Aleo angamba alefa tsi11...
1-Azo ivavahana v i Jesosy?
Inona na koa hoe Iza no azo ivavahana?
valiny : Andriamanitra no azo ivavahana...Koa raha izany Andriamanitra ary v i Jesosy? manambara an'izany v ny soratra masina? « Fa Zaza no teraka ho antsika, Zazalahy no omena antsika; Ary ny fanapahana dia eo an-tsorony, ary ny anarany atao hoe Mahagaga, Mpanolo-tsaina*, Andriamanitra Mahery, Rain'ny mandrakizay Andrian'ny fiadanana.[Na: mpanolo-tsaina mahagaga] » (Isaia 9:5)
Io no teny nentina nanambarana an'i Jesosy
Eo dia voalaza fa hoe Andrimanitra Mahery Izy, Rain'ny mandrakizay Andrian'ny fiadanana...
Ireto teny ireto dia samy majuscule (renintsoratra) avokoa no nanoratana azy Andriamanitra, Rain'ny ary Andrianan'ny
Ireo teny miantomboka amin'ny renitsoratra ireo no porofo voalohany fa hanana ny voninahitra maha Andriamanitra Azy Ilay handrasana,
Ireo no manambara fa Andriamanitra i Jesosy....Noho izany azo atao tsara ny mivavaka Aminy...
Manamafy izany ity teny nataon'i Davida mpanao salamo ity :
« [Ny haherezan'ny Mpanjakan'i Ziona, Izay sady Mpanjaka no Mpisorona] Salamo nataon'i Davida. Izao no lazain'i Jehovah amin'ny Tompoko: Mipetraha eo an-tanako ankavanana Ambara-panaoko ny fahavalonao ho fitoeran-tongotrao. » (Salamo 110:1)
Tompoko hoy izy (renitsoratra ihany koa ary io koa dia manambara an'i Jesosy
Teny izay namafisin'i JEsosy...
« Ary Jesosy, raha nampianatra teo an-kianjan'ny tempoly, dia namaly ka nanao hoe: Ahoana no lazain'ny mpanora-dalàna fa Kristy no Zanak'i Davida? » (Marka 12:35)
« Kanefa ny tenan'i Davida dia nampilazain'ny Fanahy Masina hoe: Jehovah nilaza tamin'ny Tompoko hoe: Mipetraha eo an-tanako ankavanana Ambara-panaoko ny fahavalonao ho fitoeran-tongotrao (Sal. 110. 1). » (Marka 12:36)
Te hanambara i Jesosy fa raha Tompon'i Davida Kristy dia tsy ho Zanany mihitsy....Dikany be voninahitra noho i Davida ilay KRISTY (ny zanaka kely voninahitra noho ny rainy) Dikany tsy olona ilay Kristy (satria i Davida dia mpanjaka lehibe ,efa Ilay Kristy mbola lazain'i Davida fa Tompony)
Manaraka izany raha ohatra ka misy mpanompon'Andriamanitra iray iankohofan'ny olona dia tsy maintsy miteny izy hoe tsy mety izao fa Andriamanitra ihany no iankohofy (eny fa na dia anjely aza ilay mpanompon'Andriamanitra)
« Dia niankohoka teo amin'ny tongony aho mba hivavaka aminy. Ary hoy izy tamiko: Tandremo. aza manao izao; fa mpanompo namanao ihany aho sady naman'ireo rahalahinao izay mitana ny filazana an'i Jesosy; Andriamanitra ihany no ivavaho; fa ny filazana an'i Jesosy no fanahin'ny faminaniana. » (Apokalypsy 19:10)
I Jesosy anefa niankohofan'ny olona fa tsy mba niteny Izy....
« Ary, indro, nisy boka anankiray nanatona dia niankohoka teo anatrehany ka nanao hoe: Tompoko ô, raha mety Hianao, dia mahay manadio ahy. » (Matio 8:2)
« Raha mbola nilaza izany taminy Izy, indro, tonga ny mpanapaka anankiray, dia niankohoka teo anatrehany ka nanao hoe: Maty ankehitriny izao ny zanako-vavy; fa andeha re, mametraha ny tananao aminy, dia ho velona izy. » (Matio 9:18)
« Ary izay teo an-tsambokely dia niankohoka teo anatrehany ka nanao hoe: Zanak'Andriamanitra tokoa Hianao. » (Matio 14:33)
« Ary ny fanahy maloto, raha nahita Azy dia niankohoka teo anatrehany ka niantso hoe: Hianao no Zanak'Andriamanitra. » (Marka 3:11)
« Dia avy ny anankiray tamin'ny mpanapaka ny synagoga, Jairo no anarany; ary rehefa nahita an'i Jesosy izy, dia niankohoka teo amin'ny tongony » (Marka 5:22)
« Dia namaly Tomasy ka nanao taminy hoe: Tompoko sy Andriamanitro! » (Jaona 20:28)
Farany Jesosy mihitsy no nanambara fa azo atao ny mivavaka Aminy...
« Raha mangataka zavatra amiko amin'ny anarako* ianareo, dia hataoko izany. [*Na: mangataka zavatra amin'ny anarako] » (Jaona 14:14)
Hoy i Jesosy hoe raha mangataka AMIKO....ianareo dia HATAOKO izany...
Azo atao ny mangataka Aminy (mivavaka Aminy) dia hataony Izany (Izy no hamaly fa tsy ny Ray)....
Ireo no porofo fa azo atao tsara ny mivavaka amin'i JEsosy satria manana ny voninahitra maha Andriamanitra Azy Izy....
