Faly miarahaba ny namana rehetra indray,
Ny marina dia mitovy ihany ny tanjon'Andriamanitra na tamin'ny vanim-potoana talohan'ny nahaterahan'i Jesosy Kristy (fomba fivavahan’ny Jiosy ankehitriny) na ny taty aoriana.
Ny tanjony dia tokana mba hanao ny sitrapony ny olona (voarakitra ao anatin'ireo didy sy lalana maro samihafa ny sitrapony).
Ny mahasamihafa azy dia izao: ny jiosy tsy manana an'i Jesosy ka tsy mba nomena ireo FAHASOAVANA Nokasain’Andriamanitra ho an’ny olona. Ireo fahasoavana ireo no manampy ny olona hahafahany manantanteraka ny sitrapon'Andriamanitra amin'ny fomba mora sady maivana « Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. » (Mat.11:29)
« Fa mora ny ziogako, ary maivana ny entako. » (Mat.11:30)
Vokany miady irery ireo JIOSY ireo mba hahafahany mananteraka ny sitrapon'Andriamanitra (mandeha amin'ny herin'ny tenany). MITONDRA ZIOGA SAROTRA SY ENTANA MAVESATRA IZIREO AMIN'IZANY SATRIA NY HERIN'NY TENANY NO AMPIASAINY HANANTANTERAHANA NY SITRAPON'ANDRIAMANITRA (TSY NAVELA HAHALALA NY ZAVA-MIAFIN’NY FAMONJENA IZAY HOLAZAINA ETO AMBANY IZIREO).
Ny kristianina kosa dia "HOMENA FAHASOAVANA" mba hahafahany hanantanteraka ny sitrapon'Andriamanitra;
Ireto avy ny FAHASOAVANA HOMENA ireo KRISTIANINA:
1-« Ary fantatrareo fa Izy no naseho hanaisotra ny ota; ary tsy mba misy ota ao aminy.» (1 Jao;3:5)
(io OTA io dia mila HESORINA satria io no manandevo « Fa fantatsika fa araka ny fanahy ny lalàna; fa izaho kosa nofo, namidy ho andevon'ny ota. » (Rom;7:14)
Manandevo ny olona ka mahatonga ny olona tsy mahavita ny sitrapon'Andriamanitra ) « Fa raha manao ny tsy sitrako aho, dia manaiky fa tsara ny lalàna. » (Rom;7:16)
« Ary amin'izany tsy izaho intsony no manao izany, fa ny ota izay mitœtra ato anatiko. » (Rom ;7:17)
Na dia manana fikasana tsara aza ny olona iray dia tsy afaka satira andevozin’ilay ota izy (ny andevo tsy manana safidy fa izay sitrapon’ny tompony no ataony.
NY FAHASOAVANA VOALOHANY AZO AVY AMIN’I KRISTY JESOSY DIA FANESORANA NY OTA MAIMAI-POANA MBA TSY HO ANDEVOZIN’NY OTA INTSONY ILAY OLONA KA HO AFAKA HANANTANTERAKA NY TSARA (NA NY SITRAPON’ANDRIAMANITRA);
Io fanesorana ny ota io dia tsy vita talohan’ny nahatongavan’I Jesosy (ary tsy vitan’ireo fanompoana misy ao amin’ny jiosy amin’izao fotoana izao mazava ho azy satria izireo mbola manohy izany fanompoana izany) « Fa tsy mahaisotra ny ota ny ran'ombilahy sy ny ran'osilahy. » (Heb.10:4)
« Ary ny mpisorona rehetra dia mitsangana isan'andro manao fanompoam-pivavahana sy manatitra ireny fanatitra ireny ihany matetika izay tsy mahaisotra ny ota; » (Heb.10:11)
2- « Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina; » (Asa.2:38)
Ny FANAHY MASINA NY FAHASOAVANA FAHAROA RAISINA AMIN’I KRISTY JESOSY.
Tsy ananan’ny Jiosy koa io satrIa nanda an’I Jesosy izireo. I KRISTY JESOSY anefa no mpanao batisa amin’ny Fanahy Masina (na koa hoe mpanome ny FANAHY MASINA) « Ary izaho tsy nahalala Azy; fa Izay naniraka ahy hanao batisa amin'ny rano no nilaza tamiko hœ: Izay ho hitanao idinan'ny Fanahy sy itœrany, dia Izy no Mpanao batisa amin'ny Fanahy Masina. » (Jao;1:33)
Izao no antony nanomezan’Andriamanitra ny FANAHY MASINA « Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy. » (Eze.36:27)
Ny tanjon’Andriamanitra tamin’ny fanomezana ny FANAHY MASINA dia mba handeha araka ny lalàny sy hitandrina ka hanaraka ny fitsipikany ny olona.
Mazava ho azy tsy hita ao amin’ny fanompoan’ny JIOSY (sy ireo karazam-panompoana hafa misy eto an-tany koa) io satria tsy nandray an’I Jesosy izireo.
Izay mandray an’ireo fanomezana ireo no mandray ny famonjena marina satria afaka ny hanao ny sitrapon’Andriamanitra ilay olona.« Tsy izay rehetra manao amiko hoe: Tompoko, Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra. » (Mat.7:21)
Nisy lehilahy iray namana isany nilaza fa nisehoan’I Jesosy ary nampianariny mivantana ka nampianatra azy an’ireo ZAVA-MIAFIN’NY FAMONJENA ireo.
Izaho tsy nahita azy nisehoan’I Jesosy ary tsy nahare azy nampianarin’I Jesosy, fa mijoro vavolombelona aho fa rehefa nianatra sy nanaraka ilay LALANA (CHEMIN) izay mitondra amin’ny fanesorana ny OTA sy mitondra amin’ny fandraisana ny FANAHY MASINA aho dia tanteraka tamiko ireo teny fikasan’Andriamantira ery ambony ireo.
Izay no hahafahako milaza fa marina ny fanambaran’io olona io, Tsy mitovy intsony ny tenako ankehitriny sy ny tenako fahiny fa tena tsapako tokoa fiovana rehefa nandeha tamin’ilay làlana natoro ahy aho, ary ankehitriny dia tanteraka amiko ity teny ity : « Koa raha misy olona ao amin'i Kristy, dia olom-baovao izy; efa lasa ny zavatra taloha, indreo, efa tonga vaovao ireo. » (2 Kor.5:17)
Manana fanantenana lehibe aho ankehitriny ny handova ny fanjankan’Andriamanitra satria tanteraka tamiko ny teny fikasan’Andriamanitra momba ny famonjena.
Izy irery hatramin’izao no fantatro fa mampianatra an’io eto MADAGASCAR (mahazo mitady ianao namana). Ny fampianarany dia tsotra ary tena mora raisina (na olona tsy nianatra aza mahazo azy namana). Izany rehetra izany no ahafahako milaza fa TENA MARINA NY FANAMBARANY.
Sombitsombiny ihany ireo nentiko teto ireo fa araho ao amin’ny KOLO TV isa-maraina amin’ny 5 ora sy sasany ny fandaharana VITAO NY ASAN’NY FAHAMARINANA ahitanao ireo ambangovangony rehetra (ilay làlana (chemin) tsy maintsy handehanana mba ho tanteraka aminao ny fanesorana ilay ota sy ny fandraisana ilay FANAHY MASINA)
Hafatra farany : aza malaky mandray ny teny amin’ny hafaliana fa aoka handatsaka am-po ny teny rehetra ho renao ianao satria hoy tokoa mantsy Jesosy Tompo hoe : « Fa ilay nafafy teny amin'ny tany marivo ambony vatolampy dia izay mandre ny teny ka malaky mandray azy amin'ny hafaliana; » (Mat.13:20)
« nefa tsy manam-paka ao anatiny izy, fa maharitra vetivety foana; koa raha avy izay fahoriana na fanenjehana noho ny teny, dia malaky tafintohina izy. » (Mat.13:21)
Fa aoka kosa samy handatsaka tsara izany ao am-pony ka HAHALALA TSARA ny hevitry ny teny isika (« Fa ilay nafafy teny amin'ny tany tsara kosa dia izay mandre ny teny ka mahalala; dia izy no mamoa ka vokatra: ny sasany avy zato heny ary ny sasany avy enim-polo heny, ary ny sasany avy telo-polo heny. » (Mat.13:23).
Samia ho tahin'ny Tompo namana
