Hoy, hono, ity Mpandalo,
sendra vory vahoaka
(vahoaka lanaka sady
very hevitra) :
"Anontanio ny Rivotry ny Tany,
fa Izy mety mahalala."
Dia hoy, hono, ny Tioka Atimo,
namaly hoe :
"Tsy ianareo irery no kere,
fa ny tany manontolo : fa
ny tanety kere alokaloka,
ny mahery kere fahendrena,
ny tontolo kere fitiavana,
ny pôlitika kere fahitsiana,
ny omaly kere ny ampitso,
ny androany kere ny omaly,
ny fañenty kere fahitana,
ny raketa kere safosafo,
ny vilany kere hafenoana,
ny damozàna kere bètsabètsa,
ny tadìñy kere fandrenesana,
ny hetaheta kere ranonorana,
ny lohasaha kere filofosana,
ny sinkara kere zanapaly,
ny kabary kere teny mamy,
ny harena kere fah'marinana,
ny nafenina kere masoandro,
ny finoana kere olo-masina..."
Arira... Arira...
Stretch
