IFONAKO, MALALA

Ireo teny tsy voahevitra, nandratra ny atifonao,
Ireo fanapahan-kevitra nokasaiko ho natao,
Ireo eritreritro nivoana, niampanga, niahiahy,
Toa didy ts’isy hoe nahoana… nandrotidrotika fanahy…
Ifonako aminao, malala :
Tia aho, ka toa adala…

Iny ranomasoko iny nirotsaka satria tsy tana;
Iny tebitebiko iny, tsy mba haiko noraràna;
Ireo teny nankarary nosoratako ho anao,
Fihantsiana niharihary, filàna ady tsotr’izao…
Ifonako aminao, ry aiko,
Ny mitia angaha no tsy haiko…

Ny tsy mba niheverako izay mety hoe nanjo anao,
Fa nentin’ity fitiavan-tenako, tsy nisaina afa-tsy ny izaho;
Ny tsy fahaizako nitia sy nankamamy ny anjarako,
Ity fahazarako ninia te hanova ny tantarako…
Malalako, mifona aho,
Miangavy, mitalaho!

Fikasàko manombok’eto ny hanova fomba fisainana,
Izay anjarako ho ekeko, ho lavitra ahy ny fitarainana;
Hasambarana, hafaliana, ireo no inoako hiainantsika,
Salanitra fa tia ka tiana… paradisa ny antsika…
Raha sendra misy hadisoana,
Mba iantrao rehefa mifona…

Ryana
(30/07/03)

Tononkira ve io sa noforinina ry ryana? Tena tsara miitsy!

Ryana , tsotra ny teniko anananao ilay zavatra !!! Tohizo fa tena .....
(tsy voalaza @ soratra) .

SAMBATRA ny firenena manana
tanora manandratra ny tenin-drazany toa anao ry Ryana,koa tohizo,indrindra moa fa raha aingam-panahy mipololotra avy ao anatinao lay izy.

Hafa ihany ho aho ny forum ato@n'ny namana! tsy hoatry ny ao @ wanadoo!

>Jahary
Ramalagasy2003,
Tsy tonon-kira akory io fa mba \"feeling\" sendra nandalo ê!
Misaotra anareo nandalo tato.

>Tsotra,
Misaotra!

Ryana

mahafinaritra be fa tohizo de mba andefaso matetika ny eto @ forum e! misaotra

de mahay raha re ianaory ryana koa

Misaotra an'i Nanoue sy Andry14.
Misaotra an'i Toubib koa!
Tsarà daholo!
Ryana

Manana talenta ianao. Mahafinaritra

tohizo Ryana fa mafinaritra a!
Mankasitraka indrindra a!

Mampikanto ihany e!

hafa ihany ny teny Gasy fa mahay mandrindra teny sy mody miolan-kolaka izany nefa vao mamaky azy amin'ny voalohany dia azo ny tiany lazaina fa mbola tia

Riana angaha tena efa mpanoratra matetika. Mba andefaso ohatran'io aho fa izaho koa mba tia manoratra tonokalo. Manja le izy kah !

Kleep,
Mampikanto,
Lavitraakama,
Clarys,
Ianareo no isaorana mankasitraka izay mba andranandrana ataoko.
Ryana

Manaiky ny fifonanao mihitsy kosa aloha aho amin'izao e !
Mba hianarako koa ny mifona hoatr'izao !

Moi,
Misaotra ê!
Tena nitsiky aho namaky ny voalazanao.
Ryana

Dia asa aloha ry Ryana fa nampihetsim-po ilay izy ... saingy nifanohitra amin'ny an'i moi.
Ito ny valiny hatrizao (mety hisy hafa angamba e !). Sa tsy tokony ho nataoko tato @ loha-hevitra fitiavana ???

MISAOTRA KA VELOMA

Nanandrana aho nitia, niezaka hanatona
Kanefa rindrim-by, varavarana nikatona
No tratrako ombieny. Izay no sitrakao
Ka tsy nasiako teny. Vita ny lalao.

Nijaly aho na dia sambatra, niezaka nikiry
Nifidy ho tafatambatra. Kanefa tsy nitsiry
Fa lo, tena maty, ilay voa izay nafafiko.
Nangaina ny ao anaty. Nibahana ny rafiko.

Ka aza izaho no ifonana,
Fa ny fitia niombonana.

MXR
17/09/03

Ny andro nangatsiaka omaly sy androany angamba no nampangatsiaka ilay teo. Aleo soloina an'ito ny valiny.

NY TIA DIA TIA

Tsy tsaroako akory
Izay mety ho alahelo
Na hoe ny sorisory
Angamba re avelo ?

Tsy tsaroako marina
Izay mety ho hadisoana.
Na mandry aho na tafarina
Fitia no nimamoana.

Tsy tsaroako izany
Ny nisy dia ity :
Ny tsikinao mavany,
Angamba diso tia !?

MXR
17/09/03

Mahereza e !

>MXR,
Mahery ianao ê! na ho raisina na tsia ilay fifonana, hainao daholo ny valiny.
TSy aleo ve ataonao sujet hafa mihitsy ny tononkalonao? manjary voasaron'ny andranandrana ataoko ny chef d'oeuvre-nao!
mankasitraka!
Ryana

Aza mahasosotra Ryana a ! Tsy dia mety loatra hono ny manetry tena loatra. Ireo lazainao ho "andranandranao" izay nampihetsi-po anie no nahatonga ahy hanoratra e ! Fa raha tsy tianao dia aleo valiako mora aty amiko dia ataontsika recueil any aoriana (style SAFOSAFO ... fantatrao ve io boky io ???).