Manomboka ny ririnina eto Mada(Aprily --> Aogositra). Manomboka miaraka amin'izany ihany koa ny fomba maro toa ny famadihana sy ny didi-poitra. Ny tiana marihina amin'ity lohahevitra ity dia ny mikasika ny famadihana na, ny marimarina kokoa: ny fifandraisan'ny maty (olona tsy misy aina) sy ny velona.

Misy finoana sasany mampifandray tsara ny maty sy ny velona: ny maty afaka miaro ny velona, ary ny velona afaka mikarakara tsara ny maty. Izany hoe misy fifanakalozana (echange) tsara eo amin'ny maty sy ny velona. Ary misy mihitsy ary moa tononin'izy ireo hoe : i XXXX dia miaro antsika amin'ny varotra, i YYYY dia miaro ny mpanao mofo, i ZZZ dia miaro ny mpifankatia, .... Sanatria ho fanenjehana na ho fanamarinana ireo izay manao izany akory no anton'ity lohahevitra ity fa voasoratra hoe I.Tes.5:21 "Fantaro ny zavatra rehetra ; hazony mafy izay tsara.

Samy manana ny heviny ny tsirairay, ary ny tena loza dia miteraka ady sy fifandirana ao anatin'ny fianakaviana ity resaka ity. Misy ireo tena kristianina tsy manao ity fomba ity intsony no efa nahazo ny hafatra toa ny hoe "rehefa tsy hikarakara ireo nahitana masoandro (razana) dia aza pingapinga hikitikitika an'ireo lova napetrany ireo ! " nefa voasoratra hoe Sal 24 : 1 An'i Jehovah ny tany sy izay rehetra eo aminy . Tsaroana eto ilay tenin'i Jesoa hoe Mat.10:35 "Fa tonga Aho hampifandrafy olona amin'ny rainy , ary ny zanaka vavy amin'ny reniny , ary ny vinantovavy amin'ny rafozany vavy " . Mba tsy hifandrafesan'izay samy mieritreritra ny tenany ho kristianina dia andeha izay lazain'ny baiboly no hoetina aminao eto ambany :

Mitahy ve ny razana
Gen.3:19b : “vovoka ianao ary hiverina ho amin’ny vovoka indray ianao”. ==> Razana = vovoka.
Gen.2:7 “ary vovotany no namoronan’i Jehovah Andriamanitra ny olona ary nofofoniny fofon’aina mahavelona ny vavorony dia tonga olombelona izy” Ny fofon’aina dia milaza fanahy. Rehefa notsoahina indray ny fanahy,izany hoe niala tao anatin’ny fotaka novolavolaina, vovoka : miverina vovoka ny vovoka fa ilay fanahy sy aina tao anatin’iny vatana iny dia mifindra any amin'ny toerana hafa. ==> Ny razana mijanona ao am-pasana fa ny fanahy kosa tsy voafehin'ny fasana satria efa tafasaraka tamin'ilay vatana.
Noho izany: satria tsy misy vovoka mitahy ==> Tsy misy razana mitahy. Tsy misy vovoka mangatsiaka ==> tsy misy razana mangatsiaka |==> diso tanteraka ilay firariana hoe hotahin'ny razana ! toa milaza hoe hotahian'ny vovoka !

Mankaiza ary io Fanahy io, izany hoe ilay olona fony fahavelony ?
Jao.14:2 “Ao an-tranon'ny Raiko misy fitoerana maro; raha tsy izany, dia efa nilaza taminareo Aho; fa handeha hamboatra fitoerana ho anareo Aho” Aseho eto fa misy fitoerana maro ao amin’Andriamanitra, Izy ihany no mahafantatra ny isany sy ny antony. Rehefa maty ny olona, misy toerana hametrahan’ Andriamanitra ny olona (fanahy) tsirairay avy.
Lio.16:19-23 “ary maty ilay malahelo (lazarosy), dia nentin'ny anjely ho any an-tratran’i Abrahama (milaza toerana); ary maty koa ilay manan-karena, dia nalevina; ary raha nijaly tao amin'ny fiainan-tsy hita izy” ==> Rehefa miala ety ambonin’ny tany ny olona dia fitoerana roa avy hatrany amin’ireo fitoerana maro nambara teo no alehany. Miankina amin’ilay safidy natao mbola velona izany: na mankany amin’ny fiana-tsy hita izy na mankany amin’ilay toerana atao hoe eo an-tratran’i abrahama
Lio.23:43 “Lazaiko aminao marina tokoa : Anio no hihaonanao amiko any Paradisa” |==> Ny olona izay mibebaka, mandray an'i Jeso ho tompony, vao miala eto dia mivantana any am-paradisa (any an-tratran’i Abrahama) fa izay manda kosa dia any amin’ny fiaina-tsy hita no misy azy.

Mbola manana anjara (miseho, manome hafatra, mikarakara, miaro, mivavaka) amin'ny velona ve ny maty na ny fanahin'izay efa maty ?
Lio.16:24-31 “ary izy niantso ka nanao hoe : Ry Abrahama raiko ô, mamindrà fo amiko (...). Dia hoy izy : Mangataka aminao ary aho, ry raiko (....) . Fa hoy kosa izy : Tsia, ry Abrahama, raiko (...)” ==> Ireo olona izay maty dia mbola tena mahatsiaro tena tsara mihitsy. Ary aoka marihina fa tsy ao am-pasana akory izany fa ny vovoka ihany no ao am-pasana fa ilay olona izay tena endrik’Andriamanitra amin’ny maha-olona azy dia efa lasa any amin’ny toerana nametrahan’Andriamanitra azy, izay efa nofidin’ny olona fony fahavelony.
|==> Na dia nangataka mafy aza ilay mpanankarena, izay efa lasa tany amin'ny fiainan-tsy hita, nagataka mafy, nifona mba ho an'ny fianakaviany izay mbola velona, dia tsy nahazo, tsy nomena valiny mihitsy ny fangatahany. Mety misy izany olona, fanahin'ny olona izay efa any amin'ny fiainan-tsy hita mangataka, mivavaka mba ho an'ny velona, saingy tsy omena valiny mihitsy ireny vavaka izay ataony ireny ! Ilay lasa any an-tratran’i abrahama kosa dia tsy miteny mihitsy fa ny hany ataony dia ny mandray ny sitraka sy ny valisoany ao am-paradisa.

Sitraky ny Andriamanitry ny kristianina ve ny fikitikitihana sy ny firaisana amin' azy ireny ? (famadihana, fanaterana voninkazo eny amin'ny fasana, ...)
Lio.16:26 “ary mihoatra noho izany rehetra izany, misy tevana makadiry ajadona ao anelanelantsika, mba tsy ho afa-mita hankeny aminareo izay te-hiala eto, ary tsy ho afa-mita hankety aminay izay eny” ==> Tsy misy intsony ny fomba na vavaka atao ety ambonin’ny tany na tsy ety ambonin’ny tany mba entina hanova ny toerana misy an’ireny maty ireny fa tsy manana fahefana amin’izany isika satria efa nofidian’ilay olona hatramin’ny fahavelony ny handa na hanaiky ny famonjen’Andriamanitra.

Isa 8 : 19 Moa tsy Andriamaniny va no tokony hilan'ny olona saina? Fa hila saina amin'ny maty ho an'ny velona va izy?
Mpt 9 : 5 Fa fantatry ny velona fa ho faty izy ; fa ny maty kosa tsy mba mahalala na inona na inona , ary tsy manana valim-pitia intsony izy ; fa hadino ny fahatsiarovana azy . ==> Tsy mendrika sy tsy sitrapon'Andriamanitra ny mbola fiantsoana, fikarakarana, firaisana amin'ireny olona efa nodimandry ireny satria voalaza eto fa efa foana (tsy misy intsony) ny fahatsiarovana azy.
I-Tim2:5 fa iray no Andrimanitra, ary iray no mpanalalana amin’Andriamanitra sy ny olona dia Kristy Jesoa ==> Aiza ho aiza amin'io ny fametrahana ny hevitra hoe : ireo izay efa maty dia lasa mipetraka akaikin'ny Tompo ary afaka mitondra vavaka na manelanelana eo anatrehany !
NY hamaranana azy dia ity :
Apo 2 : 6 kanefa izao no toetranao :halanao ny asan'ny Nikolaita , izay halako koa
Isa.1:14;16 Ny voaloham-bolanareo sy ny fotoam-pivavahanareo dia halan'ny fanahiko ,
Mavesatra amiko izany , ka sasatra mitondra azy Aho . Misasà ianareo , diovy ny tenanareo , Esory tsy ho eo anoloan'ny masoko ny ratsy fanaonareo ; Mitsahara , fa aza manao ratsy ;

Samy maka izay tandrify azy ny tsirairay, fa raha ny faniriako, enga anie mba hiala amin'ny fanompoana razana ny malagasy, hitodika tanteraka amin'ilay Andriamanitra tena masina.

Tena tokony fongorana @ alalan'ny fitoriana ny Evanjely mihitsy ny fanompoana razana ! Hitako ho tena tsy mahomby ny fiangonana lehibe ety Madagasikara rehefa mahita olona manary toaka kely any @ zoro avaratra atsinanana aho.

Izany hoe misy fotokevitra tohanan'ny olona maro izay milaza fa efa foana ny "tratran'i Abrahama" ankehitriny satria nalain'i Jesoa avy teo izy ireo ka nentiny any an-danitra.
Izany hoe, raha iny fotokevitra iny no arahina, karazana "efitra fiandrasana" sady toerana mitokana any @ fianan-tsi-hita ny "tratran'i Abrahama" fa tsy ny Paradisa, satria mbola tsy nanafaka ny heloky ny olona maty t@ finoany ny Tompo i Kristy ; dia ankehitriny, tsy misy afa-tsy ny tsi-mpino no tavela any @ Seoly.

Izaho izao tsy dia mahavoa thanatologie loatra, ka ahoana ny eritreritrao momba an'izay ?

Nehemiah:

Tena tokony fongorana @ alalan'ny fitoriana ny Evanjely mihitsy ny fanompoana razana ! Hitako ho tena tsy mahomby ny fiangonana lehibe ety Madagasikara rehefa mahita olona manary toaka kely any @ zoro avaratra atsinanana aho.

Izay mihitsy no olan'ity firenena ity sy ny vahoaka ao aminy : milaza azy ho kristianina daholo, mameno fiangonana, mamaky baiboly nefa ny atao amin'ny andavan'andro hafa mihitsy ! Rehefa tsy mahazo valim-bavaka dia Jesoa foana no omena tsiny, hany ka lasa mitady an'ity olona efa maty ity hatrany mba hitondra am-bavaka e, hiangaviana mba hivavaka sy hifona e, .... nefa tena izay marina moa ve ny sitrapon'Andriamanitra sy araka ny baiboly !

Nehemiah:

Izany hoe misy fotokevitra tohanan'ny olona maro izay milaza fa efa foana ny "tratran'i Abrahama" ankehitriny satria nalain'i Jesoa avy teo izy ireo ka nentiny any an-danitra.
Izany hoe, raha iny fotokevitra iny no arahina, karazana "efitra fiandrasana" sady toerana mitokana any @ fianan-tsi-hita ny "tratran'i Abrahama" fa tsy ny Paradisa, satria mbola tsy nanafaka ny heloky ny olona maty t@ finoany ny Tompo i Kristy ; dia ankehitriny, tsy misy afa-tsy ny tsi-mpino no tavela any @ Seoly.

Izaho izao tsy dia mahavoa thanatologie loatra, ka ahoana ny eritreritrao momba an'izay ?

Raha jerena ny I.Pet 3:18-20 " Fa Kristy koa aza efa nijaly indray mandeha noho ny ota , ny Marina hamonjy ny tsy marina , mba hitondra antsika ho amin'Andriamanitra , ka novonoina tamin'ny nofo , fa novelomina tamin'ny fanahy , izay nandehanany sy nitoriany teny tamin'ireo fanahy tao an-trano-maizna , dia izay tsy nanaiky fahiny" dia toa manamafy io lazainao io indrindra. Niniako tsy nidirana lalina izay teo aloha satria efa lava loatra ny fanehoan-kevitra narosoko, sady ny tena tiako hahatongavana dia ny fahefan'ny maty amin'ny velona na ny velona amin'ny maty fotsiny ihany, ny toerana roa mety hivantanan'ny olona rehefa miala amin'ny vatany ny ainy (paradisa sa fiaina-tsy hita) fa tsy nabaribariko ny amin'ny antsipiriany ny maty talohan'i Kristy sy ny maty taorian'ny fanavotana nataon'i Kristy .

Apok.20:4-6 “Ary nahita seza fiandrianana maro aho , ary nisy nipetraka teo amboniny , ary nomena fahefana hitsara izy ; ary hitako koa ny fanahin'izay notapahin-doha noho ny filazana an'i Jesosy sy ny tenin'Andriamanitra sy izay rehetra tsy niankohoka teo anoloan'ny bibidia na teo anoloan'ny sariny ary tsy nandray ny marika ho eo amin'ny handriny na ho eo amin'ny tànany ; ary velona izy ka niara-nanjaka tamin'i Kristy arivo taona ; Fa ny sisa amin'ny maty dia tsy mbola velona mandrapaha-tapitry ny arivo taona . Izany no fitsanganana voalohany .”
Ny fahafatesana aloha dia miseho amin'ny endrika telo :
- fahafatesana fototra na ny fahafatesan'ny fanahy : fisarahan'ny fanahy amin'Andriamanitra noho ny fahotana (Gen.2:16-17 )
- fahafatesan'ny nofo : fisarahan'ny vatana sy ny fanahy
- fahafatesana faharoa na fahafatesana mandrakizay : fisarahana tanteraka amin'Andriamanitra (helo, farihy mirehitra afo : Apok.21:8 )
Ka ny fitsanganana voalohany ambaran'ny apokalipsy eto dia ny fitsanganan'ny fanahy amin'ny maty (fahafatesana fototra). Ny olona nandray an'i Jeso ho Tompo sy mpamonjiny ihany no hiharan'io fitsanganana io ary hita avy hatrany manoloana ny seza fiandrianana ireo fanahy ireo rehefa miala ety an-tany, misaraka amin'ny vatana. Izany hoe tsy ho lasa any amin’ny fiaina-tsy hita na atao hoe Hades mihitsy. Fa ireo olona tsy nandray an’I Jesoa kosa dia tsy manana anjara amin’ilay fitsanganana voalohany fa mijanona any amin’ny fiaina-tsy hita na atao hoe Hades hoy aho teo aloha ary mbola hiharan'ny fitsarana farany. Ary manamafy izany ny Jao.5:24 “Lazaiko aminareo marina dia marina tokoa : Izay mandre ny teniko ka mino Izay naniraka Ahy no manana fiainana mandrakizay ka tsy hohelohina ; fa tafafindra niala tamin'ny fahafatesana ho amin'ny fiainana izy”
Izay aloha ny zavatra misy aty aorian'ny famonjen'i Kristy. Fa raha jerena ny zava-nisy talohan'ny famonjen'i Kristy dia io I.Pet 3:18-20 no hitako mahafehy ny zava-nisy: Jesoa Kristy no nandeha tany @ sheol, nidina tany, nitoriteny tany dia toerana roa sisa no hivantanan’ny fanahy: Hades na Paradisa.
Manamafy izany ihany koa ny faneke-pinoana apostolika hoe "nidina tany amin'ny fiaina-tsy hita" ary ambaran'i Jesoa koa taorian'ny nitsanganany tamin'ny maty ny hoe Jao 20 : 17 Hoy Jesosy taminy : Aza manendry Ahy ; fa tsy mbola niakatra tany amin'ny Ray Aho
Ajanoko hatreto indray aloha fa efa lava loatra. Mbola misy tohiny fa tsy mbola tapitra hatreo ny lalana hizoran'ny olona (fanahy) rehefa tafasaraka amin'ny vatana raha ny hitako ao anaty baiboly no halalinina.

Misaotra betsaka.

Tsy mampatahotra ahy anie ny halavàna rehefa marim-pototra sy tsy mitamberimberina ny hevitra e ^_^.

Voavaky :-)
(Mba hilazàna hoe mamaky hatramin'ny farany ny zavatra soratanareo eto aho na lava aza... )

Velona Jesosy!

Misaotra anao namana Tefigasy fa vao nikasa hampiditra lohahevitra mikasika ity resaka fahafatesana ity mihitsy aho, no ny anao no tonga aloha; ka dia ato izany isika no mifamosaka hevitra.

Voalohany aloha, aleo angamba tonga dia potsirina ny voamasony fa ny fangataham-pitahiana, na vavaka atao amin'ny olo-masina (fomba katolika), na mpanjaka efa maty na ray aman-dreny na havana efa maty (fomba gasy) dia fahavetavetana eo imason'Andriamanitra, ary hentitra ny teniNY : "Si un homme consulte d'une manière ou d'une autre les esprits des morts, ce qui est une forme d'idolaterie, j'interviendrai contre lui en l'excluant du peuple d'Israël". Lev 20/06

Faharoa dia tiako hisarihana ny saintsika ity tranga ity : 1 Sam 28/03-16 :
"Ary efa maty Samoela, ka ny Isiraely rehetra efa nisaona azy sy nandevina azy tao Rama, dia tao an-tanànany. Ary efa noroahin’i Saoly hiala amin’ny tany izay nanao azy ho tsindrian-javatra sy ny mpanao hatsarana.
Ary ny Filistina nivory, dia tonga ka nitoby tao Sonema; fa Saoly namory ny Isiraely rehetra, ka nitoby tao Gilboa kosa ireo.
Ary Saoly, raha nahita ny miaramilan’ny Filistina, dia raiki-tahotra sady niemponempona ny fony.
Ary Saoly dia nanontany tamin’i Jehovah, fa Jehovah tsy namaly azy, na tamin’ny nofy, na tamin’ny Orima, na tamin’ny mpaminany.
Ary hoy Saoly tamin’ny mpanompony: Itadiavo vehivavy manao azy ho tsindrian-javatra aho hankanesako any hanontaniako aminy. Ary hoy ny mpanompony taminy: Indro, misy vehivavy manao azy ho tsindrian-javatra eo Andora.
Dia nanova tarehy Saoly ka nitafy fitafiana hafa, dia nandeha izy sy ny olona roa lahy nanaraka azy ka tonga tao amin-dravehivavy nony alina; ary hoy izy: Masìna hianao, manaova fankatovana ho ahy amin’ny zavatra manindry anao, ka ampiakaro ho et? amiko izay hotononiko aminao.
Ary hoy ravehivavy taminy: Indro, fantatrao izay nataon’i Saoly, dia ny nandroahany ny manao azy ho tsindrian-javatra sy ny mpanao hatsarana hiala amin’ny tany, ka nahoana hianao no mamandrika ny aiko hahafaty ahy?
Ary Saoly nianiana tamin’i Jehovah ka nanao taminy hoe: Raha velona koa Jehovah, dia tsy hisy heloka hahazo anao amin’izao zavatra izao.
Dia hoy ravehivavy: Iza ary no hampiakariko ho eto aminao? Ary hoy izy: Samoela no ampiakaro ho et? amiko.
Ary hitan-dravehivavy Samoela, dia nidradradradra tamin’ny feo mafy izy ka nanao tamin’i Saoly hoe: Nahoana no namitaka ahy hianao? fa hianao no Saoly.
Ary hoy ny mpanjaka taminy: Aza matahotra; fa inona no hitanao? Ary hoy ravehivavy tamin’i Saoly: Andriamanitra miakatra avy amin’ny tany no hitako.
Ary hoy izy taminy: Manao ahoana no endriny? Dia hoy izy: Lehilahy antitra no miakatra sady mikapôty izy. Ary fantatr’i Saoly fa Samoela izay, dia niondrika tamin’ny tany izy ka niankohoka.
Ary hoy Samoela tamin’i Saoly: Nahoana no korontaninao aho ka ampiakarinao? Dia hoy Saoly: Tery loatra aho, fa miady amiko ny Filistina, ary Andriamanitra efa nahafoy ahy ka tsy mamaly teny ahy intsony, na amin’ny mpaminany, na amin’ny nofy; koa izany no nampanalako anao mba hampahalalanao ahy izay hataoko.
Ary hoy Samoela: Nahoana no manontany amiko hianao, nefa Jehovah efa mahafoy anao ka tonga fahavalonao.
Ahoana ny hevitrao namana, fa miresaka eto ny maty (Samoela mpaminany) sy ny velona (Saoly mpanjaka)? mazava ho azy fa heloka be vava eo anatrehan'Andriamanitra ity nataon'i Saoly ity, efa voaheloka rahateo koa moa izy noho ny antony hafa. Fa tsy izay loatra no tiana hahatongavana.

Fahatelo, Mar 09/04-05 : "Ary Elia sy Mosesy niseho taminy ka niresaka tamin’i Jesosy. Ary niteny Petera ka nanao tamin’i Jesosy hoe: Raby ô, tsara raha mitoetra eto isika; ary aoka hanao lay telo izahay: ny anankiray ho Anao, ny anankiray ho an’i Mosesy, ary ny anankiray ho an’i Elia".
Mifono hevi-dalina koa ity tranga iray ity. I Elia niakatra velona tany an-danitra, i Mosesy (maty saingy tsy hita faty) dia ireo misesaka amin'ny Tompo ireo. I Elia dia endrik'izay tsy mba handalo fahafatesana mandra-piavin'ny Tompo. I Mosesy kosa indray no endrik'ireo efa natsangana tamin'ny maty sy mbola hatsangana amin'ny maty (fitsanganana voalohany, ho an'ny voavonjy, voavela heloka, tsy mandalo fitsarana fa efa nohamarinina noho ny amin'ny ran'ny Zanak'ondry).

Ento ary namana, izay hevitrao hanampy izany na hanitsy izany rehetra izany.
Misaotra mialoha, dia hotahian'ny Tompo daholo!

Nieritreritra aho hoe tokony ho valiana ve ity dinika ity. Maro mantsy no hitako fa lesoka eo amin'ny fahalalan'ny mpitarika ny dinika momba ny famadihana.

Amin'ny lafiny ilany anefa dia toa tsy ny hameno izany loatra no tanjon'ny dinika ka ho lany fotoana fotsiny aho hanazava.

Rehefa nandinika elaela teo aho dia hoy aho hoe aleoko mandeha manao baskety.

sitlo manao baskety zany ?? looooll

ny ahy ny tiko ho marihina amin'izy ity fotsiny dia ny hoe ef a talohan'ny nidiran'ny vazaha teto no efa nahay an'andriamanitra ny malagasy. Ary misy kilasy ny hoe , andriamanitra, zanahary ary ny andriananahary.
Ny razana dia najaina ary fanajana ny razana daholo ireny rehetra natao azy ireny. satria ny malagasy taloha dia mino fa tsy nisy ny tenany raha tsy nisy ny razana teo alohany. Na ny fanalana satroka rehefa mahita razana mandalo aza dia fanajana ny maty.

hafa ny fivavahana kristiana sy ny fomba tany . Nefa afaka miaraka tsar aireosatria fanajana daholo no fototra iaingany.
Tsy hoe mpivavaka be dia ariana ny fomba tany. Tsia
FA ny fivavahana kristianina dia tokony hanamafy sy hanatsara ary hanazava ny fiaianana an tany ary mameno ny fomban drazana.

Ny Malagasy talohan'ny nidiran'ny vazaha anie dia efa azolazaina hoe kristianina satria nanaja sy natahoatra an'andriamanitra e. Ary na tsy mbola azony aza dia efa nanaja ny didy 10 ny ntaolo fahiny.
Porofon'izany ireo angano sy tantara maro samy hafa;

Izaho indray mahita fa matoa tsy vahiny ny Malagasy mamaky ny Baiboly sy ireo tantara voatanisa ao amin'ny Samoela ireo dia fantany hoe inona no atao hoe razana sy ny fifandrasany amin'ny taranaka. Fa ny fantatra sy tsy azo lavina dia ny hoe : manelohelo azy hatra ny Andriamanitra nahatonga ny fitenenana hoe : aza ny lohasaha mangina no jerena fa Andriamanitra antampon'ny loha.

Manaporofo ny fisian'ny fanajana ny razana fa efa niainan'ny Malagay tanteraka ny voalaza ao amin'ny Samoela ary matoa Jesoa mora taminy ny nandray AZY dia noho ny fisian'ny fahalalàna ny momba ny lalan'ny fanahy izay nomena anarana hoe razana rehefa miala amin'y nofo. Ka sao dia heverin'ny namana Tefigasy fa vovoka no ao an-tsain'ny Malagasy rehefa miresaka momba ny razana..., fa ilay toa ani' Samoela voalaza ao anaty Baiboly no ao an-tsainy. Mitovy amin'i Saoly mihitsy ny Malagasy eto satria Jehovah Mpahary aloha, dia rehefa tsy nahazo valiny dia niantso an'i Samoela hifanampy aminy.

Ataoko koa fa ny fisian'ireo tantara ireo no mahatonga ny Katolika mametraka fiarahamiaina amin'ny olomasina; satria fantany fa tsy maty ireo fa miara-miaina ary amiko tsy misy lojika ny fiainana mandrakizay raha fahafatesana no ventesina, satria ny Baiboly no manaporofo fa tsy misy ny fahafatesana fa fiovana endrika no misy rehefa mandao ny nofo.

Io fiombonana io no fampahalalàna tian'Andriamanitra hampitaina ny olombleona fa izay manana fisainana manasaratsaraka no fatra-panitrikitrika ny fahafatesana izay efa fantatra fa resy noho ny fahalalàna an'Andriamanitra TOKANA sady Marina.

Ny olana fotsiny dia matetika Krisitianina ihany no mivoy ilay fisaratsarahana.

sitlo:

Nieritreritra aho hoe tokony ho valiana ve ity dinika ity. Maro mantsy no hitako fa lesoka eo amin'ny fahalalan'ny mpitarika ny dinika momba ny famadihana.

Amin'ny lafiny ilany anefa dia toa tsy ny hameno izany loatra no tanjon'ny dinika ka ho lany fotoana fotsiny aho hanazava.

Rehefa nandinika elaela teo aho dia hoy aho hoe aleoko mandeha manao baskety.

Eny namana, fa raha hitanao hoe mahasoa kokoa ny fanahinao ny baskety dia tsy maninona.
Fantatrao angamba ity : "Les exercices physiques sont utiles, mais à peu de chose; l'attachement à Dieu, au contraire, est utile à tout" I Tim 04/08.

bazylou:

hafa ny fivavahana kristiana sy ny fomba tany . Nefa afaka miaraka tsar aireosatria fanajana daholo no fototra iaingany.
Tsy hoe mpivavaka be dia ariana ny fomba tany. Tsia
FA ny fivavahana kristianina dia tokony hanamafy sy hanatsara ary hanazava ny fiaianana an tany ary mameno ny fomban drazana.

Velona Jesosy!

1- Tena tsy laviko fa tokony hajaina ny maty, tahaka ny zanak'israely nanaja mandrakariva ny razany dia Abrahama sy Isaka sns. Ny didy hoe "manajà ny ray sy reninao" dia mahafaoka azy ireny na dia efa nodimandry aza.
2- Hatreo ihany anefa : fanajana. Fa ampahatsiahiviko ilay verset nomeko etsy ambony : "Si un homme consulte d'une manière ou d'une autre les esprits des morts, ce qui est une forme d'idolaterie, j'interviendrai contre lui en l'excluant du peuple d'Israël". Lev 20/06. Tena halan'Andriamanitra ny fanandramana hifandray na hiresaka amin'izy ireny. Mazava ny teny nomen'ny namana etsy ambony fa IRAY Andriamanitra ary IRAY ny mpanalalana dia Jesosy Kristy. Tsy mpanalalana, na mpanelanelana izany ny ankoatra izay : Maria, olo-masina, dadabe sy bebe efa maty sns ... ary fahavetavetana amin'Andriamanitra ny firesahana amin'izy ireny. Zary fomba entin'ny devoly amitahana ny olona aza izany.
3- Ny maha-kristiana sy ny fomba malagasy : Tsy maintsy misafidy ianao namana, fa tsy miaraka ireo satria ny fomba malagasy dia miharo fanompoan-tsampy mandrakariva, ary Jesosy tsy miara-monina amin'ny sampy namana.

Sokafy ny masom-panahintsika hahalala!

Sitlo > dommage. tsy ilay handeha hanao baskety ^^. Siora aho fa mahaliana ny be sy ny bobaka nefa ny momba io, sady haiko ingahy fa tena mahay momba ny fomba² sy filôzôfia truc² ohatra izany Malagasy. Na mba ataovy toriteny tsy valiana koa e ^^

Hajaina ny maty ?

Inona kay no fitahiana azon'ny razana omena, raha misy ? Sa diso fandray aho ? Mba azavao tsara moa.

Raha tena ahazoana fitahiana tokoa ny fivavahana ny razana, nahoana no mivarilavo tahak'izao ny lafim-piainana rehetran'ny Malagasy ? Manao ny ataontsika isika dia avy eo gaga rehefa kapohan'Andriamanitra !

Raha mbola miraikitra @ sain'ny gasy izany fiheveran-diso izany dia tsy handroso mihitsy isika.

sitlo:

Nieritreritra aho hoe tokony ho valiana ve ity dinika ity. Maro mantsy no hitako fa lesoka eo amin'ny fahalalan'ny mpitarika ny dinika momba ny famadihana.

Amin'ny lafiny ilany anefa dia toa tsy ny hameno izany loatra no tanjon'ny dinika ka ho lany fotoana fotsiny aho hanazava.

Rehefa nandinika elaela teo aho dia hoy aho hoe aleoko mandeha manao baskety.

Ianao ity dia tsy azoko mihitsy. Rehefa mahaliana ny hevitra, aza matahotra ny miditra an-tsehatra fa malalaka ny serasera. Fa raha tsy misy ilanao azy dia aza manadala vahoaka rangahy !

Sao dia misy ta-hampiditra ny resaka angatra @'izao ? Tadidio tompoko fa mazava ny tenin'Andriamanitra : tsy misy olona miverina avy @ maty, ary tsy misy olona mirenireny aty aorian'ny fahafatesana fa tonga dia mivantana any @'izay tokony isiana azy.

Ka fitaka izany ny angatra, fitak'i Satana, mody miseho azy ho anjelin'ny fahazavàna mihitsy izy. Ny famitahana ihany no tena fitaovam-piadiana entin'i Satana hitarika ny olona @ tsi-fahatokisana ny tenin'Andriamanitra sy ny fahotàna.
Rehefa ny fahitany ny angatra na lolo no ifotoran'ny olona mba andinihana ny Baiboly dia manjary mitarika azy @ mosavy sy occulte, kanefa tokony ny mifanohitra @'izay no ataony mba isorohana @'izay : ny Baiboly no entina andinihana ny zavatra hitany.

Raha ny 1 Sam 28 nomen'i Leva2 indray no jerena, mariho tsara ny hatairan'ny mpamosavy sy ny hatezeran'i Samoela : angamba nahita izy fa tena Samoela tokoa ilay izy fa tsy ny demony fiantsoany mahazatra. Ka angamba fitsaràna nataon'Andriamanitra t@ Saoly ilay izy, satria izy irery no manana fahefàna @ fanahintsika efa any an-koatra : "Te-haheno ny faminanian'i Samoela ianao ? Andao ary, fa saingy hivarahontsana ianao ny any !

Nehemiah:

Hajaina ny maty ?
Inona kay no fitahiana azon'ny razana omena, raha misy ? Sa diso fandray aho ? Mba azavao tsara moa.
Raha tena ahazoana fitahiana tokoa ny fivavahana ny razana, nahoana no mivarilavo tahak'izao ny lafim-piainana rehetran'ny Malagasy ? Manao ny ataontsika isika dia avy eo gaga rehefa kapohan'Andriamanitra !
Raha mbola miraikitra @ sain'ny gasy izany fiheveran-diso izany dia tsy handroso mihitsy isika.

Velona Jesosy!

Ny fomba fanajana ny maty mendrika sy tsara indrindra dia ny tsy fanadinoana ny zavatra tsara nataon'izy ireny. Hatreo ihany fa tsy ilaina ny manatitra voninkazo eny amin'ny fasana, zava-poana ny fandokoana na fanadiovana ny fasana; indrindra fa ny mamadika sy mamono lamba ny vovok'ireny maty ireny fa sady halan'Andriamanitra izany fomba izany no sady fandaniam-bola sy fotoana ary miharo sampy mandrakariva.
Tsy misy razana mitahy izany namana, fa ny devoly no mody mamaly ny fangatahana (raha mivaly) atao amin'ireny maty ireny hamitahany ny olona avy eo.
Momba an'i Madagasikara sy ny fomban-drazany, ny kristiana malagasy sy ny fiainam-pireneny :
- tokony ho lohahevitra hafa ity sady mety hahaliana tokoa, fa HS raha ato.
- tsy i Madagasikara irery anie no mandalo fotoan-tsarotra fa na europe, na USA, saika manerana an'izao tontolo izao ny krizy, fa ny antsika aloha no tena hita.
- dia mihevitra ve ny namana Nehemia fa vokatry ny sampiny ihany no tena maha-toy izao an'i Gasikara? aza adino fa ity izao tontolo izao ity (y compris Madagasikara) anie ka mihazakazaka ho amin'ny faharatsiana sy fahalovana araka ny tenin'Andriamanitra e, ka manantena inona eto amin'ity tany fandalovana ity ianao namana? mpitondra mahay? vahoaka hendry? firenena mandroso?

Mahereza namako isany!

o ry leva a.

DIA aza atao an'izany ny anao rehefa malemy saina ianoa. Aleo izahay hanao ny anay fa izahay gasy tsy malemy saina ary tsy azo rebirebena amin'izany.
Mitahy ny razana aminay . Ny anao noteho razan'alika any.

Ny fivavahna kristiana dia fandemen tsaina ary io no fitaovan avoalohany nentin'ny mena sofina entina hamonoana ny gasy sy ny fanahiny.

beuuurk

bazylou:

o ry leva a.

DIA aza atao an'izany ny anao rehefa malemy saina ianoa. Aleo izahay hanao ny anay fa izahay gasy tsy malemy saina ary tsy azo rebirebena amin'izany.
Mitahy ny razana aminay . Ny anao noteho razan'alika any.

Ny fivavahna kristiana dia fandemen tsaina ary io no fitaovan avoalohany nentin'ny mena sofina entina hamonoana ny gasy sy ny fanahiny.

beuuurk

Salama namana isany;
Ho antsika rehetra mpamaky baiboly eto @ sera, izao no mba hevitra tiako hasehomomba an'ity resaka ity:
-Ny fomba malagasy dia nolovaina t@ hebreo= io ilay "tsy mamela ho very faty, fa manana fasan-drazana" miverina foana io @ ireo tantara ao @ baiboly; ny arabo, ny silamo,...tsy manana an'izany, eny fa ny KRISTIANA ihany koa aza!
dikany 1°: fomba mampiavaka ny malagasy ny fasan-drazana "velona iray trano, maty iray fasana"

dikany 2°:
-iza no tena manompo sy mivavka @ razana?? ny mpanompo sampy sa ny kristiana izay samy miantso ANdriamanitra?
Andriamanitra (prince parfumé: dikan-teny akademia malagasy)= Andriana manitra = fiantsoana ny mpanjaka efa NODY MANDRY = FATY
...noho izany fanazavana izany dia NORAOFIN'NY FFKM (katolika, protestanta,....) ary tsy azo avoaka intsony ny boky FARY MAMY TERMINAL! mba tsy hisy intsony afaka hanazava ny marina momba izany zavatra lazaiko izany!
MAMPALAHELO ISIKA MALAGASY FA NOTARIHINA HIVAVAKA T@ RAZANA FOANA IZAY AN-JATO TAONA MARO IZAY

Fehiny: IO BAIBOLY AM-PELATANANTSIKA IO NO MAPIVAVAKA ANTSIKA @ RAZAVA VOALOHANY INDRINDRA.

Vakio ny Tantaran'Andriana fa izao no voasoratra ao:
"Raha tsy mampiala ny Malagasy @ fivavahana @ Andriamanitra (Mpanjaka maty) ity fiavavahana vaovao ity dia avelako hiditra"
Isika rehetra mahalala ankehitriny , fa Notazonina ilay fiantsoana razana = "Andriamanitra"

MAHAREZA DAHOLO

Miarahaba namana isany!

Miala tsiny namana Moustaraf,
tonga indray ianao sy ny "définition péroquet"-nao. Asa aloha raha razam-be taiza Jehovah Andriamanitra Ray izay ivavahako izao, ary mpanjaka efa maty avy taiza ilay Jesosy Kristy noraisiko fa ny fantatro dia tsy araka izany iheveranao azy izany.

Misaotra namana!

leva2:


Velona Jesosy!

Ny fomba fanajana ny maty mendrika sy tsara indrindra dia ny tsy fanadinoana ny zavatra tsara nataon'izy ireny. Hatreo ihany fa tsy ilaina ny manatitra voninkazo eny amin'ny fasana, zava-poana ny fandokoana na fanadiovana ny fasana; indrindra fa ny mamadika sy mamono lamba ny vovok'ireny maty ireny fa sady halan'Andriamanitra izany fomba izany no sady fandaniam-bola sy fotoana ary miharo sampy mandrakariva.
Tsy misy razana mitahy izany namana, fa ny devoly no mody mamaly ny fangatahana (raha mivaly) atao amin'ireny maty ireny hamitahany ny olona avy eo.

Izay aloha dia mazava ^_^.

leva2:

Momba an'i Madagasikara sy ny fomban-drazany, ny kristiana malagasy sy ny fiainam-pireneny :
- tokony ho lohahevitra hafa ity sady mety hahaliana tokoa, fa HS raha ato.
- tsy i Madagasikara irery anie no mandalo fotoan-tsarotra fa na europe, na USA, saika manerana an'izao tontolo izao ny krizy, fa ny antsika aloha no tena hita.
- dia mihevitra ve ny namana Nehemia fa vokatry ny sampiny ihany no tena maha-toy izao an'i Gasikara? aza adino fa ity izao tontolo izao ity (y compris Madagasikara) anie ka mihazakazaka ho amin'ny faharatsiana sy fahalovana araka ny tenin'Andriamanitra e, ka manantena inona eto amin'ity tany fandalovana ity ianao namana? mpitondra mahay? vahoaka hendry? firenena mandroso?

Mahereza namako isany!

Azoko an-tsaina ny tianao tenenina, ary marina fa tsy ny fanompoan-tsampy per se no mahatonga an'izao, fa kosa tsy azo ihodivirana fa mihavaka kely ny toe-java-misy aty Gasikara e. Ny PNB-ntsika izao no ambany indrindra ! Kanefa tokony ambony raha ny harena voajanahary no jerena !

Avelao hovelabelariko eto ny eritreritro ry namana isany, ary tsy hiova hevitra @'izay mihitsy aho raha tsy Andriamanitra mihitsy no manitsy ahy : nanana tanjona manokana Andriamanitra ho an'ny Malagasy sy Madagasikara. Nataony izay hahatonga an'i Gasikara ho nosy tsara dia tsara, miavaka kely, taorian'ny Safo-drano, ary nataony izay ananan'ny Ntaolo fahendrena miavaka kely, na dia ao aza ny fahalovan'ny fahalalàna Azy taorian'ny fiparitahana tany Babela, izay nanjary fivavahan-drazana.
Tsy manitikitika antsika ve ny fitovizan'ny fivavahan-drazana sy ny fanompoana olomasin'i Babilona Lehibe ? Ny anton'io dia mitovy ny loharano nipoirany : Babela.
Sady fantatsika rahateo fa matsilo saina be ny gasy.

Ny tanjon'Andriamanitra dia ny mba anehoan'ny gasy ny dikan'izany firenena manara-dia Azy sy manaja Azy, tahaky ny USA. Tsy tongatonga ho azy anie ny fanenjehana t@ andron'i Ranavalona I e !!!
Kanefa inona moa no nataontsika ? Manao kristiana alahady mangalatra akoho alatsinainy. Rehefa misy onjam-piainana dia any @ Dadarabe no mandeha fa tsy @ Andriamanitra Ray. Manilika an'Andriamanitra e !
Ary voa mainka nihamafy izay fanipahana an'Andriamanitra izay hatr@ nampidirana ny fampianarana ny evôlisiona t@ fandaharam-pianarana ôfisialy : raha tarana-drajako isika fa tsy taranak'i Adama dia diso izany ny Baiboly, izany hoe angano fotsiny (izay aloha no eritreretin'ny ankizy izay ho lasa olom-pirenena).

Mariho tsara ny teniko fa mbola 70 %-n'ny Amerikana no milaza ny tenany ho kristiana (45% aty Madagasikara), ary kristiana mahatoky ny mpandeha t@ sambo Mayflower, ka heverinareo fa kisendrasendra ve raha izy ireo no tena dadany @ resaka siansa sy fandrosoana ? Antoky ny firoboroboan'ny firenena 1 ny soatoavina kristiana ifotorany.Ary tsy kisendrasendra koa raha nifanandrify ny Fanitsiam-Pivavahana izay namerina @ laoniny ny fomba fijerin'ny sarambabembahoaka ny fahefan'ny Baiboly sy ny firoboroboana ara-tsiansa goavana tany Eorôpa.

Nilaza i Onitiana Realy t@ indray mandeha izay hoe : "Raha tsy Andriamanitra mihitsy no filoham-pirenena, tsy handroso mihitsy Madagasikara." Marina fa tsy nidikiditra t@ raharaha pôlitika i Jesoa sy ny Apôstôly, fa izany kosa tsy midika fa antsoina hisintaka tanteraka @ raharahan'izao tontolo izao ny kristiana ka havelantsika hanjaka ny ota.

Ny zava-mitranga ankehitriny dia mitovy @ fotoan'andron'ny Mpitsara : "Tsy nisy mpanjaka teo amin’ ny Isiraely tamin’ izany andro izany; fa samy nanao izay nataony ho marina avy izy rehetra." (Mpi. 21:25).
Raha tsy izay ve dia hisy Tence zary malaza ve eto ? Ny tence ve tsy natao hotifirina ? (Miala tsiny @ fiteny vantambantana)
Ka tsy ho vitan'ny fametrahana filoha manaja an'Andriamanitra ny fanarenana ny firenentsika fa tsy maintsy miverina @'Andriamanitra ny vahoaka tsy vaky volo !