rhaj0:
Ka izay fantatr'i Jesoa sy ny apostoly izany fantany any e... ny anao eto kosany ry RBNIR, ohatra, manao alleluia sy hosanna koa ve ianao, rahefa "ampinoana" fa hoe:
"tena efa any @ Paradisa Ikala Maria fa tsy mihatra aminy ireo criteres be dia be ahafahana miditra any Paradisa. Ary na ny vatan'Ikala Maria azany tafita any koa, fa ny anao raolona dia ny "fanahy" ihany.."
Raha ny momba ny olona lasa any amin'ny paradisa dia izao no azo ambara...
« Ary mahalala ilay olona anankiray aho - na tao amin'ny tena, na tsy tao amin'ny tena, tsy fantatro, Andriamanitra no mahalala - » (2 Kor.12:3)
« fa nakarina ho any Paradisa izy ka nandre teny tsy azo tenenina sady tsy tokony holazain'olona. » (2 Kor.12:4)
Araka ireo teny ireo dia ny olona lasa any tsy mahafantatra na tao amin'ny tena (vatana) na tsia izy no nandeha any.....
Isika velona kosa nampahafantarina ny marina....
Ireny olona maty ka lasa any amin'ny paradisa ireny no lazain'ny baiboly hoe "maty ao amin'ny Tompo" (na koa hoe maty ao amin'i kristy....
Toy izao ny hoavin'izireny sy ny ho avin'izay tratra velona ka nitoetra tsara tao amin'i Kristy rehefa ho tonga ny farany....« Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; » (1 Tes.4:16)
« fa vetivety, toy ny indray mipi-maso, rehefa maneno ny trompetra farany, dia hovana isika rehetra; fa hotsofina ny trompetra, ary ny maty hatsangana tsy ho lò intsony, ary isika hovana. » (1 Kor.15:52)
Ireo maty ao amin'ny Tompo araka ireo teny ireo dia hatsangana tsy ho lo intsony, ary ny tratra veloka kosa hovana indray mipi-maso....
Ny azo antoka dia izao nofo tafian-tsika izao (ilay lazaina hoe nofo aman-dra mety ho lo) dia tsy afaka hoentin-tsika any amin'ilay fiainana mandrakizay....
« Fa izao no lazaiko, ry rahalahy: Ny nofo aman-drà tsy mahazo mandova ny fanjakan'Andriamanitra, ary ny fahalòvana tsy mandova ny tsi-fahalòvana. » (1 Kor.15:50)
Noho izany dia tena (vatana) hafa mihitsy no hampitafiana ireo maty hatsangana ireo sy ireo ho tratra velona ireo amin'ny andro farany....
Taloha anefa dia tena nisy olona tsy nandalo fahafatesana :
1- « Ary niara-nandeha tamin'Andriamanitra Enoka; ka tsy hita izy, fa nentin'Andriamanitra. » (Gen.5:24)
Enoka dia voalaza fa nentin'Andriamanitra ary tsy hita??? tsy fantatra hoe nentiny aiza na aiza fa ny azo antoka dia satria "niara-nandeha tamin'Andriamanitra izy nandritra ny androm-piainany dia nokilasin'Andriamanitra ho mendrika ny hiala teto amin'ity tany ity izy..
2- Elia mpaminany koa dia tsy nandalo fahafatesana....« Ary raha mbola nandeha sy niresaka izy roa lahy, dia, indro, nisy kalesy afo sy soavaly afo nampisaraka azy roa lahy; ary Elia niakatra tamin'ny tafio-drivotra ho any an-danitra. » (2 Mpanj.2:11)
Ny tena azo antoka aloha ireo olona 2 ireo tsy maintsy efa novaina indray mipi-maso koa satria ilay tena mety lo tety an-tany dia tsy mahazo mandova ilay tsy mety lo.....
Ny momba an'i Maria renin'i Jesosy indray kosa dia tsy nahita soratra ao amin'ny baiboly aho manambara fa tsy nandalo fahafatesana izy.....
Samia ho tahin'ny Tompo namana....
