Ireo ambaranao ireo no vokatry ny fitaizana azo nandritra ny fotoana maro, indrindra teo amin'ny Kristianina izay miezaka miady amin'ny tsy rariny nefa atao amin-kerisetra fa tsy atao amin'ny fahalalàna sy fahendrena.

Raha mandinika isika dia mety avy amin'ny fanoratana ny Baiboly sy ny Coran izay ahitana fizaràna fanjakana eo amin'i Jehovah sy Satana no mahatogna ny olona tsy tafarina mihitsy.

Anisan'ny mazava io resaka momba ny fahalalàna resahan'i Jehovah tamin'i Hosea io.

Fa inona moa ilay fahalalàna? Ilay maha-IRAY ao amin'ny RAY. Maha-mpiara-miasa AMINY, izay no fahalalàna tiana havoitra raha tena mamaky bokim-pinoana isan-karazany isika.

Ny olana dia rehefa nisy ny korontana dia very io fahalalàna voalohany io ka niteraka fisalasalàna. Ary hita taratra mandrak'ankehitriny aza izany, indrindra eo amin'ny samy Kristianina. Rehefa tonga amin'ny ady teny na ady fomba ilay izy dia very momoka tanteraka ary izay tokony hahita taratra ilay maha-izy azy dia verin'ny fombafomba sy tototry ny fanadihadiana zava-poana.

Koa tsy mahagaga raha izao no toerana misy antsika, marivo salosana hoy ny fomba fiteny azy.

Na izany aza, raha mbola misy ihany olombelona manana fanahy mazava eto amintsika ary tsy azo rebirebena amin'ny adihevitra tsy mamokatra dia ho tafita soa ihany isika. Mila ampiharina hatraiza hatraiza ny baiko tokana : Fitiavana, dia ampy hanarenana ny zava-drehetra izany. Tsy misy afa-tsy io ihany no maha-Mpiara-miasa antsika amin'Andriamanitra Loharanon'izao rehetra izao.

Marina aloha ny voalazanao. Fa izany hoe, araky ny efa voalazako, izay fitiavana izay dia mirakitra ny fitiavana an'Andriamanitra sy ny fitiava-namana. Ao ny Fanambaràna Ankapobeny azo avy @ alalan'ny fahalalàna ny zavaboary sy ny fananana eritreritra ao anatintsika izay mampahafantatra antsika fa misy fahefàna ambony noho antsika izay manan-jo hitsara antsika. Nefa ao koa ny zava-misy : sady simban'ny ota ny Fanambaràna Ankapobeny no simban'ny ota ny eritrerintsika, hany ka tsy mahay manao izay fantantsika fa mety eo imason'Andriamanitra.

Nefa ao koa ny Fanambaràna Manokana avy @ tenin'Andriamanitra, izay fananan'ny Isiraelita t@ voalohany, dia avy eo lasa fananan'ny olombelona rehetra taorian'ny asan'i Kristy tany Kalvary. Ary izay Fanambaràna izay dia efa nanaporofo azy ho azo atokisana, satria :
_ marina ara-paminaniana : naminany antsipiriany ny tranga maro t@ tantaran'izao tontolo izao, ary indrindrindrindra ny antsipirian'ny ministeran'i Kristy sy ny fahafatesany ary ny fitsanganany @ maty.
_ marina ara-tsiansa : raha mahay mijery fa tsy tonga dia miainga avy @ préjugé rehefa mamaky Baiboly, efa nametraka lohahevitra maromaro aho momba an'izay.
_ ao ny mahiray aza : tsy misy olona mamaky Baiboly tsy nahatsikaritra ny fifanandrifian'ny Gen. 1-3 sy ny Ap. 21-22 : paradisa very sy paradisa hita indray.
_ tsy misy boky nenjehina tahaky ny Baiboly nefa io no boky amidy be indrindra @'izao ankehitriny izao.
_ marina ara-tantara : maro ny mpanao tantara tsy kristiana izay nanamarina ny fitantaran'ny Baiboly, anisan'ireny izao i Flavio Josefa izay nanamarina ny fisian'i Jesoa Kristy tena izy.
_ manova fiainana ny hafany : t@'indray andro izay, hono, nisy agnôstika nangataka an'ilay mpitory evanjely Harry Ironside mba hiady hevitra @ lohahevitra hoe "agnosticism & Christianity". Nefa moa misy dikany izany adi-hevitra izany raha tsy manova fiainana @ lafiny tsara ny finoana andaniny na ankilany ? Ka nasain'i Ironside hitady olona iray nidina lalina dia lalina anatin'ny fahahalovàna izay nahita fiovàna t@ fiainany nohon'ny finoana agnôstika. Nony tonga ny andro tsy nahita mihitsy ilay agnôstika fa i Ironside kosa nahita olona be dia be izay mpivaro-tena, mamolava, mpaka rongony, jiolahy... taloha ka nahavita niala t@ fahalovàna nahazo ny fiainany nohon'ny hafatry ny Famonjena sy ny fitiavana maimaim-poana omen'i Kristy.

Ka izay koa no anaovako hoe : raha mino ny Baiboly isika dia mandray an'izay rehetra lazainy ho fahamarinana, na taranja inona na taranja inona, satria tenin'ilay Andriamanitra marina sady mahafantatra ny zava-drehetra. Raha misy diso na kely aza @ Baiboly ôrijinaly (ny ôrijinaly no nahazo ny tsindrimandrin'Andriamanitra fa tsy ny dikan-teny) dia mba azo atokisana velively ihany ve ? Aleo mifanena @ mpamosavy toy izay mifanena @ mpandainga, satria tsy fantatra rehefa @'inona ny mpandainga no miteny ny marina ary rehefa @'inona izy no mandainga.

I Andriamanitra koa dia milaza @ Baiboly fa tsy mila an'izao syncrétisme religieux-nao izao, fa ny finoana an'i Kristy no hany fahamarinana. Ny hindous no mahavita manao syncrétisme, fa raha mbola kristiana ny kristiana dia tsy mahazo mampiditra hevitra avy ivelan'ny Baiboly anaty Baiboly (Oh. 30:6).

Ka raha hamaly ny lohahevitrao dia ho haintsika ny manavaka ny fahadisoam-piheverana raha avelantsika miteny @tsika ny tenin'Andriamanitra na dia mifanohitra tanteraka @ hevintsika olombelona (Oh. 3:5).

Nehemiah:

Andriamanitra koa dia milaza @ Baiboly fa tsy mila an'izao syncrétisme religieux-nao izao, fa ny finoana an'i Kristy no hany fahamarinana. Ny hindous no mahavita manao syncrétisme, fa raha mbola kristiana ny kristiana dia tsy mahazo mampiditra hevitra avy ivelan'ny Baiboly anaty Baiboly (Oh. 30:6).

Tsy misy hevitra ivelan'ny Baiboly ampidiriko ao anaty Baiboly raha mamaky izay ambarako rehetra ianao.

Ny Syncrétisme lazainao dia tsy voarara ao anaty Baiboly raha io ohatra ao amin'ny Oh 30:6 io no resahanao. Satria tsy hoe fanahy iniana hanampy teny ao anaty Baiboly no mahatonga ny fahendrena maro miseho eto ambonin'ny tany fa azo antoka fa noho ny fanomezan'Andriamanitra fanahy mazava ho an'izay mpitaiza nahazo fahasoavana ho amin'izany (talenta hoy ny filaza azy hoy i Jesoa izay).

Fantatro ianao fa miaro ny Baiboly ary mitovy isika sy ianao fa ny miaro tsy amim-pahendrena koa dia naman'ny hahitan'ny hafa taratra fa tsy voafehintsika ny fitoriana ataontsika. Ny hevitra tiana hampitaina tsy mifanandrify ami'ny fitanisana dia tsy maharesy lahatra velively ary hita taratra aza io eo amin'ny mpitory maro.

Azontsika andramana tsara ny mihaino fampianarana ataon'ny haino aman-jery ohatra, dia mijery hoe inona no lesona tian'ny namantsika hampitaina? Tafita ve sa tsia? Iza no mpihaino hahafehy izay tiana hampitaina ary inona no fiovana tiana hihatra?

Eo am-pihainoana olona milaza fa ny tsy fanarahana an'Andriamantra no mahatonga ny ratsy aho izao. Nefa mba omeny ve ny atao hoe hevitra mazava hanarahana AZY?

Ny atao hoe syncrétisme dia mampiditra hevitra avy @ finoana na foto-pisainana hafa @ finoana iray. Tsy izay ve no tiana amabara @ hoe : "Aza manampy ny teniny, fandrao hanariny hianao Ka ho hita fa mpandainga" ?

Mety manampy @ fahazoana sy fifehezana ny Fanambaràna manokana ny fahalalàna momba ny foto-pisainana hafa, tahaky ny Tao izay mifanakaiky @ Logos @ Jn. 1:1, kanefa averiko hatrany hatrany fa tsy maintsy lavina izay mifanohitra @ fampianaran'ny Baiboly, fa tsy ny Baiboly no aholakolaka ampidirana hevitra ivelany.

Fiheveranao ihany ilay hoe manolakolaka ny Baiboly namana.

Raha mamaky fahendrena heverinao fa hafa ianao dia Izay manamafy izay voalaza ao anaty Baiboly dia tsy finoana hafa fa iray ihany.

Ny Pape izao dia miezaka manatona ny Jiosy sy ny Silamo, satria mahafantatra fa samy taizan'i Abrahama.

Mila mahatsapa tena aloha no voalohany indrindra.

Ny olana lehibe anie namana dia mihevitra isika fa manana voambolana maro entina hampijoro ny finoantsika nefa mety mamery ihany izany indraindray e! Satria raha ny tena Silamo ohatra no anontanianao momba ny fikasan'Andriamanitra dia tsy mitovy amin'ny fomba fijerin'ny sansantsasany aminttsika Kristianina azy ireo mihitsy no voalaza ao anaty Coran fa fitoriana fihavanana tanteraka miharo ny herin'Andriamanitra no ao.
Misy fanontaniana izay tsy voavalin'ny Kristianina mety voavaly ao. Mifameno ny boky telo tonta amin'izay.

Raha ampiasaina ny syncrétisma (voambolana mahafehy azy hoy ianao io) ka mahazava ny zava-drehetra dia mahatsara izany.

Raha miteraka ady kosa dia tsy mahasoa izany fa mila mandini-tena aloha mamoaka izay fahendrena tiana hampitaina isan-tokony ary manafoana ny fifanolanana. Mijery izay lalana itovizana amin'izay fotoana izay, ka mampandroso tokoa ny finoana toy izany.

Fanampiny kely fotsiny,

Ny sectarisma no manimba izao tontolo izao fa tsy ny syncrétisme.

Ny tena Silamo mahazo tsara ny fampianaran'ny Korana izao dia i Ben Laden. Azontsika antsoina hoe terôrista, mpamono olona, sns satria izay no nataony t@ 11/9, fa tsy azontsika atao ny mitsara azy ho Silamo tsy mahatoky satria nampihatra tsara ny fampianaran'ny Korana hoe vonoy ny tsy mpino an'i Allah tsy mety mivadika ho Silamo (jihad).

Ny Silamo nivadika ho kristiana anie dia milaza daholo fa tsy misy anie izany fiavahana @ Silamo radical sy Silamo modéré fa ampahan'ny finoana Silamo ny jihad (na dia tsy io aza no vontoatiny).

Ary ny syncrétisme ihany no nahatonga an'Andriamanitra hampivarina ny Jiosy @ fanandevozana sy fanondranana any Babylona, sao dia mieritreritra ianao... Nino an'i Jehovah ihany izy ireo, fa nanompo an'i Aserah sy Bala eo akaikiny.

Io ianao io fa tonga amin'ny fitsaratsaram-poana.

Vakio hatramin'ny farany aloha ny Coran, toy ny namakianao hatrami'ny farany ny Baiboly. Dia ho hitanao fa tsy misy tokony nahatonga toetra mampihorohoro hanao jihad izany ao.
Ho an'ny marivo salosana dia vice versa io, ny Krsitianina manenjika ny Silamo ary ny Silamo manejika ny Kristianina. Ny tsy ampy fahalalàna izay nomena azy avy no manao toetra tsy mendrika mamono olona fa iray ihany no nipoiran'ireo rehetra ireo rehefa zohina tsara.

Fa ilay izy aloha mila fitaizam-panahy ao anaty vao tafita sy hita tsara ilay maha-iray azy rehetra e!

Sady ihany koa tsy hoe fitanisana izay voalazan'ny hafa fa izay fomba fitenenana iray tonga eto dia hahitana taratra fa efa manana esprit de deiscernement ny olona iray. Ianao ohatra dia mbola hitako ihany hoe tsy manana io rehefa miresaka eto. Na koa mitanisa fotsiny ihany fa tsy vntom-pinoana tanteraka?

Aza atao maha-tezitra ilay izy fa fahatsikaretana fotsiny ihany eo am-pamakiana izay ambaranao (tsy haiko na tanisa fotsiny ireo ataonao ireo fa mety tsy ny maha-ianao anao marina izay heveriko fa tsara noho ireo tanisa aposakao ireo an!).

Ahoana indray ny Surat 9:5 : "iadivo ary vonoy ny tsi-mpino any @'izay rehetra ahitanareo azy ireo, sambory izy ireo, henjeo izy ireo, mihendre azy ireo ka mampiasa ny tetik'ady rehetra ; fa raha mibebaka kosa izy ireo ka manao vavaka matetika sy fiantràna matetika dia sokafy ho azy ireo ny lalana" ary 8:12 : "asiako fahatahorana anareo ny fon'ny tsi-mpino : velezo amin'ny hatony izy ireo ary velezo ny tendron'ny rantsantanany rehetra hatramin'ny ihintsanany" ?

Hainao ery ilay mitady teny maneho fahabibiana eo amin'izay voambara namana. Nefa rehefa mamaky io ianao dia mitovy amin'ny nilazan'Andriamanitra an'i Mosesy ny nanaovana fahirano ny mandan'ny Jeriko ilay izy. Ny an'i Jehovah aza dia tena hoe vonoy tanteraka aza asiana miangana, fa ny an'ny SIlamo eto dia mbola misy resaka hoe fa raha mibebala kosa izreo ka manao vavaka matetika sy fiantrana matetika, dia sokafy ho azy ireo ny lalana...Midika ilay famindram-po nomena ny Mpaminany taty aoriana rehefa lasa i Mosesy.

Hitanao amin'izany fa tsy misy tokony hifanenjika ny roa tonta fa iray ihany no nipoiran'ny hafatra azony avy?

1°) Ilay resahanao @ Testamenta Taloha iny dia talohan'ny nahatongavan'i Kristy. Nandidy an'izay i Andriamanitra satria efa tafahoatra mihitsy ny otan'ny Kananita ka "nandoto ny tany", ary zon'Andriamanitra ny mandidy an'izay satria Izy no Mpahary. Natao "herema" ny Kananita, izany hoe natokana ho an'Andriamanitra.
Satria izay ny fomba t@'izany : rehefa atokana ho an'Andriamanitra (na i Baala na i Moloka, raha ny firenena manodidina no resahana) ny tanàna ho tafihana dia tsy maintsy ravàna tanteraka ka tsy asiana angana mihitsy na kely aza. Ka tsy maintsy jerena koa ny kolon-tsaina t@'izany fa tsy tonga dia mandidy tsy manapaka.

2°) Antsika kristiana dia antsoina hitory ny filazantsara @ voary rehetra fa "amin’ ny fahalemem-panahy sy ny fanajana" (1 Pet. 3:15). Sady tsy ny fitaovam-piadian'izao tontolo izao no ampiasaintsika.

Fa ny an'ny Silamo indray dia jihad no ampielezana ny Silamo.

Fa ny an'ny Silamo indray dia jihad no ampielezana ny Silamo

Fitsaratsaram-poana kosa ity lazainao ity e!

Raha io fomba fieritreretanao io dia tsy manome velively izay vontoatin'ny finoana na eo amin'ny maha-kristianina fotsiny aza. Aza adino hoy aho fa misy koa io fomba anterisetra io eo amin'ny Kristianina. Raha tsy azony amin'ny fampiasan-kery dia ataony amin'ny fandemen-tsaina na fampitambazana. Izany no fanaon'ny maro mahazo finoana "kely" eo amin'ny roa tonta. Izay mandalina tsara kosa dia maharesy lahatra ary arahan'ny Fanahy Masina na izy Silamo, na izy Kristianina. Mbola azo ampiana betsaka aza ireo ataontsika hoe ankoatr"ireo, dia ny Boudhiste sy ny Hindouistes sns...rehefa fitaizam-panahy no ataon'ireo rehetra ireo fa tsy fanaovana bontolo hampiditra hevitra na fomba fiheverana.

T-T-T-T. Tena tsy ao ny fahalalanao an'ilay izy, miala tsiny raha manao teny hentitra. Na odianao fanina ny hafatro etsy ambony. Soa dia heverinao fa toriteny no nampielezana ny finoana Silamo tany Maghreb, Indonezia, Moyen-Orient...

Sady tsy misy resaka Fanahy Masina ny finoana Silamo, heverin-dry zareo ho blasfemia izany.

Aoka ho fantatra fotsiny fa fitaizam-panahy ireo fa tsy misy hafa.

Mahagaga ahy ny fandraisanao izay vokatry ny fandraisan'ny olona ireo karazana fitaizam-panahy ananany izay nivadika fanaovana amboletra na fitarihana ny hafa hino izay azony avy nitreraka ny fitsarana hoe blasfemia ny an'izatsy na izaroa, dia ekenao fa izay tokoa ny foto-pinoany.

Mila mahay manavaka tsara isika eto satria tsy fanahy fahamarinana raha vao misy fofompofona toy izany teraka eo amin'ny finoana iray, na inona na inona io eran-tany. Raha vao tsy manana fahefana UNIVERSEL dia tsy finoana fa sekta. Izany hoe manavaka, na manasaratsaraka. Ary tsapa izy io rehefa misy mizara aminao izay mba fantany ka marisarisa be ihany ianao amin'izay fotoana izay.

Ny finoana voalohany dia ny mandrava ny rindrina eo amin'y voary sy ny Mpahary. Rehefa hitanao fa misy izany FOTOTRA izany ny finoan'ny namanao dia UNIVERSEL izy izay. Ario aloha ny saina sy ny tsy fitoviam-pijery, dia ho hitanao hoe mitozo amin'ny lalana tokana izy rehetra.

Ka eo izany dia tsy hitovy mandrakizay ny fomba fijerintsika, satria mampiasa ny saiko aho @ Fanambaràna Manokana izay nomen'Andriamanitra antsika avy @ firenena Jiosy.

Ny fomba fijery no mety misy fiavahana fa tsy ny fahamarinana Fototra voarakitra ao amin'ny fanambarana ho an'ny isan-tokony.
Tsy manao aho hoe izay nomen'Andriamanitra avy ami'ny firenena Jiosy dia diso, fa ny finoana izany dia tsy manafoana ny fahamarinana fototra ao amin'ny finoana manana anaran-kafa toriana.

Na dia tsy mitovy tanteraka @ Fanambaràna Manokana ve ny fahamarinana fototra @'ireo finoana ireo aza ?

Rehefa hitanao fa mampianatra fanahy mahay manavaka ny boky tsirairay ary izay ny antony nanoratana azy avy dia fantatrao hoe olombelona manana toetra manao ahoana avy no niantefan'ny boky tsirairay. Ary ho fantatrao fa IRAY ihany no mpitaiza namoaka ny boky rehetra satria fantaNY avokoa ny toetran'ny olona nanorataNY amin'ny maha-sombin"AINY azy rehetra tsy an-kanavaka.

Izay ny nanaovako hoe tsy hitovy mandrakizay ny fomba fijerintsika satria ny Fanambaràna Manokana ihany no azo antoka fa tenin'Andriamanitra, ka io no ataoko fahefàna faratampony @ zava-drehetra.

Ka izay indrindra, ilay Fanambarana Manokana ve efa azonao sa tsia?

Ny zanany tsirairay no mahazo izany. Ny azonao mety tsy ho azoko ary izay azon'ny namana tsy Kristianina araka ny famaritantsika azy, IZY no mahalala izay nomeNY azy.

Fa izany eo ihany fa rehefa mijery ireny fanambaran'ny fanahy ireny aho dia mahita fa tian'Andriamanitra ny hampfankatia ny olon-drehetra. Dikany tsy ny Baiboly ihany no atao hoe Tenin'Andriamanitra fa izao tontolo izao tsy ho antonona izay tiaNY ambara feno raha tsy efa samy mifoha ao AMINY avokoa ny olon-drehetra tsy an-kanavaka.