Angie => azafady raha izao vao mamaly fa tena sahirana be aho teo alohaloha teo. Ilay pastera amin'izao fotoana io
voalaza fa nampitandrina ny mpiangona ao aminy io.
Naheno aho tamin'ny herinandro lasa fa raha nanontaniana momba izao olana izao hono, Ravalomanana tany ampiandohan'izy ity
dia nilaza hoe : Angaha mbola misy ihany izany FPVM izany e! Tsy mila miresaka aminy aho fa asaivo mandeha izy. Marary ny lohako.
Rehefa tsy hiverina FJKM izy dia aleo ho any.
Ialako ny tsiny raha ny momba izay crédibilité azo omena na tsia an'io honohono io, fa raha tena nisy marina, dia hitako
ho valin-teny tsy mendrika. Indrindra fa hoe filoha lefitra amin'ny FJKM no sady Filoham-pirenena.
sonwin => raha manontany olona ao amin'ny FPVM ianao hoe aiza ry zareo no mivavaka, dia any an-trano sy ao am-pony no valiny
azonao aminy. Fa raha izay hiverina FJKM, hono, dia nofy. Fa andrasany foana Andriamanitra izay tsy andrin'ny hafa.
Hampaherezako azy ireny fotsiny dia izao: hoy ny tenin'Andriamanitra hoe :AZA MATAHOTRA IZAY MAHAY MAMONO NY NOFO FA TSY
MAHAY MAMONO NY FANAHY'. Satria tokoa mantsy 'ANDRIAMANITRA NO TOKONY HATAHORANA MIHOATRA NOHO NY OLONA
Raha mihainohaino any amin'ny FJKM indray ianao dia haheno fa tena io lazainao io no izy: olana iray ilay pasitera,
ary olana iray hafa koa ilay anaram-piangonana.
Raha ny hevitro dia tsy tokony ho olana ho an'ireo mpivavaka tao amin'ny FPVM taloha ny tsy fisian'ny trano fivavahany.
Ary mbola afaka mamorona vaovao aza izy raha ny constitution no dinihina, miampy ny ordonnance 62-117 manao hoe:
"...pour respecter les principes constitutionnels, il est prévu que les autorisations administratives ne sont plus nécessaires
pour la tenue de réunions cultuelles tant privées que publiques......quand le nombre de fidèles se réunissant régulièrement
pour des exercices cultuels, atteindra un certain chiffre, faculté leur est donnée de constituer une association cultuelle;
mais pour ce faire, ils devront observer certaines formalités faites pour leur donner l'assurance que leur groupement
vivra désormais dans la légalité, et que leurs biens communs feront l'objet d'une gestion saine offrant toutes les
garanties de contrôle voulues, dans l'interêt de tous et selon des formes démocratiques"
Ny hoe hanafoana ny toby lehibe Manolotrony, tsy haiko na ho sahy an'izany Ravalomanana, na tsia. Ka na amin'ny
anaran'ny maha-zanak'i Manolotrony io FPVM io fotsiny aza no hanaovany fivoriam-bavaka, inona moa no olana ?
Dia mitondra anarana vaovao hoe EGLISE REFORMEE MANOLOTRONY indray.!.
Sa mbola ho sahin'ny Fanjakana indray koa ny hanakatona azy rehefa avy eo.
Raha ny faniriako izao dia ity: raha sahy manao défi isika FJKM dia teneno Ravalomanana hanokatra ny FPVM,
dia manao fifaninana masina ny fiangonana roa tonta avy eo: na amin'ny asa fitoriana, na amin'ny famohazana ny fanahin'ny olona.
Tsy izany ve no tokony hitondrana ny baolina, sa ity fanenjehana ny hafa ity no mahamaika eh!
Izao dia na dia efa niniana tsy noresahana aza ilay resaka 15.000.000.000 FMG tokony hanaovana ny Université Protest., dia
nanjary nivoaka ihany. Afa-baraka ny anaran'Andriamanitra.
Mahamenatra. Mba jereo anie ny Fihirana Fanampiny ho antsika FJKM e! Ilay faha 18 manao hoe
"Raha tonga ny andro izay itsarana anao...Efa ampy ve izay nafafinao, mba ho voa mendrika tokoa? Efa tontosa ve ny anjaranao
tsy hahameloka anao rahatrizay? Tsy hatahotra na hangovitra ianao raha madio fo...Fihatsaram-belatsihy, aoka izay dieny ety,
Fahafaham-baraka ho anao ka ialao. Raha toa tianao, ho voavonjy ianao. Afafazo izay voa mendrika"
diamondra27 => Raha izaho ianao tsy mamaritra ny an'itsy sy iroa ho secte, raha tsy tsy tena mazava tsara aminao ny définition-ny.
Izahoi manokana aloha tsy mahalala ny tena famaritana azy, fa araka izay kely fantatro toy izay inoako fa hainao koa no
mba haiko,dia ny hoe : nisy tany am-piandohana fototra iray lehibe niarahana (ohatra Catholique) dia izay nisintaka tao
sy niforona rehetra tato aoriana dia nofaritana daholo ho secte. Ka raha izay no jerene dia sectes daholo ireo karazam-
piangonana rehetra misy ankehitriny. Indrindra moa fa ny FLM izay efa nafatrafaran'i Martin Luther King tsara hoe: Aoka tsy
hisy hanorina fiangonana amin'ny anarako. Tsy teniteny foana nataony io fa matoa nolazainy dia misy antony ara-tsoratra masina
tsara mihitsy. Norarana mantsy isika tsy hivavaka amin'ny Andriamanitra tsy izy, na hiankohoka amin'ny sary vongana, na ny
volana sy ny masoandro. Izany hoe tsy hivavaka amin'ny zava-boaharin'Andriamanitra. Jereo tsara sy alalino ny baiboly rehefa
mba misy fotoana kely iny, fa voasoratra ao daholo ireo lazaiko ireo fa tsy noforoniko sanatria.
Amen
