Tohizako ary ny ahy>
Ny zavatra rehetra raha niorina na namboarin\'Andriamanitra dia noho ny FITIAVANA. Nisy ny tany satria feno ny fepetra rehetra nahitan\'Andriamanitra fa tokony hisy aina ity planeta iray ity. Hamitany izany dia novoleny ny FITIAVANA.
Vao bitika ny zaza iray dia efa feno tsirin\'aina ho tsimoka hivoatra ho aina indray andro any ao anaty vatan\'ny vavy raha vavy io na lahikely. Ary rehefa feno taona izy hivoatra ho olon-dehibe na adolantseto hoy ny gasy akademia dia mihamasaka io isam-bolana ary ao ny mivoaka very satria tsy nisy firaisana , raha nisy kosa firaisana dia lasa olona indray ilay tsirin\'aina iny. Zany hoe vao kely bitika isika dia efa miomana ny ho tonga amin\'izay fitiavana goavana izay saingy miantoboka foana amin\'ny fitiavana an\'i Neny sy i Dada ary ny fiankaviana rehetra. Miparitaka maneran-tany ny fitiavana.
Zany hoe rehefa dinihina, AMIKO, dia miaina miodina amin\'io fitiavana sy fifa nintonana io daholo ny zavamanan\'aina na tsia rehetra toy ny universa izay ialofantsika izay misy ny tany. Mifanintona dia mifampipoaka, dia mamorona zavabaovao indray. Io no antsoina amin\'ny teny anglisy hoe \"The Matrix\" ka io dia enerjia miparitaka eny rehetra eny. Ny biby mifanimbolo dia mifandray, ny zavamaniry ohatra manintona ny tantely ho tonga aminy eo. Isika olombelona koa dia mamoaka io enerjia mifanintona io na dia tsy hita maso aza. Na dia ao ambadik\'ity ordinatera ity aza ny olona iray dia mahatsapa ilay enerjia mety atosak\'iray hafa ohatra.
Raha mihaona i Koto sy Soa ka nifanojo ny masony ary efa niparitaka teny foana ny enerjia dia efa misy ny matrix izay mifandray. Mihamafana io enerjia io rehefa mifanojo ny onjany ary efa velona sahady izay velona ka manome an\'i Kotosoa, ilay fanahy vaovao avy amin\'Andriamanitra. Efa miorina ny fitiavana eo amin\'io olondroa io na dia tsy mbola niray aza iry roroa. Mifanintona ny fihetsiky ny vatana, ny teny mamy ary ny fo mifangia. Ao anelanelany ao Andriamanitra. Io ilay Fitiavana. Rehefa misy ny fisintonana goavana dia mitaky daholo ny vatana hifandray . Fahatsapana tsy hay tohaina ny ao ary na lahy na vavy dia mahatsapa izany ara-batana sy saina ary ny fanahy. Farany dia miray, mitambolona ireo mpifankatia , mifampidim;piditra ary tonga ilay fiatrehana goavana hanome an\'i Kotosoa. Io ilay zaza niforona tao anaty fitiavana goavana. Izay avy amin\'Andriamanitra ilay fitiavana.
Isika olombelona raha mifankatia dia voajanahary tokoa ary tsy hay tohaina izany. Isika no mifanaiky dia vokatry ny fo tokoa fa hifaningotra ary safidy malalaka no omen\'Andriamanitra hoe afaka manao hoe Eny ianao na TSIA noho ny antony samihafa.
Tsy ny baiboly no hilaza ny vatanao hoe zao atao fa ny tenanao no hanome anao ny fahafahana izay vitanao sy mahasambatra anao ary ny fitokianao fa tsy hamitaka anao izany fitiavana tsapanao izany! Satria mantsy isika rehetra koa dia mahalala fa mamitaka ny zavatra tsapan\'ny vatana sy ny fo indraindray. Eo no ilaina miasa ny herin\'ny fanahy! Moa va tena tsapanao ilay Matrix sa herim-batana taitaitra no iainanao amin\'io fotoana io?
Tsy misy ny ota ao anaty fitiavan\'olon-droa n\'iza n\'iza satria ny fitiavana dia miorina amin\'Andriamanitra, fa raha toa kosa ka manimba ny hafa izany fifandraisana izany dia mety tsy hitarika amin\'ny mahasoa tokoa. Nisy ve ny fifanekena tao anaty firaisana? Samy mazoto ary ao anaty FITIAVANA? vonona ve ny isanisany avy handray ny andraikitra tandrify manodidina ilay firaisana SATRIA zah sy ianao samy mahalala fa afaka mamoaka zaza ny firaisana satria io nametrahan\'Andriamanitra azy? Ohatra ka tsy hanao kapoty fa hoe amin\'izao ohatra na hoe tsy hampiasa fanabeazana aizana fa alefa dia lasa sns... Raha misy ny fiterahana dia iza no handray andraikitra amin\'izany famoahana zaza vaovao izany? Vonona ve ny tokatrano handray zaza sa samy mbola olon-ko ho azy ny resaka fa tsy misy resaka tokatrano?
Raha manambady ny iray na ny izy roa dia inona no tokony ho atao, io tsy azo ivalozana fa rehefa tia dia tia! Anjaran\'ny tsirairay no mahalala izay tokony tandrify sy mahamety izany fifandraisana izany. Tsy ny hafa no hilaza fa mijanganjanga ianao fa ianao sy ny tenanao, ao anatinao ao dia efa mahafantatra na mety izany noho ny voady natao tamin\'izay nifanekena na tsia? Mahatsara ilay tiavinao ve izany firaisana izany sa vao maika aza hampiditra anareo amin\'ny kizo? Hitondra aiza ny firaisana tsy hitondra tanjona???? Raha filam-batana ilay izy dia afaka mifanaraka noho izany fa saingy ao anaty Fitiavana ve sa ve dia filana tsy misy fitiavana?
N\'inona n\'inona miorina tsy ao anaty fitiavana dia diso eo anatrehan\'Andriamanitra amiko. Satria io fitiavana io no nampisy antsika ary manodina antsika. Ny ankoatr\'izay dia manimba ary tsy mitondra ny saintsika sy fiainantsika ho soa.
Diniho ilay firaisana fa tsy vitan\'ny ara-batana velively akory fa ara-tsaina sy ara-panahy koa satria ireo no mitambatra no atao hoe Fitiavana.
