". Raha mino ianao fa sitran'ny dokotera dia ho sitrana. Eny ana aretina inona no mahazo anao ka mini ianao fa ho sitrana @ alalan'ny vavaka atao dia ho sitrana ianao na tsy mandalo mpiandry sy dokotera.
"Andramo ka izahao fa tsara Jehovah"

"tsy ny mofo ihany no iveloman'ny olona...". Marina dia marina izany, saingy ny dikany kosa dia mazava : Sakafo sady mahavoky ny mofo, tena ilaina, saingy tsy io ihany akory dia ampy. Ny hoe mivelona amin'ny Tenin'Andriamanitra tsy midika mihitsy hoe aza mihinana zavtra hafa intsony. Ny mitoky amin'ny fahasoavan'Andriamanitra mba ho sitrana tsy midika hoe aza manatona dokotera intsony.

Izaho kosa tena tsy mino, miala tsiny indrindra, fa ny vavaka FOTSINY dia ampy hahasitrana.

mamy23, eny marina tokoa. inty mba asaiko hodinihanao. misy tantara ao amin'ny baiboly raha nanasitrana ny mason'ilay jamba Jesosy dia "nanao veta tamin'ny rorany sy fotaka" ary iny no nahosiny tamin'i mason'ilay jamba. misy fomba maro ny nanasitranan'i Jesosy ao anaty ny baiboly. Jesosy manana fahefana ny tonga dia hiteny fotsiny tsy mila mikasika akory dia sitrana ny olona iray dia inty no fanontaniana apetrako aminao :
1- fa nahoana i Jesosy no naka fotoana nanao feta ? fa tsy nandidy ny mason'ilay jamba hahiratra kanefa vitany izany ?
2- ilay jamba, moa tsy nampiasa ny FINOANA va izy raha NAMELA an'i Jesosy nanao feta sy nanosotra an'izany tamin'ny masony ? moa tsy endriky ny finoana ve izany ?
3- momba an'ilay jamba, raha nandà tsy hasiana feta ny masony, ho sitrana ve izy ?

io no mba asaiko dinihanareo azafady.

"feta" ny tiako lazaina fa tsy "veta" amin'ilay eo ambony.


marozevo > yé marina mihintsy.