FANONTANIANA napetrak'i [Majesty] tao @ dinika "Ilay Atra resahina eto ve ?"
1) Aiza ho aiza ao amin'ny baiboly no misy hoe ny vatana ihany no maty fa ny fanahy tsy mba mety maty ?
2) Dia inona io fanahy tsy mety maty io (esprit, âme, sa souffle de vie,sa toetra ...sns) ?
3) Dia raha atao hoe tsy maty ny fanahy dia mankaiza zany ny fanahin'ny olona rehefa maty izy,mandehandeha eny @ rivotra ve sa midina any ambanin'tany sa miakatra mankany an-danitra ? (@ finoana kristiana no anontaniako)
4) Dia rehefa ho avy zany Jesoa hanangana ny maty dia ilay vatana tsy misy fanahy ve izany no handova ilay lanitra nampanantenainy na ilay helo izay voalaza ? sa hoe misy fanahy mitsoriadriaka be amin'io fotoana io hitady ny vatany ?
5) dia mety ho azo eritreretina ihany koa ary ve zany fa t@ Jesoa maty dia ny fanahiny nandehandeha teny,dia t@ izy nitsangana tamin'ny maty dia ny vatany fotsiny zany iny nakarina nankany an-danitra iny d ahoana ilay fanahy ...?
VALINY
1)
Gensesisy 2.7 « Ary vovo-tany no namoronan'i Jehovah Andriamanitra ny olona, ary nofofoniny fofonaina mahavelona ny vavorony; dia tonga olombelona izy. »
Ny fitambaran’ny fofon’aina sy vatana no nanome ny olombelona. Raha miala ny iray amin’ireo (vatana na fofon’aina) dia tsy olombelona no ilazana azy fa maty. Rehefa maty ny olombelona dia ny vatana miverina ho vovoka fa ny fofon’aina miverina any @ nanome azy satria an’Andriamanitra ny aina.
Salamo 104 :29 -30 « Alainao indray ny ainy, dia maty izy ka mody any amin'ny vovoka nanalana azy. Maniraka ny Fanahinao Hianao, dia ary izy, ary manavao ny tarehin'ny tany Hianao. »
Ny fanahy masina dia omen’Andriamanitra ho amin’izao tontolo izao ary velona tokoa izy io fa tsy maty.
Hoy
Joba 27.3 « Fa mbola ato anatiko ihany ny aiko, ary eo am-bavoroko ny Fanahin'Andriamanitra –
27.8 Fa inona no fanantenan'ny mpihatsaravelatsihy, [Na: ratsy fanahy.] raha maito ny ainy, Ka [Na: Fa inona no fanantenan'ny mpihatsaravelatsihy, na dia mahazo harena be aza. Raha, sns.] tsoahan'Andriamanitra ny fanahiny? »
Fanazavana : OLOMBELONA = VATANA +
AINA + FANAHY
Ny fanahy dia raisin’ny olona ety an-tany ka mitoetra ao anatiny ary io no mampiavaka ny tsirairay.
2) Amin’ny teny malagasy, natambatra ho teny iray hoe « fanahy » ny ‘‘esprit’’ na ‘‘âme’’ na ‘‘souffle de vie’’ ary matoa noraisina ho iray izany dia noheverina fa mifameno sy mifampiditra tokoa ny dikany raha noezahina hadika ny teny vahiny.
âme = centre des qualités intellectuelles et morales de l’homme (donc à l’intérieur et individuelle) => Ny fanahy no maha-olona.
esprit = « fanahy » azo tenenina hoe ety ivelan’ny olona nefa azon’ny olona raisina tsara ary ampidirina ao anaty (oh : Saint esprit, esprit créatif…). Satria misy koa ny fanahy hafa afaka miditra atao hoe fanahy maloto na fanahy ratsy (esprit maléfique).
Sarotra ho antsika olombelona, aleo ataoko hoe izaho, no hanazava @ antsipirihany mikasika ny fanahy satria izy io aza mbola hangatahina any @ Andriamanitra isan’andro mba hitari-dàlana sy hanazava ary hanavao mandrakariva ny finoantsika.
Amin'ny kristiana dia ny fanahin’Andriamanitra no mitoetra ao anaty.
I Petera 4.14 Sambatra hianareo, raha haratsina noho ny anaran'i Kristy; fa ny Fanahin'ny voninahitra, dia ny Fanahin'Andriamanitra, mipetraka ao aminareo.
3) Mandra-pihavin’ny ny fotoam-pitsarana izay hiverenan’Andriamanitra (izay tsy misy mahalala ary tsy ho takatry ny sain’olombelona velively – I Korintiana 15 :36-42) dia midina any @ fiainan-tsi-hita ny fanahin’ny olona maty ; tsy misy vatana intsony akory.
Mpitoriteny 9 :9-10 « Miravoravoa amin'ny vady malalanao amin'ny andronao rehetra mandalo foana, izay efa nomeny anao aty ambanin'ny masoandro, dia ny andronao rehetra mandalo foana; fa izany no anjaranao amin'ny andro iainanao sy amin'ny fisasarana izay isasaranao aty ambanin'ny masoandro.
Izay rehetra azon'ny tànanao atao dia ataovy amin'ny herinao; fa tsy misy asa, na hevitra, na fahalalana, na fahendrena, any amin'ny fiainan-tsi-hita izay alehanao. »
Apokalypsy 1 :17b-18 (Hoy Jesoa) Tsy miova Aho; Izaho no voalohany, ary Izaho koa no farany ; dia Ilay velona; efa maty Aho, nefa, indro, velona mandrakizay mandrakizay sady manana ny fanalahidin'ny fahafatesana sy ny fiainan-tsi-hita. ('Gr, hadesy)
4)
I Korintina 15.50 « Fa izao no lazaiko, ry rahalahy: Ny nofo aman-dra tsy mahazo mandova ny fanjakan'Andriamanitra, ary ny fahalovana tsy mandova ny tsi-fahalovana. »
Tsy hisy fanahy hitady vatana velively, satria efa lo ny vatana (izay no tambin’ny ota) fa Andriamanitra hanome endrika vaovao indray ireo izay maty tao @ Tompo izany hoe nandray an’i Jesoa kristy ho Tompo sy mpamonjy azy tety an-tany. Koa efa voavonjy izy ary hiaraka @ Jesoa kristy @ izay fotoana izay.
Dia aza manontany indray hoe « olona misy tanana sy maso sy vava ve no ataon’Andriamanitra ?» Tsy haiko ary tsy ho hainao ny valin’izany. Na koa, zaho ndray aloha tsy hino raha tsy hitako mihitsy ny zavatra ahazo ahy aorian’ny fahafatesako e ! Dia hoy ny soratra masina amintsika hoe « aza isan’izay tsy mino fa minoa ». Raha mitory ny teny na manoratra an’izao eto aho tsy mitady izay ahavery anao sanatria fa ny ahazoanao mandray an’i Jesoa kristy mpamonjy antsika no tanjoko ary hilaza izany @ hafa koa.
Tadidinao fa rehefa nitsangana t@ maty ny Tompo, na ny mpianany aza tsy nahalala azy. Tsy hohainao ny fisehon’ny endrikao @ izany fotoana izany. Ary izay koa ilay fahafatesana satria maty sy lo ilay vatany @ maha-olombelona azy fa ahazo endrika vaovao izy. Nefa mba hinoantsika fa misy tokoa ny fitsanganana @ maty dia nasehon’i Jesoa ny tenany.
Jaona 20.24 Fa Tomasy, anankiray tamin'ny roa ambin'ny folo lahy, ilay atao hoe Didymo, dia tsy mba teo aminy raha tonga Jesosy.
20.25 Dia hoy ny mpianatra sasany taminy: Efa nahita ny Tompo izahay. Fa hoy kosa izy taminy: Raha tsy hitako eo amin'ny tànany ny holatry ny nohomboana, ka ataoko eo amin'ny holatry ny nohomboana ny rantsan-tànako, ary ataoko eo amin'ny lanivoany koa ny tànako, dia tsy mba hino aho.
20.26 Ary nony afaka havaloana, dia tafangona teo indray ny mpianany, ary teo koa Tomasy. Dia tonga Jesosy, rehefa voarindrina ny varavarana, ka nitsangana teo afovoany, dia nanao hoe: Fiadanana ho anareo.
20.27 Ary hoy Izy tamin'i Tomasy: Atehefo eto ny rantsan-tànanao, ka jereo ny tànako; ary atehefo eto koa ny tànanao, ka ataovy amin'ny lanivoako; ary aza ho isan'izay tsy mino, fa minoa.
20.28 Dia namaly Tomasy ka nanao taminy hoe: Tompoko sy Andriamanitro!
20.29 Hoy Jesosy taminy: Satria nahita Ahy hianao, dia nino; sambatra kosa izay tsy nahita, nefa nino.
5)
I Petera 3:18-19 « Fa Kristy koa aza efa nijaly indray mandeha noho ny ota, ny Marina hamonjy ny tsy marina, mba hitondra antsika ho amin-Andriamanitra, ka novonoina tamin'ny nofo, fa novelomina tamin'ny fanahy, izay nandehanany sy nitoriany teny tamin’ireo fanahy tao an-trano-maizina »
Izy ve Jesoa kristy, zanaka lahitokan’Andriamanitra dia hiala aminy ny fanahy masina. Tsy marina velively. Aza ampitoviana aminao olombelona Izy. Andriamanitra dia Ray, Zanaka, ary Fanahy masina. Tsy afa-misaraka na oviana na oviana ireo.
I Tesaloniana 4.13 « Fa tsy tianay tsy ho fantatrareo, ry rahalahy, ny amin'izay modi-mandry, mba tsy hahalahelovanareo tahaka ny sasany izay tsy manana fanantenana.
4.14 Fa raha inoantsika fa efa maty Jesosy sady efa nitsangana indray, dia toy izany koa no hitondran'Andriamanitra izay efa nodimandry tao amin'i Jesosy ('Na: tamin’ny alalan i Jesosy) hiaraka aminy.
4.15 Fa izao no lazainay aminareo amin'ny tenin'ny Tompo: isika, izay velona ka mbola mitoetra mandra-pihavin'ny Tompo, dia tsy mba hialoha izay efa nodimandry tsy akory.
4.16 Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin'i Kristy no hitsangana aloha;
4.17 ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
4.18 Koa dia mifampionòna hianareo amin'izany teny izany. »
Romana 8.10 Fa raha Kristy no mitoetra ao anatinareo, na dia maty ihany aza ny tena noho ny ota, dia fiainana kosa ny fanahy noho ny fahamarinana.
8.11 Ary raha ny Fanahin'Izay nanangana an'i Jesosy tamin'ny maty no mitoetra ao anatinareo, dia Izay nanangana an'i Kristy Jesosy tamin'ny maty no hamelona ny tenanareo mety maty amin'ny Fanahiny, Izay mitoetra ao anatinareo.
[size=15px]
Vakio I Korintiana 5 & Apokalypsy 20 manazava feno ny fahafatesana sy ny fitsanganana ny maty.[/size]
Asa 2.31 koa raha nahita rahateo izy, dia nilaza ny fitsanganan'i Kristy, fa tsy nafoy ho any amin'ny fiainan-tsi-hita Izy, ary ny nofony tsy tratry ny lo.
2.32 Izany Jesosy izany dia efa natsangan'Andriamanitra, ary vavolombelon'izany izahay rehetra.
2.33 Ary rehefa nasandratry ny tànana ankavanan'Andriamanitra "Na: ho eo an-tànana ankavanan'Andriamanitra."Izy, ary nandray tamin'ny Ray ny Fanahy Masina Izay nokasainy, dia efa nampilatsaka izao hitanareo sy renareo izao Izy.
