Ikaretsaka:
Ka io ary valio le fanontaniana... raha lazainao fa I I jesosy de ampy de ahoana ny fijerinao ireo nahatonga an I jesosy ho any aminao sy sy nanome azy ho anao ary ny nampahafantatra anao...
==>
1. Indray andro teo amin\'ny vahoaka nihaino an\'i Jesoa nisy nitabataba hoe \"Tena sambatra izay nono ninonoanao sy kibo nitoeranao\", fa hoy KRISTY taminy : \"fa sambatra lavitra noho izany izay mandre ny teniko ka mino izay naniraka ahy\"
2. Indray mandeha nisy lehilahy nividy voankazo iray harona kely nentiny ho an\'ilay zanany lahitokana. Rehefa tonga tany an-trano dia nantsoiny ilay zanany, nomeny azy aloha ny paiso iray, dia noraisin\'ilay zaza tamin\'ny tanana ilany, nomeny azy koa ny faharoa, dia noraisiny tamin\'ny tanana manaraka, nanome paiso fahatelo izy, ary dia narian\'ilay zaza ireo paiso roa efa azony mba hananany ilay fahatelo. Ny tsara indrindra raha tian\'ilay Ray nomena Azy ireny dia ilay harona mihitsy no nomeny azy tamin\'ny tahony.
3. Indray mandeha dia nisy lehilahy anakiray nanana paoma naniry teo an-tokontaniny. Nizara paoma tamin\'ny olona izy, isaka izay nisy te hihinana paoma dia nangataka tamin\'ilay rangahy. Taty aoriana nisy iray tonga teo aminy ka ilay hazo mihitsy no nangatahiny! Satria raha ilay hazo no azy dia ho azony izay paoma ilainy rehetra.
Hoy KRISTY : \"tahaka ny maha loharanon\'ny fiainana ny Ray, ny Zanaka koa dia nataony ho loharanon\'ny fiainana, ka izay mino azy dia ho velona mandrakizay\".
4. Mety hilain\'ny mangetaheta ihany ny misotro amin\'ny rano izay nalain\'ny hafa, fa raha misy tompon\'ny fantsakàna, dia mahazo izay rano ilainy rehetra izy amin\'ny fotoana rehetra. Ary KRISTY izany loharano tsy mety ritra izany. Izay manana an\'i KRISTY dia manana izay ilainy rehetra mba hahafa-po azy.
5. Ny Masoandro dia iray, kanefa ny masoandro tsy azoko raisin-tanana (raha tsy izany may aho), ary tsy azoko jerena mahitsy akory aza (raha tsy izany jamba aho) raha tsy hoe angaha manao solomaso ampy hahazakako ny hazavana aho. Fa ny hazavana sy ny hafanana no fomba ifandraisako amin\'ny masoandro.
Ary KRISTY no fahazavan\'izao tontolo izao, ary ny Fanahy Masina no manome hafanana ny fanahin\'ny mpino (dia ireo izay nanatona ny hazavana), fa ny RAY dia tsy azo atonina ary tsy hay jerena.
Ny hazavana no tonga amin\'ny tany ary hitako aloha, fa rehefa manatona ny hazavana aho dia afaka mahatsapa ny hafanana, avy amin\'ny masoandro.
Tahaka izany, KRISTY no tonga teto an-tany nanatona voalohany, ary rehefa nahita an\'i KRISTY aho ka nanatona azy izay vao nahatsapa ny Fanahy Masina avy amin\'ny RAY.
Ny Soratra Masina dia manambara fa
- izay mino ny Zanaka no manana ny fiainana, fa izay tsy mety mino dia tsy hahita fiainana fa ny fanamelohana no mitoetra eo aminy [
Jaona 3:36]
- Ny fiainana mandrakizay dia ny mahafantatra an\' Andriamanitra tokana sady marina, sy JESOA KRISTY izay nirahiny [
Jaona 17:3]
- KRISTY no Lalana sy Fahamarinana ary Fiainana, tsy misy mankany amin\'ny RAY afa-tsy amin\'ny alalany [
Jaona 14:6]
- Izay mino an\'i KRISTY no hatao batisa amin\'ny Fanahy Masina (omen\' Andriamanitra ny Fanahy masina).
Raha ny Soratra fotsiny ihany dia tsy ho nino velively aho. Fa rehefa KRISTY no nampahafantatra ny tenany tamiko dia ninoako ny voalazan\'ny Soratra.
Ary ny Soratra Masina ihany koa dia manambara fa na ireo mpianatra aza, nahita an\'i KRISTY velona ka nosokafan\'i KRISTY ny sainy vao nahafantatra ny Soratra Masina ary izay vao nino.
Noho ireo, sy izay efa niainako rahateo, dia mino aho fa KRISTY dia ampy ananako ny rehetra.
Ary izay mino koa fa iray ihany IZY TELO dia tokony hino fa tsy possible mihitsy hoe manana an\'i KRISTY aho nefa tsy hanana ny anakiroa hafa! Fa raha tsy izany dia tsy iray indray izany.
Raha misisika miteny kosa aho hoe \"KRISTY\", fa tsy ny Ray na ny Fanahy Masina. Dia satria KRISTY no azoko tsapain-tanana (au sens spirituel). Ny Ray dia tsy takatro ary ny Fanahy dia tsy hitako rahateo, fa i KRISTY izay tenin\' Andriamanitra velona kosa dia tena reko sy hitako ary tsapako koa.
