[size=16]Azo atokisana ve ny fampanantenan'i Jesoa Kristy ?[/size]

Ahoana hoy aho no hamaliantsika ny mpaniratsira tahakan'i Bertrand Russell izay manendrikendrika an'i Jesoa Kristy ho tsy nanaja ny fampanantenany ?

Zavatra voalohany, tokony marihintsika fa efa ho voatory @ olombelona rehetra ny Evanjely : efa mainka handrakotra an'izao tontolo izao ny Aterineto hany ka afaka mitory ny Evanjely any Filipina ny aty Madagasikara ohatra, ary izay toerana tsy misy Aterineto dia andehanan'ny misiônera miasa ho an'ny fikambanana tena tsara rafitra. Ny fanontaniana mipetraka dia ity : ahoana no nahafantaran'i Jesoa Kristy an'izay 2 000 taona lasa izay raha tsy nahafantatra ny ho avy tokoa Izy ?

Zavatra faha2, tokony mijery ny fampanantenan'i Jesoa hafa isika raha nohajainy tokoa. Ireto misy 3 :
- ny fanatanterahany ny faminaniana momba ny Mesia (Mt. 16:13-17, Lk. 4:16-21, Lk. 7:19-23)
- ny fandravan'i Jerosalema (Mt. 24:1-14, Lk. 13:34-35, 19:41-44, 21:5-38)
- ny fitsanganany t@ maty 3 andro aorian'ny fahafatesany (Mt. 12:40, Mt. 17:22-23)

[size=14]Ny fanatanterahan'i Jesoa Kristy ny faminaniana momba ny Mesia [/size]

Ny Baiboly irery no boky masina mirakitra faminaniana manokana maro be momba ny firenena samihafa sy Isiraely ary ny Mesia. Sahabo ho 300 ny filazan'ny Testamenta Taloha momba ny Mesia, momba ny firazanany, ny toerana ahaterahany, ny fahafatesany sy ny fitsanganany @ maty. 500 ka hatr@ 1 000 taona talohan'ny nahaterahan'i Jesoa Kristy no nanoratana azy ireo kanefa notanterahiny daholo tsy an-kanavaka izy rehetra.

Ananantsika ny porofo avy @ Sora-Tanan'ny Ranomasina Maty fa nosoratana 100 taona talohan'i Kristy farafahakeliny ireo faminaniana ireo ka tsy possible ny nahafatesana paika azy ireo. Raha ny statistika no jerena dia tena kely balitika loatra ny ankevikevin'ny nahatanterahany azy rehetra @ fomba kisendrasendra (izany hoe tsy possible), kanefa tanteraka izy ireo, ka manaporofo izany fa Izy tokoa no Mesia nampanantenain'Andriamanitra.

[size=14]Ny fandravan'i Jerosalema[/size]

Toa tsy possible ilay izy rehefa naminany an'izay i Jesoa, ary tafintohina ny olona naheno an'izay. Nampitandrina izy fa hahatonga faharinganana mahatsiravina ho an'i Jerosalema sy fandravàna ho an'ny Tempoliny ny fanipahany Azy.

Indrisy fa marina tanteraka ny teniny. 40 taona tany aoriana, iray tapitrisa ny Jiosy novonoina rehefa noravan'ny tafiky ny amperora rômana Titosy i Jerosalema. Nirakitra an-tsoratra an'ireto famantarana hafahafa ireto ilay mpahay tantara jiosy Jôsefa t@'izany taona izany, izany hoe t@ taona 70 :
- nisy meteôra (trangan'ny toetr'andro) nitovy endrika @ sabatra izay nitsingevaheva tambonin'i Jerosalema mandritry ny herintaona iray manontolo
- hazavàna mitovy @ hazavàn'ny antoandro, naharitra mandritry ny antsasak'adiny
- nahitàna kalesy sy lehilahy mitam-piadiana eny @ habakabaka

Mbola nirakitra tranga hafahafa hafa izay niseho nandritry ny fahirano nataon'ny Rômana izy. Inona no mety ho dikan'ireny famantarana ireny ? Misy manam-pahaizana sasany izay mino fa tanterak'ireny famantarana ireny @ fomba kisarisariny ny fiverenan'i Jesoa Kristy t@ taona 70. Kanefa mbola tsy tanteraka mihitsy ny tena fiverenany.

[size=14]Ny fitsangana'i Jesoa Kristy @ maty 3 andro aorian'ny namantsihana azy @ hazofijaliana[/size]

Wilbur Smith, manam-pahaizana ara-Baiboly:
When he said that He himself would rise again from the dead, the third day after He was crucified, He said something that only a fool would dare say, if He expected longer the devotion of any disciples—unless He was sure He was going to rise. No founder of any world religion known to men ever dared say a thing like that.

Tandindomin-doza izay rehetra niaretan'i Jesoa sy nolazainy nohon'izay faminaniana izay. Raha tsy mitsangana t@ maty 3 andro aorianan'ny fahafatesany araky ny teny fikasany Izy, iza koa no mbola hanaraka Azy ? Kanefa toa voa mainka nanaraka Azy @ fomba mavitrika ny mpianany taorianan'ny nahafatesany.

Peter Steinfels, @ “Jesus Died—And Then What Happened?", New York Times, 3/4/88:
Shortly after Jesus was executed, his followers were suddenly galvanized from a baffled and cowering group into people whose message about a living Jesus and a coming kingdom, preached at the risk of their lives, eventually changed an empire. Something happened. … But exactly what?

Inona izany no nitranga ka nampitsimbadika ny fizotry ny tantaran'izao tontolo izao ? Misy ve ny porofo manohana ny nitsangan'i Jesoa Kristy t@ maty ? Nanomboka nanoratra boky mandiso an'izay ny tsi-mpino Frank Morison. Kanefa rehefa namototra ny zava-misy izy dia niova hevitra sy fo teo am-panoratana azy ka nanjary famelabelarana ny antony niheverany fa marina ny fitsangan'i Jesoa Kristy t@ maty no lohahevitr'ilay boky.

Namotsifotsy ny fitsangan'i Jesoa Kristy t@ maty teo anoloan'ny mpianany koa ilay tsi-mpino Dr. Simon Greenleaf, mpanorina ny Sekoly Fianarana Lalàna any Harvard. Rehefa nentanina mba hamototra ny zava-misy izy dia nampihatra ny fitsipi-pandinihina ny zava-misy t@'ilay raharaha. Rehefa namototra lalina tsara izy dia nanjary resy lahatra tanteraka fa nitranga tokoa ilay izy, indrindrindrindra nohon'ny fiovan-toetra goavan'ny mpianatra, ka niova fo.

Tsindrio ity rohy ity raha te-hahafantatra bebe kokoa momba an'izay ianao.

Toy izao ny fehiny : raha nanatanteraka ny faminaniana maro be momba ny Mesia izay nosoratana taon-100 maro talohan'ny nahaterahany araky ny efa nampanantenainy i Jesoa Kristy, raha ringana araky ny efa naminaniany i Jerosalema, raha nitsangana t@ maty 3 andro aorian'ny nahafatesany araky ny efa nampanantenainy Izy na dia toa tsy possible ny manatanteraka an'izay aza, nahoana no tokony tsy hino ny fampanantenany hiverina ny olona misaina ?

[size=16]Aiza no hiverina i Jesoa Kristy ?[/size]

Any @ Tendrombohitra Ôliva hoy ny Baiboly (Zk. 14:1-4). Mety manontany ny sasany hoe maninona no any fa tsy any Paris na New-York na Tôkyô na Tanà. Ka Andriamanitra anie no nifidy an'izay toerana izay fa tsy izaho. Na dia renivohitra tsy dia manahoana raha ampitahaina @ tanan-dehibe sasany @'izao tontolo izao i Jerosalema, manan-danja mavesatra indrindra ilay izy eo imason'Andriamanitra. Andeha isika hanjohy vetivety ny tantara mba ahazoana ny antony.

Jerosalema (izay nantsoina hoe Môria taloha, izahao ny Gen. 22:2) no toerana nasain'Andriamanitra anaovan'i Abrahama sorona ny zananilahy Isaka. Kanefa tsy navelan'Andriamanitra hanao sorona azy izy fa nanome vantotr'ondrilahy ho solony. Tsy nikasa an'i Abrahama hanao sorona an'i Isaka mihitsy Andriamanitra ny tena marina fa fizahan-toetra ilay izy sady tandindon'ny Soron'ny Zananilahy tokana izay hitranga 2 000 taona eo ho eo aorianan'izay akaikikaikin'ity toerana ity mihitsy.

Naorin'i Sôlômôna teo ambonin'ilay toerana nanaovan'i Abrahama sorona an'ilay vantotr'ondrilahy ho solon'ny zanany Isaka indrindra ny Tempoly Voalohany (2 Tan. 3:1). Teo no nisy ny Toerana Masina Indrindra, ilay efitra masina nilazan'Andriamanitra fa hitoerany (Lev. 16:2, 29-30).

500 taona talohan'i Kristy, naminany i Zakaria fa ny Jiosy no ho tompon'i Jerosalema rehefa ho tonga @ Fara Andro ny Mesia. Kanefa rehefa noravàna Jerosalema t@ taona 70 dia 1 000 000 ny olona novonoina ary nandositra hamonjy ny ainy ny sisa tavela. Tapitra hatreo ny naha-foiben'ny fivavahana jiosy azy. Zary hany nofinofy ho an'ny Jiosy ny fiarenany.

Kanefa nifototra t@ teny fikasàna nomen'Andriamanitra t@ alalan'i Ezekiela izay nofinofy izay. Niresaka momba ny fanaparitahana ny Jiosy @ firenen-kafa nohon'ny tsy fankatoavany ilay faminaniana. Milaza koa ilay izy fa haverin'Andriamanitra avy @'ireny fireneny ireny @ tanindrazany @ andro farany izy ireo.
Ez. 36:24 : Fa halaiko avy any amin’ny jentilisa hianareo ary hangoniko avy any amin’ny tany rehetra ka ho entiko ho any amin’ny taninareo.

1 800 taona mahery taorian'ny nandringanan'ny tafika Rômana azy, tsy nisy intsony ny firenen'Isiraely, ary "no-man's land" nozanahan'ny firenen-kafa i Jerosalema. Kanefa, t@ faramparan'ny taon-100 faha-XIX, nanomboka nipetraka tany Palestina ny Jiosy. Taorian'ny Holocauste nataon'i Hitler, maro dia maro ny Jiosy nifindra monina tany Isiraely.

T@ 14/5/1948, tanteraka ny nofinofin'ny Jiosy nonofisiny mandritry ny 2 000 taona mahery : tafarina @ fomba ôfisialy ny firenen'Isiraely ary nomen'ny Firenena Mikambana ampahan'i Jerosalema izy. Kanefa, ora vitsivitsy taorianan'izay, nivory tamin'ny sisin-tanin'Isiraely ny tafiky ny firenena arabo manamorona an'Isiraely ary nianiana ny hamotika azy. Nirefotr'afo ny fifandraisan'Isiraely sy ny firenena manamorona azy.

T@ 1967, nitangorona handringana an'Isiraely ny tafika Ejipsiana sy Syriana ary Jordaniana. Nilaza ny lohatenin'ny Los Angeles Times, laharan'ny 27/5, hoe "Egypt Vows to Destroy Israel." Toa tototry ny isan'ny faha8ny Isiraely. Kanjo namely tampoka izy ka nandringana ny faha8ny tao anatin'ny 6 andro monja. Maro ny olona nilaza fa fahagagàna ny fandresena goavan'Isiraely. Lasa fananan'Isiraely tanteraka Jerosalema ary toa takatra ny fiadanana niriny. Kanefa, efa tanteraka ankehitriny ny faminaniana izay nilaza fa ho vato mavesatra ho an’ny ny firenena rehetra Jerosalema (Zk. 12:3).

Famantarana ho an'ny fahantomoran'ny fiavian'ny Mesia ny fiarenana mahagagan'ny firenen'Isiraely sy ny maha-tompon-tanin'i Jerosalema ny Jiosy. Mainka ho 6 tapitrisa ny Jiosy mivelona @ tany nampanantenain'Andriamanitra an'i Abrahama. Ao anatin'ny 100 taona dia nanjary firenena izay manjaka @ pejy voalohan'ny gazety rehetra ny firenen'Isiraely izay tsy nisy nandritry ny 1 800 taona.

Ity ny rohy mankany @ fizaràna taloha ho an'izay liana :

http://forum.serasera.org/forum/message/m522d83e63646f

Salama namana,

Ilay faminaniana ao @ ZK 12 sy 14 ve no milaza ny fiaviny @ andro farany?
Raha hotonga ilay andro, mbola hisy tendrombohitra hitilitily ve, hisy ranomasina ve, hisy toerana andosirana ve, ....? @ AFO midedadeda ny fandorana mahamay no ihaviany ary hiempo avokoa izao rehetra izao!

Tsy miankina velively @ nofinofin'ny Jiosy mihitsy ny fiavian'izany andro izany, na izay zavatra mety hitranga ao Israel!
Miala tsiny fa na ny Mesia aza dia tsy nanetraka an'i Jerosalema ho tanana masina intsony: "..tsy any an-tendrombohitra na any Jerosalema intsony no ivavahana, fa ho avy ny andro ary tonga ankehitriny, ny tena mpivavaka dia hivavaka @ fanahy sy ny fahamarinana"

Ary tsy io Jerosalema hita maso io intsony koa no tanjona fa ilay jerosalema vaovao ampidinina avy any an-danitra!

Eny e, mbola tsy tanteraka ireo tranga ireo ka samy manana ny fomba fijeriny avy momba an'izay, fa saingy tsy olana izany raha mbola ny tenin'Andriamanitra no atao fahefàna faratampony. Ohatra, misy ny pré-millénialistes (tahaka ahy) izay mino fa ho tanterahin'Andriamanitra ara-bakiteny ny fampanantenany an'i Abrahama, misy koa ny post-millénialistes izay mihevitra fa ho an'ny jentilisa indray ny fampanantenan'Andriamanitra an'i Abrahama satria tsy "nahavita azy" ny taranany ara-tarazo, fa heveriko ho ratsy be izany amillénialisme izany : aiza koa no tsy hahatanteraka ny fampanantenany mihitsy Andriamanitra ?

Mba te-hanararaotra kely aho hametraka fanontaniana aminao, na dia somary HS aza : manizingizina ianao fa tokony hiverina amin'ny fototra maha-Hebreo azy ny gasy, kanefa tsy mihevitra an'i Jerosalema ety an-tany ho Tanàna Masina intsony ianao. Miala tsiny fa toa mifanipaka izany ilay izy, afaka manazava misimisy kokoa ve ianao ?

Tsotra kely ny valiny:
1°Ny faminaniana izay manondro fa aty Madagaskara ilay taranaka hebreo izay naely, dia tsy milaza velively fa tokony hiverina ara-nofo any Israely izy ireo!

2° Au contraire, eto Madagasikara no voatondro fa iandohan'ny fanangonana an'ilay taranaka (vakio ISAIA, HOSEA manontolo), tsy fantatry ny jiosy akory izzany!!

3°Tsy fiverenana ara-nofo ihany koa anefa fa fiverenana ara-panahy satria ny tempoly tena izy, sy ireo fanaka rehetra miaraka aminy dia tsy eto an-tany fa any an-danitra dia ao @ ilay jerosalema vaovao, izay misy vavahady 12,sns....

4°Ny Jiosy ankehitriny dia miezaka ny hanatanteraka ara-bakiteny @ ara-nofo ny faminaniana rehetra momba an'i Jerosalema noho ny tsy finoana ny fisian'ilay jerosalema any an-danitra! Tsy mahagaga izany satria ny Judaïsme (fivavahan'i Jiosy) dia tsy mandray ny hafatra nentin'ilay Mesia ary tsy mahalala ny Apostoly!
-Ny fisoronana dia efa any an-danitra, ary ny taranak'i levy dia efa natsahatra t@ asany, akehitriny 2000 Taona mahery aty aoriana dia mbola ny KOHEN no tompon'ny fisoronana (???)

Fehiny:
Ny hebreo dia tsy fehezin'ny Jiosy any Israely, ary tsy izay rehetra avy any Israely dia marina, ary tsy io Jerosalema ankehitriny io no paradisa nampanatenaina!
ohatra: torah milaza 12 volana; ny jiosy mahita 13 volana

Mampitolagaga kosa ilay guerre de 6 jours @'izao vanim-potoana mampitarazoka ny ady ho volana maromaro farafahakeliny. Sa fifanandrifian-javatra fotsiny ve izany hoy ianao ?

Mahaliana ilay fanadihadiana ary raha io resaka hoe hiverina i Jesoa dia tsy maintsy miaraka amin'ny Jerosalema Vaovao izany fiverenaNY izany.

Mety azo raisina ve hoe manaiky ny vaisseau extra-terrestre izany ny namana rehetra miainga amin'io faminaniana momba ny fiverenana io? Satria raha azoko tsara dia tanàna lehibe iray tsy nataon-tanana fa Andriamanitra no manamboatra ny Jerosalema Vaovao!!

Misy phénomène mifandray amin'io amin'izao fotoana izao dia ireo mpitory dahalo roalahy efa manombola fantantsika angamba (raha tsy hoe lazain'ny namana Nehemiah fa sandoka indray ireo na koa ny namana Moustaraf hoe raha vao milaza fa JK no naniraka azy dia tsy izy izay!!!)

ary sao dia Prometheus izany :-).

Mety hitovitovy amin'io film io ihany ilay izy.

Fa izao, raha toa ka milatsaka avy any tokoa moa Jerosalema Vaovao, mety ho vonona ve ny Malagasy handray azy?

Mety ireo izay Malagasy manana "Corps Astral" ihany no mety hovonona amin'izany a.

Dia ilazako ianao hoe ny tariky ry Avoko izao efa anisan'ny mpanao voyage astral ary mahalala fa hilatsaka eo Ankaratra Jehovah Andriamanitra. Raha tonga izany fotoana izany angamab tena hisy fahagagana gaovana mihitsy. FA tsy hay aloha hoe iza no ho lasa adala fa tsy niomana ny amin'izany.

Aoka kely isika hijanona amin'ny sehatry ny fahamatorana, tsy misy porofony ny fisian'ny ETs, ary raha ataontsika hoe misy izy ireo dia voaporofon'ny siansa fa sarotra indrindra ny mihevitra fa afaka mitsidika na hitsidika antsika @ sambon-danitra izy ireo

Miharena> izay indray vao henoko izany resaka izany, dia nahita le rohy volafotsiny izy zany ?
Izaho aloha tsy afaka miteny fahamarinan'ny voyage astral satria tsy mbola nandeha e :-)

Nehemiah> asa rehefa hitanao ilay Film prometheus na âme vagabonde.
Ary ny fikarohana sientifika amin'izao fotoana azany milaza "possible" fa hita tany amin'ny Mars ny ADN nihatombohan'ny olombelona. jereo eto...

Izaho aloha dia gaga amin'ireto Amerikana manaiky ny andaniana tapitrisa dôlara @ volan'ny hetrany @ projets tsy misy dikany tahak'izao nefa ny trosany efa be dia be e :-). Ny petra-kevitra ifotorany dia fôpla daholo, ohatra milaza izy ireo fa mety (mety hoy aho an :-) ) misy ny singa ilaina ho an'ny fiainana ambanin'ny velaran'i Marsa, nefa tsy mba vitan'izay ny fiforonana ny fiainana ;).
Fa izany hoe misaotra ho an'ilay rohy ^_^.

Ny sarimihetsika Prometheus mbola tsy hitako fa mba maniry ny mahita azy indray andro any

Ilay ET kosa angamba namana Nehemiah tsy azonao lavina raha Kristianina ianao. Satria i Jesoa izao ET, Jehivah ET, ny Anjely rehetra ET daholo. Ny Devoly sy ny anjeliny no lasa terrestre noho ny nanjerana azy tety ambonin'ny tany.

Ny Coran milaza fa ao Sirius no misy ny Mpamorona ny olombelona; ET izany IZY.

Ka asa ny atao hoe ET amin'ny namana Nehemiah.

Ho an'ny namana Voromailala, dia efa maro ireo zavatra mitranga eto amin'ny firenentsika fa mety tsy fantatrao. Misy ireo izay miresaka amin'ny Razana izay Mpanjaka taloha (ho an'ny mpandala ny esoterisma sy ny mpitana ny fomban-drazana). Ny mahagaga amin'ireto karazan'lona ireto dia misy zavatra iraisany amin'ny SIlamo ohatra ny avy ao Ankarana (faritr'i Ambilobe iny). Ny ao Ankaratra indray dia milaza fa Rain'ny olombelona rehetra no miseho ao amin'ny Tendrombohitra izay hanaterana fanatitra na angataham-pitahiana. Somary mitovy ireo fanonona ny anaran'ireo toerana ireo.
Ny hoe Ararata na ilay tendrombohitra izay nipetrahan'ny sambo fiaran'i Noah dia misy milaza fa Andraraty na Ankaratra no hany anarana misy azo lazaina mifanakaiky aminy eto ambonin'ny tany.
Raha mijery nindra yny Genesisy isika dia mahita ny momba ny SAha Edena misy ireo Ony telo ka ny iray amin'izy io diamfanandrify amin'ny Sisaony.

Ny momba ny fanambarana farany azo amin'ireo olona mizara izay fantany nampitondrain'ny Jesoa azy dia hoe MAdagasikara no EDENA ary teto Adama sy Eva no napetraka voalohany ary eto ny Fiaran'ny FAnekena sy ny vato misy ny Didy Folo no mipetraka. ary eto koa no hidinan'i Jesoa voaohany rehefa hiverina eny amin'ny rahon'ny lanitra IZY. Satria Jehvah dia hamerina ny fanjakaNY ka i Madagasikara no voalohany hanorenana izany eto amboni'nny tany.

Asa aloha na nofinofy izany amin'ny Kristianina na ahoana fa zavamisy aloha izay tantaraiko izay fa tsy noforoniko noho ny fahalalako izay voalaza ao anaty Baiboly fotsiny.

Nehemiah>
Ny ankamaroan'ny firenena mandroso rehetra anie ka be trosa daholo e,
Ty zao ny an'i LaFrantsa.

Fa na izany azany aloha raha tsy mahay mitantana koa ny mpitondra dia mety hovizana ihany farany.

Ny petrakevitra indray samy manana ny fijeriny isika fa misy oronantsary tena mahatonga saina tampoka izany. Fa izaho manokana aleoko mijery Film Amerikana.


Andraso fa raha mahita Prometheus mandehadeha any amin' Youtube any aho dia lazaiko ianao.

Efa misy oronantsary anie hoe "JESUS II Le Retour" les inconnus no nanao azy :-) mba hiverenana amin'ilay lohahevitra fotsiny no nanaovako anio.

Miharena> Izaho tsy manda hoe efa misy izany any antoerana kah, ary efa nahita mpanandro mihintsy azany aho miaro ny olona amin'ny ratsy, manala ody sns...

Ary tena liana amin'ny fikarohana ny tantaran'i Madagasikara mihintsy ao, na amin'ny resaka hoe mety Hebreo ny razambeantsika, dia hoe any madagasikara hono ny ilan'ny arche d'alliance, sns...

Ary te hihaona amin'ireny olona ireny mihintsy azany aho.

Miharena:

Ilay ET kosa angamba namana Nehemiah tsy azonao lavina raha Kristianina ianao. Satria i Jesoa izao ET, Jehivah ET, ny Anjely rehetra ET daholo. Ny Devoly sy ny anjeliny no lasa terrestre noho ny nanjerana azy tety ambonin'ny tany.

Ny Coran milaza fa ao Sirius no misy ny Mpamorona ny olombelona; ET izany IZY.

Ka asa ny atao hoe ET amin'ny namana Nehemiah.

extraterrestre (n.m.)

1.être, créature d'origine extraterrestre.
extraterrestre (adj.)

1.qui est extérieur à la Terre. Qui vient d'une autre planète que la Terre (famaritana nalaina t@ dictionnaire.sensagent.com)

Tsy dia sarotra loatra ny mamantatra fa ilay famaritana nataoko sora-mandry no fampiasanay sy Voromailala @'ity indray mitoraka ity ka aoka ianao hahatadidy an'izay raha tsy tianao hifamaly eto indray isika.

Miharena:
Ny hoe Ararata na ilay tendrombohitra izay nipetrahan'ny sambo fiaran'i Noah dia misy milaza fa Andraraty na Ankaratra no hany anarana misy azo lazaina mifanakaiky aminy eto ambonin'ny tany.

KÔZY VE ? :-)
Dia tokony mba mamaly izy ireo hoe nahoana no any Proche-Orient no misy ny foko voalaza @ Gen 10-11 fa tsy aty Atsimon'ny Afrika krkrkrkrkr !

Miharena:
Raha mijery nindra yny Genesisy isika dia mahita ny momba ny SAha Edena misy ireo Ony telo

Efatra ka

Miharena:
ka ny iray amin'izy io diamfanandrify amin'ny Sisaony.

LOOOL ! Mba mino ny Baiboly ihany ve ireny olona ireny e ? Raha nisy tokoa ny Safo-drano tamin'ny andron'i Noa izay nandrakotra ny tany 1 manontolo ambanin'ny rano aman-tapitrisa metatra tora-3 mandritry ny herintaona mahery dia tsy maintsy nitondra fanovàna goavana amin'ny bolantany ka tsy ho hita popoka intsony mihitsy ny firafitra ara-jeôgrafia t@'izany andro izany :-).

Miharena:
Ny momba ny fanambarana farany azo amin'ireo olona mizara izay fantany nampitondrain'ny Jesoa azy dia hoe MAdagasikara no EDENA ary teto Adama sy Eva no napetraka voalohany ary eto ny Fiaran'ny FAnekena sy ny vato misy ny Didy Folo no mipetraka. ary eto koa no hidinan'i Jesoa voaohany rehefa hiverina eny amin'ny rahon'ny lanitra IZY. Satria Jehvah dia hamerina ny fanjakaNY ka i Madagasikara no voalohany hanorenana izany eto amboni'nny tany.

Tsy iadiana hevitra fa raha tsy tonga dia mandrava an'izao tontolo izao Izy rehefa miverina dia tsy maintsy any Jerosalema any Isiraely no itotonany.

Miharena:
Asa aloha na nofinofy izany amin'ny Kristianina na ahoana fa zavamisy aloha izay tantaraiko izay fa tsy noforoniko noho ny fahalalako izay voalaza ao anaty Baiboly fotsiny.

Misaotra aloha ho an'ilay famelabelaran-kevitra fa nisy ihomehezana tsara. Taiza kay no nahafantaranao an'ireny ? T@ Rabarioelina ?

Manapa-tsinay marina ity miharena ity a ! :-)

Mety manapa-tsinay ilay izy namana fa ireo izao no malaza.

Misy zavatra izay mahavariana ahy momba ny fiheverana tokoa fa raha hiverina Jesoa dia tsy maintsy any Israely...

Isika dia afaka manao fanadihadiana tsotra raha toa ka te-hahalala hoe efa niverina i Jesoa ary teto Madagasikara no azo atao hoe faharoa niverenaNY efa tamin'ny faramparan'ny taona 1800. Dada Rainisoalambo no niverenany voalohany teto. Azo atao tsara ny mamaky ny tantaran'ny Fifohazana teto Madagasikara ny momba izany. Na ny google aza no ijerena izany dia efa hitanao izany.

Asa aloha raha toa ka karazan'olona izay fatra-pitady ny asan'ny fanahy no milaza izany dia hinoana na tsy tokony hinoana. Ny fifohazana teto amintsika manko dia olona mpanompo sampy gaigilahy daholo no niandohany na taranaka mpanompo sampy raha vehivavy no nomena iraka.
Manamaina fotsiny ireo izay mpikirakira sy mpikaroka ny ara-panahy toa ny Pasitera sy ny Mpitana ny fomban-drazana ary ny mpanao Arts Martiaux toy ny Kung Fu.

Izaho milaza aminareo fa zavatra azo tsapain-tanana sy hita maso ny zavamisy tantaraina eto fa tsy hoe foronina na anaovana horonantsary fiction toy ny an'ny Firenena tandrefana.

Ny voamariko fotsiny amintsika izay mihomehy mamaky ireo voalazako ireo dia efa heniky ny fampianarana mitodika any ivelany loatra isika dia tsy manaily izay voambara sasany ao anaty Baiboly ao momba ny fiverenan'ny Zanak'Israely na ny fanamgonana azy indray.

Raha dinihina manko dia tsy misy tanin'iIsraely ao Palestina fa colon izy ao. Tsy misy afatsy eto Madagasikara no azo ilazàna ny hoe tany nampanantenaina ary io dia madiodio ho an'ny Malagasy. Efa nisy fanadihadiana tany amin'ny fotoana nihazan'i Hitler ny Jiosy ary efa nisy fiheverana ny handefasana azy ireny teto Madagasikara.