Aza dia tia manome tsiny Azy toy izany namana, isika ange alahatra fa tsy mpandahatra e!
« Endrey izato fahadalanareo! Moa ny mpanefy tanimanga va no hoheverina ho tahaka ny tanimanga, ka ny natao va hilaza izay nanao azy hoe: Tsy nanao ahy izy? Na ny zavatra voaforona va hilaza izay namorona azy hoe: Tsy manam-pahalalana izy? » (Isa.29:16)
IZY no mahita fa tsy misy tsiny NOA...Ary IZY no manana ny mizana tsy mandainga namana...
Diniho tsara ange raha tsy mitondra probleme ho anao ianao e raha manome tsiny Azy e, ny mpahary anao no kianinao....
I Joba dia olona iray ity tena nanao ny marina sy nifady ny ratsy ary tena tonga saina tamin'ny nanaovan'Andriamanitra azy ka dia tena nanome tsiny an'Andriamanitra aza...dia nidina mhitsy IZY dia izao no navaliny an'i Joba
« [Ny teny navalin'i Jehovah an'i Joba] Ary teo anatin'ny tafio-drivotra Jehovah dia namaly an'i Joba ka nanao hoe: » (Joba 38:1)
« Iza moa izato manao izay hahamaizina ny fisainana amin'ny teny tsy misy fahalalana? » (Joba 38:2)
« Misikina ary tahaka ny lehilahy; Fa hanadina anao Aho, ka valio: » (Joba 38:3)
« Taiza ary ianao, fony Aho nanorina ny tany? Ambarao, raha hainao. » (Joba 38:4)
« Iza ary no nandidy izay ho refiny, raha fantatrao? Ary iza no nanenjana ny famolaina teo aminy? » (Joba 38:5)
« Teo amin'inona no nanorenana ny vodi-andriny, ary iza no nametraka ny vato fehizorony, » (Joba 38:6)
« Raha niara-nihira ny kintan'ny maraina, ary nihoby avokoa ireo zanak'Andriamanitra? » (Joba 38:7)
« Ary iza no nanao varavarana misakana ny ranomasina, raha nibosesika nivoaka avy tany am-bohoka izy, » (Joba 38:8)
« Raha nanao ny rahona ho fitafiany Aho ary ny aizim-pito ho fonony, » (Joba 38:9)
« Ary nandidy ny ho fetrany sady nanisy hidy sy varavarana » (Joba 38:10)
« Ka nanao hoe: Hatreto no azonao androsoana ka tsy hihoatra, ary eto no hampijanonana ny fisafoaky ny onjanao? » (Joba 38:11)
« Hatrizay niainanao moa mba efa nandidy ny maraina va ianao? Efa notoroanao ny fitoerany va ny fipoak'andro, » (Joba 38:12)
« Mba horaisiny ny sisin'ny tany. Ka hakopakopany hiala ny ratsy fanahy? » (Joba 38:13)
« Ary hiova tahaka ny tanimanga tombohin-kase ny endriny, ka hiseho tahaka ny lamba misoratra* ny tarehiny, [Heb. fitafiana] » (Joba 38:14)
« Ary hosakanana ny fahazavan'ny ratsy fanahy, ka ho tapaka ny sandry naingaina. » (Joba 38:15)
« Moa efa niditra hatrany amin'ny loharanon-dranomasina va ianao, ary efa nandehandeha tany amin'ny fanambanin'ny lalina? » (Joba 38:16)
« Moa efa naharihary taminao va ny vavahadin'ny fahafatesana? Ary efa hitanao va ny vavahadin'ny aloky ny fahafatesana? » (Joba 38:17)
« Moa efa voadinikao ny hatrany amin'ny fahalalahan'ny tany? Ambarao ary, raha fantatrao izany rehetra izany. » (Joba 38:18)
« Aiza ary no lalana ho any amin'ny fonenan'ny mazava? Ary aiza no fitoeran'ny maizina? » (Joba 38:19)
« Mba hitondranao izany ho amin'ny faran'ny alehany, ary ho fantatrao ny lalana ho any an-tranony. » (Joba 38:20)
« Eny, fantatrao mantsy izany, satria efa teraka ianao tamin'izay, ary maro ny isan'ny andronao! » (Joba 38:21)
« Moa efa niditra tany amin'ny firaketana ny oram-panala va ianao? Ary efa hitanao va ny firaketana ny havandra, » (Joba 38:22)
« Izay voatahiriko ho amin'ny andro fahoriana, dia ny andro misy ady sy tafika? » (Joba 38:23)
« Aiza moa no lalana izarazarana ny mazava sy ielezan'ny rivotra avy any atsinanana ho ety ambonin'ny tany? » (Joba 38:24)
« Iza moa no nihady lalan-drano ho an'ny ranonorana mirotsaka be, sy lalan-kaleha ho an'ny helatry ny kotrokorana, » (Joba 38:25)
« Handatsaka ranonorana ambonin'ny tany izay tsy itoeran'olona, dia any amin'ny efitra tsy misy mponina, » (Joba 38:26)
« Mba hahavonto ny efitra sy ny tany foana, ary hampitsimoka ny ahitra vao mitsiry? » (Joba 38:27)
« Manan-dray va ny ranonorana? Ary iza kosa no miteraka ny ranon'ando? » (Joba 38:28)
« Kibon'iza moa no nihavian'ny ranomandry? Ary ny vongam-panala avy amin'ny lanitra, iza no niteraka azy? » (Joba 38:29)
« Tonga mafy toy ny vato ny rano, Ary mitambatra ny fanambonin'ny lalina. » (Joba 38:30)
« Mahavona ny kofehin'ny Ikotokelimiadilaona va ianao, ary mahavaha ny Telonohorefy? » (Joba 38:31)
« Mahavoaka ny Mazarota* amin'ny fotoany va ianao? Ary mahatondra ny Bera mbamin'ny zanany va ianao? [Anaran-kintana; ny Zôdiaka(?)] » (Joba 38:32)
« Fantatrao va ny lalàn'ny lanitra? Ary manendry ny fanapahan'ireny ny tany va ianao? » (Joba 38:33)
« Mahasandratra ny feonao ho amin'ny rahona matevina va ianao, Mba hanafotra anao ny rano mandriaka? » (Joba 38:34)
« Mahay mandefa ny helatra va ianao, ka ho avy ireo hilaza aminao hoe: Indreto izahay? » (Joba 38:35)
« Iza moa no nanao ny rahona matevina ho fitoeram-pahendrena, Ary irery miseho ery an-danitra ho fampisehoana ny fahalalana*? [Na: Iza no nanisy fahalalana ao am-pon'ny olona? Ary iza no nanome fahalalana ho ao an-tsaina?] » (Joba 38:36)
« Iza moa no manam-pahendrena mahisa ny rahom-potsy manify? Ary iza no mahatankina ny fitoeran-dranon*'ny lanitra, [Heb. siny hoditra] » (Joba 38:37)
« Hitambaran'ny vovoka ho dilatra sy hivonganany ho bainga? » (Joba 38:38)
« Mahay mihaza toha ho an'ny liom-bavy va ianao, sy mahafaka ny fahalianan'ny liona tanora, » (Joba 38:39)
« Raha mamitsaka ao amin'ny fitoerany izy ary manotrika ao amin'ny kirihitrala? » (Joba 38:40)
« Iza moa no manome hanina ny goaika, raha mitaraina amin'Andriamanitra ny zanany ka mirenireny tsy mahita hanina? » (Joba 38:41)
(enga anie mba hidina ao an-tranonao ao IZY namana )....
