Ity lohahevitra ity dia sokafana satria misy ireo zava-miseho samihafa isaky ny fiangonana ary ao ireo tantara izay tokony harahana tsara momba ny firoboroboan'ny finoana sy ny fihemorany arakaraka ny vanim-potoana misy.

Raha tamin''ny fotoana nitsanganan'ny Apostoly no nampifoha ny olona maro dia nisy ireo tranga izay namonoana azy ireo. Izany dia notohizan'ny Kristianina izay sisa ka nijoroan'ny Fiangonana lazaintsika fa lehibe mandrak'ankehitirny saingy ny hita dia maro hatrany ny manenjika ireo ka lasa nisy ireo fiangonana zandriny maro samihafa.

Eo anilan'izay anefa dia misy izay atao hoe fifohazan'ny olon-tsotra, na olona tsy heverina hahalala an'i Jesoa akory ka niteraka ireo lazaintsika hoe Fofohazana ankehitriny. Izy ireo dia isan'ny mifandray mivantana amin'i Jesoa sy Jehovah hatrany koa.

Nanomboka tamin'ny taonjato faramparan'ny faha-19 avokoa ny ankamaroan'ny fisehoan'i Jesoa tamin'ny olombelona taty aoriana ary mitohy izany ankehitriny.

Ny fanontaniana dia hoe : fantatsika ve izy ireny ary raha misy iraka, dia azo antoka ve fa efa ampy ny fahalalantsika hahafahana mamantatra azy ireny?

Amin'ny fomba hita maso sy azo tsapain-tanana no tiana hahatongavana ho an'ny tsirairay izay manome porofo.

Dia misaotra fa mety hahafahana mamantatra ny fikasan'Andriamanitra ny fanadihadiana izay arosontsika avy.

"Hisy ho tonga hijoro hiteny hoe izaho no izy..." tandremo ny anjely sandoka sy ny mpaminany sandoka

Ka tsy efa tonga ve ny irak'Andriamanitr'e??? Raha ny eto Madagasikara manokana dia maro ny mpaminany sy mpitondra fiangonana manandratra ny tenany ho mpitondra ny tenin'Andriamanitra, efa mila tsy ho voaisa intsony, ary maro koa ireo olona mino sy manarak'azy ireo.

Sa kosa irak'Andriamanitra iza no tianao ho resahina eto?

Raha tamin''ny fotoana nitsanganan'ny Apostoly no nampifoha ny olona maro dia nisy ireo tranga izay namonoana azy ireo. Izany dia notohizan'ny Kristianina izay sisa ka nijoroan'ny Fiangonana lazaintsika fa lehibe mandrak'ankehitirny saingy ny hita dia maro hatrany ny manenjika ireo ka lasa nisy ireo fiangonana zandriny maro samihafa

Maninona raha tsy ovana tahaka izany foana ny tantara e?
Iza no tsy mahalala raha mbola mpitondra fivavahana fa tsy izany Kristiana izany no fivavahan'i APOSTOLY?
"i Paoly no lehiben'ilay antoko antsoina hoe NAZAREANA"
-Ny romana no nivavaka tamin'i Chretus, ilay mpitaritafika malaza rehefa maty izy, ka nafangaroharo t@ baiboly io anarana io mba hamitahana ny maro!
-Ny fivavahana Kristiana dia fivavahan'ny marimaritra iraisana t@ andron'ny fanjakana Grika sy Romana, fa tsy fivavahan'ny Apostoly!

-Mazava be ankehitriny fa ilay DISO no arahin'ny fiangonana rehetra "LEHIBE" lazain' ny namana etsy ambony; ary gaga ny rehetra raha averina ilay TENA IRAKA Dia YESHU'A HAMASHYAH! ka velom-panontaniana ny maro hoe :inona indray izany anarana tsy faheno izany?

Ka nahoana izany no tsy tonga anaty Baiboly ny anaran'ireny amperora tahakan'i Hadrien ireny ?

Misaotra ny namana rehetra aloha nanome ny heviny.

Tsy natao hifandirana aloha ilay lohahevitra fa mba mila ny fijerentsika mazava izay zava-mitranga ankehitriny.

Ohatra iray : raha mandalina isika izay resaka mandeha dia milaza mihitsy ohatra ny namana Moustaraf fa Jiosy ny Malagasy. Efa maro ireo porofo entiny milaza izany ary mihamaro koa ireo karazana olona izay manamafy io fanambarana io eto amintiska Malagasy raha tsy hilaza afa-tsy Avoko ohatra isika.

Nisy fisehoan-javatra mahagaga koa ohatra eo amin'ny namana Tsaratsara izay fantantsika ao amin'ny lohahevitra iray ny tantarany. Miteny amin'ny fiteny tsy fantatra ilay namana io rehefa mivavaka. Mety azon'ny namana Moustaraf lazaina ve ohatra io fiteny io?

Ny nametrahana ny lohahevitra hoy aho dia ny fijerena izay zavatra misy sy miseho marina ankehitriny ka tarafina amin'ny tantaran'ny fiangonana teto Madagasikara sy eran-tany. Arakaraka ny fandehan'ny fanehoan-kevitra no hahafahana mandroso tsikelikely ka hahalalàna hoe iza marina no mampijoro ireny Malagasy maro mifoha ireny ka milaza io resaka fisian'ny fitondran'i Jehovah sy Jesoa io ary manamafy hatrany fa Jiosy isika Malagasy.

Efa ela ny namana mpitari-pivavahana maro no mivoy ny Fanjakam-pisorona. Ka asa hoe isika ve no azo lazaina ho isan'izany?

Mila mitandrina isika amin'ny trangan-javatra maro samihafa satria efa nilaza ny Baiboly fa ho "levona" ny fanomezam-pasoavana mahagaga avy amin'Andriamanitra, toy ny faminaniana sy ny fiteny amin'ny teny tsy fantatra ary ny fahalalana manokana (Korintiana voalohany 13:8)

Ary ny tena loza dia i Satana dia mahavita mampanao fahagagana mahatalanjona mihitsy, nefa dia lazain'ny Tesaloniana faharoa 2:9 fa "fahagagana mandainga" izany.

I Jesosy moa dia efa nampitandrina antsika ny amin'izany ao amin'ny Matio 7:21-23. Voalazany fa izay manao ny sitrapon'ny Rainy izay any an-danitra ihany no hiditra amin'ny Fanjakan'ny lanitra.

Ny sitrapon'i Jehovah izany no tokony ho ataontsika raha te ho ankasitrahany isika. Ary i Jesosy ihany no nanome modely ho antsika amin'izany satria dia ny Tenin'Andriamanitra foana no nataony fototry ny fampianarany. Raha nivavaka tamin'ny Rainy izy dia nilaza hoe "ny Teninao no fahamarinana" (Jean 17:17).

Izany no mahatonga an'i Jesosy miteny foana hoe "voasoratra hoe" (Matio 4:4,7,10)

Tsy misy hafatsy ao amin'ny Tenin'Andriamanitra no hahitantsika ny marina, ny ankoatr'izay dia tsy ho ankasitrahany.

Ary efa voalazan'i Jesosy koa ahoana no fomba fivavaka amin'Andriamanitra ao amin'ny Jaona 4:23,24.

Mirary soa

miharena:

Nisy fisehoan-javatra mahagaga koa ohatra eo amin'ny namana Tsaratsara izay fantantsika ao amin'ny lohahevitra iray ny tantarany.

:-)
"J'étais sûr" hoy ny fitenenana ! :-)

Ary raha miverina ety an-tany i Jesoa dia ahoana no ahafantarana azy? tsy hohejehan'ny olona koa ve izy hoe mpisandoka?

Salama namana,
Mila mailo isika namana isany, ary izay no ilàna ny fiverenana @ fototra nipoiran'ny fivavahana dia ny fototra hebreo;
Andramo anie! roahy @ anaran'ilay Avoindrindra "Tena Izy" ilay Jesosy Kristy fa hohitanareo sy hofantatrareo ny tena fahamarinana!

Io ilay Yeshu'a hafa ankoatra ilay notorian'ny Apostoly, ka mitondra fanahy hafa

Ahoana indray ny fanontaniako etsy ambony ?

Moustaraf:

Salama namana,
Mila mailo isika namana isany, ary izay no ilàna ny fiverenana @ fototra nipoiran'ny fivavahana dia ny fototra hebreo;
Andramo anie! roahy @ anaran'ilay Avoindrindra "Tena Izy" ilay Jesosy Kristy fa hohitanareo sy hofantatrareo ny tena fahamarinana!

Io ilay Yeshu'a hafa ankoatra ilay notorian'ny Apostoly, ka mitondra fanahy hafa

Ity resakao ity moa namana Moustaraf dia efa isan'ny azo hanamarinana tranga na handisoana tranga araka ny fampiharana azy marina. Dia io mihitsy no tiana hiaviana hoe azontsika antoka ve fa samihafa ireo Jesoa niseho tamin'ny andron'y Apostoly sy ny ankehitriny?

Raha hiseho IZY sy Jehovah Ray. Efa vonona ve ny fahalalantika Krsitianina na Jiosy ankehitriny izay efa nanao fandalinana momba nya asan'ny Fanahy Masina mitondra mazava ny fahamarinana?

Ilay fanontaniako moa dia mbola tsy voavalinao namana Moustaraf : Teny inona marina io ifandraisan'ny namana mijoro vavolombelona ankehitriny izay ataony ampahibemaso eo anatrehan'ny olona hitoriany ireo? Azo antoka aloha fa rehefa mivavaka izy ireo dia miresaka amin'ny teny hafa mihitsy.

---Namana Ratsirano,
Efa fantatra tokoa ireo andinin-teny lazainao ireo fa ny mba fanontaniako dia hoe : raha toa ka olona tena nisehoan'i Jesoa (na milaza ny tenany ho Jesoa ) ilay olona mijoro, azonao antoka fve fa azonao resana lahatra amin'ny filazan'ny Soratra masina izy hoe nahita Jesoa sandoka?

Sady hamaly an'i Voromailala amin'ilay hoe : "ary raha miverina ety an-tany i Jesoa, dia ahoana no ahafantarana azy ? Tsy ho enjehin'ny olona koa ve izy hoe mpisandoka ?"

No hamaly an'i Miharena amin'ny hoe : "raha toa ka olona tena nisehoan'i Jesoa (na milaza ny tenany ho Jesoa) ilay olona mijoro, azonao antoka ve fa azonao resena lahatra amin'ny filazan'ny Soratra Masina izy hoe nahita Jesoa sandoka ?"

Tonga dia ny Soratra Masina no asaintsika mamaly satria efa nampitandrina ny amin'izany jesosy sandoka izany mihitsy i Jesosy ao amin'ny Matio 24:23,24.

Ny fiverenan'i Jesosy dia tsy amin'ny vatany sy ny nofony intsony satria efa nomeny natao sorona hanavotana antsika ireo (Jaona 6:51)

Fa raha jerena ny Asan'ny Apostoly 1:9-11 dia milaza ny fomba niakaran'i Jesosy tany an-danitra ary voalaza ao koa hoe : "iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra" (andininy faha-11)

Ahoana moa io fomba niakaran'i Jesosy tany an-danitra io ? Ny andininy faha-9 no milaza izany : "nisy rahona nitondra Azy, ka tsy hitan'ny masony intsony Izy".

Mariho fa TAHAKA ny fomba niakarany tany an-danitra ihany ny fomba ihaviany, izany hoe ny RAHONA no nitondra azy dia tsy hita maso intsony izy.

Hitantsika ao amin'ny faminanian'ny Apokalypsy 1:7 izay fomba fiavin'i Jesosy izay.

Mariho indray fa milaza io andinin-teny io hoe : "ny maso rehetra hahita Azy" ary "hitomany Azy ny firenena rehetra ambonin'ny tany".

Ahoana tokoa moa izany ? Raha hahita Azy ara-bakiteny tokoa ny "maso rehetra" ka raha hiseho any Australie izy ohatra, hahita Azy ve ny any Europe sy Afrique ary Amérique ?

Efa nohazavain'i Jesosy tamin'ny mpianany izany ao amin'ny Matio 24:30.

Nilaza Izy fa hisy "famantarana ny Zanak'olona" ary ho hita "eo amin'ny rahon'ny lanitra Izy".

Hisy famantarana na fisehoan-javatra hahafantarantsika fa "eo" i Jesosy ary ny firenena rehetra ambonin'ny tany mihitsy no hahita izany.

Koa raha ny Soratra Masina no jerena dia raha misy olona mitonona azy ho Jesosy aty an-tany, dia mazava ho azy fa sandoka izany.

Izay no anton'ilay resaka tamin'i Voromailala hoe mila mandalina ny Baiboly isika satria raha vakiantsika ny Timoty faharoa 3:16 dia milaza mihitsy izy fa natao "ho fandresen-dahatra" sy "ho fanitsiana izay diso".

Ary miantefa any amin'i Miharena koa io andinin-teny io satria azo handresen-dahatra tsara mihitsy ny Soratra Masina.

Mirary soa e.

Misaotra ny namana Ratsirano nanome izay fanadihadiana ara-tSoratra Masina izay.

Fa misy indrokely hoy aho ilay valin-teny: mety azonao alaina an-tsary ve na iananao izay mitranga amin'ny olona iray izay nisehoan'i Jesoa?

Ohatra : Ireo Apostoly, I Paoly, sy ireo Malagasy na vahiny izay manambara ampahibemaso fa Jesoa tokoa no naniraka azy sy nampianatra azy avy?

Hoy ny fitenenana hoe : ny voany no ahafantarana ny hazo. Ka izay filazan'ireny olona ireny ve tsy ahafahana mamantatra mazava izay naniraka azy?

Mba tsy ho lasan'ny fitenenanana hoe hihaino ihany izy ireo fa tsy hahalala dia mila mailo isika sao isan'ireo tsy hahalala. Hoy ny Tompo mantsy hoe : Ny ondriko mahalala ny feoko.

Ny tiana iaviana amin'izany resaka izany dia hoe sao lahy dia diso lasa olon'ny boky loatra isika ka tsy mahita izay mitranga eo ambany masontsika na izay miantso antsika. Ka lasa hoe mahay tenin'Andriamanitra nefa tsy mifoha ary tsy mahalala ny feon'ny Tompo akory.

Eto amiko dia mila fantarina mihitsy aloha izay manasaraka antsika amin'ny Tompo mba hahafahaNY mibitsika amintsika ny FahendreNY lalina tiaNY ananantsika tsirairay avy.

Isan'ny iray amin'ireny io resaka hoe hahita AZY ny maso rehetra. Eto dia raha tsy IZY no mamaha ny fatorana hampisokatra ny masom-panahy dia tsy hahalala velively izany hevitry ny teny izany isika fa hiandrandra rahona eo fotsiny ihany.

Jaona 10:27 : nilaza i Jesosy fa ny ondriny no mihaino ny feony.

Ny atidohantsika dia nataon'i Jehovah manana fahaizana miavaka : afaka mihaino feo maromaro isan-karazany manodidina antsika, nefa afaka mifantoka amin'ny feo tokana dia tsy miraharaha ny feo sasany.

Hitan'ny mpikaroka anefa fa sarotra kokoa amintsika ny mihaino feo maromaro, raha feon'olombelona ilay izy. Midika izany hoe raha mahare feon'olona roa indray miteny ianao, dia tsy maintsy misafidy hoe iza no hifantohanao. Satria mantsy dia ny zavatra tiantsika ho re ihany no henointsika matetika. Ka miankina amin'izay feo tianao ho re ny safidy ataonao.

Jereo fa oharina amin'ny olona daholo na ny fahendrena na ny hadalana ao amin'ny Baiboly.
Ny fahendrena dia ao amin'ny Ohabolana 9:1-5
Ary ny fahadalana dia ao amin'ny Ohabolana 9:13-17

Toy ny hoe miantsoantso tsisy farany izy ireo mba hahatonga antsika hihaino azy.
Mariho fa samy miantso ny "kely saina" sy ny "tsy ampy saina " izy roa.

Iza àry no henointsika ? Ny valiny dia miankina amin'ny hoe ny sitrapon'i Jehovah sy Jesosy ve no tiantsika atao sa ny an'ny Devoly ?

Misy tokoa tsy mety mihaino ny fahamarinana satria voasakan'ny faniriana ratsy, tahakan'ireo Jiosy sasany tsy nety nihaino ny hafatra nentin'i Jesosy (Jaona 8:43-47)
Lazain'i Jesosy fa tsy azon'ireo ny teniny satria "tsy mahay mihaino" ny teniny izy ireo (andininy 43). Lazainy koa fa "izay avy amin'Andriamanitra dia mihaino ny Tenin'Andriamanitra" (andininy 47).

Ilaintsika ny fahaizana manavaka hoe inona ny marina momban'Andriamanitra sy ny sitrapony, ary izany no nahatonga an'i Jesosy nilaza tamin'i Pilato hoe " izay rehetra avy amin'ny marina" no mihaino ny feony (Jaona 18:37). Fa ao amin'ny Jaona 10:5 dia milaza izy fa handosiran'ireo ondriny ny feon'ny vahiny.

Ny fahaizana manavaka izany no tena zava-dehibe.

Mirary soa.

Amin'ny lafiny fahatsapanao namana Ratsirano, efa nobitsihan'i Jesoa ve ianao sa tsia?

Ary efa azonao veroka ve hoe toy ny ahoana IZY amin'izao isika miteny izao? Ny tiana hiaviana dia hoe efa fantatsika ve ny fahazavan'Andriamanitra tsy amin'ny nofy na fiheverana fotsiny ihany? Toa ani' Paoly izay nahita Mazava Lehibe tao Damaskosy.

Raha ny fijeriko azy izany, amin'i Miharena, dia ny zavatra hitan'ny maso, miseho amin'izao fotoana izao no zava-dehibe, fa izay lazain'ny Baiboly, tsy dia misy vidiny loatra ?

Ny amiko indray izany, dia izay lazain'ny Tenin'Andriamanitra no zava-dehibe ary izany no mahatonga ahy ho mailo amin'ny hoe "bitsihan'i Jesoa" satria efa nampandre mihitsy i Jesosy fa hisy hamitaka ka ilaza ny tenany hoe i Jesosy izy. Mba makà ange fotoana kely dia mba vakio ilay fampitandreman'i Jesosy ao amin'ny Matio 24:4,5.

Ilay Jesosy tena izy no miresaka amintsika eto ary mbola manamafy izy ao amin'ny Matio 24:24 fa tena mahavita zavatra mahatalanjona mihitsy ilay Kristy sandoka sy ny mpaminany sandoka, ka na olona tokony tsy hino azy aza mety ho voafitaka mihitsy.

Korintiana faharoa 11:13-15 dia mampiseho mazava hoe iza no lehiben'izany fanaovana sandoka izany. Ary raha dinihanao tsara ireo andiniteny ireo dia ho hitanao fa tsy misy hahafantarana azy mihitsy hoe sandoka izany satria tahakan'ny "anjelin'ny mazava" mihitsy ny endrin'i Satana devoly, raha ny filaza azy eto.

Tena mahery ilay fiteny, nefa dia Tenin'Andriamanitra io. Ary izany no mahatonga ahy tsy hino mihitsy na dia mahita fahagagana be mahatalanjona atao amin'izao fotoana izao aza.
Misy fiteny hoe "un homme averti en vaut deux".

Ary momban'ny hoe toy ny ahoana i Jesosy amin'izao isika miteny izao, dia efa fantatsika fa efa lasa niakatra any an-danitra izy ka tsy nofo intsony izy izao fa efa fanahy (Petera voalohany 3:18), ary efa "mipetraka eo an-tànana ankavanan'Andriamanitra" (Hebreo 10:12).

Ary inona moa no nahatonga an'i Jesosy niseho tamin'i Paoly ? Satria izy dia nanenjika ny kristiana nefa nofidin'i Jesosy mba hitondra ny anarany any amin'y jentilisa, sns (Asan'ny Apostoly 9:15).

Ary rehefa nahiratra i Paoly avy eo, dia inona tokoa no nataony ? (Asan'ny Apostoly 9:20). Izay no andraikitra lehibe napetrak'i Jesosy taminy : nitory momban'i Jesosy.

Ary efa nankinin'i Jesosy tamin'ny mpianany izany andraikitra izany ary amin'izao fotoana izao i Jesosy dia tsy miseho amin'ny nofo fa na dia tsy hita maso aza izy dia manome hery an'ireo mpianany mba hanatanteraka io asa io (Asan'ny Apostoly 1:8)

Mirary soa

Tsy hoe izay misy ankehitriny ihany fa izay misy ankehitriny ka voamarina ao anaty Baiboly no arahana namana Ratsirano.

Raha toa ohatra isika mahazo hafatra avy amin'ny namana ankehitriny milaza izao andro farany izao, mety hino ve ny olona?

Ny olana manko dia izao : efa nisy nankalaza be io andro farany io taloha kelin'ny taona 2000 ary efa nisy mpitandrina mihitsy nilaza tamin'ny faran'ny taona 1999 hoe hitsena azy sy ny mpino miaraka aminy izay nitoriany teny betsaka eny amin'ny rahon'ny lanitra i Jesoa. Nandrasana ny anpitso, tsy nisy tonga teny amin'ny rahon'ny lanitra....

Dia mpitory toy ny ahoana àry izany mpitory izany hoy isika? Marina ve izy sa diso? Ny Baiboly no notoriany sy novakiany isanandro tamin'ny mpino ambany fiandraiketany. Nefa dia nampifandraisiny tami'ny taona 2000 ny fidinan'i Jesoa eny amin'ny rahon'ny lanitra. Dia manontany tena isika eto hoe olon'ny boky sy mpanao supposition ve izany io olona io?

Izay no mahatonga ny fisafidianana ny ankehitriny sy ny fahatanterahan'ny faminaniana fa tsy ny tantara izay voasoratra averimberina no milaza izay tena fivoaran'ny fanahin'ny olombelona.

Asa aloha hoe tsy mahatsapa ve ny Kristianina ankehitriny fa lasa miondrika ao anaty boky ao fa tsy miresaka amin'Andriamanitra mivantana? Nefa dia betsaka no miresaka AMINY ankehitriny dia ireo izay tena fatra-pitady AZY ka omeny be dia be mihitsy amin'ny fahalalàna rehetra izay tiaNY hananan'ny oloNY ary tsy ao anaty Baiboly ihany satria dia fiainana mihitsy no omeNY.

Hoy izay namana iray izay hoe : Ny Kristianina dia variana miondrika mamaky Baiboly sady mandeha dia midona amin'ny pôtô avy eo vao tonga saina.

Ka ilay manamarina an'izay voalaza amin'izay ao anaty Baiboly mihitsy no tena zava-dehibe, satria betsaka ny olona no milaza fa avy ao anaty Baiboly ny zavatra lazainy sy asehony .
Fa tokony hanana zoto-po sahala amin'ireo olona tany Beria isika (Asan'ny Apostoly 17:11). Izy ireto dia nandinika tsara izay teny nolazain'ny Apostoly taminy ary nanamarina raha izany tokoa no nolazain'ny Soratra Masina. Ary mariho fa "isan'andro" izy ireo no nandinika izany Soratra Masina izany.

Tsy miresaka amintsika mivantana intsony i Jehovah fa "nomen'ny tsindrimandrin'Andriamanitra" ny Soratra Masina ka mihaino azy isika rehefa mamaky azy io (Timoty faharoa 3:16).

Ary raha jerena ao amin'ny Josoa 1:8 dia mila saintsainina "andro aman'alina" mihitsy izy io. Ary mbola hamafisin'ny Salamo 1:1,2.

Misy antony matoa asain'Andriamanitra mamaky ny Teniny sy misaintsaina azy isan'andro isika, satria araka io andininy eo amin'io Salamo io, dia mba tsy andehanan-tsika "eo amin'ny fisainan'ny ratsy fanahy". Raha vao mivoana amin'ny Soratra Masina dia tsy teny avy amin'Andriamanitra. Ka anjaran'ny tsirairay no manamarina sahala amin'ireo olona tany Beria.

Azontsika hatao tsara anefa ny manantona an'Andriamanitra araka ny voalaza ao amin'ny Jakoba 4:8, ary voalaza fa tena manantona antsika izy. Tsy hoe olon-kafa no manantona azy dia mandray hafatra avy any aminy dia iny olona iny indray no milaza amintsika izay nolazainy fa ny tsirairay no afaka manantona an'Andriamanitra.

Ary ao amin'ny Salamo 65:2 dia hoe "Mpihaino vavaka" no ilazana an'Andriamanitra ary lazainy mihitsy fa "ny nofo rehetra" no afaka manantona azy.

Izany no mahatonga ny Tesaloniana voalohany 5:17 mamporisika antsika tsy hitsahatra ny mivavaka.

Koa dia mamporisika antsika tsirairay avy hanantona an'Andriamanitra amin'ny famakiana ny Teniny sy amin'ny vavaka fa tsy misy olombelona na dia iray aza hoe voatendry hanao izany eo amin'ny toeran-tsika.

Mirary soa

Ka ilay manamarina an'izay voalaza amin'izay ao anaty Baiboly mihitsy no tena zava-dehibe, satria betsaka ny olona no milaza fa avy ao anaty Baiboly ny zavatra lazainy sy asehony .
Fa tokony hanana zoto-po sahala amin'ireo olona tany Beria isika (Asan'ny Apostoly 17:11). Izy ireto dia nandinika tsara izay teny nolazain'ny Apostoly taminy ary nanamarina raha izany tokoa no nolazain'ny Soratra Masina. Ary mariho fa "isan'andro" izy ireo no nandinika izany Soratra Masina izany.

Iombonako aminao io namana Ratsirano.

Ratsirano:

Tsy miresaka amintsika mivantana intsony i Jehovah fa "nomen'ny tsindrimandrin'Andriamanitra" ny Soratra Masina ka mihaino azy isika rehefa mamaky azy io (Timoty faharoa 3:16).
Ary raha jerena ao amin'ny Josoa 1:8 dia mila saintsainina "andro aman'alina" mihitsy izy io. Ary mbola hamafisin'ny Salamo 1:1,2.
Misy antony matoa asain'Andriamanitra mamaky ny Teniny sy misaintsaina azy isan'andro isika, satria araka io andininy eo amin'io Salamo io, dia mba tsy andehanan-tsika "eo amin'ny fisainan'ny ratsy fanahy". Raha vao mivoana amin'ny Soratra Masina dia tsy teny avy amin'Andriamanitra. Ka anjaran'ny tsirairay no manamarina sahala amin'ireo olona tany Beria.

Azontsika hatao tsara anefa ny manantona an'Andriamanitra araka ny voalaza ao amin'ny Jakoba 4:8, ary voalaza fa tena manantona antsika izy. Tsy hoe olon-kafa no manantona azy dia mandray hafatra avy any aminy dia iny olona iny indray no milaza amintsika izay nolazainy fa ny tsirairay no afaka manantona an'Andriamanitra.

Ary ao amin'ny Salamo 65:2 dia hoe "Mpihaino vavaka" no ilazana an'Andriamanitra ary lazainy mihitsy fa "ny nofo rehetra" no afaka manantona azy.

Izany no mahatonga ny Tesaloniana voalohany 5:17 mamporisika antsika tsy hitsahatra ny mivavaka.

Koa dia mamporisika antsika tsirairay avy hanantona an'Andriamanitra amin'ny famakiana ny Teniny sy amin'ny vavaka fa tsy misy olombelona na dia iray aza hoe voatendry hanao izany eo amin'ny toeran-tsika.

Marina amin'ny ampahany ny fanomezanao ireo andininy momba ny firesahana amin'Andriamanitra RAY. Fa raha mijery ny tantara isika dia misy ireo fisehoana manaporofo fa miasa Jesoa sy ny Ray ary ireo Anjely sy iraka maro voambara ao anaty Baiboly. Tsy ny soratra ihany no ahafahana manamporofo soratra fa raha izay no izy dia maty ny soratra.

Raha hilaza ianao fa tsy hiresaka amin'ny olombelona mivantana intsony Jehovah dia azo antoka fa Andriamanitra misitery izany Izy ary tsy zanany isika.

Ianao moa milaza hoe tsy ny hafa no hiresaka Aminy eo ami'ny toeran-tsika. Marina dia marina io fa ny olana dia rehefa miondrika ao anaty Baiboly dia tsy mahalala izay teny ambarany amintsika isika. Mila vavaka hfangatahana ny Fanahy Masina hatrany moa rehefa mivavaka sy mamaky Baiboly saingy ho an'ny olona efa fantatr'Andriamanitra fa tena olonn'y fanahy dia mivantana fa tsy avy amin'ny soratra intsony ny ampianaraNY.

Asa aloha ianao na mino na tsy mino ireo zava-nitranga rehetra teto amin'ity firenena ity na tamin'ny andro mbola tsy nidiran'ny Baiboly na tamin'y andro nidiran'izany voalohany teto. Fa nyMalagasy dia anisan'ny niangarana ihany satria nahatsapa ny Fanahin'Andriamanitra ary ny fiasani Jesoa mivantana.

Ka ilay lohahevitra moa dia milaza hoe iraka sy Anjely ka asa hoe tsy tokony ho any ve no asiana resaka bebe kokoa izay vao hamarinina ao anaty Baiboly ?