Iza no mbola tsy nandalo kirizy ny fiainany ?
Inona no mahatonga ireny tafio-drivotra ireny mandalo eo anatrehan'ny kristianina ?
Manaiky ve ianao fa tena sitrapon'Andriamanitra tokoa ny hiatrehanao io olana goavana io ?
Inona no ataonao manolona io kirizy io ?

Isaorako ianao mba hizara izany eto ho fanampiana ny namana rehetra mandalo izany tafio-drivotra izany ankehitriny eo amin'ny fiainany !

Rehefa mandalo fotoan-tsarotra ny olona dia mandifotra ny fakam-panahy hanao tahaky ny zanak'Isiraely hoe "Eo anivontsika ihany ve Andriamanitra sa tsia ?" Eo no ahitàna ny mampiavaka ny finoana tena finoana sy ny finoana haitraitra. Ny zanak'Isiraely dia nahita ny fahagagàna goavana nataon'Andriamanitra, hitan'izy ireo fa hainy ny manatanteraka ny fampanantenany hamoaka azy ireo avy @ tany fanandevozana, nefa nihaika Azy andro vitsivitsy taorianan'izay. Isika dia tsy tokony hanao tahak'azy ireo Heb. 4:11).

Mandalo karazan-javatra mitovitovy @'izay mantsy aho, ary nahatsikaritra aho fa ilaina ny manova ny fomba fijery. Nimonomonona ny zanak'Isiraely ary nitaraina i Jôba satria fomba fijerin'olombelona ny azy ireo. Tsy ny onja maria sy ny varatra no tokony banjinintsika tahaky ny nataon'i Petera ambony rano fa ny Tompo. Araky ny efa nasehony t@ Jôba ary t@ toriteny @ tendrombohitra ôliva, hainy foana ny miahy sy miaro ny biby, porofo manodidina antsika andavanandro izay, koa tsy ho hainy ve ny miaro antsika ? Izay koa anie no mahatonga ny tsi-mpino tsy hanan-kalahatra (Rom. 1:20) e !

Ka ho antsika izay iharan'ny zava-doza, miezaha ianao tsy handinika ny loza nianjady taminao tahaky ny fandinihan'ny omby ny vilona fa izahao ny fampanantenana nomen'Andriamanitra anao, tahaky ny hoe "Izaho momba anareo mandrakariva ambara-pahatongan’ny fahataperan’izao tontolo izao." (Mt. 28:20b) na "Koa raha hianareo, na dia ratsy aza, mahalala hanome zava-tsoa ho an’ ny zanakareo, tsy mainka va ny Rainareo Izay any an-danitra no hanome zava-tsoa ho an’ izay mangataka aminy?[/color]" (Mt. 7:11)

Raha ny finoako manokana aloha dia tsy misy zavatra mitranga izany raha tsy Andriamanitra no nanaiky ny hahatongavan'izany eo @ fiainan'ny olona iray. Raha tafio-drivotra io dia na famaizana avy aminy, na fitsapana ny halalin'ny fitiavanao azy. Satria izy no Tompon'ny zavatra rehetra ka ataony @ izay itiavany azy. Izany anefa dia vokatry ny fitiavaNy antsika.
Ka raha izaho no mandia zava-tsarotra dia ny bokin'i Joba no alaliniko.
Ny tantaran'ny mpanao taozavatra @ tanimanga no ao an-tsaiko, ary ny vavaka no hamafisina sy atao mafimafy hatrany mba tsy ho latsaka @ fakam-panahy. Miaraka @ i Masina Maria aho no mivavaka sy mitalaho ny famindram-pon'Andriamanitra, mba @ maso feno hantra sy fo feno fangorahana no hijeren'i Jesoa Tompo ahy.

Misy ihany ny olona efa nilaza t@ haino aman-jery fa mbola tsy nandalo krizy ny fiainany , santionany @ izany ingahy Ravony francisca , izay efa lasa-ko razana izy ankehitriny .
Andriamanitra Fitiavana no Atra inoantsika Kristianina @ maha fitiavana azy dia fantany tsara fa raha omeny antsika izay ilaintsika dia lasa mandahatra azy isika nataony ny fitsapana no ilazako azy mba hananantsika finoana bebe kokoa , satria rehefa misy ny krizy dia tsy maintsy mahita vahaolana ianao

Amiko manokana izany dia Andriamanitra fitiavana. Hoy Bessa izay hoe:

Ny Andriamanitra inoako,
Andriamanitra Fitiavana
Tsy Andriamanitra masiaka mpanasazy
Tsy Andriamanitr'antoko,
Tsy mpanavaka foko
Tsy mpijery harena na fiaviam-pirenena,
(...)
Tsy mba faly manjera na revolisionera
Fa manarina hatrany ireo maditra eto an-tany
(...)


Andriamanitra dia fitiavana, tsy nanao ny tsara sy ny ratsy izy, fa fitiavana fotsiny.
Ny olombelona no namorona ny ratsy sy ny tsara, ary arakaraka ny toerana misy anao dia samy manana ny hataony hoe tsara sy ny ratsy ny olona.

Raha ohatra ka misy olana goavana mihatraika aminao dia ekeo fotsiny, torak'izany koa rehefa misy zavatra soa mitranga amin'ny fiainanao, ary fenoy fitiavana foana anatin'ny fonao na inona midona na inona mihatra.

voromailala:
Andriamanitra dia fitiavana, tsy nanao ny tsara sy ny ratsy izy, fa fitiavana fotsiny.

Dia tsy misy izany ny tsara sy ny ratsy ?

Andriamanitra dia nanao ny zavatra lafatra indrindra , fa saingy ny anjely nivadika no nampiy ny faharatsiana , Andriamanitry ny Fahatsarana rehetra IZY, Fitiavana

Nehemiah:

voromailala:
Andriamanitra dia fitiavana, tsy nanao ny tsara sy ny ratsy izy, fa fitiavana fotsiny.

Dia tsy misy izany ny tsara sy ny ratsy ?

Tsy misy ny tsara sy ny ratsy fa ny olombelona no namorona an izany.

Hoy izy Albera izay hoe tsy misy izany haizina izany, fa ny hazavana ihany no misy (ilay fitiavan'Andriamanitra).

Ahoana hoy izy no fomba handrefenao ny haizina raha tsy misy ny hazavana?

pisoonja:

Andriamanitra dia nanao ny zavatra lafatra indrindra , fa saingy ny anjely nivadika no nampiy ny faharatsiana , Andriamanitry ny Fahatsarana rehetra IZY, Fitiavana

Koa raha nanao ny zavatra lafatra indrindra Andriamanitra, anisan'izany ny anjely fa maninona azany no nisy nivadika ny anjely?
Taiza no nitsiry ilay faharatsiana anefany Andriamanitra no nanamboatra azy? sa tsy lafatra indrindra indray ilay Andriamanitra?

Tsotra ny valiny : satria tsy namorona robot voalahatra hitia Azy Andriamanitra. Manana fahafahana misafidy ny olombelona sy ny anjely. Izay fahafahana misafidy izay no antoky ny fitiavana tena tso-po. Ary izay koa no tanjon'ny hazon'ny fahalalàna ny tsara sy ny ratsy. Fomba nanomezan'Andriamanitra occasion hampihatra an'izay fahafahana hisafidy izay an'i Adama ilay izy : nanan-tsafidy ny haneho ny fitiavany sy fankasitrahany an'Andriamanitra na hanilika Azy ka hanandratra ny tenany ho tompon'ny fiainany i Adama. Indrisy moa fa naka ny safidy faha2 izy...

Tefigasy:

Iza no mbola tsy nandalo kirizy ny fiainany ?
Inona no mahatonga ireny tafio-drivotra ireny mandalo eo anatrehan'ny kristianina ?
Manaiky ve ianao fa tena sitrapon'Andriamanitra tokoa ny hiatrehanao io olana goavana io ?
Inona no ataonao manolona io kirizy io ?

Raha ny Soratra Masina no jerena dia nanomboka nisy ny krizy hatramin'ny fahalavoan'i Adama sy Eva !
"Fanandramana ny voan'ilay hazo fahalalàna ny tsara sy ny ratsy"

Raha io no jerena dia tsy sitrapoNY velively akory ny hiatrehan-draolombelona ny krizy fa vokatry ny safidy natao ihany izany !

Andriamanitra anefa dia Fitiavana : hatramin'ny voalohany ka hatramin'ny farany ny Soratra Masina dia mampiseho "ady" izay ataon'Andriamanitra (Izay miantso) amin-draolombelona (izay mandà).

Noho izany amiko ny krizy (vokatry ny safidin-draolombelona) dia tsy maintsy hisy hatrany eo amin'ny fiainana ! Ny vaha olana tsara indrindra dia ny fahaiza-mitodika Aminy sy fanekena ny fitarihaNY satria fampanantenana nomeNY rahateo izany ! :-)

Fomba fijeriko ihany anefa izay a ! :-)

Nehemiah:

Tsotra ny valiny : satria tsy namorona robot voalahatra hitia Azy Andriamanitra. Manana fahafahana misafidy ny olombelona sy ny anjely. Izay fahafahana misafidy izay no antoky ny fitiavana tena tso-po. Ary izay koa no tanjon'ny hazon'ny fahalalàna ny tsara sy ny ratsy. Fomba nanomezan'Andriamanitra occasion hampihatra an'izay fahafahana hisafidy izay an'i Adama ilay izy : nanan-tsafidy ny haneho ny fitiavany sy fankasitrahany an'Andriamanitra na hanilika Azy ka hanandratra ny tenany ho tompon'ny fiainany i Adama. Indrisy moa fa naka ny safidy faha2 izy...

Raha azoko tsara izany dia njy Anjely nanao nisafidy ny ratsy. Raha tonga ka ny Anjely ratsy no nanosika an'i Adama nanao ratsy, iza kosa aza no nanosika ilay Anjely ratsy nanao ratsy?

Taiza no nitsimoka ilay ratsy, ahoana nahatonga azy hanao ratsy,inona no namporisika azy?
mino aho fa tsy avy amin'Andriamanitra angambany.

Mazava tsara ny Ez. 28 fa i Losifera irery no nanapa-kevitra fa tsy nisy nanosika azy. Averiko indray mandeha fa namorona tontolo izay mety isian'ny ratsy Andriamanitra mba ho afaka maneho ny fitiavany Azy ny voariny. Tsy niteraka ratsy be manahoana ny fikomian'i Losifera satria tsy nomena fahefàna @'izao tontolo izao izy. Fa i Adama kosa dia nomen'Andriamanitra an'izay fahefàna izay @ maha-filohan'ny voary rehetra azy, ka rehefa nosaziana izy dia voasazy miaraka @ koa izao tontolo izao.

Raha azoko tsara izany dia Andriamanitra nanamboatra an'i Losifera, dia nanamboatra ihany koa ny tsara sy ny ratsy Andriamanitra, dia navelany i Losifera hisafidy ny tsara sy ny ratsy.
Izany hoe avy amin'Andriamanitra ny ratsy?

Amiko manokana indray dia i Adama sy Eva dia tsy nampiasa ny saina "mental" tamin'izy ireo tao amparadisa tany.
Fa rehefa nihinana ilay Paoma, dia lasa nisokatra ny saina dia teo no nanomboka ny fahotana.

Satria ny hany fahotana ny ny "Inconscience" ary hany hatsarana ny "Conscience".

Mety hahafinaritra ihany ny manome hevitra amin'ity lohahevitra ity.

Ny fahalalàna ny tsara sy ny ratsy no fiandohan'ny fahorian'ny olombelona raha ny tantara. Marina izany satria io no mampihataka ny olombelona amin'ny maha-tonga lafatra azy izay nananany teo aloha. Lasa mpamaha olana ny olombelona rehefa tonga ny fitsaràna ,fanabatiana, fanariana zo sy ny sisa...

Ny hany mba mahavariana indrindra dia nisy toetra izay noraisin'i Jehovah izay voalaza ao anaty Baiboly momba ny fitsaràna ny olombelona ka misy ny fanariana ny ratsy ary fanavotana ny tsara. Izany hoe sélection naturelle no azo hiheverana izany toetra izany ary eo amin'y fiainan'ny karazana miaina eto ambonin'ny tany izy io.

Eo no mampanontany ny namana rehetra hoe ANdriamanitra Fitiavana ve dia hanana toetra toy izany? Dia valin'i Jesoa ilay fanotaniana hoe : tsy miantso ny marina Aho fa miantso ny mpanota mba hibebaka. Tsy ny tsara izany no raisina sy antsoina fa ny ratsy eto.

Raha Krsistianina amiko izany dia ny mahafantatra fa tsy tonga lafatra ny tena dia manetry tena ary mamela AZY hitantana sy hanoro.

Vahaolana lehibe io sehatra fanetrentena io ary mamela AZY Tompo hanome hery sy fahalalàna. Ny olana be dia ilay olobmleona manana toetra hoe tsy misy afa-tsy izaho sy ny fahalalàko ihany no manan-kery fa ny sisa badraodra. Olana ihany koa ny milaza fa voavonjy ny tena dia manao ny hafa ho tsinontsinona. Efa betsaka ny ohatra momba izany : toy ny hoe aza mitsara dia tsiy hotsaraina, sy ny hoe aza manao ny rahalahinao hoe foka ialahy. Ny antony dia endrik'Andriamanitra na iza na iza mifanena amintsika.

Izay tsy miaky io fahamarinana farany io no atao hoe manana olana satria manalokaloka azy foana ny fitsarana ny hafa.

Tefigasy:

Iza no mbola tsy nandalo kirizy ny fiainany ?
Inona no mahatonga ireny tafio-drivotra ireny mandalo eo anatrehan'ny kristianina ?
Manaiky ve ianao fa tena sitrapon'Andriamanitra tokoa ny hiatrehanao io olana goavana io ?
Inona no ataonao manolona io kirizy io ?

Isaorako ianao mba hizara izany eto ho fanampiana ny namana rehetra mandalo izany tafio-drivotra izany ankehitriny eo amin'ny fiainany !

Ireo rehetra lazainao ireo dia mitory fa velona ny tany sy izay rehetra eo aminy. Raha toa ka tsy olana tamin'i Ford ny fandehanana sarety dia angamba tsy nisy fiarakodia. Raha toa ka tsy nivadika nangatsiaka toa izao ny tendron-tany roa dia angamba mbola tsy nisy niakanjo ny olona na nitafy hodi-biby akory aza, saingy na izany aza mbola misy ny olona tsy mitafy any amin'ny tany mbola tsy azon'ny sivilizasiona.

Rehefa misy tafiotra mahery nandrava Tanana sy nandrendrika sambo dia hoy ny mpampianatra iray: "Raha mbola tany anaty lava-bato sy kizo izao ny olona no nipetraka, dia tsy olana aminy izay trano mianjera, fa ny tany mihotsaka no atahorany... Raha tsy nanao sambo hisedra onja izao ny olona dia tsy olana aminy izay titanika rendrika..."

Fivoarana daholo izany, saingy mbola mihoatra noho ny fanimbana ataon'ny tafiotra ny fanimbana ateraky ny ady sy ny fanalan-jaza etsy sy eroa... saingy misoko mangina toa ron-gisa

Misaotra betsaka anareo nitondra valiteny. Alohan'ny hanomezako hafatra ho an'ilay akamako vao avy namoy ny vadiny dia asiako comments kely ihany ny hevitra sasany eo ambony.

smileyah:

Miaraka @ i Masina Maria aho no mivavaka sy mitalaho ny famindram-pon'Andriamanitra, mba @ maso feno hantra sy fo feno fangorahana no hijeren'i Jesoa Tompo ahy.

Midika ve izany fa rehefa tsy miaraka amin'i Maria ianao , na izay tsy miaraka amin'i Maria dia tsy maso feno hantra sy fo feno fangorahana no hijeren'i Jesoa Tompo anao ?
Dia aiza moa izany ny toerana misy an'i Maria no afaka miaraka aminy ianao ?
Tena nohon'ny tsy fahalalana no anton'ireo fanontaniana roa ireo fa tsy sanatria ho fanimbazimbana izay ataonao sy hinoanao akory a ! Misaotra amin'ny fahatsapanao izany !

voromailala:

Amiko manokana izany dia Andriamanitra fitiavana. Hoy Bessa izay hoe:

Ny Andriamanitra inoako,
Andriamanitra Fitiavana
Tsy Andriamanitra masiaka mpanasazy
(...)
Tsy mba faly manjera na revolisionera
Fa manarina hatrany ireo maditra eto an-tany
(...)

Io hiran'i Bessa io dia misy fifanoherana anaty. Milaza izy amin'ny voalohany fa "tsy andriamanitra masiaka mpanasazy" ; avy eo izy miteny fa "manarina hatrany ireo maditra eto an-tany" . Dia apetrako ary ny fanontaniana: amin'ny safosafo sy orokoroka, amin'ny alalan'ny fandeferana sy ny fiharetana ve no hanarenana ny maditra sa amin'ny alalan'ny hasiahana sy ny sazy ?
Raha ilay Andriamanitra ao anaty baiboly no asainao mamaly io fanontaniana io dia ito ny hamaliany azy : Oha.13:24 "Izay mitsitsy ny tsora-kazony dia tsy tia ny zanany ; Fa izay tia zanaka dia manafay azy."

Ajanoko hatreo ilay comments fa izao no fahitako azy :

Misy antony telo no mety mahatonga ny tafio-drivotra: ianao, ny manodidina anao, avy amin’Andriamanitra. Ireny rehetra ireny dia hitan’Andriamanitra ary eo foana Izy. Tsy mitranga ireny tafio-drivora ireny raha tsy Andriamanitra mihitsy no manaiky ny mba hisiany. Adidin’Andriamanitra isika na ao antin’ny tafio-drivotra na tsy ao anatin’ny tafio-drivotra.
Saingy manoloana ny tafio-drivotra, iza no antsointsika, isika ihany ve no mihezaka hampitony ny tafio-drivotra fa kristy ampatoriantsika. Fantatsika ve Jesoa sa tsia ? avelany ireny hitranga amin’ny fotoana iray mba hanehoany ny voninahiny, mba hahatonga ny olona hitodika any aminy.
Hiangaviako ianao hamaky ny Asa.27:1-28 fa lasa lava loatra raha ataoko eto daholo io toko iray io: rehefa nosamborina i Paoly ka nalefa tany Roma mba ho tsaraina: na dia gadra aza izy dia nalefa tahaka ny olona tsy mifatotra. Tao anaty tafio-drivotra no nanehoana fitia ny tenany. Raha teny an-dalana, tojo olana mafy mihatra amin'ny ainy izy ireo satria tena nifanehitra tamin'ny tafio-drivotra ny sambo nitondra azy : nihezaka tamin'ny herin'ny tenany ireo tatsambo sy ny manapahaizana rehetra: fahaizana sy fahalalan’olombelona no nampiasainy. Nariana ireo entana sy ny fitaovana tokony ampiasainy teo am-pelatanany.
Misy ihany koa kristianina manao izany: manary an’Andriamanitra manoloana ny tafio-drivotra. Manary ny fitaovana efa nomen’andriamanitra antsika ihany koa dia ny vavaka sy ny tenin’Andriamanitra rehefa mandalo fotoan-tsarotra isika. Raha nandalo tafiodrivotra ny mpiantry ny Tompo, teo foana anie Jesoa e, saingy tsy nofohaziny tamin’ny vavaka fa navelany hatory.
Nanaposaka izay mety ho fahalalany ny olona rehetra tao anatin'ny sambo, saingy tsy nampiova n'inon'inona na nitondra famonjena izany. Rehefa ny tenin'i Paoly izay avy amin'Andriamanitra kosa anefa no narahina dia avotra soa aman-tsara daholo ny ain'izay nanaraka izany. Manoloana ny tafio-drivotra : tsy ny olona mahay, na manana traikefa , na ny tenin’ny maro an’isa no henoina fa ny tenim-pahendrena avy amin’ ny mpanompon’Andriamanitra. Nampahatsiahy ny tenin'Andriamanitra i Paoly, nanome teny fampaherezana, nijoro vavolombelona ny amin’ny fahamarinan’ Andriamanitra, ny planin’Andriamanitra ny amin'ny dian'izy ireo. Noho ny finoan’I paoly dia novonjena ireo rehetra niaraka taminy tao anaty sambo
Nasain’I Paoly nanao izay tiany atao ny tantsambo nandritra ny 14 andro, ary nitady andositra izy ireo rehefa tsy nahita vahaolana. Saingy notenenin’I paoly mba tsy hitsaoka amin’ny andraikiny raha te ho velona.
Izay ny toe-tsaina hitako fa mety hijoroana manoloana ny tafio-drivotra mafy ka mahereza. Tafio sy ampiasao ilay fitaovana efa nomen'Andriamanitra dia ny vavaka sy ny teniny. Aza mitoditodika atsy sy eroa fa Jesoa banjinina sy jerena.

voromailala:
Raha azoko tsara izany dia Andriamanitra nanamboatra an'i Losifera, dia nanamboatra ihany koa ny tsara sy ny ratsy Andriamanitra, dia navelany i Losifera hisafidy ny tsara sy ny ratsy.
Izany hoe avy amin'Andriamanitra ny ratsy?

Tsy azonao ka. Avy amintsika ny ratsy fa tsy avy @'Andriamanitra. Toa tsy tena liana @ zavatra lazaiko ianao fa ny anao ihany no tianao asesika dia samy barakay.

Matoa tsy azoko izany dia na izaho no tsy mahazo izay lazainao na ianao no tsy mahay manazava.
azo raisina daholo izy roa ireo dia samy miezaka isika mifankahazo.

Avy amintsika hoy ianao ny ratsy, nefa sika avy amin'Andriamanitra.
Inona tamintsika (saina, fanahy,...) no loharano nipoiran'ilay ratsy. asa raha azonao ilay fanontaniana.

ohatra hoe misy rano madio be eo, dia tampotampoka teo lasa naloto ilay rano, mety hoe nisy zavatra na biby nitsoboka tao.

Eny ary. Izaho izao rehefa mampianatra dia manome safidy matetika ny mpianatro @ enti-mody sasany : "azonareo tsy atao ilay izy fa rehefa tonga kosa ny fanadinana dia ianareo ihany no voa". Inona moa no mitranga fa betsaka ny tsy manao ka mahazo naoty ratsy rehefa tonga ny fanadinana. Satria maninona ? Nomeko safidy izy ireo. Raha tsy nomeko an'izay safidy izay izy ireo dia angamba tsaratsara kokoa ny naotiny fa saingy mamitaka izay toe-javatra izay satria tsy tena azony an-tsaina ilay fampianarana, ary tsy tiako hitranga mihitsy izay toe-javatra izay satria tiako hahay ny ankizy fa tsy ny naoty tsara no tanjona. Kanefa azoko heverina fa fohy saina ny olona manendrikendrika ahy hoe "ianao ihany no mahatonga an'izay" : izy ireo ihany no tsy te-hanao an'ilay enti-mody koh !!!

Torak'izay koa dia mila antsika tena tia Azy Andriamanitra fa tsy mila "fitiavan'ny robot" Izy. Oh. : raha mamorona robot efa voalahatra hitia sy hanompo anao tahakan'ireny robots @ bokin'i Isaac Asimov ireny (na ny sarimihetsika I-Robot izay niainga avy @ bokin'i Asimov) ianao dia tsy fitiavana tena izy izao. Ka izay no antony namoronany antsika miaraka @ fahafahana hisafidy. Kanefa, araky ny nasehoko t@ ohatra nomeko etsy ambony dia miteraka possibilité hisian'ny ratsy nohon'ny zavatra ataontsika.

Ka izay no anaovako hoe isika olombelona sy ny demony ihany no nahatonga/mahatonga ny ratsy rehetra eto an-tany.