niryna:
Ny fanontaniako dia fahotana ve ny manendrikendrika ?
toy ny ataon\'i Adama sy Eva eto ?
==> Tsy hipasoka ny efa malama aho fa te hametraka fanamarihana :
1- Ny hevitry ny teny hoe
devoly dia : mpiampanga, mpanendrikendrika. Samy hafa ireo (hoy isika) raha hevitry ny teny no jerena :
.
Manendrikendrika : miampanga ny hafa ho nanao zavatra (ratsy) izay tsy nataony
.
Miampanga : milaza ny hafa ho nanao ratsy mba hanamelohana azy
Roa samihafa ireo nefa mitovy satria samy manameloka.
2- Tsy dia Eva loatra no nomelohin\'i Adama ho fototry ny fahotany teto fa Andriamanitra nanome azy vady. (cf. \"Ny vehivavy izay
nomenao ahy ...\"). Tsy ny menarana no nomelohin\'i Eva teto fa Andriamanitra namorona ny bibilava.(cf. \"Ary
Andriamanitra namorona ny biby samy araka ny karazany avy\").
Na oviana na oviana isika no manome tsiny, na endrikendrika io na fiampangana tsotra, dia Andriamanitra tompon\'ny fahefana sy ny hery ary Mpamorona no melohintsika ho manaonao foana amin\'izany, ary manaporofo ny tenin\'i Jesoa tamin\'ireo Jiosy izany hoe \"ianareo zanaky ny devoly rainareo\"
3- Tsy noho ny fahadisoan\'i Eva no nahazoan\'i Adama fanozonana, fa ny an\'i Adama ihany. Tsy noho ny fahadisoan\'ny menarana no nahazoan\'i Eva fanozonana, fa ny an\'i Eva ihany. Ary tsy ny fahadisoan\'i Adama sy Eva (izay lazaina fa fahotana fototra) no mahavery ny olona tsirairay, fa ny fahadisoan\'ny tenany ihany.
4- Ny fiampangantsika an\'i Adama sy Eva (na hafa koa) ho anton\'ny mahavoaheloka antsika dia manaporofo fa taranak\'izy ireo tokoa isika. Ary ny fiezahantsika hanarona ny fahotantsika mahamenatra amin\'ny asa maro isan-karazany (fiantrana, fitsaboana, fitoriana, fametrahan-tanana, fombam-piangonana : batisa, kaominio, ... sns) dia manaporofo fa taranak\'ireo izay naka ravin\'aviavy hanakonana ny fahamenarany isika.
niryna:
Inona ary no tokony ataontsika mba hiarovana ny tena tsy hanameloka ny hafa na anome tsiny ny hafa amin\'ny zavatra ataontsika na manome fahadisoana ny hafa amin\'izay ataontsika ?
:-*
==> Tsaroako fa rehefa nanakana anay roa tsy hiaraka t@ fomba rehetra azony natao ilay renin\'ilay olona mpifankatia tamiko, na dia niseho ho ni comprendre aza aho t@ voalohany dia tsy tanan\'ny foko ny tsy hihevitra fa ratsy fanahy sy anton\'ny alaheloko izany olona izany.
Rehefa namaly ahy kosa Jesoa hoe \"raha tsy nisy an\'izao ianao tsy nitodika tamiko\", dia afaka teo ny fiampangako an\'ilay ramatoa ary faly kokoa aza aho sy nisaotra fa io ramatoa io dia fitaovan\'i KRISTY mba handrenesako ny feoNy, ka nitarika ny fahazoako antoka ny famonjena.
Ny maha olona ny olona dia ao foana, ary ny maha izy ny olombelona dia manameloka ny hafa foana, mitady izay hanipazana ny tsiny tsy ho eo ambony lohan\'ny tena. Fa rehefa mahafantatra ny fon\'ny olona fa ny tsiny dia efa any @ toeran-kafa (dia any @ hazo fijalian\'i KRISTY), dia ny tsiny noho ny heloka rehetra, dia tsy mba hiampanga ny hafa intsony izy.
Rahoviana no afaka hahazo antoka ny olona fa ny tsiny dia efa nentin\'i KRISTY teo ambony hazo fijaliana tokoa ? Rehefa mahatsapa izy fa velona tokoa ilay KRISTY, ka io Jesoa KRISTY io mihitsy no manambara amin\'ny foNy ny marina.
Hamaranako azy. Vao tato ho ato aho no sorisorena t@ vadiko, ary satria fantatro fa ny fahatezerana amin\'ny rahalahy dia heloka toy ny mamono olona, dia nahafantatra aho fa meloka sahady, na dia mety ho marina koa aza fa diso io vadiko io. Rehefa nahatsapa ny tenako ho meloka aho dia nikaroka ny saiko izay homen-tsiny, ary dia nahita aho hoe noho ny hadisoan\'ny vadiko marobe no nahatonga izany. Isaka ny niresaka tamin\'io vadiko io anefa aho (sady mivavaka), dia tsapako asehon\'i Jesoa ato am-poko foana fa @ points rehetra raisiko, izaho lohany aza mendrika hodisoina kokoa! Satria raha mba tena nino marina aho dia mafy ka ny fahalemen\'ny vadiko dia ho voavotra noho ny heriko amin\'ny finoana, fa niseho tamiko fa tsy nijoro tsara teo ambony vatolampy ny finoako. Nitady lalana ivoahana t@ fanamelohana rehetra aho ary nambaran\'i Jesoa tamiko (tao am-po) fa satria Izy no efa nandray ny heloko rehetra ary mandray ny heloko rehetra, dia afaka tsara mihitsy aho mandray ny heloky ny vadiko rehetra, satria izay heloka sy tsiny tonga aty amiko dia tsy mijanona ato anatiko fa any amin\'ny Tompo ... Ny fahatsapan\'ny fo an\'izay ihany no ahafahana tsy miapanga ny hafa, tsy misy ny ankoatra izay.
\"
Koa amin\'izay ao amin\'i KRISTY dia tsy misy intsony fanamelohana\", fa sady tsy voaheloka no tsy manameloka izay ao amin\'i KRISTY.
Misaotra naharitra namaky, fa izay mihaino ny TOMPO dia hahafantatra marina.
