Ny zavatra nambarako eto dia ho an\'ireo izay mbola tsy nibebaka [na niverina amin\'Andriamanitra]ary izao no votoantiny ry namana sy tapaka isany:
\"Ary tahaka ny tamin\'ny andron\'i Noa, dia hisy toy izany koa amin\'ny andron\'ny Zanak\'olona: nihinana izy, nisotro izy, nampaka-bady izy, navoaka hampakarina izy, mandra-pihavin\'ny andro izay nidiran\'i Noa tao amin\'ny sambo-fiara, dia tonga ny Safo-drano
ka nandringana azy rehetra.
\"Ary tahaka ny tamin\'ny andron\'i Lota koa: nihinana izy, nisotro izy, nividy izy, nivarotra izy, namboly izy, nanao trano izy; fa tamin\'ny andro izay nivoahan\'i Lota avy tao Sodoma, dia nisy afo sy solifara nilatsaka avy tany an-danitra ka
nandringana azy rehetra.Dia ho tahaka izany koa amin\'ny andro hisehoan\'ny Zanak\'olona.\" Lioka 17.
Mbola maro ireo tsy mahatsapa eto fa efa akaiky izany fahatongavan\'i Jesosy Kristy na ny fanjakan\'Andriamanitra izany.
\"..Efa tonga ny fotoana ka efa akaiky ny fanjakan\'Andriamanitra; mibebaha hianareo ka minoa ny filazantsara.\" Marka 1:15
Ny milaza hoe efa akaiky tsy midika hoe fantatro hoe rahoviana satria dia tsy misy mahalala izany afa-tsy Andriamanitra irery ihany.
Fandriganana anefa no ho azon\'ny maro satria nahoana?
Tsy mbola tafaverina [sy mibebaka] amin\'Andriamanitra amin\'ny finoana ny Famonjena [tena fitiavana] tokana natolotry Jesosy Kristy ho azy izy, fa mbola variana misotro, mihinana, manao trano, mamboly...araky ny nolazain\'i mirana5. Ireo mihintsy no realite na ny zavamisy amin\'izao.
Izaho miantso ireo olona izay mbola tsy naheno izany mba hibebaka sy hino an\'i Jesosy kristy ho Mpamonjy azy.
**************************************************
Ny azo antoka fa marina anefa, na inona lazaiko eto na inoa, dia vitsy ireo olona voavonjy ireo. Tsy izaho no niteny izany fa Jesosy Kristy.
\"Tompoko, moa vitsy va no hovonjena? Ary hoy Izy tamin\'ny olona: Miseseha hiditra amin\'ny varavarana èty hianareo; fa hoy Izaho aminareo:
Maro no hitady hiditra, fa tsy ho afaka. Rehefa mitsangana ny tompon-trano ka manidy ny varavarana, ary hianareo mijanona eo ala-trano mandòndòna ny varavarana ka manao hoe: Tompoko, vohay izahay, dia hamaly Izy ka hanao aminareo hoe: Tsy fantatro na avy taiza na avy taiza hianareo; ary amin\'izay hianareo dia hanao hoe: Nihinana sy nisotro teo anatrehanao izahay, ary nampianatra teny an-dalambenay Hianao. Fa Izy hiteny hoe: Lazaiko aminareo: Tsy fantatro na avy taiza na avy taiza hianareo; mialà amiko,
hianareo rehetra mpanao meloka. Any no hisy ny fitomaniana sy ny fikitrohan-nify, raha mahita an\'i Abrahama sy Isaka sy Jakoba ary ny mpaminany rehetra eo amin\'ny fanjakan\'Andriamanitra hianareo, fa ny tenanareo kosa dia voaroaka any ivelany.\" lioka 13:23-28
Meloka daholo isika eo anatrehan\'Andriamanitra fa vitsy kosa ireo tena miaiky izany [ka mibebaka] sy mino an\'i Jesosy kristy ho hany lalana tokana mankany amin\'Andriamanitra.
Raha velona koa Aho, hoy Jehovah Tompo, dia tsy sitrako ny hahafatesan\'ny ratsy fanahy, fa ny hialan\'ny ratsy fanahy amin\'ny lalany, mba ho velona izy. Mialà, mialà amin\'ny lalan-dratsinareo, fa nahoana moa no te-ho faty ianareo,\" Ezekiela 33:11
misaotra..
