Manaiky ny resakao aho amin'ny fanazavanao. Fa ity misy zavatra manitikitika ihany

hoy ianao Rijadolly:

Tsy hoe tsy mihetsika Andriamanitra na hoe tsy maheno na koa tsy velona fa kosa isika olombelona dia niala taminy.

Mety marina ve io hoe niala taminy io? Ary tamin'ny fomba ahoana?
Raha IZY dia manerana sady ao anatin"ny rehetra, ahoana no fomba hihodivirana AMINY?

Rehefa tena miverina amin'ilay loha-hevitra dia mahita fa mety tampoka ilay izy eto satria isika no mampihetiska AZY ao anatintsika, mampahery AZY hamiratra tsara sy hiasa tsara ao anatin"ny tsirairay araka ny voalazany hoe raha misy roa na telo mivory amin'ny Anarako dia eo afovoany Aho.

Diso firesaka kosa izay nisarika ny fampihetsehana an'Andriamanitra raha toa ka nihevitra tokoa ny olona fa mihetiska ivelany IZY. Io ilay mitady fahagagana ivelany. Io no mahatogna ahy hanontany hoe niala taminy tamin'ny fomba ahoana? Tamin'ny tsy fahalalàna fa ao anaty IZY.

Miharena:

Mety marina ve io hoe niala taminy io? Ary tamin'ny fomba ahoana?
Raha IZY dia manerana sady ao anatin"ny rehetra, ahoana no fomba hihodivirana AMINY?

Ivilana any indray ity ady hevitra ity miharena. hanamarinako an'io dia ny tenin'Jesoa Kristy ihany izay midika fa afaka miala Aminy ny olona.
"Ary dia hambarako aminy marimarina hoe: Tsy mba fantatro akory hianareo hatrizay hatrizay; mialà amiko, hianareo mpanao meloka."

Miharena:

Rehefa tena miverina amin'ilay loha-hevitra dia mahita fa mety tampoka ilay izy eto satria isika no mampihetiska AZY ao anatintsika, mampahery AZY hamiratra tsara sy hiasa tsara ao anatin"ny tsirairay araka ny voalazany hoe raha misy roa na telo mivory amin'ny Anarako dia eo afovoany Aho.

Ny olana eo amintsika sy miharena dia io voalohany io hoe tsy maintsy ao anatin' olona tsirairay Andriamanitra. Etsy ankilany dia tsy mahagaga raha miteny io faha roa io ianao satria olona efa manana, mandray an'Andriamanitra ho ao anatiny no resahina. Lazain' olona tsy mino an'Andriamanitra ho adala isika raha miteny an'io satria tsy fantany ary tsy ho tsapany mihitsy izany hoe ao anatin'olona mino Andriamanitra.

Miharena:

Diso firesaka kosa izay nisarika ny fampihetsehana an'Andriamanitra raha toa ka nihevitra tokoa ny olona fa mihetiska ivelany IZY.

esory ao an-tsain'se aloha voaloha hoe miray atoko an'io atoko milaza Hanetsika an'Andriamanitra io aho. Ekeko ny mety ho fahamarinan' tenin'i Miharena hoe "coup de publicité". tsy any anefa no tiako hampita fa ny fahamarina fa hoe mila mampiseho an'Andriamanitra amin' fo torotoro isika izay vao mahazo ilay famindram-po, araka ilay tenin'Jesoa hoe LIOKA 11 : 8 Hoy Izaho aminareo: Na dia tsy hiainga hanome azy noho ny fisakaizana aza izy, dia hifoha ihany izy noho ny fitarainany fatratra ka hanome azy izay ilainy. Tsy ao anaty izany fiovan-kevitra izany an! ity koa misy iray:
MATIO 13 : 15 Fa efa adala ny fon'izao olona izao. Ary efa lalodalovana ny sofiny,
Ary efa nakimpiny ny masony, Fandrao hahita ny masony, Sy handre ny sofiny,
Ka hahalala ny fony, Dia hibebaka izy, Ka hahasitrana azy Aho"[Isa.6.9,10]
Efa nambara amintsika anie ny secret ahazoana ilay famindram-po avy any amin'Andriamanitra e! Tsotra fa tsy sarotra dia ny FIBEBAHANA. Vaky vava mihitsy moa ANTSAN'I KRISTY amin'ilay hira hoe "JESOA MPANAFAKA" "aza dia ilaozaNao mihodina aho na dia tsy mendrika ho Anao" hoy izy "fa aoka mba ho ahy ny famindram-poNAO"

Raha ny hevitro izany dia tokony ataontsika mihitsy izay mampitodika an'Andriamantra(mampihetsika) amintsika noho ny fitalahoantsika sy ny fanekentsika tanteraka ny helokitsika.
"Ka hahalala ny fony, Dia hibebaka izy, Ka hahasitrana azy Aho"

rijadolly:

ISAI 30: 1 Lozan'ny zaza maditra, izay maka saina, nefa tsy avy amiko, hoy Jehovah,
ary manao fanekena*, nefa tsy avy amin'ny Fanahiko,
mba hanampy ota amin'ny ota,

ialako tsiny aminao be dia be fa tsy mitovy mihitsy ny fandraisantsika an'Andriamanitra. Tsy takatry ny saiko ny anehoanao azy amiko. amiko Andriamanitra tsotra, omniprésent, omnipotent, omniscient, nahary ahy sy ny tontolo manodidina ahy ka izany no iezahako ny hanakaiky azy hatrany, iezahako ny ho mendrika azy amin'ny fanajako ny olombelona mitovy amiko, ny tontolo iainana. Tsy mila manetsika azy aho, tsapako ny fisiany... Izaho tsy mahalala zavatra betsaka ao anaty baiboly raha miohatra aminao, fa miezaka aho ny hitia azy satria hafa izy noho ny olombelona, tsy mbola nanetsika azy aho nefa dia izy no naha toy izao ahy.underline text

HEBREO 9: 22 Ary saiky diovina amin'ny ra avokoa ny zavatra rehetra araka ny lalàna; fa raha tsy misy ra alatsaka, dia tsy misy famelan-keloka.

Mbola ialako tsiny ihany aminao. Araky ny teniko etsy ambony, miezaka aho ny hanaja ny fiainana eto ambonin'ny tany (na olona io na zavaboahary), raha helok'izany aoka aho ho meloka ary iangaviako Andriamanitra tsy handatsaka rà hanadiovana ahy, ary rà an'iza no halatsaka amin'izany? Amiko Andriamanitra dia mpahary fa tsy mpamono.

Indraimijery>>>>>> Somary hanotany an' se aho, Kristianina ve i Indraimijery? Mialatsiny amin'ilay fanotaniana ary dia misaotra mialoha amin'valiny.

Rijadolly:

Ivilana any indray ity ady hevitra ity miharena. hanamarinako an'io dia ny tenin'Jesoa Kristy ihany izay midika fa afaka miala Aminy ny olona.
"Ary dia hambarako aminy marimarina hoe: Tsy mba fantatro akory hianareo hatrizay hatrizay; mialà amiko, hianareo mpanao meloka."

Somary henjana moa io tenin"i Kristy io saingy mety tsy mahalaza ny fisarahana amin'Andriamanitra akory fa fanamarihana fomba fihevitra diso ihany no itenenan'i Krsity azy.

Ilay manao heloka eto dia ireo izay nanao ny asa pliavava fotsiny fa tsy misy atiny mihitsy. Nanao fanalana devoly tamin'ny anaran'i Jesoa izireo nefa tsy mari-pototra ny asany.

Fomba fijery ihany io ataoko io satria indraindray tonga dia raisintsika ara-bakiteny ny tenin"i Kristy hoe miala Aminy mihitsy ny olona no sitrapony raha toa ka manao toetra iray. Izy ihany nefa no niteny hoe : tsy tonga hiantso ny marina Aho fa ny Mpanota mba hibebaka.

Ny fibebahana no misy endrika tokony hitarafana azy dia ny fiovam-po mampamiratra izay efa matimaty noho ny fahadisoam-piheverana.
Ilay fahatsapana ny maha-endrik'Andrimanitra mihitsy ny ahy no hitako tsy dia voizin'ny Kristianina sasany ka mahatonga ireo fivoizana ny fisarahana amin'Andriamanitra ireo.

Fomba fijery ihany io ataoko io satria indraindray tonga dia raisintsika ara-bakiteny ny tenin"i Kristy hoe miala Aminy mihitsy ny olona no sitrapony raha toa ka manao toetra iray. Izy ihany nefa no niteny hoe : tsy tonga hiantso ny marina Aho fa ny Mpanota mba hibebaka.

Efa misy tafiditra ihany ny firaisantsika hevitra eto; indrindra eo amin'ilay hoe "tsy tonga hiantso ny marina Aho fa ny Mpanota mba hibebaka." Samy manaiky isika izany fa hitaona ny mpanota HIBEBAKA ny missioNy. ary izay indrindra no nahatonga Azy hiteny hoe: "LIOKA11: 8 Hoy Izaho aminareo: Na dia tsy hiainga hanome azy noho ny fisakaizana aza izy, dia hifoha ihany izy noho ny fitarainany fatratraka hanome azy izay ilainy" Mba ahatsapatsika fa ilaina ny Mibebaka. Ary dia tsy nitsahatra nitaona antsika Mpanao heloka IZY hatramin'izao mba hiray Aminy.

Fomba fijery ihany io ataoko io satria indraindray tonga dia raisintsika ara-bakiteny ny tenin"i Kristy hoe miala Aminy mihitsy ny olona no sitrapony raha toa ka manao toetra iray

Eto kosa anefa dia ialako tsiny an'se fa tsy nisy mihitsy niteny hoe ny ialan'ny ratsy fanahy Aminy(jesoa Kristy) no sitraNy. Fa entiko hanaporofona anao fa misy ny olona tsy niray taminy mihitsy fa niala sy tsy nadio am-po taminy. Ary dia hamafisiko hatrany ny teniNy mba ahalalatsika fa izay Mibebaka no voadio ny lotony ka tsy hitsarantsika Azy fa tsy nahavita ny missioNy Izy. Averiko indray fa hanazava an'se fa nisy olona tsy niray an' Kristy mihitsy ilay teniNy hoe: Tsy mba fantatro akory hianareo hatrizay hatrizay Izay midika ny tsy firaisaNY amin'ny Mpanao meloka izay tsy niala ny làlan-dratsiny mihitsy hatramin'farany. Ary dia ireo fanazavako ireo no entiko hamaliana ny tenin'Miharena hoe

Somary henjana moa io tenin"i Kristy io saingy mety tsy mahalaza ny fisarahana amin'Andriamanitra akory fa fanamarihana fomba fihevitra diso ihany no itenenan'i Krsity azy.

Miharena:

Ny fibebahana no misy endrika tokony hitarafana azy dia ny fiovam-po mampamiratra izay efa matimaty noho ny fahadisoam-piheverana.
Ilay fahatsapana ny maha-endrik'Andrimanitra mihitsy ny ahy no hitako tsy dia voizin'ny Kristianina sasany ka mahatonga ireo fivoizana ny fisarahana amin'Andriamanitra ireo.

Tsy dia azoko tsara ilay fahadisoam-piheverana. Fahadisoam-piheveratsika izay mampetipety antsika sy maha moramora ny ahazoana ny Famindram-po ve sa Fahadisoam-piheveran'ny Kristy izay miteny diso?
Ny Fibebahana, amiko indray aloha dia ny Fanolorako ny otako Ho dioviNY noho ny finoako AZY fa manafaka IZY.

Ilay fahatsapana ny maha-endrik'Andrimanitra mihitsy ny ahy no hitako tsy dia voizin'ny Kristianina sasany ka mahatonga ireo fivoizana ny fisarahana amin'Andriamanitra ireo.

Io moa Miharena efa hevitra mandeha eto foana, Tsy hoe manohitra ny tenin'se io farany io manotolo aho fa ilay hoe "fivoizana ny fisarahana amin'Andriamanitra" no asiako teny kely. Raha tsy mampirisika ny olona hanantona an'Andriamanitra ny Kristianina dia zero ariary izy izay. Ny fitenenana ny marina mety ahazo anao noho ny tsy mety ataonao anefa dia tsy midika fa mitory na mitaona mba hisarahanao amin'Andriamanitra izany. Nanome ohatra foana moa aho amin'ilay bougie mirehitra, tsy maintsy ambara ny fahamarinana fa ho may ny olona raha mandray ilay afo izay midika fitiavana azy.

Tiako be ny mifanakalo hevitra aminao, saingy mbola ialako tsiny fa tsy azoko ny fanontanianao hoe kristianina ve izaho. Diniho tsara ny evanjily efatra (matio, marka, lioka, jaona) ao no tena mitantara ny fiainan'i Kristy sy ny asa nataony teo amin'ny vahoaka jiosy. Maro ny asa nataony (manala demonia, manasitrana, manangana amin'ny maty sns....) raha fehezina dia manala ny ota izy ary mazàna izy miteny hoe mandehàna ary aza manota intsony. Tsy mbola nisy toko sy andininy tao nilaza hoe: "mba hanalàna ny ota dia andao handatsa-drà". Tadidio kely ilay vehivavy nijanganjanga notorahin'ny jiosy vato, tonga jesoa niteny tamin'ireo olona ireo hoe izay tsy nanota taminareo no aoka hitora-bato azy.
Raha ny fahazahoako azy ny fanadiovana ny fahotana amin'ny fandatsahan-drà dia fomba jiosy izy io, tsy fomba fotsiny ihany izy io fa tena lalàna araka ny nitanisanao azy ao amin'ny Hebreo.
Anisan'izany tamin'ny fotoana nandroahan'i Jesoa demonia, avy hatrany dia nampangain'ny fariseo hoe lehiben'ny demonia jesoa satria araka ny lalàna dia tokony mandatsa-drà vao manao izany Jesoa.
Toy izany koa ny fanaovana asa soa amin'ny andro sabata araky ny lalàna, nefa tsy nohajain'i Jesoa.
Vakio tsara ao amin'ny matio fa nampitandrina ny mpianany jesoa amin'ny fampianaran'ny fariseo. Tsy mpitari-bato vilam-bava akory kristy ka faly ny hanosihosy ny lalàna, namoaka didy vaovao izy dia ny fitiavana, ary tsy nampiariny intsony ny fandatsahan-drà, sy ny sabata sns ... ka amiko ny didy vaovao dia manafoana ny didy taloha.
Ialàko tsiny raha tsy mitovy ny fomba fijery sy famakiana baiboly, ny tena zava-dehibe amiko dia ny FITIAVANA, ka inoaka fa hevitra tsy mitovy fotsiny ny antsika fa ny fifankatiavana mitoetra na dia tsy mifankahalala akory aza, izany no toe-tsaina tokony hananana raha tena tia an'i kristy tokoa

rijadolly:

Indraimijery>>>>>> Somary hanotany an' se aho, Kristianina ve i Indraimijery? Mialatsiny amin'ilay fanotaniana ary dia misaotra mialoha amin'valiny.

Misaotra betsaka an' Indraimijery aho fa na dia nolazan'se fa tsy azon'se aza ilay fanontaniako dia voavaly tsara ihany, tsy hoe tsy azon'se ny fahalalako an'ilay fanontaniana fa ny antony hanontaniako an'ilay izy no tsy azon'se. Misaotra.

Amin' ankapoben'ilay fanazavan'se dia betsaka tokoa ny iraisatsika hevitra tanteraka raha io faharoa io. Aleo angamba izay mifandraika ilay loha hevitra eto no tsongaiko manokana fa izay tsy mifandraika dia ho lazaiko ao ambany ao ny anaovana azy raha mety.

Samy manaiky ohatra isika fa Mpamela heloka Andriamanitra. Raha manaraka tsara ilay izy anefa isika dia voasitona hatrany hamela heloka Izy noho ilay fihetsik'ilay olona manoloana Azy. Ny finoan'ilay olona, faneken'ilay olona ny helony, ny fihetsika entina handraisana an'Jesoa, Fametraha AZY amin'ny toerana tokony misy AZY, fikirizana hanakaiky AZY hatrany na dia efa noroahina aza, misy aza noharina tahaka ny alika kely fa e,e,e, tsy niala hatramin'farany mba ahazoany famindram-po, maro be ao anaty baiboly ao. Ireny rehetra ireny izay efa natoroNY mba hataotsika, ireny dia anisany mampihetsi-po AZY hamela heloka ilay olona. Izay no antony lehibe tsy nandavako na nanakianako ilay loha hevitra satria misy fahamarinany. Asiako Fanontaniana kely, Iza tamintsika Kristianina no tsy mbola nibebaka tamin'Andriamanitra? Tsy misy.

Miray hevitra koa isika eo amin'ilay hoe

Indraimijery:

"amiko Andriamanitra tsotra, omniprésent, omnipotent, omniscient, nahary ahy sy ny tontolo manodidina ahy ka izany no iezahako ny hanakaiky azy hatrany, iezahako ny ho mendrika azy amin'ny fanajako ny olombelona mitovy amiko, ny tontolo iainana. Tsy mila manetsika azy aho, tsapako ny fisiany... Izaho tsy mahalala zavatra betsaka ao anaty baiboly raha miohatra aminao, fa miezaka aho ny hitia azy satria hafa izy noho ny olombelona, tsy mbola nanetsika azy aho nefa dia izy no naha toy izao ahy."

fa kosa, tsy haiko na efa namaky ilay valiteniko ho an' Miharena ise na tsia, fa dia mitovy amin'ilay hoe olona efa nandray an' Jesoa Kristy no mahatsapa an' izay. Tsy mandiso anio aho a! fa eo amin'ilay hoe "Izaho tsy mahalala zavatra betsaka ao anaty baiboly raha miohatra aminao," kosa dia misy fantatrao tsy hary ho fantatro ary misy zavatra fantatro tsy mitovy fandraisana ny andraisanao azy, io no antony iray hifanankalozan-kevitra eto mba hifameno sy hifanitsy, fa kosa mba mihezaka isika tsirairay ho araka an'Andriamanitra.

Gaga angamba i se fa tsy nasiako resaka ilay Rà latsaka, somary azavaiko ny antony nampidirako io andinin-tsoratra Masina io. Raha niresaka isika momban'y loha hevitra "Fampihetsehina an'Andriamanitra" dia somary nivoaka nefa tsy azo lazaina fa niala tanteraka ilay fanontaniako mametraka safidy hoe "Somary hanao fampitahana kely ary isika. Ny mibebaka dia tsy manao intsony sa tsy manao intsony dia vita?" ary dia novalian'se hoe "tsy manao intsony dia vita .... izay no marina." dia izay no nandefasako ilay andinin-tsoratra Masina hoe: HEBREO 9: 22 Ary saiky diovina amin'ny ra avokoa ny zavatra rehetra araka ny lalàna; fa raha tsy misy ra alatsaka, dia tsy misy famelan-keloka. Mbola tsy miresaka ilay tokony ho misy na tsia ny fandatsahan-dRà isika an!fa entiko hanaporofo fa avy any Aminy ny Famelan-keloka. dia teo no nipetraka ny fanamarihan'se ka nahatonga ahy nanotany hoe Kristianina ve ise.
Azavaiko ary aloha ny antony ilay fanontaniana: Ny zavadehibe iray amintsika Kristianina ary tsy azo atao tsinotsinona ny Rà nalatsaky Kristy teo ambony hazo fijaliaNY. Gaga anefa aho satria hoy i se hoe:

raha helok'izany aoka aho ho meloka ary iangaviako Andriamanitra tsy handatsaka rà hanadiovana ahy, ary rà an'iza no halatsaka amin'izany? Amiko Andriamanitra dia mpahary fa tsy mpamono.

HS moa iny resaka iny sy ny resaka lalàna izay misy hitovizan-kevintsika izay nolazain'se ao ambony ao, ka raha ohatra mbola misy manitikitika an'se dia miangavy aho hanokafan'se hevitra vaovao eo amin'ilay soratra hoe "Hampiditra hevitra vaovao" raha vao manokatra ny "Fivavahana, Finoana" isika.

Misaotra an'Mpamaky sy an'se naharitra hatramin' farany na dia lava aza ilay izy.

manahoana daholo isika. Ny manahirana amin'ny fiainana dia ny firesahana an'Andriamanitra sy ny finoana. Na dia fifanankalozana ihany aza no atao ato amin'ny forum dia manahirana ihany indraindray, sadaikatra ihany ny tena sao dia mandratra ny zavatra lazaina... Ary amin'ny fahaiza-miaina aza dia milaza fa ny finoanan ny politika dia sujet sensible ka tsy dia tsara resahina nefa efa vaky eto ny resaka dia mba nandray anjara ny tenako... Raha tsy mifanaraka amin'ny fijerinao ny fijeriko dia ialako tsiny... misaotra betsaka... Ny hafatro dia raha tena mangetaheta an'Andriamanitra ianao dia manaova "prière sincère" hanoroany anao ny tena làlana, izay ihany dia ampy

Miarahaba antsika rehetra. Efa ela ihany aho no nanaraka ity ady hevitra ity. Ny fahitako azy dia misy mampiseho ny fahalàlany ny baiboly mihitsy aton tanisaina daholo hy toko sy andininy rehetra momban'Andriamanitra, mipetraka ny fanontaniana manao hoe: ilaina ve izany? satria raha azoko tsara ny adi-hevitra dia ilay resaka fampihetsehana an'Andriamanitra ataon'ny antoko-pinoana iray no resahina. Ilaina ve izany? hitondra inona amin'ny fiainana izany?

Eveil:

Miarahaba antsika rehetra. Efa ela ihany aho no nanaraka ity ady hevitra ity. Ny fahitako azy dia misy mampiseho ny fahalàlany ny baiboly mihitsy aton tanisaina daholo hy toko sy andininy rehetra momban'Andriamanitra, mipetraka ny fanontaniana manao hoe: ilaina ve izany? satria raha azoko tsara ny adi-hevitra dia ilay resaka fampihetsehana an'Andriamanitra ataon'ny antoko-pinoana iray no resahina. Ilaina ve izany? hitondra inona amin'ny fiainana izany?

Misaotra betsaka an'se noho ny fanarahana ilay ady hevitra . Misy tsy azoko tsara ilay fanotanian'se ny ady hevitra fampihetsehana an'Andriamanitra ve no tsy ilaina sa ny fitanisana ny toko sy andininy sa izy roa mitambatra?

misaotra betsaka anao Atoa Rijadolly. Ny fahazahoako ilay loha hevitra dia toy izao: "misy antokom-pinoana manomana hetsika iray ho Famiphetsehana an'Andriamanitra. Tsy fantatro inona no fomba anatanterahany an'izany? ilaina ve izany? hitondra inona amin'ny fiainana izany? Eo no tokony hipetraka ny ady hevitra. Raha ny tena izy dia ireo olona mpikarakara izany no tokony hitondra fanazavana betsaka mikasika an'io, na koa hoe misy olona nanatrika izany ka mijoro ho vavolombelona amin'izay zavatra niainany tany. Avy eo isika maneho ny fomba fijerintsika raha mifanitsy amin'ny fomba fijerintsika ilay resaka na tsia. Ny fahitako azy nefa tonga dia toko sy andininy no asehon'ny mpiady hevitra.

Tena marina mihitsy ny tenin' se fa tokony hisy avy amin'io atoko io hanamarina ny tena hevitr'ilay tiany ho lazaina. Ny zavatra tsy azotsika ialana anefa dia izay rehetra mametraka na manokatra lohahevitra dia mihevitra sy miandry hevitra avy aty amin' mpisera rehetra. Ka raha araka ny hevitry se izany dia eo no raisina ilay loha hevitra nalefan'ilay olona satria tsy misy mihitsy hatramin'izao na iray aza nadalo teto tamin' ity loha hevitra ity na dia efa nisy aza naka parti niaraka taminy izay nanaiky ilay hevitra fa misy fahamarinany. Dia eo ihany koa ny maha forum ny forum, izay azo angalana hevitra tsara izay havaokan'ny olona tsirairay, eny fa na dia ilay namorina ilay teny izay nataon'ilay nanokatra hevitra ho dinihina aza. Tsy mandiso ny hevitry Eveil aho an! fa miray hevitra an'se mba hanasa ilay atoko namoaka io teny io mba hanazava kokoa ny heviny, eny fa na dia ireo izay nanatrika ilay izy aza.

Rijadolly:

Tsy dia azoko tsara ilay fahadisoam-piheverana. Fahadisoam-piheveratsika izay mampetipety antsika sy maha moramora ny ahazoana ny Famindram-po ve sa Fahadisoam-piheveran'ny Kristy izay miteny diso?
Ny Fibebahana, amiko indray aloha dia ny Fanolorako ny otako Ho dioviNY noho ny finoako AZY fa manafaka IZY.

Hafahafa iay fanontaniana eto.

Fahadisoam-piheverana no lazaiko ary ny fibebahana dia ny fialana amin'izany ary hizorana amin'ny fahitsiam-piheverana. tsy fanolorana ilay izy fa fomba fiaina sy fisainana miova tanteraka araka ny maha-zanak'Andriamanitra antsika.

Miharena:

Ny fibebahana no misy endrika tokony hitarafana azy dia ny fiovam-po mampamiratra izay efa matimaty noho ny fahadisoam-piheverana.
Ilay fahatsapana ny maha-endrik'Andrimanitra mihitsy ny ahy no hitako tsy dia voizin'ny Kristianina sasany ka mahatonga ireo fivoizana ny fisarahana amin'Andriamanitra ireo.

Rijadolly:

Tsy dia azoko tsara ilay fahadisoam-piheverana. Fahadisoam-piheveratsika izay mampetipety antsika sy maha moramora ny ahazoana ny Famindram-po ve sa Fahadisoam-piheveran'ny Kristy izay miteny diso?
Ny Fibebahana, amiko indray aloha dia ny Fanolorako ny otako Ho dioviNY noho ny finoako AZY fa manafaka IZY.

Miharena:

Hafahafa iay fanontaniana eto.

hihihihihihi! Za koa Miharena raha namaky ilay fanontaniako dia nahita hoe hafahafa be ilay fanontaniana. Nefa tsy omeko tsiny ihany aho satria tsy azoko ny tian'se tenenina amin'ilay fahadisoam-piheverana. Afaka mba hazavain'se ihany ve ilay tenin'se io ambony io sao dia afaka mipetraka tsara ihany ilay fanontaniana. Misaotra mialoha.

Miharena:

ny fibebahana dia ny fialana amin'izany ary hizorana amin'ny fahitsiam-piheverana. tsy fanolorana ilay izy fa fomba fiaina sy fisainana miova tanteraka araka ny maha-zanak'Andriamanitra antsika.

Misy fanotaniako izay napetrako antsika ao ambony ao ary novalian'i Indraimijery ary dia misy fanazavana lavalava ihany afaka mba hiverenan' Miharena ve? Izao ilay izy

Ny mibebaka dia tsy manao intsony sa tsy manao intsony dia vita?

Ilay mibebaka anie ka tsy voafatotry ny lasa intsony ny olona rehefa mahitsy fijery.
Mifandray amin'ny resaka momba ny foto-pisainana ilay izy hoe ny an'Andriamanitra dia tsy misaina ratsy sy tsara fa ny zava-drehetra dia mahasoa ho amin'ny fitomboana.

Raha mamaky ny fanazavana eo ambony aho dia mahatsapa fa misy fiavahany ny fomba fijerintsika dia ny fandraisana an'Andriamanitra sy Jesoa mihitsy. Ny ahy moa dia miaina ao anaty IZY amin'ny mahaIRAY ao amin'ny RAY AZY sy izaho. Ny anao misy famaritana hoe mpamela heloka IZY, izany hoe asa ataoNY ivelan'ny tenantsika izany. Izany hoe IZY no tsy mahatsiaro intsony ny helotsika saingy rehefa mijery indray IZY hoe tafaroboka isika dia ho very ihany isika. Raha tena zohina dia isika ihany no mahavery antsika fa tsy misy idiraNY amin'ity resaka farany ity.

Toetra anaty no tokony andraisana ny atao hoe "fanoloran-tena" izay voambolana tsy dia ankasitrahako loatra satria tsy misy atolotra amiko fa efa IZY avokoa no nampisy izao rehetra izao sy izaho sy ianao ary ao anatintsika rehetra IZY.

Io no fahitsiam-piheverana amiko ka asa hoe aiza no meloka amin'izany fomba fiheverako izany. Ka ilay mibebaka dia miala amin'ny fahadisoam-piheverana ny momba AZY Andriamanitra mihitsy ary mamelnna ny fahadiovam-po izay efa napetraNY hatrizay ka ho mandrakizay ao anatintsika.

Tsy dia azoko tsara ilay fahadisoam-piheverana. Fahadisoam-piheveratsika izay mampetipety antsika sy maha moramora ny ahazoana ny Famindram-po ve sa Fahadisoam-piheveran'ny Kristy izay miteny diso?

Tsy voavaly tsara anie Miharena ilay fanotaniako e! Fa raha ny hevitro amin'io dia isika no diso ny fihevitsika fa raha ny teniny dia ao no tena misy fahamarinana. Ny hevitr'ise ahoana?

Ny mibebaka dia tsy manao intsony sa tsy manao intsony dia vita?

io koa dia mbola tsy voavaly raha ny fijeriko ny hevitry se

Tsy dia azoko tsara ilay fahadisoam-piheverana. Fahadisoam-piheveratsika izay mampetipety antsika sy maha moramora ny ahazoana ny Famindram-po ve sa Fahadisoam-piheveran'ny Kristy izay miteny diso?

Ny fahadisoam-piheverana dia teraka noho ny tsy fahaiza-mandray izay tenenina sy ny toetra ananana manaraka izany fandraisana izany fa tsy mampisafidy toa io fanontanianao io akory.

Ilay resaka famindram-po manko dia misy asa ataon'ny ankilany lazaina eo ary midika izany fa efa mametraka avy hatrany ny tena aty amin'ny an-daniny izany isika. Io dia fahadisoam-piheverana iray novoizina lalina dia lalina fa tsy avy hatrany dia nomena ny fahamarinana ny maha-izy azy ny olombelona. Toy ny nomena olana noforonina ny olombelona momba ny famindram-po. Io olana io dia ny fametrahana avy hatrany aloha hoe tsy misy ifandraisany amin'Andriamanitra ny olombelona fa mpanota avokoa.

Fehiny: sarintsarina fahadisoam-piheverana no napetraka ary lasa mamaha iny olana sarintsariny iny avokoa ny olona rehetra ka manjary lany andro ny amin'izany.
Misy anefa ireo efa tondro zotra momba ny maha-iray ao amin'ny Ray voalazan'i Kristy ary io no tokony horaisina am-pahatsorana.

Zavatra tsotra no tokony iainantsika, dia ny maha-madio azo tarafina antsika, ny fiverenantsika toy ny zaza, ny fanetren-tena ary ny fahatsorana. Ireo dia midika ny fahatsoran'Andriamanitra fa tsy mampisy olana foronina ka mahavery saina ny olombelona satria toy ny misambo-drivotra ihany izy ary mamaha olana tsy misy.

Eo amin'ilay hoe Ny mibebaka dia tsy manao intsony sa tsy manao intsony dia vita?

Tsy mitombina io fanotaniana io satria fahamatorana ny mibebaka fa tsy safidy atao hoe tsy hanao izatsy na izaroa intsony satria napetraka tao anatin'ny vala famaritana fa tsy mety ny fanaovana izatsy na izaroa. Io dia miverina eo amin'ny faux problème voalaza etsy ambony mamandrika ny olona. Izy ihany no mamaritra toetra maromaro tsy tokony hananana nefa avy eo dia hitany fa tsy mahatozo izany izy dia henjehin'ny eritreriny. Misy fahitsiam-piheverna tokony atombina tsara fa tsy mifandraika amin'ny hevitra maromaro sy pitsopitsony ka miteraka fanontaniana tsy mitombina loatra.