Aleo aho mba hijapy, tsy ho anao no hijapiko fa ho an'izay mbola misalasala
bor2lais:
Ny magy izay azo lazaina fa "siantifika" dia azo lazaina ihany fa diso "cible" tamin'ny voalohany satria tany amin'i Heroda (mpanjaka) ny "calcul" nataony no niantefa.
Tsy siantifika fotsiny fa tena nanana ny fiandrianany sy ny fanjakany tany amin'ny toerana nisy azy mihitsy tamin'ny fotoany.
Nikaroka mafy izy ireo ny mikasika ny amin'i Jesoa, ary azo lazaina fa nampiasa fitaovana siantifika lalina tokoa.
==> Tsy heloka akory ny mampiasa ny voka-pikarohana ara-tsiansa. Misy mantsy ireo izay maka sisiny loatra tonga dia miteny hatrany hoe, aza mandeha dokotera, aza mihinana fanafody fa an'ny siansa ireny fa ny anareo mivavaha fotsiny ihany dia ampy.
Noezahin'ny devoly (fitaovana fotsiny Heroda eto) nampiasaina ny Magy sy ny fahalalany mba hanampy azy amin'ny famonoana ilay Andriamanitra tonga nofo. Mbola mitohy hatramin'izao vanin'andro hiainantsika izao izany : betsaka ireo vokatra siantifika no entina hijangajangana hanalavirana an'Andriamanitra, entina hamonoana olona, entina hiezahana hanaporofoana ny tsy fisian'Andriamanitra mihitsy koa aza mba hikosehana ny anarany......
bor2lais:
Andriamanitra tamin'ny alàlan'ny teniNY no nanitsy ny "calcul" nataony ka tonga soa amantsara any amin'ny "cible" tadiaviny izy ireo dia Ilay Mpanjaka vao teraka.
Vakio ny Matio 2.1-12 raha toa ka liana amin'ny antsipiriany ianao.
Misy an'ity andininy ity voalaza ao :
"Ary rehefa notoroan'Andriamanitra hevitra tamin'ny nofy izy (ny magy)tsy hiverina any amin'i Heroda (nitady hamono Ilay Zazakely), dia làlana hafa no nalehany nody ho any amin'ny fonenany."
Manana ny fomba fiasaNY amin'ny tsirairay Andriamanitra (eto dia amin'ny alàlan'ny nofy) fa ny tena zava-dehibe amiko dia ny fisokafana ("disposition") hihaino Azy.
Ary tsy adino indrindra² koa fa rehefa avy nihaona tamiNY ireto "siantifika" dia niova làlana ... (fa tsy niverina tamin'ny ilay làlana taloha intsony !)
Ny magy dia nahalala tsara ny amin'ity Jesoa teraka ity, fantany fa mpanjakan'ny mpanjaka io zazakely io ary dia niankohoka teo anatrehany izy ireo. Manambara izany fa an’ity zaza ity ny fahefana, ny fanjakana rehetra manerana izao tontolo izao ary dia nanome voninahitra, niankohoka teo anatrehany izy ireo.
Ny olona rehefa nampahalalana ny mikasika an'Andriamanitra dia misy ny mitady sy mikaroka Azy fatratra toa ireto magy ireto ary tsy avelany mihitsy raha tsy tafahaona Aminy izy. Misy kosa anefa olona tsy mandraharaha izany fa vao maika aza mametraka fisalasalana sy fanoherana avy hatrany. Rehefa tena mikaroka an'Andriamanitra toa ireto magy ireto ianao dia tsy maintsy hahita Azy fa aza matahotra, aza kivy.
Ireto magy ireto rehefa avy nihaona tamin'ny Tompo dia tsy niverina intsony izy fa nisaraka tamin’i Heroda satria tena hitany ilay mpanjakan’ny mpanjaka. Izay no foto-kevitra farany apetraka: manàna fahasahiana ianao hisaraka amin’ny foto-kevitra efa matanjaka eo amin’ny fiaraha-monina ny amin’ity krismasy ity. Efa notoloran’Andriamanitra hevitra ny amin’ny teniny ianao dia ilaozy i heroda sy ny mombamomba azy fa miverena araka an’Andriamanitra. Fanehoana izany fa tena mandalo krismasy, nandalo fahateraham-baovao ianao. Misaraha, mialà amin’ny fanaon’izao tontolo izao fa miverena kosa araka ny soratra masina.
