Miarahaba antsika rehetra,

Mba afaka misy manazava ahy momba ny fampiasana ny tovona amin'ny teny malagasy ve ato amin'ny fizarana fanabeazan'i Serasera, somary very manko aho satria tsindraindray tsy fantatro ny tovona ampiharina amin'ny fototeny rehefa manandrana mandika teny :

• fi-
  
• fan-
  
• fampi-
  
• fampan-
  
• fifampi-
  
• fifampan-
  
• mi-
  
• man-
  
• ...
  
• mpi-
  
• mpan-
  
• sns...
  

Hitako teo amin'ny tranonkalan'i teny.org ny fampiasana ireo taloha, fa tsy voaprintiko ilay izy, kanjo nanjavona i teny.org...

Misy afaka manampy ahy ve ?

Misaotra anareo mialoha

Mety misy afaka manampy hafa ohatra foto-teny "laza"

1. fi- : anarana mamaritra (filaza)
2. fan- : anarana fomba (fandaza)
3. Fampi- : anarana fitaovana mifandanja amin'ny matoateny misy tovona mi- miaraka amin'ny tovana hatrany (fampilazàna)
4. fampan-: anarana fitaovana mifandanja amin'ny matoateny misy tovona man- arahin'ny tovana hatrany (fampatoriana)

Hitohy...

Tohiny kely:

5. 6. fifampi- sy fifampan- dia anarana milafa mpifanao (fifanakalozana) ny iray miasa amin'ny teny tovonana mi- (fifampilazàna) ary ny iray amin'ny teny tovonana ma(n)- (fifampatoriana)

7. mi- matoateny milaza atao (milaza)
8. man- matoateny milaza atao (matory, manao)
10. sy 11. mpi- mpan- anarana milaza ny mpanao (mpilaza)

ny teny manomboka @ f dia milaza anarana iombonana ohatra fianarana..
ny matoanteny manomboka @ m dia milaza matoanteny ohatra milalao...

Misaotra an'i Hery sy vonynive fa mazava kokoa ny dikan'ny tovona.

Nisy adinoko tamin'ny hafatro voalohany teo :

* faha-, maha-
* fiha-, miha-
* ha-, ma-

Izay any angamba

Tibao:

Misaotra an'i Hery sy vonynive fa mazava kokoa ny dikan'ny tovona.

Nisy adinoko tamin'ny hafatro voalohany teo :

* faha-, maha-
* fiha-, miha-
* ha-, ma-

Izay any angamba

inty koa misy fanampiny, ny tsofoka "in" dia ampiasaina @ "matoanteny iharana" ohatra tinady, tinapaka oh tinapaka ny tady lasa iharan'ny fahatapahana izany ny tady eto

Ana- tovona ho an'ny matoateny iharana," anamboarana trano ny biriky"