Miarahaba namana!
Mahatsikaritra isika rehetra fa misy fampianarana milaza fa foana ny Didy folo. Izay tafakambana amin'ny Lalàn'i Mosesy ??? Misy indray sahy manova io Didy folon'Atra io hifanaraka amin'ny filany sy izay mety aminy . Fa ahoana no voasoratra sy ny tena marina??

Marina tokoa fa nomen'Atra ny israely tamin'ny fomba ofisialy ny Didy folo. ka raha vao miresaka Didy folo dia toa hoe an'Israely izany, ny israely no mila izany. fa ho an'iza tokoa moa io Didy folo io e?
Ny Israely tokoa no nomena ny Didy folo tamin'ny alalan'i Mosesy teo an-tendrombohitra Sinay rehefa avy nilaza ny tenin'ny fanekena tamin'i Mosesy Atra.Eksedosy 34:11 Tandremo izay andidiako anao anio; indro, efa horoahiko hiala eo anatrehanao ny Amorita sy ny Kananita sy ny Hetita sy ny Perizita sy ny Hivita ary ny Jebosita.12 Koa mitandrema, fandrao hanao fanekena amin'ny mponina eo amin'ny tany izay halehanao ianao, ka ho fandrika eo afovoanao izany.13 Fa ravao ny alitarany, ary torotoroy ny tsangam-baton-tsampiny, ary jinjao ny Aserahany.14 Fa tsy hiankohoka eo anatrehan'izay andriamani-kafa ianao; fa Jehovah, dia saro-piaro no anarany, satria Andriamanitra saro-piaro Izy,15 fandrao ianao hanao fanekena amin'ny mponina eo amin'ny tany, ka hijangajanga hanaraka ny andriamaniny sy hamono zavatra hatao fanatitra ho an'ny andriamaniny izy, ary hasainy ianao ka hihinana amin'ny fanatiny;16 ary andrao koa haka amin'ny zananivavy ho vadin'ny zanakao-lahy ianao, ary hijangajanga hanaraka ny andriamaniny ny zananivavy ka hampandeha ny zanakao-lahy hijangajanga hanaraka ny andriamaniny.17 Aza manao andriamanitra anidina ho anao.18 Tandremo ny andro firavoravoana, dia ny andro fihinanana ny mofo tsy misy masirasira. Hafitoana no hihinananao ny mofo tsy misy masirasira, araka izay nandidiako anao, amin'ny fotoan'andro amin'ny volana Abiba, fa tamin'ny volana Abiba no nivoahanao avy tany Egypta.
19 Izay voalohan-teraka rehetra no Ahy, dia ny lahy amin'ny voalohan-teraky ny bibinao, na omby na ondry aman'osy;20 fa ny voalohan-teraky ny boriky kosa dia hosoloanao zanak'ondry; ary raha tsy hanolo azy ianao, dia hofolahinao ny vozony; ary ny lahimatoa rehetra amin'ny zanakao dia havotanao. Ary aoka tsy hisy hiseho foana tsy mitondra fanatitra eo anatrehako.
21 Henemana no hiasanao, fa amin'ny andro fahafito dia hitsahatra ianao: na dia amin'ny taom-pamafazana sy amin'ny taom-pijinjana aza dia hitsahatra ihany ianao.22 Ary tandremo ny andro firavoravoana manarakaraka ireo herinandro amin'ny fanaterana ny voaloham-bokatra, raha mijinja ny vary tritika, sy ny andro firavoravoana amin'ny fanangonana amin'ny fitsingerenan'ny taona.23 Intelo isan-kerintaona ny lehilahy rehetra aminao no hiseho eo anatrehan'i Jehovah Tompo, Andriamanitry ny Isiraely. 24 Fa handroaka firenena eo alohanao Aho ka hanitatra ny fari-taninao; ary tsy hisy olona haniry ny taninao, raha miakatra hiseho eo anatrehan'i Jehovah Andriamanitrao intelo isan-kerintaona ianao.25 Aza manatitra ny ran'ny zavatra vonoina hatao fanatitra ho Ahy ianao, raha mbola misy masirasira ao aminao; ary aza avela ho tra-maraina ny zavatra vonoina hatao fanatitra ho Ahy amin'ny andro firavoravoana amin'ny Paska.26 Ny santatra amin'ny voaloham-bokatry ny taninao dia haterinao ho ao an-tranon'i Jehovah Andriamanitrao. Aza mahandro zanak'osy amin'ny rononon-dreniny.

Ireo no tenin'ny fanekena izay nasain'Atra ho soratin'ny Mosesy (Io no ilay FANEKENA TALOHA)
eksedosy 34:27 Ary hoy Jehovah tamin'i Mosesy: Soraty ireo teny ireo, fa araka ireo teny ireo no nanaovako fanekena aminao sy amin'ny Isiraely.

Rehefa tonga tany amin'ny tany nampanantenaina ny zanak'israely dia nasain'i Mosesy ho soratana amin'ny Vato ireo teny ireo Deo 27:1 Ary Mosesy sy ny loholon'ny Isiraely dia nandidy ny vahoaka ka nanao hoe: Tandremo ny lalàna rehetra izay andidiako anao anio.
2 Ary amin'ny andro izay hitànareo an'i Jordana ho any amin'ny tany izay omen'i Jehovah Andriamanitrao anao, dia manangàna vato lehibe ho anao, ka lalory sokay;3 dia soraty eo aminy ny teny rehetra amin'ity lalàna ity, rehefa tafita ianao mba hiditra ao amin'ny tany izay omen'i Jehovah Andriamanitrao anao, dia tany tondra-dronono sy tantely, araka izay nolazain'i Jehovah, Andriamanitry ny razanao taminao.4 Ary rehefa tafita an'i Jordana ianareo, dia atsangano ao an-tendrombohitra Ebala ireo vato ireo, izay nandidiako anareo andro any ka lalory sokay.5 Ary manorena alitara ao ho an'i Jehovah Andriamanitrao; vato no hataonao alitara, nefa aza pehim-by izy.6 Vato tsy voapaika no hataonao alitaran'i Jehovah Andriamanitrao; ka manatera fanatitra dorana eo amboniny ho an'i Jehovah Andriamanitrao.
7 Ary manatera koa fanati-pihavanana, ka mihinàna eo sy mifalia eo anatrehan'i Jehovah Andriamanitrao.8 Ary soraty amin'ireo vato ireo ny teny rehetra amin'ity lalàna ity, ka ataovy velona tsara ny soratra.

Rehefa avy nilaza ireo Atra dia hoy izy tamin'i Mosesy Eksedosy 34:27 Ary hoy Jehovah tamin'i Mosesy: Soraty ireo teny ireo, fa araka ireo teny ireo no nanaovako fanekena aminao sy amin'ny Isiraely. 28.... Ary nosoratan'i Jehovah tamin'ny vato fisaka ny tenin'ny fanekena, dia ny Didy Folo
Hatreo izany raha mandinika tsara isika dia samy nanoratra na A/tra na i Mosesy, Ny an'i Mosesy dia ny tenin'ny fanekena fa ny an' A/tra Teny vavolombelona (Didy folo)
and 29 Ary Mosesy nidina avy tao an-tendrombohitra Sinay, ary teny an-tànany ny vato roa izay nisy ny Vavolombelona tamin'izy nidina avy teo an-tendrombohitra;

Ilay DIDY FOLO dia tsy inona tsy akory fa Tenin'ny vavolombelon'ilay FANEKENA (Fanekena taloha). izay netin'i Mosesy nihidina avy any an-tendrom-bohitra.

Rehefa taty aoriana rehefa nahazo ny Fiaran'ny Fanekena ny zanak'israely dia napetraka tao anatiny na ny lalan'i Mosesy, na ny vato fisaka nisy ny Vavolombelona samy nanana ny fitoerany, ny Lalan'Atra tao anatiny ny lalan'i Mosesy kosa tety ivelany.

Io Fanekena io no nampiharina ho Lalàm-pisoronana. Manondro ny fanaovana ny fotoam-pivavahana rehetra tamin'ny andron'ny zanak'Israely. io didy izay nasain'ny mosesy nosoratana tamin'ny vato io rehefa tafita an'i jordana no noravain'i Kristy teo ambony hazo fijaliana rehefa nilaza Izy ho vita Jaona 19 :30 ..., dia nanao hoe: Vita; dia nanondrika ny lohany Izy ka nanolotra ny fanahiny ; Matio 27:51 Ary, indro, ny efitra lamba tao amin'ny tempoly dia triatra nizara roa hatrany ambony ka hatrany ambany; dia nihorohoro ny tany, ka nitresaka ny vatolampy;
Vita hetreo ny fanompoam-pivavahana teo an-tempolin'ny jiosy, nesorina taminy ny lakile ny fanjakan'ny lanitra fa nomena izay nahavokatra azy, dia ny apostoly indray sy ny dimbiny.

NY DIDY FOLO kosa dia tsy rava nanaraka an'io fa nanaraka indray ny fanompoam-pivavahana izay nahorin'i Kristy, mihiditra indray eto ny Lalàn'i Kristy miala ny lalàn'i Mosesy (Lalàm-pisoronana no resahana eto) izay hitan-tsika rehefa mamaky ny bokin'ny Hebreo isika, miova ny FANEKENA lasa i Kristy no Mpisoronabe, ny ràn'ny tenany no fanatitra, sns...

Ny Lalàn'Atra ( DIDY FOLO) sy ny Lalàn'i Kristy indray no lalàm-pisoronana. Miala avokoa ny fanao taloha rehetra izay voalaza tamin'ny fanekena voalohany, misolo ny fanekena vaovao ( Iseraseran-tsika aoriana io) izay no mahatonga ny Apok 14:12 hoe Indro ny faharetan'ny olona masina, dia izay mitandrina ny didin'Andriamanitra sy ny finoana an'i Jesosy.

fa inona tokoa moa io Lalàn'Atra io:
eksedosy 20:3 Aza manana andriamani-kafa, fa Izaho ihany.
4 Aza manao sarin-javatra voasokitra ho anao, na ny mety ho endriky ny zavatra izay eny amin'ny lanitra ambony, na izay etỳ amin'ny tany ambany, na izay any amin'ny rano ambanin'ny tany.5 Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika, dia amin'izay mankahala Ahy;6 nefa kosa mamindra fo amin'ny olona arivo mandimby izay tia Ahy ka mitandrina ny didiko.
7 Aza manonona foana ny anaran'i Jehovah Andriamanitrao; fa tsy hataon'i Jehovah ho tsy manan-tsiny izay manonona foana ny anarany.
8 Mahatsiarova ny andro Sabata hanamasi­na azy.
9 Henemana no hiasanao sy hanaovanao ny raharahanao rehetra.
10 Fa Sabatan'i Jehovah Andriamanitrao ny andro fahafito; koa aza manao raharaha akory ianao amin'izany, na ny zanakao-lahy, na ny zanakao-vavy, na ny ankizilahinao, na ny ankizivavinao na ny biby fiompinao, na ny vahininao izay tafiditra eo am-bavahadinao.11 Fa henemana no nanaovan'i Jehovah ny lanitra sy ny tany sy ny ranomasina mbamin'izay rehetra ao aminy, dia nitsahatra Izy tamin'ny andro fahafito; izany no nitahian'i Jehovah ny andro Sabata sy nanamasinany azy.

12 Manaja ny rainao sy ny reninao mba ho maro andro ianao ao amin'ny tany izay omen'i Jehovah Andriamanitrao ho anao.

13 Aza mamono olona.

14 Aza mijangajanga.

15 Aza mangalatra.

16 Aza mety ho vavolombelona mandainga hanameloka ny namanao.

17 Aza mitsiriritra ny tranon'ny namanao; aza mitsiriritra ny vadin'ny namanao, na ny ankizilahiny, na ny ankizivaviny, na ny ombiny, na ny borikiny, na izay mety ho an'ny namanao akory aza.

Ireo no original fa efa misy manova izy io ankehitriny

Aza mety ho fitahina hoy ny II KOR 2:7 Fa miasa sahady ny zava-miafina, dia ny tsi-fankatoavan-dalàna. kanefa mandra-panaisotra ilay misakana ankehitriny ihany*. 8 Ary dia haseho ilay tena mpandika lalàna, izay holevonin'i Jesosy Tompo* amin'ny fofonain'ny vavany ary hofoanany amin'ny fisehoan'ny fihaviany;9 ny fihavin'ilehiny dia araka ny fiàsan'i Satana amin'ny hery sy ny famantarana sy ny fahagagana mandainga rehetra
10 ary ny famitahana momba ny tsi-fahamarinana amin'izay ho very, satria tsy nandray ny fitiavana ny fahamarinana izay hamonjena azy izy.
11 Koa izany no ampanateran'Andriamanitra fiàsan'ny fahadisoan-kevitra aminy hinoany ny lainga,
12 mba hohelohina avokoa izay rehetra tsy nino ny marina, fa nankasitraka ny tsy marina.

Mahereza ka aza mety ho fitahina! TANDREMO NY DIDIN' A/TRA, MINOA AN'I KRISTY.

Tsotra be io ry Ise a!
Ry zareo mpandrava didy 10 dia:
- Afaka mihinana ny sakafo rehetra
- Afaka misafidy izay andro fitsaharana izay tiany na tsy manao koa aza tsy maninona
- Afaka manambady sy manao firaisana amin'ny olona rehetra, na olom-pady na samy lehilahy na samy vehivavy na biby koa aza.
Sombintsombin'ny lalàna lazainy fa rava fotsiny ireo,

Ny azy rehefa amin'ny " Fitiavana" sy iantsoana ny anaran'i Jesosy dia mety avokoa e! zay hono ny fanekena vaovao.

Arahaba ho anareo rehetra.

didi10:

Tsotra be io ry Ise a!
Ry zareo mpandrava didy 10 dia:
- Afaka mihinana ny sakafo rehetra
- Afaka misafidy izay andro fitsaharana izay tiany na tsy manao koa aza tsy maninona
- Afaka manambady sy manao firaisana amin'ny olona rehetra, na olom-pady na samy lehilahy na samy vehivavy na biby koa aza.
Sombintsombin'ny lalàna lazainy fa rava fotsiny ireo,

Ny azy rehefa amin'ny " Fitiavana" sy iantsoana ny anaran'i Jesosy dia mety avokoa e! zay hono ny fanekena vaovao.

Tsy azoko na ianao no diso mandray an-tendrony loatra ny soratra masina sy izay mety ho lazain'ny olona eny ivelan'izay misy anareo ka mandefa ny olona rehetra mety tsy manao ny fanaonareo ho ao anaty lasitra iray! Betsaka ny azo lazaina mikasika ny atao hoe didy folo, ary ny tena mahagaga ahy dia tsy haiko na inianareo tsy ho azo ve le izy sa minia mikipy koa ianareo tsy te hahalala izay zavatra ankotr'izay nomena anareo. Ny mikasika an'io lazain'i didi10 io ihany no ambarako aloha dia tohizako izy amin'ny manaraka:

Ny didy folo dia voafehin'ny fitiavana an'Andriamanitra sy ny fitiavana ny olona.

Marka 12.28-31 : 28.Ny didy manao ahoana no voalohany amin'izy rehetra? 29ary jesosy namaly hoe : ny voalohany dia izao : "mihainoa ry israely: Jehovah andriamanitra iray ihany; 30 koa tiava an'i Jehovah andriamanitrao amin'ny fonao rehetra sy ny sainao rehetra ary ny herinao rehetra 31 ary ny faharoa dia izao : "Tiava ny namanao tahaka ny tenanao"

Avereno vakiana ny didy folo fa misy fizarana roa lehibe:
- Mahakasika an'Andriamanitra
- Mahakasika ny olona

Raha tia an'Andriamanitra ianao dia tsy hanana Andriamanin-kafa afa-tsy izy, mitandrina ny teniny, ...
Raha tia ny rahalahinao ianao dia tsy hangalatra ny fananany, tsy hamono azy,...

Izany hoe ilay fitiavana no tena mibaiko fa tsy tahotra na fiezahana hanaraka be fahatany ny didy folo fotsiny.

Ilay fitiavana koa anefa tsy tongatonga ho azy fa avy @ Andriamanitra mihitsy.
Andriamanitra tia antsika aloha ka nomeny ny Zanany ho avotra noho ny fahotantsika.
Izay no maha fitiavana Azy. Izay manaiky na mino io fanavotana io no nandray ilay
tena fitiavana ary dia lasa tia ny hafa koa izy.

Izay no tena mahasamihafa ny olona mitandrina ny lalàna mba hovonjena(tsy mahavonjy ny fitandremana ny lalàna) sy ny olona efa voavonjy (zanak'Andriamanitra) ka hita @ fiainany ety ivelany(vokatra na "fruits") ny fanatanterahany ny lalàna(na dia tsy tanteraka aza izy).

Izany hoe izay olona mahatsapa fa voavonjy sy mahatsiaro hoe zanak' Andriamanitra dia
mitandrina ho azy ny didy 10 tsy misy miova na ny kely aza ?

Tefigasy:


Izay no tena mahasamihafa ny olona mitandrina ny lalàna mba hovonjena(tsy mahavonjy ny fitandremana ny lalàna) sy ny olona efa voavonjy (zanak'Andriamanitra) ka hita @ fiainany ety ivelany(vokatra na "fruits") ny fanatanterahany ny lalàna(na dia tsy tanteraka aza izy).

Izany hoe izay olona mahatsapa fa voavonjy sy mahatsiaro hoe zanak' Andriamanitra dia
mitandrina ho azy ny didy 10 tsy misy miova na ny kely aza ?

Izay matimaty r'ise dia aloan'ny vavan'Andriamanitra a! rehefa mitandrina ny Didy dia mitandrina azy rehetra fa tsy ny sasany ihany.

Tefigasy>>>> Izany hoe tsy rava izany ny Didifolo fa voasaron' ilay FITIAVANA. Ilay Fitiavana izany no fomba entina hanantaterahana ilay Didifolo. Olona nanary Fitiavana ny olona iray tsy nahantateraka ny iray ao anaty Didifolo.PETERA I 4: 8 Ary mihoatra noho ny zavatra rehetra, mifankatiava tsara; fa "ny fitiavana manarona fahotana maro" (Oha. 10 .12).

Rehefa mandinika ny lahatsoratra sy ny valinteny eto dia miha-manify izy satria miantomboka amin'ny fanamarihana lavabe etsy ambony ataon'i Maranatha ary mifarana amin'ny fehezantenin'i Petera eto ambany.

Eo amin'ny fandinihana ny momba an'Andriamanitra dia toy izany koa : maro be aloha ireo tantara mikorontana hitantsika ao anaty Baiboly ao, ary mifarana amin'ny filaminana izany.

Tokana ihany anefa ny tsoa-kevitra dia ny Fitiavana.

Ka na miisa anarivony maro aza ny hevitra isankarazany momba ny fitondran-tena ao anaty Baiboly rehefa tsy misy fitiavana dia poakaty avokoa.

Averiko ihany, tsy ny fanontaniana mikasika ny didy folo intsony izao no ilana valiny satria, tsy mahavonjy ny didy folo, fa na dia fatra-pitandrina izany aza ianao dia hoy ny tompo mantsy ilay lehilahy nitady ny fandovana ilay fiainana mandrakizay izay efa nahatandrina tanteraka ny didy folo hoe : Lio.18.22: ary rehefa nandre izany Jesosy, dia hoy Izy taminy : Mbola diso zavatra iray loha ianao : amidio ny fanananao rehetra, ka zarao ho an'ny malahelo, dia hanana rakitra any an-danitra ianao; ary avia, manaraha Ahy . . Izay ilay fitiavana lazaina eny ambony.

Tokana ihany no hahazoana ilay fiainana mandrakizay dia ny finoana : Jao.6.47 : Lazaiko aminareo marina dia marina tokoa : Izay mino no manana fiainana mandrakizay .

Ka na hitandrina ny didy folo toa ny anakandriamaso aza ianao nefa tsy manana finoana dia tsy misy hafanana velively. Tadidio ity tenin'ny Paoly ity ao amin'ny Gal.2.21 hoe : Tsy mahafoana ny fahasoavan'Andriamanitra aho; fa raha avy amin'ny lalàna ny fahamarinana dia maty foana Kristy .
Izany rehetra izany akory tsy midika hoe andana ary hitsakitsao ny didy folo fa efa nohamarinina tamin'ilay ran'ilay zanak'ondry ianao. Tsia, fa raha niakatra ho any an-danitra Jesoa dia nanolotra ny fanahy masina ho an'izay mino azy, ary io fanahy masina io no mitarika ny mpino ho amin'ny fitondra-tena kristianina.Jao.14.26: fa ny Mpananatra, dia ny Fanahy Masina, Izay hirahin'ny Ray amin'ny anarako, Izy no hampianatra anareo ny zavatra rehetra sy hampahatsiaro anareo ny zavatra rehetra izay nolazaiko taminareo . Ka ianao ve de sahy hifaninana amin'ny fanahy masina ny amin'izay fitondra-tena tokony hananan'ny kristianina ?
Tohizana amin'ny manaraka ...

Misaotra amin'ny fanamarihana ataon-tsika fa hatreo aloha dia hita fa mitovy daholo ihany ny valiny izay homen-tsika, samy mankasitraka ny Didy folo isika rehetra fa tsy mbola foana akory izy io, ary teo amin'ny famalianareo tsirairay dia nahatsikarahana ny fatram-panahin'ny tsirairay .
Amin'ny ankapobeany tokoa aloha dia tsy voatandrinao amin'ny herin'ny tenanao io Didy folo io fa eo no tonga amin'ilay teny ao @ Jaona hoe : Izay rehetra nandray azy dia nomena hery ho tonga zanak'Atra. Mila firaisana amin'ny fanahy masina izany vao mahatandina azy io. Eo ihany koa ilay hoe ny anton'ny didy dia fitiavana, Fitiavana an'A/tra , sy fitiavana ny olona.

Fa ireo antsika ireo anie mbola tsisy manafoana ny Didy folon'Atra e! Isika ireo dia samy manohana fa tsy foana akory ny Didin'Atra. Ary i jesosy dia nilaza fa izay tsy manohitra antsika dia momba antsika.

Tsy hiiditra aloha akory isika ny amin'ny fanovana io lalàn'a/tra io fa io dia hiarahan-tsika rehetra mahalala fa efa miova ihany koa. Diso amin'iray loha mantsy dia diso amin'izy rehetra.

Izay fa mahereza daholo e!

Ry mpandrava didy10 sy izay tsy mandrava fa nitsipaka ny ampahany, sao tsy ho zakanareo lahy ny fahatezeran'i YHWH

Ez 22, 26-30
26 Ny mpisorona dia mandika ny lalàko sy mandoto ny zavatra masina; tsy manavaka ny masina sy ny tsy masina izy, na mampiseho ny tsi-fitovian'ny maloto sy ny madio, ary mitampi-maso tsy hijery ny Sabatako izy, ary tsiratsiraina ao aminy Aho.
27 Toy ny amboa-dia* mamiravira haza ny lehibeny ao aminy ka mandatsa-drà sy mahafaty aina ary mahazo harena amin'ny tsy marina.[Na: lopa] 28 Ary ny mpaminaniny mandalotra azy amin'ny feta tsy madity ka mahita zava-poana sy maminany lainga aminy hoe: Izao no lazain'i Jehovah Tompo; nefa Jehovah tsy niteny tsinona.
29 Ny vahoaka manao an-keriny sy mandroba ka mampahory ny malahelo sy ny mahantra; ary ny vahiny dia ampahoriny tsy andrariny.
30 Ary nitady olona teo aminy Aho hanao manda sy hijanona eo amin'ny banga eo anatrehako hifona ho an'ny tany mba tsy handravako azy, kanjo tsy nahita; 31 koa dia haidiko eo aminy ny fahatezerako; ny afon'ny fahatezerako no handaniako azy; ary hatsingeriko ho eo an-dohany ihany ny fanaony*, hoy Jehovah Tompo.

Hoy Jesosy manao hoe: tsy havy anafoana ny lalana aho fa hampitoetra azy.
Ny zavatra rehetra dia fonosin'ny fitiavana, @ fotoana isika mitoetra ao anaty fitiavana dia voatandrina hoazy ny didy folo, ary raha dinihinao ny baiboly dia mbola maro ireo didy nolazain'i Jesosy fotsiny ohatra aza mibitsibitsika, aza mifampiandany...
hitanao tsy misy vokatry ny fitiavana ireo fa asan'ny satana.
Mandehana @ fitiavana izany hoe: avelao i Jesosy ilay fitiavana no hanapaka ao anatinao dia tsy hanana tsikera ho an'ny hafa ianao, satria tin'A/tra avokoa ny olona rehetra.

didi10:

Tsotra be io ry Ise a!
Ry zareo mpandrava didy 10 dia:
- Afaka mihinana ny sakafo rehetra
- Afaka misafidy izay andro fitsaharana izay tiany na tsy manao koa aza tsy maninona
- Afaka manambady sy manao firaisana amin'ny olona rehetra, na olom-pady na samy lehilahy na samy vehivavy na biby koa aza.
Sombintsombin'ny lalàna lazainy fa rava fotsiny ireo,

Ny azy rehefa amin'ny " Fitiavana" sy iantsoana ny anaran'i Jesosy dia mety avokoa e! zay hono ny fanekena vaovao.

Misaotra anao ry didi10,
Dia gaga ny tenako raha izany no mba toe-tsainao, ny teny ambarako aminao anefa dia aoka ho fantatrao fa na MANDRAVA DIDY FOLO NY TENAKO TSY MBA MPANOTA AHO. Tanteraka amiko ny teny ao amin'ny Romana 6:14, milaza FA NY OTA TSY HANAN-KERY AMINAREO; FA TSY MBA AMBANIN'NY LALANA HIANAREO FA AMBANY FAHASOAVANA.
Tena manamarina ny toerana misy anareo hianareo mpitandrina Didy folo amin'izao dia io hianareo samy milaza fa mpanota daholo io,aiza no toerana misy anareo (AMBANY LALANA).
Ry didi10, tsy isika malagasy irery no mba manana izany andriamanitra ivavahana sy inoana izany, maro ny firenena any ivelany mivavaka, misy amin'izy ireny tsy mahalala didy folo sy lalànan'i Mosesy izany, nefa raha ny fahamarinana ety ivelany dia marina lavitra noho ireo mpitandrina didy folo izy ireo ohatra ireo ao amin'ny finoana Boudas, misy mahavita mitokana mihitsy, tsy manambady, tsy mikasika vehivavy,tsy mangalatra, dia hilaza ve hianao didi10 fa mitandrina didy folo izy ireny, ny lalàna ao amin'ny andriamanitra tompoiny no tandremany.
Nahoana hianareo mpitandrina didy folo no dia ao anatin'ny fahadalana, mitsitokotoko, ary ireo voalazanao ireo (Afaka manambady sy manao firaisana amin'ny olona rehetra, na olom-pady na samy lehilahy na samy vehivavy na biby koa aza.) dia ao aminareo no misy an'izany, miezaka mitandrina didy folo hianareo nefa vao maika mitombo ny hadalana ataonareo, AZA MANDAINGA FA MARINA IZANY, tsy manana hery hanoherana izany hianareo, ary tsy hianareo tsirairay fotsiny fa ho hitanareo koa ny fahadalana ataon'ny fingonanareo sy ny mpitarika anareo ka dia HO HITANTSIKA EO fa mbola samy velona isika izao.
Ny mikasika ny didy folo, raha izaho taloha dia tao, mitandrina sabata, nifady biby maloto, sns...., ka sao heverinareo fa tsy nahalala an'io lalàna io ny tenako, fantatro io, nefa tao ao dia tsy afaka nilaza akory fa OLO-MARINA, marina ny teny fa tsy misy marina na dia iray ny ao amin'ny lalàna, voalaza io ao amin'ny ROMANA 3:10, ekenareo ny teny hoe TSY MISY MARINA NA DIA IRAY AKORY AZA, nefa hoy izaho aminareo raha ekenareo ny andininy faha-10, dia ekeo koa ny andininy faha-11 TSY MISY MAHAFANTATRA, TSY MISY IZAY MITADY AN'ANDRIAMANITRA, and-13 FASANA MISOKATRA NY TENDANY, and-17 NY LALAN'NY FIADANANA DIA TSY FANTANY 18 TSY MISY FAHATAHORANA AN'ANDRIAMANITRA EO ANOLOAN'NY MASONY, raha ekenao fa tsy misy marina dia ekeo koa fa tsy mahalala an'Andriamanitra hianao, tsy mahalala ny làlan'ny fiadanany.
Miovaova ny fiteninareo, hianareo mpitandrian lalàna (didy folo) dia manaiky iray andininy nefa manda ny andininy manaraka.
Aiza no ny toerana ahitana an'ireo voalaza ao amin'ny ROMANA teo VAKIO NY ROMANA 3:20 TSY MISY NOFO HOHAMARINANA AMIN'NY LALANA. Ka mitoera ao ihany,
Mikasika ny faharavan'ny didy folo, be dia be ny toko sy andininy milaza izany ao amin'ny baiboly nosoratan'ireo Apostoly, fa ny tiako ho lazaina dia ny vokatra azonareo ao amin'io rafitra io:
- Fahafatesana araka ny KORINTIANA faharoa 3:7
- Tafasaraka amin'i KRISTY araka ny GALATIANA 5:4
- Mpanota araka ny Romana voalaza eo ambony
- Tsy mahalala ny làlan'ny fiadanana
- Fisarahana, Fitsikotokoana (AZONTSIKA ATAO LOHAHEVITRA IO/ nahoana ny fiangonana no mizarazara, nefa ny tenin'Andriamanitra dia milaza fa aoka hianareo iray teny tsy hisy fisarahana, ho tafakambana tsara araka ny Korintiana Voalohany 1:10)
- Tsy manana Fanahy Masina (azo porofoina ara-baiboly ny fiangonana manana Fanahy Masina, voalaza mazava tsara ao izany)
- Voaozona araka ny GALATIANA 3:10 IZAY REHETRA AO AMIN'NY ASAN'NY LALANA DIA EO AMBANIN'NY FANOZONANA

Ny teniko farany dia izao TANO MAFY ARY IO TOERANA MISY ANAO IO fa ho hitantsika eo ihany ny ZAVATRA HITRANGA AO AORIANA AO fa hisy FIANGONANA izay hitelina anareo rehetra ao amin'io DIDY FOLO, miomana fa ho tonga izay.

Andriamanitro anie homba anareo

Miarahaba anao namana AUGERFA

Misy fanontaniana kely mba tiako apetraka aminao!

- Maninona kay ianao no tsy miboridana rehefa mandeha eny an-dàlana raha tsy mpanota sy mahalala fahotana toa tamin'ny andron'i Adama sy Eva?
- Nareo mpandrava didy 10 ve tsy misy mifora sy tsy manao didim-poitra ny zanany?

Milaza fa tsy ambany lalàn'Andriamanitra ianareo, fa manaiky kosa ny lalàn'ny olombelona: constitution, code pénal et civil, loi du travail, loi de la santé, na eto amin'ity serasera ity aza misy code de l'éthique izay tsy sahinao dikaina, Tim I 1 : 5
5 Fa ny anton'ny didy dia fitiavana avy amin'ny fo madio sy ny fieritreretana tsara ary ny finoana tsy mihatsaravelatsihy,

Raha izaho nareo tsy dia mandefa eritreritra be loatra amin'izay ftandremana na tsy fitandremana didy izany intsony. Saika tsy hamaly teto tsony koa za mantsy fa nihomehy kely nahita an'ity soratr'i didi10 eto ty :

didi10:

- Maninona kay ianao no tsy miboridana rehefa mandeha eny an-dàlana raha tsy mpanota sy mahalala fahotana toa tamin'ny andron'i Adama sy Eva?

==> Dia lazaivo koa r'ise fa tsy nahalala nangatsiaka mihitsy i Adama sy eva tamin'izany ka tsy nila fitafiana mihitsy satria tsy nisy fahotana a! hahahaha

didi10:

- Nareo mpandrava didy 10 ve tsy misy mifora sy tsy manao didim-poitra ny zanany?

==> Didy fahafiry re no misy hoe tsy maintsy foraina na manao didim-poitra ny zanany e ? Toa fanekena tamin' Abrahama sy Andriamanitra anie izany e, hihihihi amin'izao le izy kay tafiditra didy folo. tara be izahay kay. Aleo tsy taritiko alavitra be ny mikasika io famorana io fa manjary lasa ivelan'ny lohahevitra napetrakao.

Tsy hoe ambanin'ny lalàna na ambonin'ny lalàna no zava-dehibe, fa na misy lalàna na tsy misy lalàna, ny fanahy masina izay efa nekenao tsy hampitarika anao any amin'ny tsy fanarahan-dia an'andriamanitra mihitsy.

Faly miarahaba namana isany,
Tsy foana akory ny didy 10 na ny lalàn'Andriamanitra taloha koa fa kosa tokony ho hita taratra ao amin'ny kristianina ny fahatanterahan'izany.
Ireto teny ireto no manamarina izany :
« Koa mahafoana ny lalàna amin'ny finoana va isika? Sanatria izany! fa mampiorina tsara ny lalàna isika. » (Romana 3:31)
Sanatria izany (Jamais) hoy ny apostoly Paoly.
Ary Jesosy Tompo mihitsy koa dia mbola nanamafy izany.
« Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka. » (Matio 5:17)
Hotanterahina ilay lalàna tsy tanteraka teo aloha ka nilazana ilay fanekena voalohany ho «nanan- tsininy» ka nanoloana azy tamin’ny fanekena faharoa. « Fa raha tsy nanan-tsiny izany fanekena voalohany izany, dia tsy mba nisy fitÅ“rana hotadiavina ho an'ny faharoa. » (Hebreo 8:7)

Ahoana ary no atao mba hahantanteraka ny lalàna??
« Mangataha, dia homena ianareo; mitadiava, dia hahita ianareo; dondony, dia hovohana ianareo. » (Matio 7:7).
Matoa Jesosy Tompo teto nilaza hoe «mangataha» dia midika izany fa misy zavatra tokony hangatahina .
Inona izany zavatra tokony hangatahina izany (harena v, fanasitranana, sa inona...)??
« Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo. » (Jaona 14:27)
Inona izany zavatra tsy tahaka ny fanomen'izao tontolo izao izany???
Valiny? Tsy inona akory fa ny fanjakan'Andriamanitra.
Ahoana no hanomezan’Andriamanitra izany fanjakany izany, aiza no ahitana azy???
« Ary ny olona tsy hanao hoe: Indro, ety! na ery ! fa, indro, ny fanjakan'Andriamanitra dia ao anatinareo*.[*Na: efa eo aminareo] » (Lioka 17:21)
Ao anatin-tsika ao no hanomezan'Andriamanitra izany fanjakan'Andriamanitra izany.
Ahoana izany????
« Ary homeko fo vaovao ianareo, ary fanahy vaovao no hataoko ao anatinareo, ary hesoriko amin'ny nofonareo ny fo vato, ka homeko fo nofo ianareo. » (Ezekiela 36:26)
« Ary ny Fanahiko no hataoko ao anatinareo, ka hahatonga anareo handeha araka ny lalàko sy hitandrina ny fitsipiko ka hanaraka azy. » (Ezekiela 36:27)

Io no fanjakan'Andriamanitra : FO VAOVAO FANAHY VAOVAO mahay manao ny sitrapon'Andriamanitra sy mandeha araka ny lalàn'Andriamanitra ary mitandriana ny fitsipiny rehetra. FANOMEZANA MAIMAI-POANA IZAY NO MAHATONGA ILAY TENY HOE FAHASOAVANA;
Olona anankiray nilaza fa nisehoan'i Jesosy Tompo sady nampianariny mivantana no nampianatra ny fahamarinana rehetra mba handraisan’ny olona tsy an-kanavaka na iza izy na izy izany «fahasoavan’Andriamanitra» izany.
Izaho tsy nahita azy niresaka tamin’I Jesosy.
Fa izaho kosa mijoro vavolombelona ny amin’ny fahamarinan’ny fampianarany sy ny fahatanterahan’ny teny fikasana tamin’ny tenako sy ny ankohonako rehefa nino sy niaina izany fampianarana izany.
Olona maro B ankehitriny no efa «NIOVA FO» ary tsy ampoizina mihitsy fa misy hatramin’ny manamboninahitra ambony, profesora, direktera, ka hatramin’ny olona heverina ho sahirana eo amin’ny fiainana samy faly avokoa noho ny «fanantenana» nomen’Andriamanitra azireo.
Manentana an-tsika aho araka izany mba haka ny anjara «fahasoavana» ho an-tsika. Araho ny fandaharana Vitao ny asan’ny fahamarinana isa-maraina amin’ny 5ora-6ora (télé jery) ny alarobia-Sabotsy.
Fanamarihana manokana : ilay olona vaovao dia tsy atoro intsony hoe «Aza mamono olona» satria ilay olona vaovao efa tsy mpamono olona» intsony toy izany koa tsy atoro intsony hoe «Aza mijangajanga» satria efa tsy mpijangajanga intsony. Dia toy izany daholo tsy atoro intsony hoe «Aza mangalatra» satria efa tsy mpangalatra intsony sns sns….
Efa lasa olo-marina (efa tsy mpandika lalàna intsony) ilay olona vaovao ka tsy mila raràna intsony izy. Inona tokoa moa no tokony andrarana azy nefa izy aza efa tsy manao izany intsony???? Vakio ny 1Tim.1:8-11 dia ho azonao ny tiako ambara.
Ny fahatanterahan’ny lalàna araka izany dia tokony ho hita taratra eo amin’ny fiainan’ilay olona vaovao ary am-pitiavana tanteraka no hanantaterahany izany fa tsy misy fanerena mihitsy na dia kely akory aza.
Zavatra mahagaga izany ry namana isany nefa ankehitriny dia hasehon’ny Tompo ny fahamarinana mba hahavoavonjy ny olona rehetra. Nodidian’ny Tompo izahay hizara maimai-poana ka dia mizara maimaipoana tokoa. Tsy terena anefa isika kanefa hoy aho hoe diniho ihany ny ho avin’ny fiananao mandrak’izay.
Samy ho tahin’ny Tompo namana isany.

Samy ho tahin’ny Tompo ry namana isany.

AUGERFA:

Dia gaga ny tenako raha izany no mba toe-tsainao, ny teny ambarako aminao anefa dia aoka ho fantatrao fa na MANDRAVA DIDY FOLO NY TENAKO TSY MBA MPANOTA AHO. Tanteraka amiko ny teny ao amin'ny Romana 6:14, milaza FA NY OTA TSY HANAN-KERY AMINAREO; FA TSY MBA AMBANIN'NY LALANA HIANAREO FA AMBANY FAHASOAVANA.
Tena manamarina ny toerana misy anareo hianareo mpitandrina Didy folo amin'izao dia io hianareo samy milaza fa mpanota daholo io,aiza no toerana misy anareo (AMBANY LALANA).

Miarahaba anao ry AUGERFA
Izaho moa no nitondra ny lohahevitra ka mitondra ny fanazavana ihany koa miloha ny hamaliako itsy teny nalefan'ise etsy ambony itsy dia azoko antoka fa tsy namaky ny fanazavana izay nentina nanamafisana ny hevitra ise koa raha mety dia mba vakio sy diniho dia angatahako ise hamaly raha misy mivaona, ny zavatra tsapako mantsy dia tsy nandalina tsara ny finoana nisy an'ise teo aloha izany ise matoa lasa nanaraka an'i episkopo mba hahatanteraka izay voalaza ao amin'ny II Tes 2:9 ny fihavin'ilehiny dia araka ny fiàsan'i Satana amin'ny hery sy ny famantarana sy ny fahagagana mandainga rehetra10 ary ny famitahana momba ny tsi-fahamarinana amin'izay ho very, satria tsy nandray ny fitiavana ny fahamarinana izay hamonjena azy izy.11 Koa izany no ampanateran'Andriamanitra fiàsan'ny fahadisoan-kevitra aminy hinoany ny lainga,12 mba hohelohina avokoa izay rehetra tsy nino ny marina, fa nankasitraka ny tsy marina.
Ho valiako amin'izay ilay resak'ise teo aloha I Jaona 1:8 Raha hoy isika: Tsy manana ota isika, dia mamita-tena, ary ny marina tsy ato anatintsika.
Ahoana ny fandraisan'ise io teny io??

AUGERFA:

Ry didi10, tsy isika malagasy irery no mba manana izany andriamanitra ivavahana sy inoana izany, maro ny firenena any ivelany mivavaka, misy amin'izy ireny tsy mahalala didy folo sy lalànan'i Mosesy izany, nefa raha ny fahamarinana ety ivelany dia marina lavitra noho ireo mpitandrina didy folo izy ireo ohatra ireo ao amin'ny finoana Boudas, misy mahavita mitokana mihitsy, tsy manambady, tsy mikasika vehivavy,tsy mangalatra, dia hilaza ve hianao didi10 fa mitandrina didy folo izy ireny, ny lalàna ao amin'ny andriamanitra tompoiny no tandremany.

Tsara ny manavaka fa ilay Andriamanitra izay lazain'ny Baiboly no resehana sy ivavahana eto matoa mampiasa ny teny izay lazainy sa ny Boudiste sy ny sisa mampiasa Baiboly koa rehefa mivavaka??

AUGERFA:

Nahoana hianareo mpitandrina didy folo no dia ao anatin'ny fahadalana, mitsitokotoko, ary ireo voalazanao ireo (Afaka manambady sy manao firaisana amin'ny olona rehetra, na olom-pady na samy lehilahy na samy vehivavy na biby koa aza.) dia ao aminareo no misy an'izany, miezaka mitandrina didy folo hianareo nefa vao maika mitombo ny hadalana ataonareo, AZA MANDAINGA FA MARINA IZANY, tsy manana hery hanoherana izany hianareo, ary tsy hianareo tsirairay fotsiny fa ho hitanareo koa ny fahadalana ataon'ny fingonanareo sy ny mpitarika anareo ka dia HO HITANTSIKA EO fa mbola samy velona isika izao.

Mampalahelo ise Tsy nilaza mihintsy akory i Jesosy fa tanteraka ny Kristiana rehetra izay mitandrina ny didy folo ao anatin'ny tanimbary iray hoy izy dia misy ny vary ary misy ihany koa ny tsiparifary izay nalefan'ilay ratsy handotoana ny vahoakan'Atra fa rehefa tonga ny farany havahana ny vary hiala amin'ny tsiparifary

AUGERFA:

Ny mikasika ny didy folo, raha izaho taloha dia tao, mitandrina sabata, nifady biby maloto, sns...., ka sao heverinareo fa tsy nahalala an'io lalàna io ny tenako, fantatro io, nefa tao ao dia tsy afaka nilaza akory fa OLO-MARINA, marina ny teny fa tsy misy marina na dia iray ny ao amin'ny lalàna, voalaza io ao amin'ny ROMANA 3:10, ekenareo ny teny hoe TSY MISY MARINA NA DIA IRAY AKORY AZA, nefa hoy izaho aminareo raha ekenareo ny andininy faha-10, dia ekeo koa ny andininy faha-11 TSY MISY MAHAFANTATRA, TSY MISY IZAY MITADY AN'ANDRIAMANITRA, and-13 FASANA MISOKATRA NY TENDANY, and-17 NY LALAN'NY FIADANANA DIA TSY FANTANY 18 TSY MISY FAHATAHORANA AN'ANDRIAMANITRA EO ANOLOAN'NY MASONY, raha ekenao fa tsy misy marina dia ekeo koa fa tsy mahalala an'Andriamanitra hianao, tsy mahalala ny làlan'ny fiadanany.
Miovaova ny fiteninareo, hianareo mpitandrian lalàna (didy folo) dia manaiky iray andininy nefa manda ny andininy manaraka.
Aiza no ny toerana ahitana an'ireo voalaza ao amin'ny ROMANA teo VAKIO NY ROMANA 3:20 TSY MISY NOFO HOHAMARINANA AMIN'NY LALANA. Ka mitoera ao ihany,

Azoko tsara mihintsy fa tany ise fa mety Radié tao dia nitady izay hasiana ny tongotra sy hanamarinana ny tena dia tafajabaka any amin'ny tsy izy dia tsy afa-miala. Sady eto dia tsy hain'ise ny manavaka ny tena fiangonan'Atra sy ny tsy izy satria noraisin'ise sy nakamban'ise avokoa ny fiangonana rehetra. Fa ilay mitana ny FANAOVAN-JIRON'A/TRA tsy fantatr'ise izay namoaka ny fahamarinana rehetra avy amin'Atra . Ilay fahazavan'izao tontolo izao

AUGERFA:

Mikasika ny faharavan'ny didy folo, be dia be ny toko sy andininy milaza izany ao amin'ny baiboly nosoratan'ireo Apostoly

Tsy ny Didy folo no rava fa ny fanekena taloha izay hitako sy tsapako fa tsy hain'ise ny manavaka azy. Ny DIDY FOLO dia VAVOLOMBELON'NY FANEKENA. (Ny fanekena hafa, ny vavolombelona hafa. Ireo izay tanisanareo fa mandrava ny didy ireo dia ilay didy napetrak'i Mosesy sy nosoratany tamin'ny vato fa tsy ilay NOSORATAN'NY RATSATANAN'ATRA. Mba vakio ny tari-dalana ho amin'ny lohahevitra dia porofoy amin'ny baibolin'ise.

AUGERFA:

, fa ny tiako ho lazaina dia ny vokatra azonareo ao amin'io rafitra io:
- Fahafatesana araka ny KORINTIANA faharoa 3:7
- Tafasaraka amin'i KRISTY araka ny GALATIANA 5:4
- Mpanota araka ny Romana voalaza eo ambony
- Tsy mahalala ny làlan'ny fiadanana
- Fisarahana, Fitsikotokoana (AZONTSIKA ATAO LOHAHEVITRA IO/ nahoana ny fiangonana no mizarazara, nefa ny tenin'Andriamanitra dia milaza fa aoka hianareo iray teny tsy hisy fisarahana, ho tafakambana tsara araka ny Korintiana Voalohany 1:10)
- Tsy manana Fanahy Masina (azo porofoina ara-baiboly ny fiangonana manana Fanahy Masina, voalaza mazava tsara ao izany)
- Voaozona araka ny GALATIANA 3:10 IZAY REHETRA AO AMIN'NY ASAN'NY LALANA DIA EO AMBANIN'NY FANOZONANA

raha ireo tanisan'ise ireo izao dia lalàna mikasika ny fanekena toloha avokoa ireo ilay nosoratan'i Mosesy fatsisy hifandarisany @ DIDY FOLO.

Ny fanekene vaovao anie r'ise dia ny lalàn'i Kristy e! manaraka azy avy eo ilay voalaza ao amin'ny Hebreo8:10 Fa izao no fanekena hataoko amin'ny taranak'isiraely, Rehefa afaka izany andro izany, hoy Jehovah: Dia hataoko ao an-tsainy ny lalàko, Sady hosoratako ao am-pony, Ary Izaho ho Andriamaniny, ary izy ho oloko;
Azon'ise ve ny dikan'izany?? raha hadika io dia izao ny dikany10 Fa izao no fanekena hataoko amin'ny taranak'isiraely, Rehefa afaka izany andro izany, hoy Jehovah: Dia hataoko ao an-tsainy ny lalàko( DIDY FOLO), Sady hosoratako ao am-pony, Ary Izaho ho Andriamaniny, ary izy ho oloko; fatsy hatao amin'ny vato intsony.

Ise izao no tempolin'Atra , ny tenan-tsika, tsy miova anefa ny fanaka sy ireo zavatra hita ao an-tempoly, dia vakio ny Hebreo toko9 dia ho hitan'ise raha tokony mbola ho ao ny Didy folo na nampanjavonin'ise sy episkopo, raha vao izay dia tsy tafatoetra ao amin'ise ny Fanahy masina. satria hoy izy ao amin'ny Eksodosy 25:8 Ary asaovy manao fitoerana masina ho Ahy izy, dia honina eo aminy Aho.

Te hampahery an'ise aho fa hoy ny Apok3:15 Fantatro ny asanao, fa tsy mangatsiaka na mafana ianao; aleo ho mangatsiaka na ho mafana ianao.16 Fa satria matimaty ianao ka tsy mafana na mangatsiaka, dia efa haloan'ny vavako ianao;
Rehefa mivavaka r'ise dia tena mivavaha a! fa rahatsy hivavaka aza mandany andro fa sao amty antoka fotsiny eo! hataon'ny satana fitaovana hihomana amin'ilay andro izay hisin'ny ady lehibe farany . Ady ny amin'ny Fitandremana sy ny tsy fitandremana ny Didin'Atra.

Mbola misy ny fotoana . Mibebaha!

[/quote]
Ho valiako amin'izay ilay resak'ise teo aloha I Jaona 1:8 Raha hoy isika: Tsy manana ota isika, dia mamita-tena, ary ny marina tsy ato anatintsika.
Ahoana ny fandraisan'ise io teny io??
[ Miarahaba anao,
Faly ny tenako amin'izao seraserantsika izao. Vakio ny tohin'ny teny ry namako, RAHA MIAIKY NY FAHOTANTSIKA ISIKA DIA MAHATOKY IZY KA MAMELA NY FAHOTANTSIKA SY MANADIO ANTSIKA HO AFAKA AMIN'NY TSY FAHAMARINANA REHETRA.
Efa niaiky ny fahotako ny tenako, ary tamin'izay no nahatonga ahy niroso tamin'ny fahaterahana vaovao, ary tsy izaho intsony no velona fa KRISTY no velona ato anatiko, f'angaha i KRISTY mpanota? ]
[/quote]
Tsara ny manavaka fa ilay Andriamanitra izay lazain'ny Baiboly no resehana sy ivavahana eto matoa mampiasa ny teny izay lazainy sa ny Boudiste sy ny sisa mampiasa Baiboly koa rehefa mivavaka??

Faly izaho fa azonao ny tiako lazaina, raha ny baiboly no resahina, be dia be ny lalàn'Andriamanitra ao fa tsy ilay fanekena teo amin'ny tendrombohitra Sinay irery ihany. Io moa no tianareo lazaina raha vao milaza ny hoe Didin'Andriamanitra hianareo. Manana ny fanekena itoerako ny tenako, tsy mba ny didy folo io. Fanekena vaovao izay nandatsahan'i KRISTY ny rany.

Mampalahelo ise Tsy nilaza mihintsy akory i Jesosy fa tanteraka ny Kristiana rehetra izay mitandrina ny didy folo ao anatin'ny tanimbary iray hoy izy dia misy ny vary ary misy ihany koa ny tsiparifary izay nalefan'ilay ratsy handotoana ny vahoakan'Atra fa rehefa tonga ny farany havahana ny vary hiala amin'ny tsiparifary

Ny tenin'i KRISTY ry namana malala dia AOKA HIANAREO HO TANTERAKA TAHAKA NY FAHATANTERAHAN'NY RAINAREO ANY AN-DANITRA Matio 5:48
Ahoana no ahafahako hilaza fa iray Andriamanitra amin'olona nanao fahadalana, masina Andriamanitra tompoiko, masina ny fiangonana najorony, tsy misy fahotana ny tena an'Andriamanitra. Fa ny mpanota tsy hahajanona ao amin'ny fiangonan'ny olona marina Salamo 1. Ilain'i KRISTY isika ho tanteraka tahaka an'Andriamanitra RAY.

Azoko tsara mihintsy fa tany ise fa mety Radié tao dia nitady izay hasiana ny tongotra sy hanamarinana ny tena dia tafajabaka any amin'ny tsy izy dia tsy afa-miala. Sady eto dia tsy hain'ise ny manavaka ny tena fiangonan'Atra sy ny tsy izy satria noraisin'ise sy nakamban'ise avokoa ny fiangonana rehetra. Fa ilay mitana ny FANAOVAN-JIRON'A/TRA tsy fantatr'ise izay namoaka ny fahamarinana rehetra avy amin'Atra . Ilay fahazavan'izao tontolo izao

Gaga ny tenako raha izaho izay sahy miteny OLO-MARINA no ataonao fa Radié tany amin'ny fiangonanareo, averiko ihany ny teniko: TSY NAHITAKO FAHAMARINANA TAO ary mbola porofoinareo izany ankehitriny aminareo SAMY MILAZA HO MPANOTA IO, ny olona mpanota ve dia hilaza fa MITANA NY FANAOVAN-JIRON'ANDRIAMANITRA, mandiniha ry namana, Andriamanitra iza no hanaiky an'izany, ny fahotana ve izany no fahazavan'izao tontolo izao sa Andriamanitra naniraka mpanota hitory teny AIZA AO AMIN'NY BAIBOLY NO MISY AN'IZANY fa ny hitako ao dia IZAY NOTENDRENY NO NANTSOINY ARY IZAY NANTSOINY NO NOHAMARININY (Romana 8:30) ary io notendreny io no NOFIDINY dia NIRAHINY MBA HANDEHA SY HAMOA (Jaona 15:16)

[/quote]
Tsy ny Didy folo no rava fa ny fanekena taloha izay hitako sy tsapako fa tsy hain'ise ny manavaka azy. Ny DIDY FOLO dia VAVOLOMBELON'NY FANEKENA. (Ny fanekena hafa, ny vavolombelona hafa. Ireo izay tanisanareo fa mandrava ny didy ireo dia ilay didy napetrak'i Mosesy sy nosoratany tamin'ny vato fa tsy ilay NOSORATAN'NY RATSATANAN'ATRA. Mba vakio ny tari-dalana ho amin'ny lohahevitra dia porofoy amin'ny baibolin'ise.

Tsy ny fanoratana ny fanekena tamin'ny vato no maha fanekena ny fanekena fa jereo tsara, nasain'Andriamanitra niomana ny Zanak'isiraely fa omeny fanekena ka ho ataony ho hafa noho ny firenena rehetra (Eksodosy 19) nilaza ny didy izy avy eo, ry namana, tsy mba Andriamanitra no nijanona rehefa vita ny didy fahafolo fa ny Isreliana no niangavy fa tsy tantiny ny naheno an'Andriamanitra miteny, ka naleony i Mosesy irery no handray ny tohin'ny didy fa kosa hanaiky izy ireo izay lazain'i Mosesy (Eksodosy 20:18) voaporofo io ny Deot 5, vitan'Andriamanitra ny filazana ny didy rehetra tamin'i Mosesy teo amin'ny tendrombohitra Sinay dia nosoratany tamin'ny boky dia io no natao hoe LALANAN'I MOSESY satria i Mosesy mpanalalana tamin'izay. Ary io boky io no nohamafisina tamin'ny fandatsahana ran'omby araka ny Eksodosy 24:8. NY DIDY SY LALANA REHETRA IZAY NOMEN'ANDRIAMANITRA NY ZANAK'ISIRAELY TEO AMIN'NY TENDROMBOHITRA SINAY NO FANEKENA VOALOHANY, ao anatiny ny didy folo, voasoratra ao amin'ny boky io.

[/quote]

raha ireo tanisan'ise ireo izao dia lalàna mikasika ny fanekena toloha avokoa ireo ilay nosoratan'i Mosesy fatsisy hifandarisany @ DIDY FOLO.

Fanekena iray ireo ary tsy azo sarahina na hakana litera iray araka ny voalazan'i KRISTY ao amin'ny Matio 5:17, hianareo izay ao dia fantaro fa tsy misy miala io na didy iray aza, fa ny nataon'Andriamanitra dia ny fanekena iray manontolo no nesoriny ka nosoloiny FANEKENA VAOVAO, HEBREO 10:9, NY SITRAPON'ANDRIAMANITRA DIA NY MANAISOTRA NY VOALOHANY MBA HAMPITOERANY NY FAHAROA, fanekena no nolazaina eo araka ny HEBREO 9:1,
TSY AZO SARAHINA NY LALANAN'I MOSESY REHETRA ka tandremo daholo izy 600 mahery araka ny tenin'ireo mpandinika azy, raha ny fitandremana sabata dia tsy azo atao ny mampirehitra afo, mitondra entana amin'io andro io, TANDRINAREO VE IZANY?????????
Izany no antony nialako tao ry namana DISO AMIN'NY IRAY LOHA DIA MELOKA AMIN'IZY REHETRA Jakoba 2:10. milaza nitandrina sabata aho nefa mitondra entana amin'io andro io, nifady biby maloto aho nefa tsy mba nitondra ny fanaka tao an-dranoko rehefa nilatsahan'ny fatin'ny biby maloto ho nalona any anaty rano araka ny Levitikosy 11:32, samy toko iray ireo amin'ny fitandremana biby maloto, SA FOANA IZANY NY andininy faha.32, fa ny alohan'izay mbola manan-kery. IO ILAY NOTENENIKO TANY ALOHA ekenareo ny andininy ambony dia lavinareo ny andininy manaraka, MAHAGAGA ???????????????????????????????????????

Ny fanekene vaovao anie r'ise dia ny lalàn'i Kristy e! manaraka azy avy eo ilay voalaza ao amin'ny Hebreo8:10 Fa izao no fanekena hataoko amin'ny taranak'isiraely, Rehefa afaka izany andro izany, hoy Jehovah: Dia hataoko ao an-tsainy ny lalàko, Sady hosoratako ao am-pony, Ary Izaho ho Andriamaniny, ary izy ho oloko;

Manana lalàna ankoatra ny didy folo Andriamanitra fa aza ataonao fa tsy hainy ny manome lalàna vaovao ho an'ireo mpiara-dia aminy. Io no nahafanina ny mpitandrina didy folo, raha vao mahita lalàna aty amin'ny tenin'Apostoly dia didy folo izay, ka hatramin'ny Apokalypsy 14:12 dia lazaina fa didy folo no ao, nefa didy tandreman'ny olona MASINA fa tsy ny olona mpanota.

Te hampahery an'ise aho fa hoy ny Apok3:15 Fantatro ny asanao, fa tsy mangatsiaka na mafana ianao; aleo ho mangatsiaka na ho mafana ianao.16 Fa satria matimaty ianao ka tsy mafana na mangatsiaka, dia efa haloan'ny vavako ianao;

Izaho aloha dia mangatsiaka amin'ny fitandremana didy folo fa kosa mafana amin'ny FITANDREMANA NY LALANAN'I KRISTY. Fa hianareo kosa no ahoana, nahoana no zarazarainareo io fanekena io IZA NO NAMPANAO AN'IZANY? Fanekena iray teo amin'ny Tendrombohitra Sinay io.

Ady ny amin'ny Fitandremana sy ny tsy fitandremana ny Didin'Atra.

Marina ny teninao fa io tokoa no ady hiseho amin'ny andro farany fa kosa tiako ny hilaza aminao fa tsy ny DIDY FOLO no didin'Andriamanitra hahatonga ny ady fa ny filazana ny DIDIN'I KRISTY. Tsy misy zava-baovao io fa raha nitandrina didy folo i KRISTY tsy mba novonoin'ny Jiosy izany IZY, fa hoy izy ireo IZAHAY MANANA NY Lalàna, ary araka izany lalàna izany dia tokony ho faty IZY, satria manao ny tenany ho Zanak'Andriamanitra JAONA 19:7.
Mandiniha ry namako, AVERIKO IHANY NY TENIKO: AMBANY FAHASOAVANA VE HIANAO, TSY MANAN-KERY NY OTA, izany hoe OLONA MARINA, MASINA araka ny KORINTIANA VOALOHANY 6:11, AIZA NO HISY OLONA AMBANY FAHASOAVANA HANOTA.
Mitadiava dia hahita, mandondona dia ho vohana, KRISTY ANIE HOMBA ANAO.

Ilay izy aloha dia mazava tsara fa mitovy hevitra daholo isika rehetra eo amin'ilay fanatanterahana ny Didifolo e! Tsy misy sahy hilaza isika rehetra fa afaka mandika io Didifolo io. Izay dia iraisantsika Kristianinina indrindra indrindra.

FA : eo amin'ilay hoe manana hery na tsia manana hery io Didifolo io no tokony apetraka.
1) Manankery amintsika ny Didy iray raha mandika azy isika
2) Tsy manankery amin'izay tsy mandika ilay Didy raha ohatra ka mahatandrina izany.

Izany hoe, raha tsy manota intsony isika fa tanteraka dia midona amin' tolana ilay Didy fa tsy miatraika amintsika akory na manenjika antsika. Raha nangalatra aho, dia tsy afaka mandainga mihitsy aho fa hoe tsy miverina ato antsaiko akory ilay Didy manao hoe "AZA MANGALATRA" tena azoko antoka fa manenjika ahy andro aman'alina io Didy io raha tsy Tonga ilay mi- suppr izay alatro izay ka manala io otako io ao anaty disque dur-NY. Nanankery tamiko izany ilay Didy mazava ho azy.

Ny didy folo dia soratra ihany ary tsy manan-kery raha tsy ny olona no mametraka azy ho manan-kery.
Raha dinihina dia noho ny fisian'ny fitiavana samy maka ho azy no nahatonga ny didifolo. Ohatra: raha tsy misy ny fananana manokana ho an'ny olona tsirairay tsy misy ny atao hoe fangalarana, fijangajangana, fitsiriritana.

Didy fampiraisana no atao hoe didim-pitiavana ary lasa didy izy io satria mazava fa nisy fisarahana teo amin'ny olombelona. Raha izany dia arakaraka ny sehatra iainan'ny olombalona no hampiharany na tsia ny didy.

Faly miarahaba namana isany,
Ny zava-misy amin'izao fotoana izao dia tsy hoe tsy tia mitadrina ny didin'Andriamanitra ny kristianina fa mitandrina ihany ny ankamaroan'ny olona saingy didy (2 na 3) izay mbola tsy hotononiko aloha) no tena tsy tian'ny an-kamaroan'ny mpino (mampalahelo).
Ny ankamaroan'ny kristianina ange ka tsy sahy mijangajanga izany e, tsy sahy hangalatra na hamono olona izany e!.
Fa ny mampalahelo anefa dia raha vao tenenina ireo didy anankiroa na telo ireo ka miteny ianao hoe ireto koa ange ka takian'Andriamanitra sao adinontsika e! dia mivoaka daholo amin'izay ny resaka rehetra (isika ambany fahasoavana fa tsy ambany lalàna nefa ilay fahasoavana anie tokony hitaona ny olona hankato ny didy fa tsy ny mifanohitra amin'izay e sns sns ... Mampalahelo hoy aho.

Ny tokony ho fantatry ny kristianina rehetra nefa dia hoy ny teny hoe : « Fa na iza na iza mitandrina ny lalàna rehetra, nefa diso amin'ny iray loha dia meloka amin'izy rehetra. » (Jakoba 2:10).

Io teny io dia tokony mba hilentika lalina any am-pontsika ka tokony hanainga an-tsika hamantatra sao sanatria ka mbola misy didin'Andriamanitra hafa tsy tanteran-tsika ka sao iny sanatria no tsy hahazoana ilay fanjakan'Andriamanitra.

Manentana an-tsika aho hamantatra ireo didy rehetra mbola tokony hotandremana raha araka ny fampianaran'i Kristy Jesosy.

Samy ho tahin'ny Tompo namana isany

Milaza ho malahelo moa ny namana RBNIR amin'ny tsy fanarahan ny olona ny Didy 2 na 3 araka ny voalazany. Ny hany mba tsapako heverin'ny mpanitrikitrika ny momba ny didy 10 io dia ny fitandremana ny andro no tena zava-dehibe aminy. Tsy araka ny fanamarihan'i Kristy izay nanatsoaka fotsiny ireo didim-pitiavana roa mahafehy azy rehetra. Ka na tsy hankamasinina aza ny andro Sabata, rehefa amin'ny fitiavana no itondrana ny tena sy ny fo dia ataoko fa mahatanteraka ny firaisana amin'Andriamanitra.