[size=16]
Efa hiverina ve i Jesoa Kristy ?[/size]
Angamba mbola tadidin'ny namana @ serasera ny tabataba nataon'i
Mailhol (sy ny hafa koa) t@ taona 1999, mety mbola tadidin'ny sasany koa ny "solomaso Apôkalypsy" :). Mino koa aho fa mbola tadidin'ny namana rehetra koa
ny hysteria nanodidina ny 21/12/12 sy ny resaka planety Nibiru hoy aho hoy :-).
Fahita indraindray koa ny mpitondra sekta maminany ny datin'ny Fara Andro nefa avy eo diso. Rehefa hoatr'izay dia manao fety be mandany ny volany rehetra na mamono ny ombiny rehetra na mindrana vola be ny mpanaraka azy ireo, kanefa tsy tonga ny Fara Andro ary lasa mahantra tampoka izy ireo...
Indraindray, rehefa hitan'ilay mpaminany sandoka fa diso izy dia milaza daty vaovao akaikikaikin'ny daty nomeny t@ voalohany, kanefa moa mbola diso hatrany ilay izy...
Inona no mahatonga an'ireto olona ireto miseho azy ireo ho manana fahalalàna manokana momba ny datin'ny Fara Andro kanefa efa nilaza mazava tsara i
Jesoa Kristy izay lazainy ho arahiny hoe "
Fa ny amin’ izany andro na ora izany dia tsy misy mahalala, na dia ny anjely any an-danitra, ary na dia ny Zanaka aza, afa-tsy ny Ray ihany" (Mk. 13:32) ? Ny an'i Mailhol izao dia mieritreritra ny tenany ho manana "code secret" ahafahany mamoaka hevitra miafina avy @ Baiboly.
Kanefa ny zava-doza dia manjary mipetra-panontaniana ny olona hoe sao dia tsy hiverina kosa i
Jesoa Kristy ?
[size=16]
Nampanantena fa hiverina ve i Jesoa Kristy ?[/size]
Na dia ataon'ny sasany fihomehezana fotsiny ilay izy dia milaza avokoa ny tenin'Andriamanitra fa tsy maintsy miverina ety ambony tany i
Jesoa Kristy indray andro any (
Asa. 1:11,
Ap. 19:11-16,
Zk. 14:4). Nilaza t@ mpianany i
Jesoa fa
Izy no
Mesia izay hanatanteraka ny faminaniana momba
Azy @ Testamenta Taloha, ao anatin'izay ny fiverenany (
Mk. 13:1-37). Nilaza mazava tsara i Isaia mpaminany fa tsy maintsy mijaly sy maty ho an'ny otantsika ny
Mesia (
Is. 53:3-11). Kanefa ao koa ny faminaniana hafa izay nilaza fa ho tonga ety ambony tany @ maha-
Tompo Azy Izy mba hanafaka an'
Isiraely @ faha8ny. Sarotra ho an'ny Jiosy ny mampifanandrify an'ireo fomba fijery 2 momba ny
Mesia izay toa mifanipaka.
Nialoha ny nanombohana
Azy @ hazofijaliana, nodarohana ary noesoeson'ny Jiosy i
Jesoa. Toa tsy nahefa inona na inona
Izy rehefa nanontanian'i
Kaiafasy raha
Izy tokoa no
Kristy (izany hoe
Mesia), ilay zanak'
Andriamanitra. Namaly i
Jesoa hoe :
Izaho no Izy; ary ho hitanareo ny Zanak’ olona mipetraka eo ankavanan’ ny Hery sady avy eo amin’ ny rahon’ ny lanitra" (
Mk. 14:62).
Mahagaga ny olona sasany ny nandrovitan'i Kaiafa ny akanjony rehefa naheno an'izay na dia nandrara ny mpisoronabe handrovitra ny akanjony aza ny lalàn'i
Môsesy. Azoazontsika kokoa ny antony rehefa fantatsika fa
Mesia ho tonga @ hery sy voninahitra no nandrasan'ny Jiosy. Tsy mba nanana ny endriky ny mpanjaka mahery ity lehilahy Galileana mandeha ra teo anoloany ity.
Nanamarika i Jaona hoe :
Tonga tany amin’ ny Azy Izy, fa ny Azy tsy nandray Azy. Fa izay rehetra nandray Azy dia nomeny hery [Na: anarana, na fahefana] ho tonga zanak’ Andriamanitra, dia izay mino ny anarany (
Jn. 1:11-12).
Taorian'ny fitsanganany t@ maty, nentin'i
Jesoa tany @ Tendrombohitra Ôliva ny mpianany ary nampiakarina tany @ lanitra
Izy.
Ary raha mbola nandinika ny lanitra izy ireo tamin’ ny nandehanan’ i Jesosy, indreo, nisy roa lahy teo anilany niakanjo akanjo fotsy, [anjely]
izay nanao hoe: Ry lehilahy Galiliana, nahoana no mijanona eto mijery ny lanitra hianareo? iny Jesosy Izay nampiakarina niala taminareo ho any an-danitra iny dia mbola ho avy tahaka ny nahitanareo Azy niakatra ho any an-danitra.(
Asa. 1:10-11.
Tsy niteny zava-baovao ireo anjely ireo fa nanamafy fotsiny ilay fampanantenan'i
Jesoa fa hiverina indray androany @ hery sy voninahitra hitsara ny velona sy ny maty
Izy (
Mt. 24:27-31).
[size=16]
Famantarana manambara ny fahantomoran'ny fiverenan'i Jesoa Kristy ?[/size]
Efa mainka ho 2 000 taona no nandaozan'i
Jesoa Kristy ny tany ary maro ny mipetra-panontaniana hoe nahoana
Izy no mbola tsy tafaverina ihany hatr@'izao. Nilaza ilay filôzôfa mpandà an'Andriamanitra Bertrand Russell @ bokiny "
Why I Am Not a Christian" fa matoa mbola tsy tafaverina i
Jesoa hatr@'izao dia nivadika t@ fanekeny. Marina ve izy ?
Efa naminany ny Apôstôly Petera ny @ mpanaraby tahakan'i Russell : "
fa fantatrareo voalohany indrindra fa amin’ ny andro farany dia hisy mpaniratsira avy haniratsira, mandeha araka ny filany ka manao hoe: Aiza ny teny fikasana ny amin’ ny fihaviany? Fa hatrizay nodian’ ny razana mandry dia maharitra tsy miova ny zavatra rehetra; eny, hatramin’ ny nanaovana izao tontolo izao aza." (
2 Pet. 3:3-4)
Tokony mba nanjohy an'izay sy ny tenin'i
Jesoa Kristy momba ny fotoana hiverenany ary ny tranga izay hiseho mialohan'izay i
Russell sy ny mpaniratsira tahaka azy. Nilaza mazava tsara i
Jesoa fa na dia tsy misy olombelona mahafantatra na hahafantatra ny fotoana marina hiverenany (
Mt. 25:13), hisy kosa ny famantarana izay hanambara fa hihakaiky ilay izy.
Nanambara zavatra mikasika ny toe-javatra hiseho amin'izany andro izany koa ny mpaminanin'ny Testamenta Taloha sy ny Apôstôly. Ireto misy vitsivitsy @ famantarana izay manambara ny fahantomoran'ny fiverenan'i
Jesoa Kristy araky ny Baiboly (
Mt. 24:3-51) :
- horohoron-tany goavana
- mosary manerana ny firenena maro be
- ady
- valan'aretina hamely an'izao tontolo izao
- fanenjehana ny mpino
- ho toriana eran'izao tontolo izao ny Evanjely
Maro ny horohoron-tany, ny mosary, ny ady sy ny valan'aretina nitranga t@ tantaran'izao tontolo izao, fa nilaza kosa i
Jesoa fa hihamaro sy hihamafy avokoa ireto zavatra ireto mialoha ny fiverenany. Efa nanomboka t@ andron'ny Apôstôly ny fanenjehana ny mpino ary miha-mitombo hatrany ankehitriny. Mbola tsy nahitàna mpino kristiana betsaka toy izany enjehina nohon'ny finoany t@ tantaran'ny olombelona. Nilaza i
Jesoa fa mbola hitohy hatr@ fiverenany izany toe-javatra izany, ary torak'izay koa ny fitoriana ny Evanjely eran'izao tontolo izao. Nilaza koa
Izy fa rehefa hiseho ireo tranga ireo dia tokony 'manandratra ny lohantsika' isika satria antomotra ny fiverenany (
Lk. 21:28). Ka na dia tsy miombon-kevitra tanteraka momba ny antsipiriany, maro ny manam-pahaizana ara-Baiboly izay mino fa efa mihakaiky ny fotoana noresahin'i
Jesoa. Nanentana ny mpino i
Paoly mba hiandry
ny fanantenana mahafinaritra sy ny fisehoan’ ny voninahitr’ Andriamanitra lehibe sady Mpamonjy antsika, dia Jesosy Kristy [Na: Andriamanitra lehibe sy Jesosy Kristy, Mpamonjy antsika] (
Tit. 2:13)Tit. 2:13).
Ka mbola azo antoka ve ny fampanantenany ? Raha eny no valiny dia nahoana izy no mitaredretra tahak'izao ?
I
Petera no namaly an'izay :
Nefa, ry malala, izao zavatra iray loha izao no aoka tsy hohadinoinareo: ny indray andro amin’ ny Tompo dia toy ny arivo taona, ary ny arivo taona toy ny indray andro. Ny Tompo tsy mahela ny teny fikasany, araka izay ataon’ ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin’ ny fibebahana izy rehetra, (
2 Pet. 3:8-9)
Mpino niharan'ny fanenjehana sy fizahan-toetra no nanoratan'i
Petera. Naniry an'i
Jesoa Kristy ho tonga alohaloha izy ireo, ka nampahatsiahivin'i
Petera fa ny fitoriana ny Evanjely manerana an'izao tontolo izao no laharam-pahamehana ho an'Andriamanitra ka ho betsaka arak'izay azo atao ny isan'ny voavonjy, araky ny efa nolazain'i
Jesoa.
[size=16]
Azo atokisana ve ny fampanantenan'i Jesoa Kristy ?[/size]
Ahoana no hamaliantsika ny mpaniratsira tahakan'i
Bertrand Russell izay manendrikendrika an'i
Jesoa Kristy ho tsy nanaja ny fampanantenany ? Izay no ho hitantsika amin'ny fizaràna manaraka
