Lioka 6 : 27 Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo;

28 misaora izay manozona anareo, ary mivavaha ho an'izay manisy ratsy anareo.

29 Raha misy mamely ny takolakao anankiray, dia atolory azy koa ny anankiray; ary raha misy maka ny lambanao, aza lavinao na dia ny akanjonao aza.

30 Omeo izay rehetra mangataka aminao; ary raha misy maka ny anananao, dia aza manaraka izany aminy.

31 Ary araka izay tianareo hataon'ny olona aminareo, dia mba ataovy aminy kosa.

32 Fa raha izay tia anareo ihany no tianareo, inona moa no soa tokony ho azonareo? fa na dia ny mpanota koa aza mba tia izay tia azy.

33 Ary raha izay manisy soa anareo ihany no asianareo soa, inona moa no soa tokony ho azonareo? fa na dia ny mpanota aza mba manao izany ihany.

34 Ary raha mampisambotra izay antenainareo fa mbola hanonitra hianareo, inona moa no soa tokony ho azonareo? fa na dia ny mpanota aza mba mampisambotra ny mpanota, handraisany toraka izany indray.

35 Fa tiava ny fahavalonareo, ary manaova soa, dia mampisambora, ka aza kivy na amin'inona na amin'inona, dia ho lehibe ny valim-pitianareo, ary ho zanaky ny Avo indrindra hianareo; fa Izy mora fanahy amin'izay tsy misaotra sy ratsy fanahy.

36 Aoka ho mpamindra fo hianareo mba ho tahaka ny Rainareo, Mpamindra fo.

37 Ary aza mitsara, dia tsy hotsaraina hianareo; aza manameloka, dia tsy hohelohina hianareo;

38 omeo, dia mba homena hianareo; fatra tsara sady ahintsana no afatratra ka mihoatra no homeny ho ao am-pofoanareo. Fa izay fatra ataonareo no hamarana ho anareo kosa.

Efa nisy fotoana ihany niresahana ity lohateny ity na mitovitovy aminy teto amin'ity sehatra ity raha tsy diso aho (ary toa i fidinirina ihany angamba no nandroso azy raha tsy diso aho).

Raha raisina ara-bakiteny sy jerena maimaika ireto andininy noraisin'i fidinirina ireto dia mety alaim-panahy ny maro hilaza fa olona natao hiaritra "trèfle" (hoy ny fitenenana) ny Kristiana.

Izay tokoa anefa ve no tiaNY lazaina eto ?

Ny fiaretana "trèfle" amiko dia famporisihina (ankolaka) ilay heverina fa nanao ny tsy mety hanohy izany fanaony izany ihany. Izany hoe mariky ny tsi-fitiavana izany amiko satria mijery arina an-tava, tsy miteny ny zavatra tsy mety.

Ilay famelan-keloka tsy maintsy ataon'ny Kristiana dia mitaky fahatsiarovan-tenan'ilay nanao diso. Rehefa tsy mahatsiaro tena izy dia anjaranao ny miteny azy am-pitiavana (araka ny voalaza ao Matio 18). Rehefa tsy azonao izy dia anjaranao ny mivavaka ho azy : tsy ianao no mamela heloka eto fa ankininao amin'Andriamanitra ny "raharaha". Ilay fanankinana ny "raharaha" Aminy dia midika fa esorina ao am-po ny mety ho alahelo vokatr'izany (déchargé-na any Aminy daholo fa tsy misy ajanona ao anaty tsy akory).

Fehiny : amiko ireo andininy ireo dia milaza ny tokony ataon'ny Kristiana rehefa mahatsiaro tena amin'ny tsy mety nataony ny olona iray !

Mikasika ilay andininy 29 ohatra dia efa nisy fanazavana nentina ihany teto. Ahoana ny fampiharana nasehon'i Jesoa rehefa nisy namely (tahamaina) Izy ? Nangataka fanazavana Izy : inona no ratsy nataoko no nofelahanao Aho hoy Izy (na mitovitovy amin'izay fa ialako tsiny fa tsy tadidiko ny tena izy).

(Izany hoe rehefa voaporofo fa mendrika ilay tahamaina tamin'ny takolaka havanana vao atolotra ny havia angamba !)

Averiko indray fa fomba fijeriko ihany anefa io ka ialako tsiny amin'izay mety tohina !

Bor2lais:
Ny fiaretana "trèfle" amiko dia famporisihina (ankolaka) ilay heverina fa nanao ny tsy mety hanohy izany fanaony izany ihany. Izany hoe mariky ny tsi-fitiavana izany amiko satria mijery arina an-tava, tsy miteny ny zavatra tsy mety.

Izay ilay izy, Raha vao tsy ao ilay mitory dia izay hevitr' se izay no mipetraka.Very maina ilay fiaretana trèfle. Ilay famelan-keloka tsy maintsy ataon'ny Kristiana dia mitaky

fahatsiarovan-tenan'ilay nanao diso. Rehefa tsy mahatsiaro tena izy dia anjaranao ny miteny azy am-pitiavana (araka ny voalaza ao Matio 18). Rehefa tsy azonao izy dia anjaranao ny mivavaka ho azy : tsy ianao no mamela heloka eto fa ankininao amin'Andriamanitra ny "raharaha". Ilay fanankinana ny "raharaha" Aminy dia midika fa esorina ao am-po ny mety ho alahelo vokatr'izany (déchargé-na any Aminy daholo fa tsy misy ajanona ao anaty tsy akory).

Ok!

(Izany hoe rehefa voaporofo fa mendrika ilay tahamaina tamin'ny takolaka havanana vao atolotra ny havia angamba !)

ihihihih! Mampihomehy koa se ty ka!

Fa miaraka amin'ireo andian-tsoratra masina ireo koa misy tadidiko hoe : "Tiava ny fahavalonao... valio soa ny ratsy... fa raha manao izany ianao dia manambatra vain'afo eo an-dohany" fa tsy tadidiko hoe aiza no misy azy. Io rehefa atao pratique tena mahamay mihitsy kosa ilay fahavalo satria voan'ilay hoe "aleo enjehin'ny omby masiaka toy izay enjehin'ny eritreritra" an !
Fa raha jerena amin'ny lafiny izao tontolo izao koa io dia, ny fahavalo anie, raha te-handroso ianao, tsy natao hasian-dratsy e ! matoa iny eo anoloanao eo, misy ilànao azy izay izy, lol

Bor2lais:
Ny fiaretana "trèfle" amiko dia famporisihina (ankolaka) ilay heverina fa nanao ny tsy mety hanohy izany fanaony izany ihany. Izany hoe mariky ny tsi-fitiavana izany amiko satria mijery arina an-tava, tsy miteny ny zavatra tsy mety.

Izay ilay izy, Raha vao tsy ao ilay mitory dia izay hevitr' se izay no mipetraka.Very maina ilay fiaretana trèfle. Ilay famelan-keloka tsy maintsy ataon'ny Kristiana dia mitaky

fahatsiarovan-tenan'ilay nanao diso. Rehefa tsy mahatsiaro tena izy dia anjaranao ny miteny azy am-pitiavana (araka ny voalaza ao Matio 18). Rehefa tsy azonao izy dia anjaranao ny mivavaka ho azy : tsy ianao no mamela heloka eto fa ankininao amin'Andriamanitra ny "raharaha". Ilay fanankinana ny "raharaha" Aminy dia midika fa esorina ao am-po ny mety ho alahelo vokatr'izany (déchargé-na any Aminy daholo fa tsy misy ajanona ao anaty tsy akory).

Ok!

(Izany hoe rehefa voaporofo fa mendrika ilay tahamaina tamin'ny takolaka havanana vao atolotra ny havia angamba !)

ihihihih! Mampihomehy koa se ty ka!

OHABOLANA 25 : 21 Raha noana ny fahavalonao, omeo hanina izy;
Ary raha mangetaheta izy, omeo rano hosotroiny;22 Fa raha manao izany hianao, dia hanambatra vainafo ho eo an-dohany,
Ary Jehovah no hamaly soa anao.
ROMANA 12 : 19 Ry malala, aza mamaly ratsy, fa omeo làlana ny fahatezerana; fa voasoratra hoe: "Ahy ny famaliana; Izaho no hamaly, hoy Jehovah" (Deo. 32: 35).20 Fa raha noana ny fahavalonao, omeo hanina izy; raha mangetaheta izy, omeo hosotroiny; fa raha manao izany hianao, dia hanambatra vainafo ho eo an-dohany(Ohabolana 25 : 21-22)

Ity Tenin'i Jesosy ity no mahafehy ny zavatra tiana hampitaina rehetra ao amin'ny Baiboly dia ny Fampiraisana = Fitiavana ao amin'Andriamanitra

32 Fa raha izay tia anareo ihany no tianareo, inona moa no soa tokony ho azonareo? fa na dia ny mpanota koa aza mba tia izay tia azy.

Midika mazava io fa hoe iray ihany isika olombelona fa aza misara-kevitra ka ny antoko iray dia hilaza fa ary no lalana, ary ny antoko iray handrirotra ny lalana mifanohitra amin'ny iray. Antoko roa mifanohitra ny mpifahavalo ary ny samy antokony dia mifankatia hahatojo ireo heviny avy. Raha mifandona ireo dia mamono ny iray. Miaina anaty fankahalana izy izany na dia fitiavana be aza no ataony amin'ny mpiray antoko aminy. Koa tsy misy soa ho azy izany na dia kely aza. Tsy manana ny fomban'Andriamanitra izay tia ny voariny izy (na ratsy io na tsara) fa mikobona ao amin'ny finoany izay anaty faribolana na gadra mihitsy aza no azo ilazana azy.

Ny Fahalalàna io sitrapon'Andriamanitra ny hanafaka amin'ny gadra io no itombenan'ny fanamarihina rehetra amin'ny andinin-tsoratra masina voalaza.

Ny sitrapon'Andriamanitra dia tsy hita ao amin'ny alalan'ny teny fa amin'ny alalan'ny fifandraisana amin'ny rehetra sy ny tontolo misy ary fiatrehana ny zavamisy ka misokatra, mandray sy mihaino ilay bitsika lalina avy any ampo ny fanahinao!

Soanja:

Ny sitrapon'Andriamanitra dia tsy hita ao amin'ny alalan'ny teny fa amin'ny alalan'ny fifandraisana amin'ny rehetra sy ny tontolo misy ary fiatrehana ny zavamisy ka misokatra, mandray sy mihaino ilay bitsika lalina avy any ampo ny fanahinao!

Ny Teny voasoratra izay dinihina kosa anefa dia famaritana ny toetra lalina izay mivoitra eo amin'ny fiainan'ny olombelona nohariana. Ka ny Tenin'Andriamanitra dia tsara hanovozana izay fahitsiam-pijery tiany hampitaina.
Tsy hoe mandà ny tenin'i Soanja amin'izany fa anisan'ny fanamafisana na tondro zotra ny Tenin'Andriamanitra ampanoratiny ny olona hapivoitra tsara ilay bitsika lalina avy ao am-po amam-panahy, indrindra fa ny Fanahy Masina izay ao amintsika ary mampifandray Azy sy isika voariny.

ka ilay teny voasoratra .. indrindra raha boky 1 anie ry miharena dia hita taratra izoa fa dia samy mi interpreter sy mitsimpotsimpona an'iny araka izay mahafalifaly ny fony ny tsirairay e

Ka io tokoa no maha-mamy toy ny tantely ny Tenin'Andriamanitra ko!

Tsy hoe izay mahafalifaly ny fony indray no azoko handraisana azy fa izay mihitsy no fara-fahalalàny na fahatakarany ny Teny dia izay no lazainy.

Ny mety aloha dia ny hoe tsara kokoa raha toa ka mahita fahadisoam-pijery no manitsy na manome safidim-pijery, ka miezaka maka ny toeran'ilay manambara hevitra mitsingevana aloha vao manazava ny hevitra mitombina.

Dia azontsika hatao mihitsy ny manao hoe : hevitro io an! ka raha hiteny ianao hoe marina izany dia somary mahitsy fijery kokoa aho izany teo amin'ilay sehatra niadian-kevitra fa raha tsy maharesy lahatra anao kosa dia tsara raha manana foto-kevitra mafonja ianao ahafahana miteny fa tsy mety izay lazaiko dia anjarako indray amin'izay no miteny hoe marina ny anao.

Tsy dia hoe défi ilay izy fa mba ahafahana miala amin'ilay fatotra mahazo ny olona amin'ny interprétation diso e!

Ny tsara dia tsy hoe tonga dia tapahina ny serasera raha vao boky 1 ihany fa aleo aza miresaka hatrany indrindra fa toa an'i ika efa namaky boky maromaro io mba hampihitatra ny horizon fa tsy mikombona.

Ok! Mitovy hevitra tanateraka an' Miharena aho, misy manakiana nefa tsy manome ny maha diso ny hevitry ny hafa na manolotra ny heviny mba hentina manitsy ilay diso akory.

Ka io tokoa no maha-mamy toy ny tantely ny Tenin'Andriamanitra ko!

Tsy hoe izay mahafalifaly ny fony indray no azoko handraisana azy fa izay mihitsy no fara-fahalalàny na fahatakarany ny Teny dia izay no lazainy.

Ny mety aloha dia ny hoe tsara kokoa raha toa ka mahita fahadisoam-pijery no manitsy na manome safidim-pijery, ka miezaka maka ny toeran'ilay manambara hevitra mitsingevana aloha vao manazava ny hevitra mitombina.

Dia azontsika hatao mihitsy ny manao hoe : hevitro io an! ka raha hiteny ianao hoe marina izany dia somary mahitsy fijery kokoa aho izany teo amin'ilay sehatra niadian-kevitra fa raha tsy maharesy lahatra anao kosa dia tsara raha manana foto-kevitra mafonja ianao ahafahana miteny fa tsy mety izay lazaiko dia anjarako indray amin'izay no miteny hoe marina ny anao.

Tsy dia hoe défi ilay izy fa mba ahafahana miala amin'ilay fatotra mahazo ny olona amin'ny interprétation diso e!

Ny tsara dia tsy hoe tonga dia tapahina ny serasera raha vao boky 1 ihany fa aleo aza miresaka hatrany indrindra fa toa an'i ika efa namaky boky maromaro io mba hampihitatra ny horizon fa tsy mikombona.

amiko aloha tsy mitombina ilay hoe mamy nohon'ny tantely de hoe io ihany e, satria dia lasa ny 80%n'ilay izy de lasa interpretation'olona aby
->porofo voalohany, io ange no nampipotipotika sy nampisaratsaraka ilay fiangonana bedebe ankehitriny e
aza adino ary hatreho ny realitte fa ny mpiondana t@ boky tokana no nisamatsamaka be ankehitriny?
de hoy aho aminao hoe satria nahoana? de raha mamy tokoa ve io na avy @ Atra de nampisaraka?

aoka aloha na iznay aza hazava fa ny tiako hahatongavana de hoe avaho ny hoe " baiboly" sy ny hoe "tenin'Atra"
satria amiko tsy ao ihany

Ka ny Tenin'Andriamanitra dia tsara hanovozana izay fahitsiam-pijery tiany hampitaina.

Ekeko tokoa izany saingy izay teny voalaza= soratra izay ohatra dia ny bitsiky ny fon'ilay mpanoratra avy amin'Andriamanitra.

Saingy inoako fa ny bitsiky ny foko manoro ny sitrapon'Andriamanitra amiko dia mety tsy avy any amin'ilay soratry ny hafa fa ilay traikefa iainako eo no ahafantarako azy.

Amiko dia samy entanim-panahy daholo isika olombelona rehetra indrindra rehefa mivoitra Andriamanitra eo amin'ny fiainantsika ary ny sitrapoNy dia milaza ny momba azy sy ny miseho avy hatrany mibaribary raha mamaky ny fontsika madio tsy misy raorao isika. Amin'iny fotoana iny dia mety handray kahie aho ary hanoratra toy ireo nentanim-panahy hatramin'izay ka hatramin'izao ka nanoratra. Miresaka amintsika lalandava Andriamanitra ary ny sitrapony dia hitantsika mazava saingy odiantsika tsy heno/ hita matetika nohon'ny fahalemen'ny nofo!

Izay bitsika anaty izay indrindra no antony ahafahana mandray ny hevi-pandraisan'ny olona tsirairay ny ataony hoe Andriamanitra ka mora hita ny hevitra misafotofoto vokatry ny fijerena ivelany fa tsy ny fandalinana ny vontoatiny.

aza adino ary hatreho ny realitte fa ny mpiondana t@ boky tokana no nisamatsamaka be ankehitriny?
de hoy aho aminao hoe satria nahoana? de raha mamy tokoa ve io na avy @ Atra de nampisaraka?

Raha ny fitsipotipotehan'ny fandraisana ny Tenin'ny Baiboly ankehitriny no jerena dia maro loatra no manao jery ivelany na manao jery an-tendrony ny voalaza ka manjary very tokoa. Raha ny Baiboly indray aloha dia boky maromaro mitambatra izy io ka ny mahita ny Fonjan-kevitra Tokana ao anatiny no hahita ny fahamarinana lazainy. Raha tsy iainana ny voasoratra dia tsy hisy fahatsapana ahafahana manamarina izany. Tantara lasa tokoa ny Baiboly saingy misy lesona be dia be azo raisina hiainana ankehitriny sy ho amin'ny ho avy. Izany akory tsy midika fa tsy tokony hovakiana izay fanambaràna azo rehetra aty aoriana izay tsindrimandrin'Andriamanitra.

Matoa amiko mitsitokotoko ny mpiondana Baiboly amin'ny filazan'i Ika azy dia mazava fa tsy mbola ampy fahamatorana ny olona mamaky izany ka tsy mahafehy izay tiana ambara (Eo ilay hoe tsy hita ilay lohany tokony handraisana azy dia miady hevitra amin'ny rambondrambon-javatra fotsiny ny olona toy ny hoe izao fa tsy izatsy no fiantsoana ny Tompo, toy ny hoe iry no izy fa tsy izatsy nefa Baiboly iray ihany no iaingana hananganana ady hevitra).

Amiko ny firafitry ny famoronana mihitsy no tsy azon'ny olona dia lasa tratran'io fandrika io izy rehetra.

Raha ny fitsipotipotehan'ny fandraisana ny Tenin'ny Baiboly ankehitriny no jerena dia maro loatra no manao jery ivelany na manao jery an-tendrony ny voalaza ka manjary very tokoa

Matoa amiko mitsitokotoko ny mpiondana Baiboly amin'ny filazan'i Ika azy dia mazava fa tsy mbola ampy fahamatorana ny olona mamaky izany ka tsy mahafehy izay tiana ambara (Eo ilay hoe tsy hita ilay lohany tokony handraisana azy dia miady hevitra amin'ny rambondrambon-javatra fotsiny ny olona toy ny hoe izao fa tsy izatsy no fiantsoana ny Tompo, toy ny hoe iry no izy fa tsy izatsy nefa Baiboly iray ihany no iaingana hananganana ady hevitra).

Mitovy hevitra tanteraka aminao..

Amiko ny firafitry ny famoronana mihitsy no tsy azon'ny olona dia lasa tratran'io fandrika io izy rehetra

.Amiko manokana io dia natao tsy ho azo m satria lasa karazanny hoe zavatra tsy hita pesipesenina sy tsy voafetra no tadiavna ao anaty zavatra voafetra, ka hanahirana ihany

Hoy ika
.Amiko manokana io dia natao tsy ho azo m satria lasa karazanny hoe zavatra tsy hita pesipesenina sy tsy voafetra no tadiavna ao anaty zavatra voafetra, ka hanahirana ihany


Efa azonao izany ilay izy araka io teninao io. Rehefa azontsika Ilay tsy voafetra, ka fantatsika fa isika dia voafetra raha ara-nofo fa tsy manam-petra raha ara-panahy dia efa azontsika izany ny Famoronana.
Mila mahay miaina ao anatiNY isika dia azo tsara Andriamanitra. Fa raha tsy mahay milomano isika dia tsy mahazo Azy velively.

Zavatra norm sy fiainana anie io lazain'ny Tenin'Andriamanitra io e ! Isika aza indraindray mampihatra an'io na inona na inona toe-tsaina entintsika mampihatra azy, saingy tsy fantatsika akory hoe mampihatra azy anie isika e ! Feno dia feno anie ny Tenin'Andriamanitra e !

miharena >Amiko dia tsy ilaina azo akory Andriamanitra, ary ny finiavana hahazo azy dia mainka tsy mampahazo Azy, satria amintsika olombelona, ny atao hoe "azo" (comprehension) dia zavatra voafetra sy eken'ny sehatry saina, ny hita sy re, ary ny tsapa... ny ankoatran'izay amintsika dia "tsy azo" no iantsoantsika azy

Andriamanitra dia sady ao anatin'ny "azo" no ao anatin'ny +tsy azo
"satria misy asan'Atra metimety sy takatry ny saina sy ny fitsapana rehetra ananantsika. Betsaka koa anefa no tsy azo , tsy metimety sy tsy takatry ny saintsika sy ny fitaovam-pitsapana rehetra ananantsika"

Izay no maha Atra azy


nannie> aza fehezina @ Teny Atra... tsy mahafehy Azy izany... tsy hita pesipesenina izy

Amiko dia tsy ilaina azo akory Andriamanitra, ary ny finiavana hahazo azy dia mainka tsy mampahazo Azy, satria amintsika olombelona, ny atao hoe "azo" (comprehension) dia zavatra voafetra sy eken'ny sehatry saina, ny hita sy re, ary ny tsapa... ny ankoatran'izay amintsika dia "tsy azo" no iantsoantsika azy


Miombon-kevitra dia miombon-kevitra aminao mihitsy amin'ireo voatsipika ireo fa ny manaraka no misy ahitsiko kely satria fantatrao marina ve moa isika olombelona izay faritanao io? Saina fotsiny angaha izy? Ary aiza ary ny fanahiny? Iza no namorona azy? Iza no miteny ao anaty eritreriny sy afaka mandinika tsara izany? Ahoana izy no mahazo ny teny?

Fanontaniana bobaka be no azo lazaina raha izany fa tokony ho voafintina amin'ny hoe Andriamanitra Fanahy no manome ny fanahintsika tsirairay avy io ary Izy no afaka miteny ao anatintsika amin'ny alalan'io Fanahy iraisana io dia mi-comprendre tsara Azy isika.

Ny mampiteraka ny finiavana hahazo Azy dia io famaritanao fa manam-petra io ny olombelona. Eto dia manjary mametraka ny olombelona tsy ho isan'izay mitovy endrika amin'Andriamanitra ny olona. Dia lasa manakatra ny tsy manam-petra. Dia tena marina fa mitovy amin'ilay zaza nampiditra ranomasina tao anaty lavaka kely ka rehefa nanontanian'ilay masindahy iray iny izy (Ika mahafantatra io masindahy io tsara) dia nilaza izy hoe toy izao no ataonao rehefa mandinika ny momba an'Andriamantra ianao.

Tsy mila miherika akory anefa izy dia efa mahafantatra fa Fanahy satria ao anatiny izany ary izy mihitsy aza. Dia eo no mety ampiako kely ny teny tokony hotenenin'ilay zazakely hoe : "Inona tokoa moa no hanakaranao ny efa ao anatinao? Toy io ranomasina io (Andriamanitra ilay ranomasim-be) izay atao ao anaty lavaka kely (olona ilay lavaka kely) Andriamanitra". Dia aza manakatra Azy intsony fa mandiniha tena raha mivoana na mibirioka ny fahazoanao Azy.