Rnrs > fantaniana kidaladala!!!!
isika mantsy milaza hoe ny zavatra nataon'Atra de tsara avokoa, de faharu ko, t@ mbola tsy àry ny olombelona de mbola ny anjely no zavaboaharin'Atra, de saina avy aiza no nahatonga an'i Lucifer sy i beelzebub hande hanohitra an'Atra?? nefa t-at-zany tsy mbola nisy ratsy izan!sady tsy nisy ko izan saina ratsy iza

Rnrs> Voromailala > Tena mitovy mihintsy ny fanontaniantsika.
Asa raha misy afaka hamaly mazava tsara io fanontaniana io.


Valiny :

Tsy fanontaniana adaladala io fa rariny mihitsy isika raha mametraka izany fanontaniana izany.

Ny anjely dia zava-boarin'Andriamanitra ary nomeny "libre arbitre" koa ireo. Afaka ny mifidy ny hanao ny tsara na ny hanao ny ratsy toy ny zava-boary manan-tsaina rehetra ihany koa ireo. Fa misy "processus" iray hazavain'ny Tenin'Andriamanitra ao amin'ny Jakoba 1:13-15.

Azontsika alaina ohatra ny mpiasa iray izay anankinana vola ho entiny hiantsena. Mety hieritreritra izy hoe afaka manararaotra maka amin'io vola io mba hividianany izay zavatra mba tiany. Azony esorina haingana ao an-tsainy koa anefa izany eritreritra izany. Raha tazominy ao an-tsainy foana anefa izany eritreritra izany dia hitombo izany faniriany izany ka mety ho tanterahiny amin'ny farany. Izay ilay "processus".

Izy ihany anefa no mahatonga ny tenany ho mpangalatra raha manao an'izany ary lasa mpandainga koa izy raha milaza fa tsy nangalatra.

Sahala amin'izany no nataon'ilay anjely noforonin'Andriamanitra. Nisy fanirian-dratsy nokolokoloiny tao an-tsainy dia notanterahiny. Izy ihany izany no nahatonga azy ho Satana (na mpanohitra no dikany) sady Devoly (mpandainga na mpanendrikendrika) satria nampiasa lainga izy hamitahana an'i Eva (Genesisy 3:4). Lasa hoe Satana na Devoly no anarany ao anaty Baiboly.

Fa inona ilay fanirian-dratsy tao an-tsainy ? Nitsiriritra ny toeran'Andriamanitra izy ka te-haka ny toerany dia mba izy indray no hivavahana. Jereo fa na dia i Jesosy aza dia sahin'ny devoly ny naka-fanahy azy hiankohoka eo anatrehany (Matio 4:8,9). Ary izany no nahatonga azy ho mpanohitra na fahavalon'Andriamanitra.

Samy nomen'Andriamanitra safidy malalaka (na libre arbitre) daholo izany na ny olona na ny anjely ka samy afaka mifidy na hankatò azy na tsia.

Voromailala > Andriamanitra mahari-po hoy ianao, fa ny fianany olona iray eto antany anie ka 120 taona raha be indrindra e? noho izany 120 taona ihany raha be indrindra ny olona no afaka miandry.

Valiny :

Nahoana tokoa Andriamanitra no mbola miandry ? Tamin'i Satana nikomy dia tsy Adama sy Eva irery no nahita izany fa ny anjely rehetra koa. Ahoana àry no handaminan'i Jehovah io fikomiana io ? Ahoana no ampisehoany amin'ny anjely sy ny olona rehetra, fa diso ireo mpikomy ary izy no tena mahay mitondra ?

Eritrereto, ohatra hoe, misy mpampianatra iray manampy ny mpianany manao kajy sarotra, dia misy mpianatra iray, mikomy, miseho azy mahay, milaza fa diso ny zavatra atorony ka mahita fomba tsaratsara kokoa izy hanaovana ilay kajy. Mety hihevitra ny mpianatra sasany fa marina ny azy, dia lasa koa izy mikomy.

Inona no tokony hataon'ilay mpampianatra ? Inona no ho vokany raha roahiny ireo mpianatra nikomy ? Tsy hihevitra ve ny mpianatra hafa fa marina ny an'ilay nikomy sy izay nanaraka azy ? Mety hihevitra izy ireo hoe matahotra ilay mpampianatra hoe ho hita fa diso tokoa izy ka tsy ho hajain'ireo mpianatra ireo intsony. Ahoana anefa raha avelany hampiseho ny fomba hanaovany ilay kajy ilay mpianatra nikomy ?

Sahala amin'izany no ataon'i Jehovah : avelany hampiseho ny fomba hitondrany ny olona i Satana. Avelany hanana ny fitondram-panjakany koa ny olona tarihin'i Satana. Izany no nahatonga ny devoly nampiseho an'i Jesosy "ny fanjakana rehetra" ka nilazany azy hoe, afaka omeny azy daholo ireo, ao amin'ny Matio 4:8,9.

Fantatr'ilay mpampianatra fa diso ilay mpianatra nikomy sy ireo nanaraka azy, ka raha avelany hanandrana hanaporofo ny heviny izy ireo dia ho hita fa tsy hahomby, dia hiaiky ny mpianatra hafa rehetra fa ilay mpampianatra ihany no mahay mitarika azy, ka rehefa roahin'ilay mpampianatra ireo mpikomy dia ho azon'izy ireo ny antony.

Toy izany no nataon'i Jehovah. Avelany ho hitan'ny anjely sy ny olona tso-po rehetra fa tsy mahomby i Satana sy ny tariny ary ny fitondram-panjakan'olombelona, dia hiaiky toa an'i Jeremia izy ireo (Jeremia 10:23)

Mila fotoana anefa izany satria tsy maintsy navela nanandrana karazana fitondram-panjakana samihafa ny olona, nandritra ireo an'arivo taona lasa. Ao koa ny fandrosoana vitan'izy ireo teo amin'ny sciences sy ny lafiny hafa, nefa toa vao mainka mitombo ny tsy rariny, ny fahantrana, ny ady, ets.... Tsy maintsy hiharihary hoe loza foana ny vokany rehefa tsy manaiky ny fahefan'Andriamanitra (Mpitoriteny 7:29).

Na dia izany aza anefa, araka ny Teniny, dia tsy ho ela dia ho foanan'i Jehovah ny fanjakan'olombelona. Fa ny Fanjakany no hitondra ny tany (Daniela 2:44)

Ka amin'izany fotoana izany dia tsy ho 120 taona ny fiainan'ny olona eto an-tany fa ho mandrakizay. Izany no lazain'ny Salamo 37:29.

Ary ireo izay nikomy sy tsy manaiky ny fahefan'Andriamanitra dia ho "roahina" tahaka ireo "mpianatra nikomy". Jereo ny filazan'ny Salamo 37:10,11 azy.

Ary ahoana indray ny momban'ireo efa maty ? Aleo ho dinihantsika amin'ny manaraka, raha sitrakao,

Mirary soa.

voromailala:

Andriamanitra hoy isika no nahary izao tontolo izao.

Fa maninona no tsy tonga dia nataon'Andriamanitra tonga lafatra daholo izao tontolo izao, fa lasa misy ny fijaliana sy ny adiady erak'izao tontolo izao?

Efa nalefany ny zanany lahitokana kanefa vao maika nijaly ny olona, sao dia tokony halefany indray ny zanany vavytokana hanavotra ny olona mijaly?

Tsy misy hafa no izao teninao izao namana ny tenin'ilay Jiolahy niara-nohombohina tamin'i Jesosy ka nilaza fa nahay namonjy ny hafa izy ka aoka hamonjy ny tenany.

Ny an'Andriamanitra namana efa vita asa famonjena a! anjaranao sisa no hiditra na tsia, izaho izao tsy mihafahafa miteny fa tena mpanompon'Andriamanitra ary lavitra ahy izany fijaliana lazainao fa mahazo ny olombelona izany.

Matoa ianao mahatsiaro mijaly dia ny fiainan'izao tontolo izao sy ny filany no mamatotra anao.

ratsirano> raha azo tsara izany matoa ka afaka manome ny "libre arbitre" Andriamanitra, dia nanome ny safidy amin'ny tsara sy ny ratsy. izany hoe misy tsara sy ratsy avy a min' Andriamanitra? izany hoe mety ho ratsy i Andriamanitra.

Raha raisina amin'ilay mpampianatra noresahanao dia afaka mikomy ihany koa ny mpampianatra izany hoe misy tsara sy ratsy ao anatiny.


mizara> Mahafinaritra rehefa lavitra anao mandrakariva ny fijaliana, ary mino aho izany fa sambatra lalandava ianao amin'ny fiainana raha izany.
Manantena anao hizarana ny lalana no diavinao nahatongavanao amin'izany hatsarana izany izahay.

Voromailala >raha azo tsara izany matoa ka afaka manome ny "libre arbitre" Andriamanitra, dia nanome ny safidy amin'ny tsara sy ny ratsy. izany hoe misy tsara sy ratsy avy a min' Andriamanitra? izany hoe mety ho ratsy i Andriamanitra.

Raha raisina amin'ilay mpampianatra noresahanao dia afaka mikomy ihany koa ny mpampianatra izany hoe misy tsara sy ratsy ao anatiny.



Valiny :

Voalazanao tsara mihitsy hoe manome ilay "libre arbitre" na safidy malalaka Andriamanitra. Fanomezana izany io safidy malalaka io. Ary fanomezana tsara mihitsy io satria tsy vatana misy atidoha fotsiny akory no nataon'Andriamanitra rehefa namorona ny olombelona voalohany izy, ary tsy noforoniny ho "robot" tsy manan-tsaina koa ireo. Dia hitan'Andriamanitra fa "tsara " "izay rehetra nataony" (Genesisy 1:31).

Ny zavatra avy amin'Andriamanitra dia tsy misy ratsy mihitsy satria tsy misy ratsy ao aminy (Salamo 5:4).

Zavatra tsara sy mahasoa daholo ny nomen'Andriamanitra ny olombelona fa ny olombelona no tsy nahay nampiasa ny fanomezan'Andriamanitra.

Na ny fisipika sy lalàna nomeny ho tandremantsika aza dia tsy misy ratsy mihitsy ao anatiny (Deotoronomia 32:4). Koa raha miteny amintsika Izy hoe ity no làlana tokony ho alehanareo, dia iny izany no tsara ho antsika, fa raha mivoaka amin'izay làlana izay isika dia mandeha any amin'ny ratsy.

Tsy hoe namorona làlana ratsy akory Andriamanitra eo akaikin'ilay làlana tsara fa rehefa tsy mandeha amin'iny làlana nolazainy iny ianao, na ho aiza na ho aiza, dia mandeha any amin'ny tsy izy izany, dia any amin'ny ratsy.

Fa rehefa mifantoka amin'ny Tenin'Andriamanitra isika dia sahala amin'ny hoe mahare Azy miteny amintsika hoe "ity no làlana tsara alehanao" (Isaïa 30:21)

Mirary soa.

ratsirano>Misaotra amin'ny valiteny.
Hoy ianao hoe:

Ny zavatra avy amin'Andriamanitra dia tsy misy ratsy mihitsy satria tsy misy ratsy ao aminy (Salamo 5:4).

Dia izao anefa no tsy azoko. Hoy ianao hoe tsy misy ratsy mihintsy avy amin'Andriamanitra.
Andriamanitra no nanao ireo tontolo izao, noho izany tsy tokony hisy ratsy mihintsy amin'izao tontolo izao satria tsara daholo avy amin'Andriamanitra.

Dia avy aiza azany ilay ratsy ahafahan'ny olona misafidy raha izany?

Sa miombokevitra amiko ianao hoe ny olombelona no namorona ny hatao hoe tsara sy ny ratsy
(monde de dualité), ary ny tsara sy ratsy amin'ny firerena samihafa dia tsy mitovy, torak'izany koa amin'ny fivavahana, na dia amin'ny izaho sy ianao fotsiny azany ohatra.

fa Andriamanitra dia fitiavana.

Inona aloha izao tsara sy ratsy izao e ? Avy taiza ny fahalalantsika fa tsara ny zavatra 1 ary ratsy ny zavatra 1 ?

Nehemiah>i ratsirano no tsara hanontanianao satria izy no nilaza fa noho ny libre arbitre dia afaka misafidy ny tsara sy ny ratsy ny olona.

Raha izaho manokana no hanontanianao dia hoy aho hoe iray ihany ny fahotana dia ny tsy fahatsiarovantena "non présence, l'inconscience". ary iray ihany koa ny hatsarana dia ny "Présence,Conscience".

Nilaza ianao hoe : "Sa miombokevitra amiko ianao hoe ny olombelona no namorona ny hatao hoe tsara sy ny ratsy (monde de dualité), ary ny tsara sy ratsy amin'ny firerena samihafa dia tsy mitovy, torak'izany koa amin'ny fivavahana, na dia amin'ny izaho sy ianao fotsiny azany ohatra. "

Ka inona izany tsara sy ratsy lazainao izany ? Ary avy taiza ny fahalalantsika azy ireo ?

Nehemiah> Hay ve izay le fanontaniana e.
Afaka lazaiko anao izao ny tsara sy ratsy nampianaran'ny RAR ahy, nampianarina ahy tany ampianarana, tampianarina ahy tamin'izaho mbola Kristianina Romanina.

Ratsy: ny mangalatra, mamono olona, mandainga, ......

Ireo anisany ratsy nampianarina ahy tamin'izaho mbola "Conditionné" sy "Formaté".

Izaho anie tsy nanontany hoe iza no nampianatra anao ny tsara sy ny ratsy fa "avy taiza ny fahalalantsika (olombelona) azy ireo".

Na dia @'izay lafiny lazainao izay aza dia misy zavatra efa fantatrao ho ratsy angamba na dia talohanao "Conditionné" sy "Formaté". Ianao ve tsy mba niady amin'olona sady nanao hoe "tsy rariny izao" taminao mbola ankizy madinika ?

Nehemiah> Ka manoro anao fotsiny za hoe avy amin'ny fanabeazana nomena ahy taloha izany.

Raha taloha dia manaiky za hoe niteny an'izany, na amin'izao fotoana azany mety mbola miteny ihany koa fa efa mihena, satria mihezaka hatrany za tsy hanisy fitsarana ny zavatra mitranga amin'ny fianako.

Raha misy olona mimenomenona amiko ohatra amin'izao fotoana izao dia jereko fotsiny tsy hasiako jugement ohatra ny taloha, dia tsy resaka ady le izy, satria tsy ni-réagir za fa ny agir.

voromailala:
Raha taloha dia manaiky za hoe niteny an'izany, na amin'izao fotoana azany mety mbola miteny ihany koa fa efa mihena

Ka izay indrindra : raha niteny an'izany ianao t@ mbola tsy nisy nampianatra an'izay anao dia satria efa nahalala an'izany hatrany am-bohoka, ka nohon'izany nampidirina tao anatinao izay fahalalàna izay satria tsy tongatonga ho azy ny lalàna, ary ao anatin'izay ny lalan'ny tsara sy ny ratsy

Nehemiah> amiko tsy hatrany ambohoka izany fa ireo zay olona nanabe ahy sy nifanerasera tamiko no ni"Formater" ary ni-"Conditionner" ahy tamin izany lalàna izany.

Satria ny ankizy hatramin'ny 6 taona eo tsy mbola mahay mampiasa tsara ny saina fa ny 5 sens no hampiasainy, ary izany no fampianarana hataon'ny pedagogie Montessori, sns....

fa rehefa manomboka miasa amin'izay sainy dia eo manomboka ny formatage, hoe izao no tsara, ary izao no ratsy, izao no azo hatao ary izao no tsy azo hatao. Manomboka eo izany no tsy mivelatra intsony ny atidohantsika ka lasa 10% sisa no miasa.

Voromailala > Dia izao anefa no tsy azoko. Hoy ianao hoe tsy misy ratsy mihintsy avy amin'Andriamanitra.
Andriamanitra no nanao ireo tontolo izao, noho izany tsy tokony hisy ratsy mihintsy amin'izao tontolo izao satria tsara daholo avy amin'Andriamanitra.

Dia avy aiza azany ilay ratsy ahafahan'ny olona misafidy raha izany?

Sa miombokevitra amiko ianao hoe ny olombelona no namorona ny hatao hoe tsara sy ny ratsy
(monde de dualité), ary ny tsara sy ratsy amin'ny firerena samihafa dia tsy mitovy, torak'izany koa amin'ny fivavahana, na dia amin'ny izaho sy ianao fotsiny azany ohatra.

fa Andriamanitra dia fitiavana.


Valiny :

Raha ohatra ve izao, nomen'Andriamanitra ati-doha isika mahay namorona ny fampirehetana afo mba hahafahantsika mahandro sakafo aminy. Raha toa ka ampiasainao handorona tanety ny afo, dia Andriamanitra ve no omena tsiny amin'izany ?

Ny zavatra noforonin'Andriamanitra dia tsara sy mahasoa daholo fa ny fomba nampiasaina azy no tsy mety satria tsy nanaraka ny "mode d'emploi" (ny Teniny sy ny fitsipiny) nomeny ny olona.

Dia sahala amin'izany ny "libre arbitre", na "safidy malalaka" amin'ny teny gasy. Ny biby, tsy mba nomen'Andriamanitra an'io fa baikon'ny "faniriany voajanahary" na "instinct" izy ireny. Tsy mba faly ve isika afaka misafidy ohatra hoe inona ny toetra tiantsika hananana, ny namantsika, ny fomba fiainantsika, ets.... ?

Fa ny hoe avy aiza ilay "ratsy" dia ho averina kely indray hoe i Satana Devoly no tao ambadiky ilay menarana namitaka an'i Eva. Anisan'ireo anjely marobe noforonin'Andriamanitra izy io, fa nivadika taminy satria te-haka ny toeran'Andriamanitra izy mba ho tompoin'ny olona. Dia nanomboka teo i Adama sy Eva no tsy nampiasa tamin'ny fomba tsara ilay fahafahana misafidy malalaka nomen'Andriamanitra azy. Aleony nanaiky ny tenin'i Satana toy izay nankatò ny Tenin'Andriamanitra.

Ary misy fitenenana momba an'i Satana ao amin'ny Baiboly hoe "ilay ratsy" (Jaona voalohany 5:19). Mariho fa milaza koa io andiniteny io fa mbola "mipetraka eo amin'ilay ratsy avokoa" izao tontolo izao.

Ary ny hoe ny tsara sy ny ratsy amin'ny firenena samihafa dia tsy mitovy : raha misy olona folo ohatra asaina milaza tsirairay izay tsara sy ratsy aminy, dia ho valiny folo samihafa no azo eo. Fa ny zava-dehibe sady ny tena mahasoa antsika dia ny manaraka ny "mode d'emploi" nomen'ny Mpamorona antsika. Tsy misy afatsy Izy irery ihany no mahafantatra izay tena mety amintsika. Satria jereo ange ny Ohabolana 16:25. Milaza io andiniteny io fa mety ho eritreretitsika hoe tsara ny làlana iray nefa dia fahafatesana no hita any.

Ohatran'ny hoe mifanao atsimo sy avaratra mihitsy izany ny fihevitritsika sy ny fihevitr'Andriamanitra. Ary izany mihitsy moa no lazainy amintsika ao amin'ny Isaïa 55:8,9.

Ary raha ny momba ny fivavahana indray dia miankina amin'ny hoe iza no Andriamanitra hivavahan'ny tsirairay avy. Dia ilay Andriamanitra hivavahanao no avelanao hamaritra hoe ahoana no fomba tiany hivavahanao aminy. Tsy izany ve no tokony ho izy ?

Ny Andriamanitry ny Baiboly dia nilaza fa "izay mivavaka aminy" dia "tsy maintsy mivavaka amin'ny fanahy sy ny fahamarinana". Ka io "fahamarinana" io no tokony ho fantarina raha te-hivavaka amin'ilay Andriamanitra Mpamorona ary milaza amin'Andriamanitra i Jesosy ao amin'ny Jaona 17:17 hoe "ny Teninao no fahamarinana".

Koa dia mbola manana "safidy malalaka" indray isika amin'izay Andriamanitra tiantsika hivavahana.

Mirary soa.

ratsirano> misaotra anao amin'ny valiteny.
manomboka manakaiky ny fototra isika, haveriko eto ny zavatra nosoratanao

Fa ny hoe avy aiza ilay "ratsy" dia ho averina kely indray hoe i Satana Devoly no tao ambadiky ilay menarana namitaka an'i Eva. Anisan'ireo anjely marobe noforonin'Andriamanitra izy io, fa nivadika taminy satria te-haka ny toeran'Andriamanitra izy mba ho tompoin'ny olona. Dia nanomboka teo i Adama sy Eva no tsy nampiasa tamin'ny fomba tsara ilay fahafahana misafidy malalaka nomen'Andriamanitra azy. Aleony nanaiky ny tenin'i Satana toy izay nankatò ny Tenin'Andriamanitra.

Asa raha nisy mode d'emploi koa momba ny anjely, fa noforon'Andriamanitra ny anjely, dia taiza no niteraka ilay haratsiana tamin'ireo anjely te haka ny toeran'Andriamanitra?

Asa raha azonao ny tiako hanontaniana, Andriamanitra tsara, nanamboatra Anjely Tsara, fa naninona no lasa ratsy tampoka teo ny anjely sasany? sa nisy tsimoko ratsy napetrak'Andriamanitra tao anatin''ireo anjely nivadika?

Voromailala > Asa raha nisy mode d'emploi koa momba ny anjely, fa noforon'Andriamanitra ny anjely, dia taiza no niteraka ilay haratsiana tamin'ireo anjely te haka ny toeran'Andriamanitra?
Asa raha azonao ny tiako hanontaniana, Andriamanitra tsara, nanamboatra Anjely Tsara, fa naninona no lasa ratsy tampoka teo ny anjely sasany? sa nisy tsimoko ratsy napetrak'Andriamanitra tao anatin''ireo anjely nivadika?


Valiny :

Tonga lafatra daholo ny zavaboarin'Andriamanitra ary ny anjely sy ny olombelona dia nataon'Andriamanitra ho manan-tsaina (créatures intelligentes), fa tsy mba tahaka ny biby.
Izany no dikany hoe noforonin'Andriamanitra tahaka ny endriny ny olona (Genesisy 1:26,27), izany hoe manana ny toetrany afaka manana fihetseham-po sy afaka misaina.

Fa nomen'Andriamanitra fahafahana ny anjely sy ny olombelona (Korintiana faharoa 3:17), noho izany dia afaka mampiasa io fahafahana io amin'izay itiavany azy nefa koa nomeny ati-doha mahay misaina sy mandanjalanja (Hebreo 5:14).

Fa tian'Andriamanitra hanompo azy an-tsitrapo na ny olona na ny anjely fa tsy tiany ho terena hanao izany (Korintiana faharoa 9:7). Izay no tsy itovizantsika amin'ny biby izay tsy mba afaka manao izay tiany hatao fa nasainy baikon'ny olombelona.

Koa anjaran'ireo zavaboary manan-tsaina ireo no mampiasa ny fahafahana sy fahaizana misaina sy manavaka nomen'Andriamanitra azy. Misy nampiasa an'ireo amin'ny fomba ratsy, ary misy kosa nampiasa azy amin'ny fomba tsara. Tsy ny anjely rehetra no nivadika ary betsaka ny tantara momban'ireo mpanompon'Andriamanitra mahafatra-po ao amin'ny Baiboly, nefa koa mbola misy mijoro amin'izany amin'izao andron-tsika izao.

Koa inona moa no antony tokony ametrahan'Andriamanitra tsimoka ratsy ao anatin'ny zavaboariny ? Tsy ohatran'ny mandrora mitsilany ve izany ? Dia ho satriny ve hoe hivadika taminy ireo anjely sy ireo olona noforoniny ? Mifanohitra amin'izany fa nampalahelo azy mihitsy aza ny nataon'ireo izay nivadika taminy ary nanenina mihitsy aza izy.

Jereo ange izay voalaza ao amin'ny Genesisy 6:5,6, fa ho hitanao fa tena nalahelo mihitsy ny fon'i Jehovah amin'ny faharatsiana nataon'ny olona, ary lazainy fa ilay "fisainana" avy amin'ny fony no ratsy. Ilay fisainan'ny olona, tokony hahavitany zavatra tsara fa nampiasainy any amin'ny tsy izy satria afaka nanao izany izy noho ilay fahafahana nomena azy.

Fa raha sainin-tsika ilay vavaka nampianarin'i Jesosy dia ho avy ny andro izay hanaovana ny sitrapon'Andriamanitra eto an-tany rehefa hitondra ny tany ny Fanjakany (Matio 6:9,10). Ary ireo izay misafidy ny hanao ny sitrapony no hiaina amin'izany fa "safidy malalaka" izany.

Mirary soa.

ratsirano> Misaotra anao amin'ny valiteny, fa asa na izaho no tsy mahay manazava na tsy azonao mihintsy ny tiako lazaina.

Andriamanitra no nanisy ny saina ny olombelona, dia noho ny saina no ahafahan'ny olombelona manao ny tsara na ny ratsy, nefa anie ny saina avy amin'Andriamanitra ihany koa e, tokony ho tsara foana izany ny saina.

Efa nasiako lohahevitra iray eto momba an'ity resatsika ity fa fa lasa mivoana be amin'ilay lohahevitra isika.

Ka raha tsy misy saina ny olona dia lasa sahala amin'ny robot na biby mandeha amin'ny "instinct" fotsiny, fa tian'Andriamanitra ho natao manan-tsaina ny olona. Izay no nitiavany nanaovana azy fa atorony ny fomba fampiasa azy fa anjaran'ny olona ny mankatò na tsia, izay ilay fahafahana nomen'Andriamanitra ny olombelona.

Misy mampiasa ny ati-dohany hanaovana soa sy ny tsara ary misy indray mampiasa ny ati-dohany hanaovana ratsy. Ny ati-doha no noforonin'Andriamanitra ho tsara fa ny fomba fampiasa azy no ny olona no nifidy azy fa tsy Andriamanitra.

Ary ny fomba fampiasa tsy mety ataon'ny olona ny zavaboarin'Andriamanitra no mahatonga ny olana maneran'izao tontolo izao, na réchauffement climatique io, na crise économique, ets...

Ary raha ny faminanian'ny Baiboly no jerena dia mbola ho zava-tsarotra lavitra no izao no ho avy fa ny azo antoka dia tsy ho avelan'Andriamanitra ho simba tanteraka ny tany fa ireo izay manimba azy ny ho ringaniny ary tsy maintsy ho tanteraka izay sitrapon'Andriamanitra izay (Apokalypsy 11:18)

Andriamanitra dia milaza ao amin'ny Teniny fa tsara daholo ny zavatra nataony fa ny olona no nisafidy ny hanao ny ratsy ka na inona na inona no lazaintsika dia ny azy no marina ary izay tiany no tsy maintsy ho tanteraka.

Mirary soa.

Voromailala >Andriamanitra no nanisy ny saina ny olombelona, dia noho ny saina no ahafahan'ny olombelona manao ny tsara na ny ratsy, nefa anie ny saina avy amin'Andriamanitra ihany koa e, tokony ho tsara foana izany ny saina.

Andriamanitra dia tsara, Andriamanitra nanamboatra Anjely Tsara, fa maninona no nisy Anjely lasa nisy ratsy tampoka tao anatiny? ilay hoe haka ny toeran'Andriamanitra?

Avy taiza io ratsy io, avy amin'Andriamanitra ve, sa misy faharatsiana mandehadeha niteraka niaraka tamin'izao tontolo izao?


Valiny :

Andeha atao hoe izaho no tsy mahay manazava.

Raha nividy ordinateur isika ohatra dia misy “notice” na “mode d’emploi” na filazana ny fomba fampiasana azy nomen’ilay nanamboatra io ordinateur io. Raha ohatra misy tsy fetezany ilay ordinateur satria tsy narahintsika an-tsakany sy an-davany ilay “mode d’emploi” na ilay boky kely milaza ny fomba fampiasa azy, dia ho ilay mpanamboatra an’ilay ordinateur ve no handeha omentsika tsiny ? Hilaza ve isika hoe nisy ratsy tampoka teo nipoitra tao amin’ilay ordinateur na nisy faharatsiana tampoka teraka tao anatiny ?

Tsy vatana fotsiny no noforonin’Andriamanitra tamintsika fa nomeny “ordinateur” avo-lenta lavitra nohon’ny ordinateur vitan’ny olombelona isika, dia ny ati-dohantsika. Io no tsy itovizantsika amin’ny biby sy ny zavaboary hafa rehetra satria tsy “formaté” io na “programmé”, fa efa nolazainy hatrany am-piandohana ny fomba fampiasa azy amin’izay tokony ho izy.

Ny ordinateur dia fitaovana ari-fomba nataon’ilay mpanamboatra azy fa izay nividy azy no mampiasa azy sy mampiditra izay “données” tiany ampidirina ao dia manatanteraka fotsiny no ataon’ilay ordinateur araka izay “fonctions” misy ao aminy.

Jehovah Andriamanitra no namorona ny atidoha hahafahantsika misaina sy mandinika ary manao zavatra. Io atidoha io no nalain’ny manampahaizana tahaka hamoronana ny ordinateur sy technologie samihafa. Dia anjaratsika no mampiasa io “ordinateur” io amin’izay tokony ho izy raha tiantsika handeha tsara ny fiainantsika. Izay ilay safidy malalaka na “libre arbitre”. Isika ihany no mampiditra izay zavatra tiantsika ampidirina ao, mety zavatra henointsika na jerentsika, fa avy ao amin'ny atidohatsika no miainga ny fanapankevitra rehetra ho raisintsika.

Ny zavatra noforonin’Andriamanitra rehetra dia tsara, Izy no milaza izany ary tsy mba mandainga Andriamanitra, fa ny fomba fampiasan’ny olona ny zavaboary (anisan’izany ny atidoha hahafahana misaina sy mandanjalanja) no tsy mety. Ka dia nanjary nifototra taminy ny zavatra nataony (Galatiana 6:7).

Raha ohatra kosa te hanome tsiny an’Andriamanitra ianao amin’ny fomba nanaovany ny olombelona sy ny anjely hoe nomeny fahafahana misaina sy misafidy izay ampiasainy ny atidohany, dia zavatra hafa indray izany. Dia sahala ny hoe milaza ity voalaza ao amin’ny Romana 9:20 ity ianao. Vakio io fa io mihitsy no hitako tianao ho lazaina.

Mirary soa.