Ho raisiko kely ity resaka ity hanampiko izay efa voavalin'ny namana.
ny voalaza dia izao: @ fivavahana katolika dia izay doctrine sy dogme apetraky ry papa sy mopera isany dia tsy maintsy arahina sy hekena fa marina. na dia mazava be aza fa mifanohitra amin'ny fampianaran'i Jesosy Kristy sy ny sitrapon'Andriamanitra.
Tsy ny papa sy mopera no mamaritra ny doctrine sy ny dogme-n'ny Fiangonana, fa avy amin'ny fandinihana masina ataon'ireo Eveka maromaro.
Inona amin'ny Dogme sy ny Doctrine kristiana no lazainao fa mifanohitra amin'ny fampianaran'i Kristy? Ilazao iray ihany aho dia ampy satria raha ny fahitako azy dia tsy misy na dia iray aza mifanohitra amin'ny Evanjely.
Jesosy nampianatra mazava tsara hoe :
"raha mivavaka ianareo, dia aza manao teny maro foana tahaka ny jentilisa, fa ataony ho ny hamaroan'ny teniny no hiainoana azy" Matio 6:7
Ny tianao lazaina angamba dia ny fanaovana sapile. Io no tianao ambara fa vavaka misy teny maro.
Moa azonao tsara ve izay tian'i Kristy lazaina amin'io teny maro io?
Raha manao sapile ny katolika dia tsy misy teny maro araka ny fahalalanao azy ao: teny vitsivitsy no lazainy ary averimberiny.
Raha tsy fantatrao àry izay tondroin'i Kristy hoe: manao teny maro dia izao: toy ilay mpanora-dalana nitanisa ny zava-bitany teo anatrehan'Andriamanitra. Tsy nanisy sira an'ilay Andriamanitra ivavahany fa nijery ny zava-bitany fotsiny. Tsy mitovy amin'izany mihitsy no ataon'ireo olona manao sapile. Mamerina lalandava ny fiekeny fa Andriamanitra i Jesoa, ny Fiekena fa Ray Andriamanitra, ary zanaka izy, ary farany dia miaiky fa mpanota. Manampy ireo dia mandinika ny misterin'ilay Teny tonga nofo izy.
Tsoriko fa raha misy ny maro teny rehefa mivavaka dia sahala amin'ireny ao amin'ny FM foi ireny, ireny ao amin'ny Radio MRE ireny, ireny ao amin'ny fiangonana Jesosy mamonjy ireny, sns... Ilay vavaka lavareny tsy misy farany, ary sepotra mihitsy ilay olona manona azy noho ny vazavaza sy ny fihetsiketsehana isan-karazany... (io dia maharitra eo amin'ny 15mn eo raha kely indrindra) Rehefa tsy mahita holazaina moa dia vetesina mafy dia mafy ny Amen sy ny Aleloia...
-Jesosy koa nampiantra mazava tsara izao ny hoe: "Aza milaza olona ety an-tany ho rainareo; fa iray no Rainareo dia izay any an-danitra" Matio 23:9
kanefa diniho ny zavamisy ao @ io fivavahana io.
...
Aza afangaro ny Ray lazain'i Jesoa eto sy ny ray iantsona ireo ray aman-dreny. Ny Ray lazainy eto dia Andriamanitra Ray. Raha miantso ny pretra na ny Pape hoe père dia tsy midika fa mitovy amin'Andriamanitra Ray mihitsy izy ireo.
Diniho ny tantara fa noararan'ny fiangonana katolika ny famakiana ny Soratra Masina ary voaenjika, novonoina sy nodorana mihintsy izay manana sy mamaky ny Soratra Masina satria mahita ny zavatra mifanohitra @ fampianarana azo avy @ dry mopera zezoita... sns..
Tsy norarana, ary tsy nohenjehana mihitsy izay namaky ny Baiboly. Porofon'izany dia maro ireo olona laika no nahalala sy niaina ny Soratra Masina.
Raha efa nijery sy namaky ny fampiasaham-panahy ianao, na efa nanao Fampiasam-panahy dia nahita soa aman-tsara fa mifototra tanteraka amin'ny Baiboly ny Fampiasam-panahy. Raha tsy misy Baiboly eny an-tanana dia sarotra ny hanaovana io fampiasam-panahy io. Fandinihana masina manomboka hatrany amin'ny faharina io ka hatramin'ny fotoana iainan'ilay olona manao azy.
Noho izany diso ny filazanao hoe: ny zezoita dia nandrara ny famakina ny Baiboly. Tiana ny manamarika fa tsy nitarika ny olona hamaky ny Baiboly fotsiny izy, fa nampianatra sy nitaona ny olona koa handinika ny Soratra Masina sy iaina izany isan'andro.
William Tyndale ohatra izay nandiaka ny Soratra Masina ho amin'ny fiteny anglisy mba ahazoan'ny maro ny tena sitrapon'Andrimanitra, dia anisan'ireo nosamborina sy nodoran'ny fiangonana.
Ekena fa nisy ny hadison'ny Fiangonana. Fa ny zavatra tiana marihana kosa tamin'izany fotoana izany dia izao: Maro ny hevitra diso niely, ary aoka ho fantatrao fa tsy ny rehetra no afaka hahalala sy hahatakatra izay lazain'ny Baiboly.
Firy no niteny fa tsy Andriamanitra i Jesoa? Noho ny dikan-teny diso natao, hatramin'izao fotoana iainantsika izao, firy ny olona mandray vilana ny Baiboly, na mbola mitana ny hevi-diso niaraha-nahita tany amin'ny taon-jato fahagola sns...
