Salama daholo ny mpisera namana, vaka ihany ny saina mandinika ilay atao hoe tontolony fanahy tsy azo tsapai-tanana na koa faritana no tsy hita maso na ny siansa aza tsy mahavaha azy io. Finoana ny fisiany no nahatonga ny fahendrena Malagasy niteny " Ny fanahy no olona ", izay mitarika ny saina sy vatany tsirairay samihafa na tsara na ratsy araky ny fahazahoako azy
ankoatrany hoe io no mampiavaka antsika @ biby loool,
( oh. ny fanahy no misintona ny eritreritra vao hanao zv matetika rehefa ilaza olona 1 de olona tsara fanahy/ratsy fanahy, olona tsara saina/ratsy saina, ny vatana hita maso dia torak'izay ),
Misy Nahary daholo izy ireny iaraha-mahalala Andriamanitra hoy ny kristiana na Andriananahary, mbola be ireo tsiambaratelo tsy voavaha momba ny fanahy izay no kely fantatro momba azy io tsy iditra @ fitaizampanahy lalina aho eto fa hevitra loabary andasy malalaka no irariana ary ny hevitrao ?

Tsara ny Tompo

Amin'ny teny malagasy dia misy fifangaroana ny teny hoe fanahy,
1. Misy ilay fanahy izay milaza toe-po sy toe-tsaina ka hitsaran'ny olona antsika avy eny ivelany, ohatra: Tanora fanahy, ratsy fanahy, malemy fanahy, manao fanahy iniana, ...izay tsy misy ifandraisany amin'ilay faharoa mihitsy.
2. Misy ilay fanahy izay singa fahatelo ankoatry ny vatana sy ny saina izay mifameno ka tsy afa-misaraka, io fanahy io dia mila kolokoloina toa ny vatana sy ny saina: omena hanina (sakafom-panahy = tenin'Andriamanitra), mila mitombo , mila diovina (ny ataon'ny vatana sy ny saina no mandoto azy), tsy hita maso ny fanahy fa ny fahasalamany na tsia kosa dia afaka miseho amin'ny vatana sy ny saina, afaka ampiasaina koa ny fanahy fa ny asany voalohany indrindra dia ny mampita ny vavaka amin'Andriamanitra Ray izay Fanahy ihany koa (Jao 4,24), afaka mampiantrano fanahy hafa ihany koa ny fanahy iray fa ny tokony tena imasoana dia ny hitoeran'ny Fanahy Masina satria izay tsy manana ny FanahiNY dia tsy Azy izy (Rom 8,9), amin'ny alalan'ny fanahy ihany koa no hahazoana manasitrana ny vatana sy ny saina ka arakaraky ny fanahy ampiantranoiny no miasa ao aminy.

ekeko nefa misy teboka manjavozavo didi10,
misy koa fiteny hoe manao fanahim-biby (na ny biby aza manana fanahy na tsy mifanaraka @ toetsain'olona aza) ahoana ny momba an'io?

Miarahaba ny namana rehetra,

Raha ny fahalalako azy dia tokana no ipoirann'y fanahy dia Andriamanitra irery ihany fa ny lalana izoran'ny fanahy no misy sedra isan-karazany noho ny fananana saina izay miezaka manakatra ny fanahy sy miezaka hifehy ny fanahy amin'ny alalan'ny eritreritra na conscience. Rehefa tsy mahafehy satria voafetra ihany ilay eritra dia miteraka ireo toetra avoakan'ny olona ka ilazana azy hoe ratsy na tsara fanahy. Tsy misy idiran'ny fanahy ny resaka hoe ratsy na tsara fanahy eto fa ny eritreritra no voakasiny.

Raha tena te-hahatsapa ny fanahy dia ampanginina ny eritreritra ka ny fanahy no avela hitondra fa tsy ny eritreritra. Izay no atao hoe firaisana tanteraka amin'Andriamanitra sy miara-miasa AMINY.

Ny amin'ny hoe fanahim-biby dia analogie amin'ny fomban'ny biby asehony. Ny fianarana izay mamoky ny eritreritra no mahatonga ny olona hanana izany toetra izany. Ny biby dia manana ny fanahiny sy ny sainy koa saingy voafetra.

Tafiditra ao anatin'ilay catégorie voalohany: toetra ratsy ny fanaovana fanahim-biby, fantaro fa tsy mba nomena fanahy ny biby fa instinct no nomena azy, ny fantatry ny liona na ny amboadia dia ny hamono ihany rehefa noana, ny vautour dia ny hitanontanona fatim-biby ihany no fantany, ny fiahiana ny amin'ny nofo no mitarika ny biby hanao zavatra kenefa dia maro ny olona manana toetra toy izany (mamono ny hafa raha noana, manao maloto etsy sy eroa rehefa poritra,...) ka izay no ahatongavan'ilay fomba fitenenana hoe manao fanahim-biby.

Ilay fanahim-biby koa anie raha tena dinihina ny tenin'i kristy dia ireo izay mamoaka izay ao am-pony miteny maloto e! Hoy Izy hoe tsy izay miditra ny vavan'ny olona no mahalota azy fa izay avoakan'ny vavany no mahaloto azy satria izany dia mivoaka avy ao am-pony.

Izay azo heverina ho devoly eto dia io toetra tsy mendrika ao anatin"ny olona io izay hita taratra amin'y toetrany asehony amin'ny hafa.

Rehefa maty ve isika vao lasa fanahy eh??asa tokoa!!sa @ izao isika no efa misy fanahy(ratsy sy tsara)dia na maty aza isika dia tsy maty ny fanahy??Andriamanitra ihany no mahalala izany

@ zao kalo sika mahatsapa fa misy fanahy ary mahafantatra fa tsy maty io fanahy io fa mifindra toerana rehefa miala ao @ vatana tsy fantatra oe mankaiza ireo fandalinana finoana sy kolotsaina nolovaina no manosika antsika kristiana oh. hino ny paradisa ao ko ireo manana finoana hafa mihitsy, ny tsy te ahalala ny fisian@ Andriamanitra samy manana ny safidiny sy fijeriny dolidoly e, fanotaniana tsy ahitako valiny oviana no niandohany tantarany fanahy, de aiza no iafarany ? ny sinoa hafa no mety filazany, ny karana eropeana arabo sy ny hafa rehetra

Dia rehefa izay no fahitanao azy dia resak'olombelona daholo no mahatonga ny fanahy tsy ho fantatra.

Izy koa tsy hoe fantarina fa misy IZY dia misy isika? Raha tsy misy n yfanahy dia tsy misy izao rehetra izao. Ka rahamahatsapa isika fa misy dia noho n fanahy izay.

tsy izay no tiako ampitaina teo fa diso fandray Miharena, tsy resak'olombelona zany fa fahalalana voa-janahary izany ananany rehetra. Ny fanahy inona izany satria misy?
fandre ny avelo, ambiroa, angatra misy ifandraisany ve ireo sa inona (talohany nahavelomantsika taiza izy ireo tany ivelany vatana oh.)

Mila avahana ilay fanahy fototra sy ny fanahy mihetsika na miaina arakaraka ny vanimpotoana na erana misy azy.

Raha miresaka ny momba ny fanahy isika dia misy ny mahakasika ny nofo, ny eritreritra, ary izay manetsika ireo izay mandalo ihany. Misy kosa anefa ny tena tonga lafatra izay mahavelona mandrakizay dia ny fanahy maha-Kristy na maha-zanak'Andriamanitra.

Tsy misy ivelany ireo raha vao latsaka ny tavonin'ny olona tsirairay dia ao anatiny ireo. Ny fanahy mahakasika ny fiainana ara-nofo sy ny eritreritra dia tokony ho eo ambany fitantanan'ny fanahy Fototra izay manitsy ny fomba fijery sy fitondran-tena.

quoteTsy misy ivelany ireo raha vao latsaka ny tavonin'ny olona tsirairay dia ao anatiny ireo.

misy ampahany azo tsoahana reo voalazanao teo Miharena nefa tsy resy lahatra aho @ io voalazanao io, asa mety ho izay tokoa ve ny fihevitry ireo razambentsika (vazimba) zay tsy mbola nandre ny baiboly oh. na Koran... Misy nipoirana dolidoly ny zv rehetra samy manaiky sika (toy izay koa ny fanahy na de tsy zv azo tsapaina tanana sy hita na rehefa tsy ita vatana ara-bakiteny ===> izay ilay Loharanompanahy na ny fiandohana) ny fijery itovizantsika dia samy manaiky hoe Andriamanitra Telo izay Iray (ankabeazany finoana kristiana) nahary tongotra aman-tanana, itovitovy foana ny zv ho lazaintsika miombona @ io finoana io ... nisy olona teto tsaroako indray mandeha nandefa rohy mikasika an'io (cyrusblog moa sa in tsy tadidiko " Ny fanahy no maha-olona " nisy famoaboasankevitra momba ny fanahy mafonja navoakany tao - mba azo angatahina ve azafady ry mpisera namana zay afaka mamoaka iny rohy iny, misaotra mialoha @ finiavana e)

Salama namana isany!
amiko ny fanahy raha ny fahalalana novoiziko tao anaty baiboly dia mizara maro².
1- fanahy (âme) izay fitambaarany vatana sy ny hery mamelona azy
2- fanahy (esprit) izay hery miasa na ampiasain'Andriamanitra (Fanahy masina)
3- fanahy (esprit) izay zavaboary tsy hita maso nefa inoantsika ny fisiany.(anjely, matoatoa, sns)
4- fanahy (toetra) izay ilazana ny toetran'olombelona matetika. (tsara na ratsy, sns)
mety misy hafa angamba fa mba tiako ho fantatra raham isy mahalala hafa.

Raha ilay rohy momba ny fanahy no jerena dia misy tokoa ary tsy efatra araka n voalazan'i Rekinbelo ny endrika isehoan'ny fanahin'ny olona iray fa fito ary ny faran-tampony dia ny fanahy maha-Kristy, ny manaraka azy ny fanahy maha-Bouddha ary ny sisa dia mifanaraka amin'ny maha-nofo ny olombelona.

Misy hazavana na "aura" ny endrika isehoan'ireo fanahy ireo eo amin'ny olona ary ny aziatika no tena mahay mamaky ny aura.

Ao amin'ny resaka ataon'ny namana iray milaza ny aura et l'évolution spirituelle no ahitana an-tsipirihany ny fahalalàna momba ny fanahy fito. Ireto no voatanisa ao:

Ireto avy ireo sososna 7n’ny FANAHY

-Le double étherique (Vatana Aina ou Vie)

-le corps émotionnel

-le corps astral

-le corps mental

-le corps causal

- le corps bouddhique

-l’Aura christique ou Aura atmique

ahoana zany corps causal zany fa tsy arakay efa henoko tokoa na izany aza oe fito sosona ny fanahy mifamatotra @ olona ary reo efatra voalohany reo efa matetika hitan'ny zanak'olombelona ankotrany Jesosy Kristy sy Buddha ngambany

Somary lavalava ihany izy ity fa mba tsy handehanana any amin'ny rohy dia adika manontolo eto ireo momba ny fanahy fito araka ny fandinihina ankehitriny izay azo lazaina fa iraisam-pirenena ihany.

IREO MOMBA NY FANAHY FITO:

NY VATANA AINA «DOUBLE ETHERIQUE»
Izy no ahafahan’ny vatana (corps physique) mifandray @ ireo vatana 6 hafa ambony noho izy @ alalan’ireo chakras (masom-panahy) 7 izay ao aminy.

Izy no mampita ny hery ao @ vatana ara-nofo sy mamelona azy ka ahafahany miaina eto @ tontolo ara-nofo.
Maina ny vatana raha tsy eo izy, vovoka ka mody vovoka (maty).
Izy no mitahiry (mémoire) ny fahazarana ananantsika ary mbola tohizany iainana izany aorian’ny fahafatesan’ilay olona.
Izy no ahatsapantsika ny fisiana ara-nofo, andrenesana ny asan’nireo fandrenesana 5 (5 organes de sens).
. Manana azy ity koa ny biby sy ny zavamaniry ka mahatonga azy ho velona.

Nahita fomba ahafana mijery an’ity Sosona voalohan’fanahy ity ilay Elektrisiana Rosiana Davidovich Kirlian t@ 1939. Antsoina hoe : EFFET KIRLIAN izy io ary nahazo fankatoavana ofisialy t@ 1960



CORPS EMOTIONNEL


no misy ny hafanam-po, ny fientanam-po,ny ahiahy sy tebiteby ny tahotra sy fahasahiana, ny hatezerana, ny hafaliana.

Ity vatana ity fototry ny fironana sy ny famoronana ara-java-kanto : mozika, literatiora, ….


NY VATAM-PANIRIANA «CORPS ASTRAL» no manaraka a zy.


Ny vatam-paniriana na corps astral araka ny anarany no misy ny faniriana, ny finoana sy ny finoanoam-poana, ny fitsiriritana, ny fialonana, ao ihany koa no misy an’ilay fitiavana iainan’ny besinimaro ankehitriny. Ny fihetseham-po isan-karazany izany no foronin’ity vatana ity.

Avy aminy ilay hery mampifanintona ny olon-droa hifankatia sy hiaraka.
Ireo vatana 2 voalaza farany eo ambony ireo no ilay antsoina hoe AMBIROA.

NY SAINA «CORPS MENTAL»

Izy no mandray ny hery avy @ ireo vatana atao hoe auras spirituels izay ambony kokoa noho izy ary mampita izany @ ireo vatana hafa ambaniny dia ireo hitantsika eo ambony ireo.

Izy ihany koa ipoiran’ny hevitra sy tetika, ny hafetsena @ endriny rehetra, ny fandalinana sy ny fikarohana sy ny asa famoronana.

. Tsy mipetraka intsony eto ny finoana fa miankina @ hoe nahoana, @ fomba ahoana ny faharesen-dahatra @ ny zavatra rehetra.Mitady porofo hatrany tahaka an’I Md Thomas. Izy no manosika antsika hikaroka sy hanadihady.

Mandeha avokoa ny kajikajy rehetra @ tombontsoa sy fantiantoka @ izay kasaina hatao.

Ireo vatana efatra ireo izay mbola vatana manana ny fahalemeny avokoa dia samy mety maty, saingy tsy miara-maty @ vatana ara-nofo, samy manohy ny fiainany any @ tontolo sahaza azy avy mandra-pahatonga ny anjarany avy.

Ny vatana aina «double éthérique» ohatra mbola mitahiry ny fahazaran’ilay olona maty ka manohy izany hatrany. Matetika isika no mandre olona mitantara ny fisehoan’ny havan’ny efa maty mitady ny zavatra sasany tsy foiny ka tsy nampanarahina azy t@ fandevenana, na mahita azy manao asa tahaka ny fanaony andavanandro. Tsy ilay maty akory iny nitsangana iny ary tsy demony araka ny fiheveran’ny sasany azy koa iny fa ilay vatana aina «double éthérique».Izany no mahatonga ny fomba fanao handefasana ny zavatra mahazatra azy na tsy foiny manaraka an’ilay maty any am-pandevenana (toaka, vola, fitafiana…)




Ireto manaraka ireto kosa no antsoin’ny mpikaroka hoe auras spirituels

Ambonin’ny saina ilay atay atao hoe





ERITRA «CORPS CAUSAL» Fanahy fahamarinana.



Hitantsika eto ny fototeny hoe cause izay midika hoe antony. Araka izany mahalala ny antom-pisiantsika sy ny anton’ny olana sy ny sedra rehetra atrehintsika @ fiainana izy.

Vatana madio, «purs» avokoa manomboka eo @ eritra izay afaka mitsara avy hatrany ny zavatra ataontsika na sainintsika . Avy aminy ilay atao hoe feon’ny fieritreretana (conscience moral) izay mitsara ny atao sy sainina.

«Aleo enjehin’ny omby masiaka toy izay enjehin’ny eritreritra»

Tsy misy intsony eto ny kajikajy izay mety ho tombontsoa (interét), na valiny (contrepartie). Fitiavana tsisy fetra, tsisy fefy no mibaiko araka ny tenin’ny Kristy manao hoe «izay rehetra ataonareo dia ataovy @ fitiavana», «aza miandry valiny,araka izay voasoratra ihany koa ao @ Bhagavad Gita (Boky Masina Indiana izay misy dikany @ teny Malagasy nadikan’Atoa Rakotonirainy Joseph:

» Le Seigneur Bienheureux dit: Abandonner les fruits de toute actes»

Miasa fa tsy miandry valiny.

Tsy mipetraka intsony ny tahotra @ endriny rehetra, fa ny rariny sy ny hitsiny no mitsara.

Mitaky ary mitondra fandavan-tena tanteraka ny fivelaran’io vatana io. @maha-FANAHIN’NY FAHAMARINANA AZY dia izydia izy no manampy antsika hahalala ny marina sy handala ny fahamarina izay mitondra fahafahana tanteraka ho antsika, arak’izay voalazan’i Kristy manao hoe «â€¦.Ary ny marina no manafaka anareo»

Tsy ho voafatopatotry ny fahalemena rehetra

Tsy ho voafatotry ny lalan’ny tody

Tsy mety maty ity eritra ity , izy no mitahiry ny fiainana rehetra nodiavin’ny olona iray nandritra ny fisiany rehetra (fiainana mifandimby) «incarnation et reincarnation».

Izy ihany koa no ahalalana izay miandry antsika, ny andrasana amintsika (ny andraikitra ankinin’Atra aminao @ ity fiainana ity.

Neken’i Kristy arak’izany ny fiatrehana sy ny fiainana an’ireo fijaliana rehetra izay efa fantany mialoha fa tsy maintsy hiaretany.

Manan-tsafidy hatrany nefa isika eo @ fiainana ary azony nialana ireny zava-tsarotra ireny. Fitiavana kosa no nanekeny azy mba hanomezana modely ho antsika, hanaraka ny lalan’ny fahamarinana na inona na inona mety hofahasarotany sy ho vokany.

Tsarovy fa vary mangatsiaka miandry anao hatrany ny andraikitra tsy tanterahinao, izay tsy vita @ ity fiainana ity, hitambesatra aminao @ fiainana manaraka «reincarnation» ary mampitombo ny olana hatrehinao.

Tokony ho kivy ary ve isika raha miatrika olana?

Tsia , manamaivana anao ny fiatrehana an’ireny olana mihatra @ntsika ireny.



Tsy misy manery antsika hiatrika an’ireny nefa, safidy ireny, vokatry ny nataontsika tany aloha, tamin’ny fiainana talohan’izao fiainana izao «vie antérieure» sy t@ ity fiainana ity. Safidy ny ho faty sy ho teraka indray, vokatry ny fahalotoan’ny Fanahy, ny adidy sy andraikitra tsy vita sy tsy natao, izay mitambatra ho trosa tsy maintsy haloantsika mandra-pahaloantsika ny variraiventsy farany ka hampadio antsika tanteraka.Io ilay «LALAN’NY TODY «LOI DU KARMA»

«Ny tody tsy misy fa ny atao no miverina»



Misy @ntsika ny mihevitra fa mitovy ihany hono ny mangalatra omby iray sy ny mangalatra fanjaitra iray. Marina @ ampahany kely ihany satria samy mandoto ny fanahinao, tsy maintsy manefa kosa nefa ianao, ka ny mangalatra omby iray, manefa omby iray, ny mangalatra fanjaitra iray manefa fanjaitra iray, trosa tsy maintsy haloa izany, mba hampadio antsika avy eo.





Fianarana ny fiainana ka ny fimonomononana sy fanomezana tsiny ny mpahary antsika noho ny zava-mitranga eo @ fiainana dia midika fa tsy mbola ampy traik’efa sy fahalalana ny atao hoe fiainana sy ny tontolony isika, ka tsy maintsy maka traik’efa eto mandrapaha ampy fahalalana antsika, rehefa tsy ampy hahatongavana @ izany ny fiainana rehetra nodiavintsika dia tsy maintsy mbola hateraka indray, haka nofo vaovao hatrany aorian’ny fahatesana (Réincarnation).

Raha fintinina dia ny fahalalana ny anto-pisiantsika, ny fanatanterahana ny adidy aman’andraikitra ary ny fahadiovan’ny Fanahy no mitondra antsika @ FAHATANTERAHANA na «REALISATION».

Izany ihany koa no manafaka antsika @ LALAN’TODY («LOI DU KARMA» ) sy mitondra ho @ TSIFAHAFATESANA («immortalité») na FIAINANA MANDRAKIZAY (vie eternelle).

Mety hanampy anao ity andinin-teny iray ity izay nalaina tao @ Bhagavad Gita :

Le Seigneur Bienheureux dit: Absence de crainte, purification de l’existence, développement du savoir spirituel, charité, maîtrise de soi, accomplissement des sacrifices, étude des Vedas, austérité et simplicité, non-violence, véracité, absence de colère, renoncement, sérénité, aversion pour la critique, compassion, absence de convoitise, douceur, modestie et ferme détermination, vigueur, pardon, force moral, pureté, absence d’envie et de pureté des honneurs, – telles sont, ô descendant de Bharata, les qualités spirituelles des hommes de vertu, des hommes nés de la nature divine.



Lavinao ve ny fisian’ny lalàn’ny tody sy ny reincarnation?

Moa tsy nandrasan’ny jiosy ve ny fiverenan’I Elia?

Moa tsy nilaza ve ny Kristy fa mbola hiverina?

Voalazan’ny Baiboly ihany koa fa hahita azy avokoa ny maso rehetra @ fiverenany, eny fa na ireo nandefona azy aza, fantantsika nefa fa efa tsy misy tavela intsony @ izy ireo fa tantara sisa.

Koa @ fomba ahoana no hahitany azy hiverina indray an’arivony taona aty aoriana? Mazava ho azy fa @ alalan’ny fahaterahana indray.

Ny fanahy no maka nofo vaovao fa tsy ilay nofo lasa vovoka akory no mitsangana.



Ny fiverenana eto @ ity tontolo ara-nofo ity dia mitaky fitafiana nofo, fakana nofo vaovao, izany hoe «tsy maintsy hateraka indray»

MANASAZY ARY VE ATRA?

Tsia avy hatrany, ny ny ataontsika ihany no miverina amintsika, ny vesatra entin’ny fanahintsika no mametraka olana amintsika.Tari-dalana hanoroana antsika ny lalana tokony hizorantsika ny ankoatr’izay.

Atra dia fitiavana, tsy mety tezitra, any @ fivoarana ara-panahy anisan’ny ambany kokoa kokoa no misy ny hatezerana sy ny valifaty; ka tsy mety ho toetran’Atra velively izany.





TOKONY HIFONA VE REHEFA MAHATSAPA FA MELOKA

Hifona @ iza?

Raha diso t@ namanao ianao, mifona aminy hahafaka ny alahelony aminao fa «loza ho an’izay niavian’ny fanafintohinana»ary «ny heloka ibabohana mody rariny»

Dia aza mamerina intsony «mandehana ka aza manota intsony»

Tsarovy fa ny fanahinao no maloto isaky ny misy tsy mety ataonao, andraikitrao tanteraka izany, ka anjaranao ny manadio azy.

Ho an’ireo mihevitra fa mifona @ Atra fotsiny dia afaka, tsy marina izany, tsy Atra no mitana anao @ izay nataonao, raha tsy izany dia nadio tsy nisy pentina avokoa ny olona rehetra satria mifona isan’andro na mety ho isan’alahady, tsy ho nisy intsony izany ny aretina sy ny fahafatesana.



MIHEVITRA VE IANAO FA VOAFAFAN’NY RAN’I KRISTY TOKOA NY HADISOANAO?

Ezaka avy aminao no manadio ny fanahinao, ohatra hotahafintsika no nomen’i Kristy, nanekeny ny hijaly noho ny fandalany ny fahamarinana fa tsy nitondra ny helontsika velively izy.

Tsarovy ireto teny ireto

«diovy ny fonao, dia hadio ho anao ny zavatra rehetra», «mandehana ka aza manota intsony»â€¦

Tsy ho lany izay azo ambara @ io fa ho tohizantsika ny fanazavana.



Ny vatana faha-6 ilay antsoina hoe

CORPS BOUDDHIQUE

Ity vatana ity izay mifandray @ maso faha3 na 3 oeil, dia ilay chakra faha 6 atao hoe Ajna. Arak’io anarany io, dia izy no loharanon’ilay atao hoe «clairvoyance «, azo adika tsotra hoe fahitana ara-panahy, fahitana zavatra ivelan’ny tontolo voafaritry ny olombelona, fahitana ny any ankoatra, ny ho avy.



Ao aminy ny fahazavan-tsaina «intelligence spirituel».

Eto no ahatsapana ny firaisantsika @ tontolo tsisy fetra, ny lalàna mifehy ny fisiaina sy ny firaisana @ tontolo.

Fanahin’ny fahazavan-tsaina koa izany no azo iantsoana an’ity vatana faha-6 ity.

Avy aminy no niantsoana an’i Gautama Siddharta hoe Bouddha taty aoriana , bouddha izay avy @ teny Sanskrit hoe buddhi : Hendry, nahazoana ihany koa ny hoe bouddhique.

Fanahin’ny fahendrena ihany koa izany ity vatana ity ary ireo voalaza ireo no toetry ny fahendrena.

Tsy eo ambany fandaharan’ny anjara « Destin » izay manapaka an’izao tontolo izao intsony ny olona mahatsapa sy mahay mampivelatra ity vatana ity sy ny tontolony, afaka mibaiko ny anjarany sy mandahatra azy koa izy.

Hoy i Kristy talohan’ny nisamborana azy

« Avy ilay mpanapaka an’izao tontolo izao; tsy manana anjara amiko nefa izy… »

Midika izany fa sitrapony mihitsy ny hiditra ao anatin’ny tontolon’ny olombelona, hijaly sy hofantsihana. tsy manan-trsosa hefaina eto izy fa fomba mahomby ahafahana mitarika antsika ho any lalan’ny Fahazavana izany ka notanterahiny an-tsitrapo. Fandaharany izany fa tsy tery.

AURAS CHRISTIQUE OU AURAS ATMIQUE

Izy no ilay antsoin’ny Malagasy hoe : « Atra an-tampon’ny loha », « aza ny lohasaha mangina no jerena fa Atra an-tampon’ny loha », mifandray @ ilay Chakras faha7 antsoina hoe Sahasrara izay ao an-tampon’ny loha no misy azy.

Ity no vatana ambony indrindra, mamaritra ny fiambonian’ny olombelona, izy no ifandraisantsika akaiky kokoa @ Atra, ary iraisantsika @ Atra.

Izany no ilazan’i Kristy manao hoe

: «Izaho sy ny Ray dia iray ihany»

«Ny ray ato amiko ary izaho ao @ Ray»

Ity vatana na fanahy faha7 ity no ilay ampahan’Atra «Etincelle Divine» ao amintsika ka ilazan’ny Baiboly Kristiana ny hoe «Ao amintsika Atra».

Eto no ahatsapana ny firaisantsika @ tontolo tsisy fetra, ny maha-iray ny rehetra sy ny lalàna mifehy ny fisiaina sy ny firaisana @ tontolo, @ olombelona sy @ Atra atao hoe «Loi d’Un».

Tsarovy manomboka eto fa miara-mandrindra ny tontolo @ Atra isika @ alalan’io lalàna io.

Izay no maha mpanjakan’ny zavaboaary antsika.

Te hametraka fanontaniana momba an’Atra indray angamba ianao mpamaky.

Tsy hanazava momba izany aho, fa ny valiny mahafa-po indrindra dia ilay lazain’I Socrate manao hoe : « Connais toi, toi méme et tu connaîtras les Dieux et l’Univers ».



FANAMPIM-PANAZAVANA VITSIVITSY

Ny fifandraisana sy ny fifaneraserana indrindra ara-batana dia mampifandray ny fanahin’ny roa tonta ( miaraka @ vatana ihany mantsy io fa tsy hita maso, manodidina ny vatana ka ny ambony indrindra izany hoe ny vatana faha7 no mamono ny faha6 ary vatana faha6 fonosin’ny vatana faha6, ka ny vatana ara-nofo no fonosin’izy rehetra. Mety hahatratra metatra maromaro miala ny vatana ny habeny. Manonja (vibre) io Fanahy io ka miankina @ fivoarana ara-panahy (« évolution spirituel ») ny vaikan’ny onjany (Fréquence)) ka misy ny fifampitan-kery.





Mety hisy araka izany ny hery maloto na madio hifindra aminao avy @ izay mifanerasera aminao ho voarainao, toy izany koa ny avy aminao mankany aminy; miankina @ fivoaranao ra-panhy nefa izany, mora voarainao ny hery madio, raha madio ny fanahinao, mora andarain’ny hery maloto kosa ianao raha mifanohitra @ izany.

Misy oha-pitenenana somary hain-teny manao hoe : «raha ny mpangalatra no mandray Tanana anao, atsipazo toa fatim-biby» io voalaza etsy ambony io ny antony.

Tsarovy fa hery maloto ny aretina, ary mora mandray hery maloto izay mifampikasoka @ marary matetika, indrindra ireo mitsabo @ alan’ny fifampikasohana sy @ alalan’ny herin’ny tenany toy ny mpanotra sy ny mitovy aminy. Misy fiantraikany betsaka @ fiainan’ilay olona izany noho izy mandray ireny hery maloto maro avy marary tsaboiny ireny ka ilana fitandremana sy fanadiovana.





FEHINY

Anisan’ny lasa lavitra indrindra teo @ fivoarana ara-panahy (évolués spirituellement) ny Razantsika ary tsy lasan-ko vavany ireny fa nampihariny t@ fiainany. Tsy finoana ireny fa fahalalana.

Mandany taona maromaro ny mpikaroka na Malagasy na vahiny ankehitriny hahalalana an’ireny, fiainana iainana andavanandro kosa ireny t@ Razantsika.

Tsy hafa noho ny hafa nefa fa ny FANAHY izay midika hoe Auras @ teny vahiny, dia misy @ olona rehetra « ny fanahy no olona »

Samy mahalala azy io izay rehetra mikaroka na gasy na vahiny, izany no mahatonga ny fandikana ny teny sasany nataoko @ teny vahiny.

Tsy mifanipaka @ izay ampianarin’ny baiboly koa nefa, na baiboly kristiana, na boky masina hafa.

AVY AIZA ARY NO NAHALALANY AN’IZANY? nefa vao an-jato taonany vitsy izay no nisian’ny baiboly?

Maro ny valiny izay samy misy mahamarina azy avokoa

Anisan’izany ny fisian’ny mpiavy maro avy @ tany samihafa tonga nonina teto, teo ny jiosy, ny Indiana, indonesiana…….sy ny hafa izay samy nametraka dian-tanana teo @ kolontsaina sy ny tantara avy.

Tsy azo heverina nefa fa mpiavy avy amina foko sy firenena samihafa, nonina t@ toerana samihafa sy nifalavitra mihitsy aza, samy nanana ny teniny sy ny kolontsainy avy no afaka hametraka kolontsaina tokona sy fiteny tokana, fivavahana tokana teto @ ity firenena ity.

Tsarovy fa samy manana ny teniny ny isam-poko any @ firenena Indiana, indonesiana ary misy tsy mifankahazo fiteny mihitsy aza; na dia ny teny sanskrity avokoa aza no fotony.



Ny tenintsika nefa iray, hatrany avaratra ka hatrany atsimo, andrefana miatsinanana, tsy mila mpandika teny raha hifampiresaka @ mpiray tanindrazana avy any @ faritra hafa, ny finoana koa tahak’izay ihany.

Ny fivavahana jiosy moa nolovaina avy @ ejipsiana izay nandray avy @ kolontsaina atlant tahaka ny grika ihany.

Tsy lavina aloha fa nametraka ny azy izay tonga, fa tsy nanova zavatra betsaka izany, ny azo antoka indrindra dia fahendrena nifandovana tamin’ny Lémuriens, izay Razantsika izany (tsy gidro akory no tiana holazaina eto fa ny mponin’ny kaontinanta Lémurie, na Gondwana ho an’ny Géologue). Ny lémuriens izay isan’ny mponina niaina voalohany teto an-tany izay heverin’ny mpikaroka sasany fa efa hatr@ andron’ny Dinaozaoro mihitsy aza.

Marihina fa efa nilentika tahaka an’I Atlantide ihany koa ny ampahany betsaka t@ io kaontinanta io ary isan’ny sisa tavela I Madagasikara. Ary ny mponin’ireo tany roa ireo izay samy nanana fahalalana sy fahefana avo lenta tsy mbola tratrantsika @ izao fotoana izao.

Arak'ireo resaka ireo dia misy fanakilasiana mazava ny fanahy sy ny toetrany avy ka raha mahafehy ireo ny olona dia anisan'ny manana izay azo atao hoe fahafenoana.

Saingy amiko misy ihany koa ny fitaizana mitohy satria ny fiainana ara-panahy dia tsy vitan'ny tanisa fa fiainana ao amin'ny fanahy mihitsy mba ho tsapa ny fivoarana eo amin'ny fiainana sy ankoatry ny fiainana ara-nofo.

Tsara ny Tompo

Ny fanontaniana samy tokony hapetraky ny tsirairay dia hoe : IZA AHO?

Ny 98% -ntsika olombelona dia mihevitra fa izy na ny tenany dia ny fitambaran'ny vatana sy ny saina ka ny fanahy (raha mino ary izy fa misy) dia singa mitokana izay tsy miasa raha tsy amin'ny lafiny ara-pinoana.
Izay no mahatonga ny olona mandeha araka ny sitraky ny nofo, mandeha amin'izay ambaran'ny saina, ary tsy azony hoe inona no mahatonga ny fanahy voaloto raha manota ny vatana sy ny saina.

Fantaro ary ry namana fa tsy nofo manam-panahy isika fa fanahy manana nofo.

Ny Ntaolo malagasy anefa dia efa ela no nahatakatra fa :"ny fanahy no olona", inona no dikan'izany?

Tahaka ny olona iray anaty fiara, na matanjaka be aza ny môteur, na complet ary ny ordinateur de bord, ilay olona ihany no tokony hibaiko ilay fiara, matetika anefa dia mandeha amin'ny pilote automatique isika matetika ka ilay fiara indray no mitondra ilay olona amin'izay tiany aleha, indraindray koa sodokan'ny hatsaran-tarehin'ilay fiara ka manadino ny code de la route samihafa izay efa mipetraka. Raha misy anefa ny fahadisoana, tsy ilay fiara mihitsy no mahazo PV fa ilay mpitondra, toa izany koa isika tsy mihevitra ny tenantsika ho fanahy manana saina sy nofo isika ka mandeha araka ny sitraky ny saina sy ny nofo, rehefa maty anefa ny nofo dia hiala ao anatin'io nofo io ianao (ny fanahinao) ka hotsaraina araka ny asanao.

Efa hoe "ny fanahy no maha-olona" no fiteny malagasy fa tsy "ny fanahy no olona" izany. Taiza mihitsy aza no nianaranare an'izany.

Raha noana ny kibo, mivezivezy ny fanahy. [img]http://i816.photobucket.com/albums/zz84/Rora-emotes/kruemelmonsteryn0.gif[/img]

Dia inona no mampiavaka ireo fomba fiteny ireo izany Sitlo?

sitlo:

Efa hoe "ny fanahy no maha-olona" no fiteny malagasy fa tsy "ny fanahy no olona" izany. Taiza mihitsy aza no nianaranare an'izany.

Raha noana ny kibo, mivezivezy ny fanahy. [img]http://i816.photobucket.com/albums/zz84/Rora-emotes/kruemelmonsteryn0.gif[/img]

Miarahaba namana Sitlo

Ny fanahy no maha-olona, ahoana no hanazavanao izany ary e! ohatry ny te-hilaza mantsy ianao fa samihafa ny hoe ny fanahy no olona sy ny fanahy no maha-olona.