Henjehina ankehitriny ireo mpiteny vary amin'anana. Tsy mety nefa izany satria mibahana ny maha-olona azy.

Nisy ny fanagasiana, ny fampianarana ankehitriny koa anefa dia teny frantsay avokoa. Victimes ireo olona izay nadalo an'izany rehetra izany.

Manana hevitra favy be isankarazany ianao, nefa dia noho ny fanenjehana dia tsy sahy miteny eny anivon'ny vahoaka intsony satria misy teny maro tsy hainao ny handika azy amin'ny teny malagasy mazava.

Amiko tsy important ny teny ampiasainao rehefa miresaka fa ny hevitra tianao havoaka no tena dinihiko.

rehefa manankarena i Madagasikara any aoriana any vao tsy mi-tolerer olona tsy miteny gasy mazava intsony aho. Fa ankehitriny aloha dia maika be mihintsy ny fandrosoana ka ny fifanankalozankevitra no lehibe indrindra, ka na hanao vary amin'anana ianao na tsia, rehefa mivoaka ny hevitrao dia izay no ilaina. Mitenena ary ary aza matahotra ny henjikenjika isankarazany fa olona efa manankarena ireny ka mi-snoby amin'izay heritreretiny fa mety.

Mi-bloquer anefa ny fanenjehany hany ka maro ireo olona nanana hevitra favy be fa tsy sahy niteny izany tamin'ny teny vary amin'anana maha à l'aise azy, ny mitondra ny fahaizany miara-milevina aminy any ampasana.

Aleo ny olona hiteny amin'izay maha à l'aise azy fa aza sakantsakanana sy tsaratsaraina satria hoe tsy mahay miteny gasy mazava tsara. Misakana ny fandrosoana ianao raha toa ka misaina toa izany.

vao mahita ny halavan'ny .... de efa fantatra izay hoe herimiafina
tsy misy maharatsy azy e mba fanamarihana fotsiny :lol::lol:
de ekena io hevitrao io

Ny Amerikanina aza angaha moa tsy mampiasa teny vahiny be dia be?
Amin'ny tanana maro any LA izao ohatra dia...hahaha...ny teny anglisy no farany fa songonan'ny espanola sy koreanina.

tsy misy fanenjehana ny vary aminanana, fa amporisihana fotsiny ny olona tsy hanao izany...
asa na hitanao ilay tsy mampitovy azy

Salama daholo e!
Amin'ny maha mpampianatra malagasy ahy aloha dia tena variana mahita malagasy samy Malagasy nefa miresaka @ teny vahiny satria, mihevitra ireny olona ireny fa ny fampifangaroana ny teny vahiny @ teny malagasy dia fanambonian-tena indrinda rehefa eo imason'ny olona izay fantatra tsara fa tsy hahazo izay tiana resahana.

Maro ny voambolana izay mahadika tsara ireo teny vahiny fa isika no kamo hampiasa azy fa miandry toloram-potsiny.

Raha misy vahiny anankiray tonga eto madagasikara dia izy no tokony hiezaka hianatra ny tenintsika fa tsy isika indray no hiseho eo anatrehany fa mahay ny teniny. Tahaka izany koa ianao rehefa mandeha any @ taniny, raha ho any japon na Chine ange ny tenako tsy voatery hahay ny teniny akory kanefa kosa tsy maintsy hoo haiko ny hividy zavatra eny an-tsena na andeha Bus sns..

Koa ny hafatra dia izao: Aza atao valalan'amboa re ny tenindrazantsika ka na ny tompony aza tsy tia.

mankasitraka e

Tsy fidiny ho azy izany.
Tsy nilaza mihintsy aho hoe ratsy ny teny malagasy, saingy toa tsy nandefitra intsony ireo mpandinika isankarazany mahita ireo olona mampiasa teny teknika any anaty kabary ka manafangaro ny teny malagasy amin'ny teny vahiny.

Nahoana no natao teny vahiny daholo ny fampianarana eny Ankatso ohatra, avy eo alefa any ambanivohitra ireny olona ireny hiasa miaraka amin'ny tantsaha izay tsy mahazo ny ankamaroan'ny teny lazainy. Raha izay no fijery azy dia ratsy ny tsy fahaizana ny teny malagasy.

Ny maharatsy ny fitsaratsarana ireny olona manao ireny indray dia eo amin'ilay efa notenenikoteo, manakombona ny vavany mandrakizay izay manenjika azy. Marary anie izy ireny noho ny tsikera be atao aminy e. Dia kivy dia lasa misitrisitrika.

Ny tokony hatao, omeo fotoana izy hianarany izany, ary ampio izy fa aza tsikeraina.

Samy hafa koa eto ny ataoko hoe vary amin'anana teny malagasy, fa tsy ilay teny frantsay asian teny gasy kely tsy akory.

ka ilay olona miteny vary amin'anana ve aloha manampiniavana ny hianatra ny voambolana malagasy e. Raha amin'izao fotoana izao no avela ho teny mifangaro no ampiasaina any amintsika dia hihavery tsikelikely ny teny malagasy. Satria na amin'ny fiainana andavanandro aza dia saika efa be teny vahiny no ampiasaina na dia misy teny tsotra mahasolo azy aza. Raiso ohatra fotsiny ny teny fiarahabana, firy ny miteny hoe manahoana, ary firy ny manao "bonjour" sady tsy maintsy atao bada tsara ny lela eo amin'ilay "r".

Arakaraky ny contexte angamba io herimiafina an!
Raha fifanakalozan kevitra hitadiavana vahaolana, dia manaiky anao aho hoe tsy tokony sakanana amina détail ohatran izany, détail izy am zay fotoana izay.

Fa ny ahy kosa ny tsy eken ny saiko, sy ny sofiko indrindra indrindra dia, dinidinika kely etsy sy eroa no hatao dia ny sasany tsy hiezaka mihitsy mba hampiasa ny teny gasy.
Ohatran io tenenin i mandrindra io e, tsy mahafinaritra kokoa ve ny maheno hoe "Manahoana, fahasalamana?"

na izany aza ... mavesatra be ho ahy ny hiteny hoe "alefaso io solosaina io azafady" ... na koa hoe "ao anaty vata fampangatsiahana " ... fa asa nareo

Ny saina tsinona no efa voapempo no anton'izany! heverina fa raha tsy miteny frantsay kely tsy fantatra hoe nianatra. Izaho aloha dia manohitra ihany ny fanaovana teny vary be akotry. Hevero fotsiny hoe any frantsa ianao dia be ny teny anglisy amin'ny resaka dia fantaro ny fiantraikany amin'ny frantsay izay miresaka aminao. Isika dia samy Malagasy.
Ny Amerikana fangaron'olona ireny koa tsy mahagaga raha misy ny tenim-pirenena isan-karazany any aminy. Tsy hoe be mpanakiana izy ireo fa tonga dia tsy henoin'ny sarambabem-bahoaka fotsiny izao.
Ny olana indray amin'ny teny hoe solosaina sy ny karazany dia izaho indray no mihevitra hoe tsy tsara dika io anarana io.

Misy tokoa ny oul sasany na dia mahay tsara aza dia tsy te hiteny mazava tsara @ teny Malagasy fa soloina teny vahiny! Raha izay indray aloha tena hafahafa é! satria araky ny tenin'ny mpampianatra teny MLG teo aloha dia tsy tokony atao valalan'alika ny teny Malagasy ka ny tompony aza tsy tia (ka ataon'ny hafa ahoana no hitiavan'azy??? ) Misy aza ireo firenena sasany any Afrika maniry mafy mba hanana ny teny nasionaly (Langue National) ka isika efa manana io indray ve no tsy hirehareha @ izany? Ohatra fotsiny tena fahagagana ho an'ireo vahiny sasany ny fahenoana hoe ny Gasy dia mahadika ny "matematika" ho @ teny gasy ranoray , ohatra: Moins=miiba sns!!! tsy mba mahafaly ve izany? Ny sasany aza maniry ny fivoarantsika dia isika indray no hanao tsinontsinona an'izany ve? Averiko eto indray fa raha tsy mahay hoà tsy maninona fa ho an'ireo izay manao fanahiniana no tiako iantefàna!

Tandrovy ny tenindrazana fa anisan'ny mampiavaka ny firenena io. Ohatra izao tao amin'ny gazety Géo tamin'ity volana septambra ity dia nisy lahatsoratra iray momba ny fandriampahalemana. Nadika tamin'ny teny rehetra fantatra fa misy ary ampiasaina manerana izao tontolo izao io. Latsaka kelin'ny 50 no isann'ny teny nandikana azy ary tao io teny malagasy io. Ireo teny latsaka kelin'ny 50 ireo anefa dia firenena efa ho 200 no miteny azy. Isaky ny teny dia voasoratra miaraka amin'ny ny firenena niavian'ilay teny. Maro izany ireo firenena tsy voatonona tao. Tsy mba reharehantsika ve ry namana ny manana ny tenintsika.

mmhh, miarahaba aloha e!
Matoa nivoaka ity lohahevitra ity angamba dia naheno ny atso nataoko tao @ RVG sa ahoana diso ve aho??? ho an'izay tsy mbola naheno dia manasa azy ireo aho hihaino izany fandaharana izany ny alahady faha 2 Oktobra 2005 @ 2ora tolak'andro, marihina fa ora frantsa io.

Misaotra, ary mihainoa finaritra.

Tsara ho marihina aloha fa matsiro ny vary amin'anana sa ahoana? Indrindra raha asiana solila!
Misy isankarazany ny vary amin'anana:
frantsay/anglisy io no re matetika ao Frantsa ao.
frantsay/alzerianina/magreb
franstay/corse/italien
anglisy/espagnol
anglisy literaire/anglisy computer
sns...sns.....
Iza no tena matsiro? Anao ny safidy.
Mamporisika antsika rehetra aho handalina ny teny malagasy fa io no harenantsika.

eny hoa ry tsangana ny firenena tsy manana ny teniny no tena fadiranovana mihintsy annnn

Momba ny antso nataon'i sipagasy tao amin'ny RVG izany dia tsy mbola nahita an'izany aho aloha fa andeha hijery izany izao.

Tsara ny teny gasy ary isaorana an'Andriamanitra mba nifankahazo resaka daholo ny any Madagasikara rehetra fa tsy toa ny any amin'ny tany afrikana sasantsasany izay misy dialekta 100 ary tsy mifankahazo resaka hany ka teny anglisy no hifaneraserana.

Marobe ireo teny ao amin'ny teny gasy izay nolovaina tamin'ireo origine-tsika, ny jours de la semaine ohatra dia teny arabo tsy misy fiovana, ny latabatra, ny seza, dia teny vahiny nogasiana ka noraisin'ny akademia ny sasany.

Ny olna mipetraka dia misy karazana teny izay nipoitra marobe taty aoriana izay sarotra be ny manonona azy ary tsy mora tadidy mihintsy.

Nianatra matematika superieur amin'ny teny gasy aho saingy tsy nisy vocabulaire mora tadidina na iray aza nipoitra tao, ka mahakivy na ny mitadidy azy aza.

Amin'izao fotoana izao dia mahantrany tany, ilaina ny manampahaizana sy ny manatsaina mba hitady vaha-olana, ny firesahana no vahaolona voalohany indrindra (communication/concertation), fa raha samy maka ho azy any ambadika any dia tsy hisy olana iraisana ho voavaha eo.

Ny mahagaga anefa dia lasa mivilana makany amin'ny fitsikerana fomba fitenenana ny resaka fa ny votoatiny tsy resahana intsony. Mikabary ny mpitondra iray, dia haratsiana fa manao vary amin'anana, dia iny no lasa resabe manoatra noho ny gazety avy eo. tsy nisy olona na dia iray aza nahatadidy ny hevitra tian'ilay olona nampitaina.

hafa ny rencontre culturelle, any angamba no mitombona ny fitakiana ny malagasy ranoray, ilay contexte lazain'i ravakamalala etsy ambony etsy. Fa amin'izao fotoana izao aloha, izay mahamaika ny fandrosona no tokony hobanjinina.

Rehefa mandroso manankarena be isika any aoriana any dia afaka miaro ny tenin-drazana soa amantsara eo amin'ny lafiny rehetra.(l)

ka efa anaheno ilay antso daholo izany izao????dia inona ny hevitrareo???

lava loatra le zavatra alefan'i hery ka! vizaka b ny sandry mifindrafindra @ ireto karazana rakibolana ireto

Sendra namonjy fivoriana malagasy aho,ary dia malagasy daholo no tao.Dia nisy olona iray nilaza hoe :"tena n'importe quoi izany lazainao izany"!Dia nanontany azy hoe inona inona no ao an-tsainao rehefa milaza izany ianao? Dia hoy ilay olona: tena dondrona koa ianao 'ty!

Ity akory tsy midika hoe manaova vary amin'anana an. Matiko ze tratrako lasa manao vary amin'anana eo. hehehehe, mba mianara teny gasy mazava ry reto an. hehe