kitjo, ny dikan'ny biche dia diera amin'ny teny gasy dia ny bichette dia diera kely izany. Tao anatin'ny tononkiran'i Solomona ao anaty baiboly no nahitako izany
Ahoana marina ry reto ny tena fanoratana ny hoe "kolontsaina " ??? kolontsaina ve sa kolotsaina ve sa kolon-tsaina ??
Misaotra mialoha
tena marina izany dierakely an! avy amin'ny teny anglisy hoe "deer" no niavian'io diera io!
ny fahafantarako azy dia "kolontsaina" satria efa ekena ho voambolana iray izy io. Ny fomba fanoratra indray dia tsotra ny fomba hialana (farafaharatsiny eo amin'ny 60%eo) amin'ny diso tsipelina: jerena ny foto-teny rehetra niavian'ilay teny ho soratana vao atambatra. Dia ampiasaina ny KA TRA NA ahafantarana hoe misy N ve sa tsia (he he he! efa lehibe manko aho vao nianatra teny malagasy dia nitandrina be mihitsy!)
dierakely an> ilay diera mihitsy ange no tsy haiko e!
Fihinana ve izany? sa biby? sa zavatra tsy manana aina??
Tena matotra ireo fanontaniako ireo fa tsy fantatro mihitsy an
Bichette> Kolotsaina kosa angamba no izy : fototeny "kolo" tsy miafara @ ka tra na + "saina" ; miampy fanatsaran-teny "t": manome kolotsaina.Tsy misy tsipi-panohizana satria tsy ny saina no kolo.Miditra ny sehatra sy ny iharana sy ny HAD eto hahafantarana ny fitsipika.
Kolontsaina no izy ka , toy izao ny lalàn'ny fanakambanan-teny, raha mivany roa ilay teny nefa tsy miafara amin'ny KA/TRA/NA dia tovanana NA any amin'ny farany, ka ahazoana hoe kolo(NA) + saina rehefa izay dia ampiasaina amin'izay ny lalàn'ny fanakambanan-teny miafara amin'ny NA ka lasa hoe kolon-tsaina , ny mahatonga azy hakambana indray dia amin'ny ankapobeny rehefa teny entina ilazana zavatra tokana dia akambana ny fanoratra azy ka lasa hoe kolontsaina izany. Maromaro ny teny toa io, ohatra, (foko+ tany)>fokon-tany>fokontany , sns
Momba ilay hoe , fehezan-teny mikambana sa misaraka dia misaraka ilay izy izany hoe tokony hisy tsipi-panohizana raha ny lalaàn'ny fanakambanan-teny no dinihina fa araka ilay noteneniko teo hoe saika atambatra avokoa ny teny rehefa entina mamaritra zavatra tokana dia mazàna akamban'ny olona ny fanoratra azy ka lasa hoe fehezanteny
Izay indray aloha ny amin'iny e!
