Ekeo fa olo-meloka Mpanota hatrany am-bohoka ianao
Ohabolana 28.13 Izay manafina ny fahotany, tsy hambinina; fa izay mitsotra ka mahafoy azy no hahazo famindrampo.
I Jaona 1.6 Raha hoy isika: Manana firaisana aminy isika, kanefa mandeha amin'ny maizina, dia mandainga isika ka tsy manao ny marina...
1.8 Raha hoy isika: Tsy manana ota isika, dia mamita-tena, ary ny marina tsy ato anatintsika…
1.10 Raha hoy isika: Tsy nanota isika, dia mampandainga Azy, ary ny teniny tsy ato anatintsika.
Salamo 51.5 Indro, tamin'ny heloka no niterahana ahy, ary tamin'ny fahotana no torontoronina ahy ny reniko.
Romana 3.9b : «efa voalazantsika rahateo ho mpanota avokoa na ny Jiosy na ny jentilisa
3.10 araka ny voasoratra hoe: "Tsy misy marina na dia iray akory aza»
Fa io ota io no sakana manasaraka anao amin’Andriamanitra
Salamo 66.18 Raha nankasitraka ota tao am-poko aho, dia tsy mba hihaino ny Tompo.
Isaia 59.1 Indro, ny tànan'i Jehovah tsy fohy, fa mahavonjy, ary ny sofiny tsy lalodalovana, fa mahare;
59.2 Fa ny helokareo no efitra mampisaraka anareo amin'Andriamanitrareo, ary ny fahotanareo no mampiafina ny tavany aminareo, ka dia tsy mihaino Izy.
Fa i Kristy (Andriamanitra) efa tonga tety an-tany hamonjy ny olona rehetra
Romana 5.8 Fa Andriamanitra mampiseho ny fitiavany antsika, fa fony mbola mpanota isika, dia maty hamonjy antsika Kristy.
5.9 Koa mainka aza ny hamonjeny antsika ho afaka amin'ny fahatezerana ankehitriny, rehefa nohamarinina tamin'ny rany isika.
Hebreo 9.14 mainka fa ny ran'i Kristy, Izay nanatitra ny tenany tsy manan-tsiny ho an'Andriamanitra, tamin'ny alalan'ny Fanahy mandrakizay, no hahadio ny fieritreretanareo ho afaka amin'ny asa maty mba hanompoanareo an'Andriamanitra velona.
Matio 9.13 Fa mandehana ka mianara izay hevitry ny teny hoe: " Famindrampo no sitrako, fa tsy fanatitra alatsa-dra" (Hos.6.6); fa tsy tonga hiantso ny marina Aho, fa ny mpanota.
Titosy 2.14 Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.
Indro ny famelan-keloka atolony rehefa niaiky tanteraka t@ fonao tokoa ianao
I Jaona 1.7 Fa raha mandeha eo amin'ny mazava isika, tahaka Azy eo amin'ny mazava, dia manana firaisana isika, ary ny ran'i Jesosy Zanany no manadio antsika ho afaka amin'ny ota rehetra.
1.9 Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra.
Galatiana 2.20 Voahombo miaraka amin'i Kristy amin'ny hazofijaliana aho, ary tsy izaho intsony no velona, fa Kristy no velona ato anatiko; fa izay ivelomako ankehitriny eo amin'ny nofo dia ivelomako amin'ny finoana ny Zanak'Andriamanitra, Izay efa tia ahy ka nanolotra ny tenany hamonjy ahy.
Titosy 2.14 Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.
Maty noho ny fahotantsika i Kristy, efa nitsangan-ko velona ho famonjena izay mino sy mandray Azy.
I Korintiana 15.1 Ary ampahafantariko anareo, ry rahalahy, ny filazantsara izay notoriko taminareo sy noraisinareo sady iorenanareo,
15.2 izay amonjena anareo koa, raha tananareo tsara araka izay teny notoriko taminareo, raha tsy nino foana hianareo.
15.3 Fa natolotro anareo ho isan'ny zavatra voalohany indrindra ilay noraisiko, dia izao: Kristy maty noho ny fahotantsika araka ny Soratra Masina,
15.4 dia nalevina, ary natsangana tamin'ny andro fahatelo araka ny Soratra Masina.
