Tao amin'ny tokan-trano iray kristianina, antonotonony ihany ara-pivelomana: tojo tsy fahasalamana ity renim-pianakaviana (nisy tumeur tao aminy). Efa nohazavain'ny dokotera tamin'izy ireo fa mitondra mankany amin'ny fahafatesana io aretina iray io, indrindra raha taraiky sy tsy voatsabo tsara. Ny olana anefa dia lafo dia lafo ny fitsaboana, ary tsy ho takatr'ireto fianakaviana izany. Noho izany dia naverina nandeha nody ity renim-pianakaviana ary niandry izay hiafarany ao an-tranony.
Naheno izany ity zanany vavikely iray, notaominy ny mpiara-mianatra aminy anakiroa. Niditra tao amin'ny efitra mitokana ao ambany rihana izy telo vavy; ilay reniny amin'io ao ambony rihana, mbola miady amin'ity aretina sy mitolona mafy amin'Andriamanitra ihany koa. Nakaton'izy telo vavy ny varavarana, dia nanao fotoam-bavaka tao izy ireo, nametraka ity reniny teo ampelatanan'i Jeso tanteraka. Tapitra ny vavaka nataon'izy telovavy, nitsangana teo ambony fandriana ilay reniny. Niverina tany amin'ny hopitaly izy ireo ny apitson'iny; nojerena ilay ramatoa: tsy hita tao intsony ilay aretina.
Sampanan-dalana iray lehibe ho an'ity tovovavikely iray ity io fotoana io, ary teo no tena niatombohany sy nahalalany ny fiasan'izany Andriamanitra izany teo amin'ny fiainany.
Raha kristianina ianao, maka fotoana mitokana na dia 2 minitra fotsiny ihany aza: hivereno hitodihana kely hoe ilay fotoana nihaonanao tamin'ny Tompo voalohany iny indrindra, ilay fotoana tena tsapanao fa nikasihany sy nitrotroany anao tao anaty sarotra, ilay fotoana nitondrany anao tao anaty hasambarana sy fifaliana. Tena tsara ny Tompo e !
Raha tsy mbola kristianina kosa ianao, mbola tsy nigoka izany fiainana miaraka amin'i Jeso izany: fijoroana vavolombelona sady tena nisy ireny tantara tantaraiko aminao eto isan'andro ireny. Raha mahaliana anao dia
andramo ka izahao fa Tsara Jehovah, sambatra izay olona mialoka aminy. Tsara Jehovah amin'izay manantena Azy, dia amin'ny olona izay mitady Azy
