arialy:
saika anotany ny hevitry ny namana mahalala
nisy nilaza mantsy tamiko fa dangereux ny trotteurs sy ny youpalà amizao nefa misy olona hafa niteny fa reny iany no mapandeha ny zazakely
vaka ny saiko oe hividy sa tsia .
aona ny hevitrareo ? misaotra mialoha :)
Tsara tokoa ny fanontanianao.
Ny ao anaty atidohan-jaza ao dia tsy tonga dia feno fa mihamisandrahaka moramora sy mitatra ary mihafeno arakaraky ny fifandraisan'ny fahatsapana: maso, sofina, tanana, orona, tongotra, vava, vatana sns... misy eny aminy amin'ny manodidina azy. Zany hoe raha mbola kely ny zanakao ka volenao hirahira sy mozika sy dihy ny toerana iainany dia vetivety dia hisandrahaka ny hozatra madinidinika mikarakara izany ao anaty atidohany, dia mety hanana fahalalana momba ny mozika mihoatra ny zaza tsy niaina izany izy, indrindra moa ka raha tahiny ka manana fitaovana mifameno amin'izany ny zanakao hanaovany traikefa.
Misy zavatra iray anefa izay tena zavadehibe amin'ny fitaizana zaza, ilaina ny fahafahana manaraka ny fizotran'ny natiora izay mahaolombelona azy. Voalohany aloha dia mihetsika izy, manipaka tongotra, mampitraka tratra, manainga loha, miodina, mivadibadika, mipetraka, mandady sns... ireny hetsika rehetra ireny dia takian'ny atidoha avokoa ary manao calcul ny atidohany miasa ahafahany mamita iny ezaka ara-batana iny. Ny hozany sy ny fahatsapana miasa daholo amin'izany. Zany hoe naman'ny ilainy ny mampiasa saina hoe mila mampiakatra ny sandriko aho vao afaka mampiakatra ny lohako, vao hijery izay alehako aho, izay vao handady ho ary sy aty ary ny ity tanako havanana ity no mandeha voalohany. Natoraly ao amin'ny zaza izany tsy misy mampianatra saingy kosa isika afaka mamporisika azy hiezaka satria misy zaza somary votsa ary ao ny mavitrika sns... Fa saingy izy manokana no manao azy noho izany miasa ny atidohany.
Raha fintiniko ny tiako hambara dia hoe tsy misy tsara toy ny ahafahan'ny zaza manana traikefa natoraly. Rehefa vonona handeha izy dia hiasa ny tanany sy ny tongony ary ny masony. Hahatsapa ny hodiny sy ny balance-ny vatany hoe efa ao ve zah zany sa mbola tsy vonona. Tsy asesika handeha ny zaza fa mila avela hiasa ny sainy. Raha te hanao tata izy dia mety saingy tsy roritina akory fa izy no miezaka dia ianao lehibe manaraka. Io fiasan'ny atidoha io no mahatonga ny opala sns ho ratsy satria tsy miasa firy ny atidohany fa ilay zavatra no mitarika azy dia miridana indraindray ka zary ny atidohan-jaza no badenina. Mila miasa ny atidohan-jaza mba havitrika sy ho smart izy rehefa lehibe.
Izany akory tsy midika hoe tsy hahay handeha izy rehefa atao an'iny fa ny tiana hahatongavana dia misy steps na dingana tsy handalovany ao anaty atidohany ao satria maika asesiky ny lehibe izy amin'ny dingana tokony hakany traikefa mafimafy sy mafonja miaraka amin'ny kajikajy hahafahany ivelatra any aoriana.
Efa vita fanadihadiahana izany resako izany ary efa be ny zaza hita araka ny stat fa izay zaza zatra toloran-dava sy hamoraina ny fahalebiazany sy ny fitomboany tsy mifanaraka amin'ny natiora dia mora milavo lefona rehefa eo ampihatrehana ady maro ary matetika miankidoha lava amin'ny hafa, tsy mahavita tena na mora kivy rehefa lehibe.
