Isika izay mitory
Aoka hifototra amin'ny Fanahy Masina.
- Hotoriantsika foana fa MISY Andriamanitra
- Hotoriantsika foana ny famonjena nentin'i Jesosy
- Hotoriantsika foana ny Tenin'Andriamanitra
Kanefa :
- Raha toa ka feno ny Fanahy Masina ianao, izany hoe possed�n'ny Fanahy Masina, dia teneno izay lazainy anao.
- Raha tsy izany kosa dia aleo mijanona mitanisa ireo teny izay efa nolazain'i Jesosy sy nampilazain'ny Fanahy Masina ireo mpanompony
Marina fa tiantsika hino daholo ny namana rehetra, ny olombelona rehetra mihitsy aza, ka izany indrindra no itoriana. Kanefa tsy manana fahefana amin'izany raha izay herintsika fotsiny. Fa anankiroa no mahatonga ny olona hovonjena dia:
- Andriamanitra izay manolotra ny famonjena, ka ny herin'ny Fanahiny no mitondra izany ho eo amin'ny olona
- ny sitrapon'ny olona izay mandray ny famonjena, ka ny herin'ny Fanahy no mahatonga fanekena ao anatiny
Noho izany, dia ny mitory no anjarantsika. Tsy vitan'ny adihevitra amin'ny fisainan'ny olombelona tahaka ny fahita eto no hahatonga ny finoana eo amin'ny olona. Fa Andriamanitra no hiandraikitra ny Teniny izay toriana, tahaka ny ranon'orana izay tsy miverina miakatra raha tsy efa nahalonaka ny tany.
Raha namaky baiboly izahay omaly hariva, resaka momba ny asa fitoriana izay nataon'ny mpianatr'i Jesosy, dia nahita an'ity teny ity izay nanaitra anay :
ary izay voalahatra ho amin'ny fiainana mandrakizay dia nino. (Asan'ny apostoly.13:48)
