Mpitoriteny 12.14 Fa ny atao rehetra dia ho entin'Andriamanitra ho amin'ny fitsarana ny zava-miafina rehetra, na soa na ratsy.
Rehefa ho avy Jesoa Kristy, hiverina ka hiseho eny @ rahon’ny lanitra, dia hitsara ny olona rehetra Izy miaraka @ anjely. Io ny fitsarana ny olona farany ka hananganany ny fanjakana ety an-tany, tahaka izay efa any an-danitra, ary hamongorana ifotony ny devoly sy ny asa ratsiny rehetra izay mibodo ny tany. Ny bokin’ny Apokalypsy no mitantara efa ho @ antsipirihany ny zavatra hitranga rehetra.
Raisoko manomboka eo @
Apokaplyspsy 20 :12
20.12 Ary nahita ny maty aho (hoy Jaona), na ny lehibe na ny kely, nitsangana teo anoloan'ny seza fiandrianana; ary novelarina ny boky; ary nisy boky iray koa novelarina, dia ny bokin'ny fiainana izany; ary ny maty dia notsaraina araka izay zavatra voasoratra teo anatin'ny boky araka ny asany.
20.13 Ary ny ranomasina dia namoaka ny maty tao anatiny; ary ny fahafatesana sy ny fiainan-tsi-hita (Gr, Hadesy) namoaka ny maty tao aminy; dia samy notsaraina araka ny asany izy.
20.14 Ary ny fahafatesana sy ny fiainan-tsi-hita (Gr, Hadesy) dia natsipy tany amin'ny farihy afo. Izany no fahafatesana faharoa, dia ny farihy afo.
20.15 Ary raha nisy tsy hita voasoratra teo anatin'ny bokin'ny fiainana, dia natsipy tany amin'ny farihy afo izy.
21.1 Ary nahita lanitra vaovao sy tany vaovao aho; fa efa lasa ny lanitra voalohany sy ny tany voalohany, ary ny ranomasina dia tsy misy intsony.
21.2 Ary nahita aho fa, indro, ny tanàna masina, dia Jerosalema vaovao, nidina avy any an-danitra tamin'Andriamanitra, voaomana tahaka ny ampakarina efa mihaingo hihaona amin'ny vadiny.
21.3 Ary nahare feo mahery avy teo amin'ny seza fiandrianana aho nanao hoe: Indro, ny tabernakelin'Andriamanitra dia eo amin'ny olona, ary Izy hitoetra (Gr, hitoetra an-day) eo aminy, ary ireo ho olony, ary Andriamanitra no hitoetra eo aminy, dia ho Andriamaniny.
21.4 Ary hofafany ny ranomaso rehetra amin'ny masony; ary tsy hisy fahafatesana intsony, sady tsy hisy alahelo, na fitarainana, na fanaintainana; fa efa lasa ny zavatra taloha.
21.5 Ary hoy Ilay mipetraka eo ambonin'ny seza fiandrianana: Indro, havaoziko ny zavatra rehetra. Ary hoy koa Izy:
Soraty: fa mahatoky sy marina ireo teny ireo.21.6 Ary hoy koa Izy tamiko: Tanteraka ireo. Izaho no Alfa sy Omega, ny fiandohana sy ny fiafarana. Izaho hanome maimaimpoana amin'ny loharanon'ny ranon'aina ho an'izay mangetaheta.
21.7 Izay maharesy no handova izany zavatra izany; ary ho Andriamaniny Aho, ary izy ho zanako.
21.8 Fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa.
Fanazavana :
Rehefa maty voalohany ianao dia midina any @ fiainan-tsi-hita ny fanahinao. Rehefa tonga Jesoa Kristy dia havoaka daholo ny rehetra handalo fitsarana araka ny asany avy. Raha nino an’i Jesoa ianao t@ androm-pahavelomanao dia omena endrika vaovao ny fanahinao, hitsangana, hoentiny miaraka Aminy ka hiara-manjaka Aminy ary miaina mandrakizay (vivre éternellement). Raha tsy nino sy nanaiky an’Andriamanitra sy Jesoa Kristy zanany ianao dia efa maty ianao fa ho faty mandrakizay tokoa ary azera any @ farihy mirehitra afo (io no fahafatesana faharoa).
Anjaranao no misafidy (misafidiana ny fiainana) fa tsy nambaranao dieny mialoha ny andro sao manao kajy indray ny olombelona ka raha fantany ny fotoana dia hanao izy hoe : hatreto izahay manota ary rehefa eto izahay vao hibebaka. Araraoty ny ora ary manapaha-hevitra, raha mbola tsy mino, fa izay voasoratra tsy maintsy ho tanteraka satria tsy misy Andriamanitra mandainga sanatria.
