Mba tena gravy koa raha ny voalaza eto ity no marina a :
=======
Tany moramanga 27 Mai 2014

- MATY ity zazavavy kely vao 6 taona rehefa narary mafy nefa tsy navelan'i ingahy milaza fa apostoly Marc Tatandraza sy ny rain'ity zaza ity izay mpianatr'ingahy apostoly nentina ho any @dokotera fa tsy sitrapon'Atra hono izany fa avy amin'ny devoly ny dokotera. Hositranin'Atra hono ny zaza. (Marc Tatandraza ilay milaza fa lehiben'ny dahalo, lehiben'ny mpamosavy, lehiben'ny mpanao ody ratsy niova fo)
- Rehefa narary mafy ary io zaza izay vao 6 taona io dia mbola tsy nomena sakafo fa rano fotsiny fa mila mifady hanina hono mba ho sitrana.
- Najanony tamin'ny fianarana ihany koa io zaza io foiny fahavelony sy ny zokiny vavy vao 8 taona fa tsy ilaina hono ny fianarana fa homen'i Jesosy fahendrena sy fahaizana eny fona hono.
- Navelan'ny rainy tanteraka koa ary ny asa fivelomany fa lasa izy niaraka amin'ingiahy apostoly Marc Tatandraza hitory teny. Velomin'i Jesosy hono toy no vorona izay sady tsy mamafy sns.. tsy ilaina hono izany ny miasa...
==========
Tsaratsara, Fabiola dia ity indray izany Tatandraza ...
Mba misy afaka manazava misimisy momba ny Fiangonana Rhema ve eto ?

Azafady fa adinoko ny nanome ny source :

"Par: Longokoahe
Date: 09 juin 2014 - 22:00" forum moov !

Mampalahelo ilay zaza, saingy mahonena fa tsy misy mihintsy fandraisan'andraikitr'izay atao hoe fanjakana rehefa ny Malagasy no namoy ny ainy toa izao... Aza mba gasy e..

Faharoa dia mahavariana rey olona fa ity olona rehetra milaza lasa mpitory ity dia mitono-tena daholo hoe mpanao ratsy sy mpamosavy na mpisikidy taloha. Toa mampatsiahy ahy an'i Tompokovavy Nenilava, sy ry zareo eny Ankorondrano, dia ry zareo fotsilamba.

Ka hoe "torio eny @ Fitsarana" hoy i Hery izay... "non assistance de personne en danger" fara-faha-keliny... F'angaha tsisy procureur tonga dia mitsabaka rahefa tsy hitory ny r-a-d? Ka ny r-a-d-ny koa mety afaka toriana.. mila atao ohatra ny toa itony, sahala @ ilay resaka vp-anp mpanolana ankizy. Tsy normal intsony izany toe-tsaina efa lany andro izany.

TSY hoe r-a-d na hoe mpitandrina (na mpivavaka na apostoly ets ...) izy dia hoe TSY diso mihintsy...

Misy karazany 3 ny marary ao amin'ny baiboly:
-Ny marary satria nidiran'ny fanahy maloto.Ohatra ny hita ao amin'ny Mar 9:25/Mat 4:24/Mat 9:32 sns. Ary misy degré io mararin'ny demonia ka misy ny mararin'ny demonia sitran'ny zavatra maro (mety fametrahan-tanana, mety fikasihana lamba) nefa misy tsy sitrana raha tsy mitolona am-bavaka. Mar9: 28:"Ary rehefa tonga tao an-trano Jesosy , dia nanontany Azy mangingina ny mpianany hoe : Izahay tsy nahavoaka azy . Ary hoy Izy taminy : Iny karazana iny tsy mba azo avoaka na amin'inona na amin'inona , afa-tsy amin'ny fivavahana ihany ."

-ny marary mba hahatanterahan'ny sitrapon'Andriamanitra (voninahitr'Andriamanitra, fijoroana vavolombelona, kapoka sy fanitsiana, fizahan-toetra) araka ny hita ao amin'ny Ex 4:11/Deo 28:22/ Deo 32:39 sy ny Jao9:3: " Jesosy namaly hoe : Tsy io lehilahy io no nanota , na ny ray aman-dreniny , fa ny hanehoana ny asan'Andriamanitra eo aminy"

-Ny marary tsotra (marary andoha, marary nify,sns)



Misy 3 ihany koa ny fanasitranana avy amin'ny finoana:
-Misy ianao ilay marary mihitsy no mino (croyant) sy efa nandray ny Tompo ho Tomponao sy ho Mpamonjy ny fiainanao ka ianao ihany dia mahasitrana anao
-Misy ny fiangonana ( fivondronan'ny olona mino) no manasitrana. Io dia ilaina hanasitranana indrindra indrindra ilay mararin'ny demonia Jak5:14-15:" Misy marary va eo aminareo? Aoka izy hampaka ny loholon'ny fiangonana ; ary aoka hanosotra diloilo azy amin'ny anaran'ny Tompo ireo sady hivavaka eo aminy ; ary ny fivavaky ny finoana dia hamonjy ilay marary , fa ny Tompo hanangana azy ; ary raha nanota izy , dia havela ny helony"
_Misy ireo nomena Fanahin'ny fanasitranana tamin'ny nandraisany ny Fanahy Masina, tahaka ireo apostoly 12, tahaka ireo 72 lahy nirahin'ny Tompo taorian'ny Apostoly araka izay voasoratra ao amin'ny 1Kor12:9

Fa ny fehin'ireo dia tsy maintsy manana finoana ianao marary sy ilay mametra-tanana anao + avy eo manala devoly + izay vao manasitrana amin'ny anaran'i Jesosy, amin'ny ràn'i Jesosy ary ny dia-kapoka natao Taminy.

Ny fehiny izany: Matoa tsy sitrana ilay olona dia tsy manana ny FAnahy Masina ilay olona manasitrana sy ilay marary. Na raha tena fantatra fa tena Fanahy Masina tokoa no miasa ao anatiny nefa mbola tsy sitrana ihany ilay olona dia tena izay no sitrapon'Andriamanitra amin'ny fiainany sy amin'ny fianakaviany HAHATSARA AZY (misy olona tena sitrapon'Andriamanitra ny tsy hahasitranana azy ao amin'ny baiboly, Paoly anisany, fa andraso hojereko ilay passage misy azy ao amin'ny baiboly rehefa malalaka kely dia hoentiko eto ihany)

Horesahiko ihany koa rehefa kelikely ny mikasika ny dokotera sy ny fitsaboana moderina ary ny baiboly fa mbola hiasa aloha. Fa ny fehiny fotsiny dia hoe raha devoly ny dokotera, nitory devoly ve izany Jesosy raha nanao ilay parabole mikasika ilay Samaritana tsara fanahy? Marina fa ilay any amin'ny Samaritana sy tsy Samaritana (Jiosy sy tsy Jiosy? :) ) no tena anton'iny parabole iny fa tsy kisendrasendra koa anefa raha notsaboina tsotra ilay naratra fa tsy nametrahan-tanana.

Tsy ny salama no mila dokotera fa ny marary hoy Jesosy. Midika izany fa izy aza mahafantatra fa raha marary ny olona dia tokony hanantona mpitsabo fa tsy voatery ho vitan'ny vavaka ny fanasitranana.

Raha marary fo ianao fa nisaraka tamin'ny sipanao, na marary an-doha fa niady tamin'ny vadinao... Dia ekeko fa vitan'ny vavaka io.

Fa Jesosy aza mbola nampiasa fotaka vao nahasokatra ny mason'ilay jamba. Ny aretina tsy voatery ho avy amin'ny devoly daholo. Fa Andriamanitra aza nanaonao foana nanao ny voay.

Toa mampatsiahy ahy an'izay namako hoe Sahondra izay ity tantara ity. I Sahondra dia mpianatra tamin'ny sekolim-pinoana iary malaza teto Antananarivo. Nisy androbe izy, ary dia rehefa mihetsika io, fa mafana ny andro na be loatra ny devoara atao angaha. Dia mihinjitrinjitra, mandoa vory sy miaka-boamaso izy. Ka asaina mandositra daholo izahay iray lakilasy, dia misy olona tonga mitondra mively azy amin'ny baiboly sy ravimaitso. Olona efa torana amin'io. Dia gaga aho no sady nanontany. Fa ny valiny dia hoe olona misy demonia no voan'ny androbe.

Mahonena ny olona rehefa andevozin'ny finoana loatra.

Nahita an'ity tetsy ambany tetsy aho dia apetrako eto :

mamonjy1:

Amiko de manaiky aho,fa manana hery lehibe satana,kanefa voafetra ny heriny,tsy hitovy @andriamanitra mihitsy izy.
Raha olona maty aloha de misy karazany maro,ary misy @ireny tsy tena maty fa dans le coma.
fa izay efa natao formul tahaka an'i mama hova kosa de tsy lainga zany amiko.
Ary Angelica zambrano koa dia tsy lainga velively,Eny fa na dia Marc TaTandraza de mbola ekeko,satria ny hafatra oentiny de tena marina daholo.
Ary ny voa no ahafantarana ny hazo.
Raha ny hafatra sy zavatra oentiny olona ireo de mitovy daholo.
Yve koa de ekeko ny hafany,
fa i fabiola no mampisalasala ahy.Satria ny hafany de toa hafa kely.

Hay ny namana mamonjy1 izany mahalala an'io lazaina fa "apostoly" io (Marc Tatandraza), dia ahoana ny hevitrao mikasika io tranga nolazaiko io ?

ny mahagaga dia raha nahomby ny zavatra natao dia mpaminany tena izy io rnamana io fa rehfa tonga ny tsy mifanandrify @ ny eritreritra dia lazaina daholo izao resaka rehetra izao;tsy haiko iza no namoaka ny ny resaka na nahalalana ny fandehan'ny tantara, ary sty miaro an'iza aho na iza fa sur fa nisy fifanekena tao aloha, ary inoako fa tsy nisy noterena, izany hoe responsable daholo izany au depart, saingy rehefa ratsy no miseho dia mahay miala daholony tsirairay. Io no zavatra tena mahavariana eto M/car, tsy misy mety ho tompon'andraikitra rehfa ratsy fa miseho ho voalohany daholo rehefa mety ny atao.
tsy mahagaga raha izao adala sy tsy hendry rehtra izao dia milaza fa izao sy izao dia may daholo manaraka azy, rehefa voa vao mimenomenona, ary ny gasy dia mora mino kely raha vao lazaina fa avy @' Andriamanitra na dia efa hitam-poko izao ary fa mamitaka; ny antony angamba no tokony hifampiresahana izay no mety hampieritreritra ny tsirairay vao manao na manaiky hanaovan-javatra iray.
amiko manokana dia rehefa tsy voafehy ny filana @'ny olona iray dia mitady lalana sy fika rehetra izy hanatanterahan izany ka na tsara na ratsy ny lalana hahazoana izany ,dia atao ary hezahiny mafy hotanteraka ary tsy mirahraha ny tohiny fa avy eo mandinika raha sendra midona @'ny poteau;izay no atao hoe:olona araka ny nofo .Ka na mino an'Atra ianao(kristiana) na tsy mino dia afaka maka io place io foana fa ianao foana no misafidy.
tsy misy mahafantatra ny ao an-tsain'ny olona iray anefa afa-tsy izy tenany ary Andriamanitra namorona ny olona.
Ary Andriamanitra tsy afaka mandrara ny safidin'ny tsirairay fa mamela malalaka izany tiany atao; noho izany tsy misy fiarovan-tena azo atao izany manoloana ny hevi-dratsin'ny olona iray mety ataony aminao raha ny fahaizanao na ny herinao na ny sainao fotsiny no itokianao.
Vahaolana tokana dia ny miantso izay afaka hamantatra izany ka hiaro anao; tsy misy olona anefa afaka hanome fahafaham-po anao afa-ts'ilay Andriamanitra namorona ny olona.
Anao ny safidy.(

Marina io,

Saingy tsy misy olona afa-po amin'ny zavamisy izany. Ny manana ariary te hanana ariaray zato, ny manana roanjato te hanana arivo... Ny tokana te hanan-tsakaiza, ny manan-tsakaiza te hanambady, ny manambady te hiteraka, ny niteraka te hana- jafikely... Ny manambady te hanao sipa....ahahahhaha

Raha nisy olona afa-po tamin'ny nataony dia ireo no olona tompon'ny hafaliana eto an-tany.

Hoy ny Tompo:"fa ny fiadanko no omeko anareo, tsy toy ny an'izao tontolo izao..."
Mbola anao foana ny safidy,ka fidio ny anjara tsara

mandalomiserana:

Hoy ny Tompo:"fa ny fiadanko no omeko anareo, tsy toy ny an'izao tontolo izao..."
Mbola anao foana ny safidy,ka fidio ny anjara tsara

Ahahahaha, fa izaho eto amin'izao tontolo izao no mipetraka sy miaina. Tena tsy mitovy domaina isika fa aza fady...

Tsy misy afaka miaina ny fiainan-tsy hita eto an-tany, fa tsy maintsy ny ny fomba fainana eto an-tany no iainana eto raha te ho faly ianao. Tsy afaka hoe andeha hampidina rivotra avy any an-danitra fa maloto ny rivotr eto andrenivohitra...

mandalomiserana > +1

Raha nitondra ity lohateny ity eto aho dia toy ny lakolosy fanairana na fampahatsiahivana na fampieritreretana antsika tsirairay !

Ny isan'ny mampalahelo, raha marina ny voalaza (satria mpitatitra ihany ny tenako eto) dia ny fisian'ny Fiangonana manaiky miantoka (mi-cautionner) ny asa ataon'olona tahaka izao raha tsy hoe angaha ilay olona no nanorina.

Ny hoe "responsable daholo au départ" aloha tsy haiko fa ny zava-misy matoa mitranga ny zavatra tahaka izao dia toa nisy "manipulation (mentale)" tao ka lasa tsy tompon'ny tenany intsony ny sasany. Ary ny tena mampalahelo dia ny malemy sy ny osa indrindra ara-panahy no tratra amin'izany.

Ohatra : Ny fiainana efa sarotra, hany ka mety sarotra ihany koa ny mahita vola itsaboan-tena ka zara aza misy miteny hoe "tsy mila mandeha dokotera fa ..." indrindra moa fa ilay milaza tena fa "apostoly" izay eken'ny Fiangonana no miteny ! Arapaka sy atelina izay rehetra lazainy ("parole d'évangile" hoy ny fitenenana) ka ny maha-olona mihitsy no simba ka mety ho faty ny farany (lasa tahaka ny "robot") !

Tsy fantatro aloha na irak'iza marina ilay milaza tena na lazaina ho "apostoly" fa raha izao no vokatry ny asa nataony dia famonoana olona no anarany amiko (non assistance à une personne en danger) ! Ka asa izay torin'ny Fiangonana mampiantrano olona manome fampianarana sy asa tahaka izany ?

Fomba fijeriko ihany anefa ireo a ! :-)

Raha ny fahitako azy, matoa misy ny toa izao, izany hoe, misy olona voarebirebin'ny malama-vava, dia satria

1- betsaka no tsy mahalala ny zava-misy eran-tany, tsy ampy na tsy nahita traikefa,
2- ny olona dia mbola marefo,

Izao mitranga izao (1) anie tsy vao androany, ary tsy vao ao Mada io ihany e.. efa eran-tany no misy ireo milaza-tena fa "nolatsahin'ny Fanahy Masina" dia mamorona na mamaritra fombafomba. Sahala @ ireny adolescent kely ireny, tonga dia minomino superpower sy/na fahagagana. Soa fa efa misokatra io ny interinety, ary dia afaka ahita ny hadalana efa fanao eny rehetra eny ianao. Eto izao dia miakatra Fitsarana ny r-ad, satria hoe ny Finoan-dr-a-d no namono nahafaty ilay zaza

Ary marefo (2) ny olona, malemy, fragile, satria mahantra na misy tsy ampy @ fiainany.. Mety hoe tsy ampy vola, na fahalalana, na olana isan-karazany etsetra... Dia rahefa tsy mahita avaly na vaha-olana, dia ny "solution facile" dia ny "finoana"... ary ampinoin'ny malama-vava zavatra ao dia roboka ao.

Toa izay ihany ireny minomino cartomancie, astrologie, ets... h@ ireo superstition isan-karazany toa ny hoe saka mainty, 666, ets... fa rahefa ny ain-dehibe no manaraka izay vao taitra...

Dia lasa nisy ve ny antsoina hoe "dadarabe evanjelika" ! :-)

endriny:

Tsy ny salama no mila dokotera fa ny marary hoy Jesosy. Midika izany fa izy aza mahafantatra fa raha marary ny olona dia tokony hanantona mpitsabo fa tsy voatery ho vitan'ny vavaka ny fanasitranana.
Raha marary fo ianao fa nisaraka tamin'ny sipanao, na marary an-doha fa niady tamin'ny vadinao... Dia ekeko fa vitan'ny vavaka io.

Tsy mino ve ianao fa ho vitan'ny vavaka ny mahasitrana io namana io RAHA mibebaka ny ratsy vitany izy ka tena mifona amin'Andriamanitra? Zaho anefa mino an'izany fa ny condition averiko foana fa tokony hino anao (efa manana ny Tompo+mino fa mahay manasitrana ny Tompo.

Izahay rehefa misy marary ao an-trano dia mivavaka foana aloha vao manantona mpitsabo na mividy fanafody. Mifona amin'Andriamanitra raha nisy zavatra nataonay ka tsy nifanaraka tamin'ny sitrapony, mamoaka fanahy ratsy amin'ny anaran'ny Tompo, midera an'Andriamanitra satria sitrany io aretina io matoa miseho eo aminay ary mangataka fanasitranana mba hiasa Izy, eny na dia handeha any amin'ny dokotera aza ary mba ny tena sitrapony no hatao. Ary rehefa tsy sitran'ny dokotera dia Izy no tokony ho solution hitodiana foana fa tsy misy marary izay tsy sitrany raha mbola sitrapony foana ny hahavelona sy hahasitrana anao. Mbola tsy tody amin'io farany io moa izahay hatreto nefa tsy hisalasala izahay raha miseho izany.

Dia ohatyran'izany foana ny anay na aretin'andoha kely tsisy dikany aza izay indraindray eo amin'ny fametrahan-tanana dia efa sitrana

Nisy fotoana ny vadiko narary nify be mihitsy , vao tamin'ny semaine ambony iny ito tantara ito no niseho. Izy koa moa efa nandray ny Tompo teo amin'ny fiainany. Dia miantso ahy foana izy hoe marary be tsy tantiko mihitsy hoy izy fa hivoaka kely ao am-piasana aho hitady fanafody. Efa nataony daholo ireo teo ambony ireo mbola tsy sitrana ihany; Dia lasa izy nivoaka nitady fanafody. Pharmacie 3 no notaiteziny nilaza tsy nanana madinika avokoa, ny nifiny anefa tena narary tena insupportable ilay hirifiry. Dia hoy ilay olona tao amin'ilay pharmacie farany hoe maninona raha manakalo vola aloha fa nisy feo nibitsika tao anatiny hoe aoka izao fa Izaho hanasitrana anao. Fa nivavaka izy ary tsy namelany ary nitolomany am-bavaka ny hahasitranan'ny Tompo azy. Fa vao vita ny vavany, tena tsy naheno marary intsony izy, tsy hoe ni-s'atténuer ilay douleur an, fa tena tsy narary intsony mihitsy mandrak'ity ny androany. Ny voninahitra ho Azy irery ihany.

Fa io izany tsisy règle hoe iza no hantonina voalohany sy hoe marary inona avy no aretina sitrany sy tsy sitrany. Fa na mankany amin'ny dokotera aza ianao dia angataho foana Izy hiditra an-tsehatra amin'ny fanasitranana anao.

ny an'ny TORITENY no fanazavana tena mazava sy mifanaraka amin'ny Baiboly. Misaotra tompoko

Tsy mendrika fisaorana aho ka. Aoka ho an'Andriamanitra irery ihany ny voninahitra rehetra.

rhaj0:
Dia rahefa tsy mahita avaly na vaha-olana, dia ny "solution facile" dia ny "finoana"... ary ampinoin'ny malama-vava zavatra ao dia roboka ao.

Tsy effet placebo ny fanasitranana amin'ny finoana sy ny fivavahana raha izay ny tinao tenenina amin'ny hoe solution de facilité.

Ny mahafaly ahy kely fotsiny amin' ito tantara mampalahelo ito dia soa ihany fa tsy sitrana ilay ankizy fa vao maika pire hirohotra ho any daholo ity olona marivo-finoana rehetra ity fa hoe any no misy fahagagana.

Na dia izany aza mampalahelo be ihany izany satria tsy maintsy nafoy ny ain'ilay zaza vao nahatsiaro tena ireo RAd sy ny mpino manaraka an'ito olona milaza ho apostoly ito (mba nahatsiaro tena tokoa anefa ve). Tanteraka aminy ny Jao 15:13

rhaj0:
Dia rahefa tsy mahita avaly na vaha-olana, dia ny "solution facile" dia ny "finoana"... ary ampinoin'ny malama-vava zavatra ao dia roboka ao.

Ny tiako lazaina dia vaha-olana mora, malemy na marefo. Raha tsy marary na mahantra ilay olona, izay zavatra tsy eran'ny sainy kosany, dia ho lazaiko hoe, vaha-olana kanosa ity solution facile (finoana). Mila fahasahiana (courage), ary mila mafy saina sy vatana ary fo, ny miatrika ary manaiky ny zava-misy, miasa (saina sy vatana) ary mitady ny anarina ny tokony harenina sy azo harenina, manaiky ny fahalemena sy ny tsy hay controler-na...

Fa rahefa marefo. indrindra rehefa kanosa, dia mijapy amina vaha-olana tsy mila hamarinina na hiasana saina fa ekena fotsiny (mira "finoana"), dia izany no irina ahomby hamaha ilay olana. Matetika dia zavatra hafa no ampiasana ilay vatana/saina/fo, zavatra tsy mifandraika @ ilay olana akoriny, nefa dia antenaina hamaha ilay olana; ohatra ireo superstitions (numerologie,cartomancie,...)

Ka raha mbola zavatra ekena fotsiny (finoana) no tadiavinao, dia tsy mahagaga raha ho avy ny malama-vava...

toriteny:


Tsy mino ve ianao fa ho vitan'ny vavaka ny mahasitrana io namana io RAHA mibebaka ny ratsy vitany izy ka tena mifona amin'Andriamanitra? Zaho anefa mino an'izany fa ny condition averiko foana fa tokony hino anao (efa manana ny Tompo+mino fa mahay manasitrana ny Tompo.

Izahay rehefa misy marary ao an-trano dia mivavaka foana aloha vao manantona mpitsabo na mividy fanafody. Mifona amin'Andriamanitra raha nisy zavatra nataonay ka tsy nifanaraka tamin'ny sitrapony, mamoaka fanahy ratsy amin'ny anaran'ny Tompo, midera an'Andriamanitra satria sitrany io aretina io matoa miseho eo aminay ary mangataka fanasitranana mba hiasa Izy, eny na dia handeha any amin'ny dokotera aza ary mba ny tena sitrapony no hatao. Ary rehefa tsy sitran'ny dokotera dia Izy no tokony ho solution hitodiana foana fa tsy misy marary izay tsy sitrany raha mbola sitrapony foana ny hahavelona sy hahasitrana anao. Mbola tsy tody amin'io farany io moa izahay hatreto nefa tsy hisalasala izahay raha miseho izany.

Dia ohatyran'izany foana ny anay na aretin'andoha kely tsisy dikany aza izay indraindray eo amin'ny fametrahan-tanana dia efa sitrana

Nisy fotoana ny vadiko narary nify be mihitsy , vao tamin'ny semaine ambony iny ito tantara ito no niseho. Izy koa moa efa nandray ny Tompo teo amin'ny fiainany. Dia miantso ahy foana izy hoe marary be tsy tantiko mihitsy hoy izy fa hivoaka kely ao am-piasana aho hitady fanafody. Efa nataony daholo ireo teo ambony ireo mbola tsy sitrana ihany; Dia lasa izy nivoaka nitady fanafody. Pharmacie 3 no notaiteziny nilaza tsy nanana madinika avokoa, ny nifiny anefa tena narary tena insupportable ilay hirifiry. Dia hoy ilay olona tao amin'ilay pharmacie farany hoe maninona raha manakalo vola aloha fa nisy feo nibitsika tao anatiny hoe aoka izao fa Izaho hanasitrana anao. Fa nivavaka izy ary tsy namelany ary nitolomany am-bavaka ny hahasitranan'ny Tompo azy. Fa vao vita ny vavany, tena tsy naheno marary intsony izy, tsy hoe ni-s'atténuer ilay douleur an, fa tena tsy narary intsony mihitsy mandrak'ity ny androany. Ny voninahitra ho Azy irery ihany.

Fa io izany tsisy règle hoe iza no hantonina voalohany sy hoe marary inona avy no aretina sitrany sy tsy sitrany. Fa na mankany amin'ny dokotera aza ianao dia angataho foana Izy hiditra an-tsehatra amin'ny fanasitranana anao.

Betsaka ny olona milaza marary vao mankeo amin'ny dokotera fotsiny, mbola tsy nihinana fanafody no milaza hoe: " efa tsy maninona aho fa efa tany amin'ny dokotera ka". Io saina ihany koa. Fa na izany na tsy izany, raha sitran'ny vavaka ny marary tsy nisy hopitaly advntista na hopitaly loteranina na hopitaly ste therese teto Madagasikara.

endriny:


Betsaka ny olona milaza marary vao mankeo amin'ny dokotera fotsiny, mbola tsy nihinana fanafody no milaza hoe: " efa tsy maninona aho fa efa tany amin'ny dokotera ka". Io saina ihany koa. Fa na izany na tsy izany, raha sitran'ny vavaka ny marary tsy nisy hopitaly advntista na hopitaly loteranina na hopitaly ste therese teto Madagasikara.

Inona kay ny foto-pinoanao? Foto-pinoana hoy aho fa tsy anaram-piangonana. Na raha avadika dia inona no hinoanao?